اكتب لكم بعد ماضربني زوجي وكسر البيت على راسي.. طلبت الطلاق فهل تصرفي صحيح

السلام عليكم
بنات اكلمكم وانا بعز الالم قسما بالله
امس صارت بيني وبين زوجي مشكله كبيره
عباره عن تراكمات لعده خلافات
وهو سبني وانا سبيته واخر شي كفخني
ضربني ضرب سنه بساعه
وصفعني كف على وجهي للحين ما اقدر اكل بسبته
وحاول يخنقني ومخشني
وكل جسمي كدمات وجروح
حاولت اطقه وادافع عن نفسي وهو طقني اكثر واكثر
وكان ولدي يصرخ ويشوف اللي يصير وهو عمره 8شهور
طلبت منه يطلقني ورفض وجلس يتوعد انه بيربيني الخ
قسما بالله مانمت طول الليل وانا ادعي عليه واتحسب
وهو قام لداومه ولبس وباس راسي وقال كله منك انتي خليتيني اسوي كذا!!
وراح دوامه.. وانا شفتي تنزف وموقادره اتحرك ابداااا
دقيت على سواق اهلي وعالسريع لميت اغراضي واغراض ولدي
ورحت بيت اهلي.. دخلت عندهم وقلت اني طايحه ومواصله ورحت نمت بغرفتي وتركت ولدي معهم.. وتوي صاحيه


وزوجي دق علي يهاوش وليه تطلعين بدون اذن ياللي ماتستحين الخ
وجلس يخترع لي سالفه عشان اقولها لاهلي لانه يعمل حساب لهم
قلت له جزاك الله خير وقفلت الخط
وارسلت له مسج كتبت له اني بنت ناس ولي اهل يتفاهم معهم وبعلمهم بكل شي
واني ابي الطلاااااق ولااقبل اعيش بألم وذل والا يسبب لي عاهه
وانا فعلا للحين اوجاع بكل جسمي والله يستر
وهو حاول يتصل بس قفلت جوالي

اتعس شي لما تكون حياتك رخيصه بعين زوجك
صحيح اني جرحته بالكلام وقسيت عليه، بس مو مبرر انه يجرم فيني كذا
انا كرهته كره عظيم من فعايله فيني ويارب عوضني خير
بس للحين ماقلت شي لاهلي
علما بانه مو اول مره يمد يده.. بس بالعاده لي ذراع او ضربه كتف
هالمره كفوف وخنق ورفعني من فوق ورماني وقطع شعري
باختصار تمادى.. بس قدر ينام ويقوم ويتشيك ويعتذر عالسريع ويطلع
ماكأنه مسوي شي
هاينه علي نفسي والله


تكفون ساندوني او ادعوا لي