انا رائي غير رائي الباقين . خليه يرضيك رضوه كبيره يعني مبلغ كبير او ذهب بمبلغ كبير . ولا تقولين شيء لاهلك وقولي له اخر مره والا بعدين اندمك قدام اهلي واهلك . تري الرجال الي زي زوجك يحب المرأه الي تاخذ حقها وتكون واضحه . وانتي الله يهديك ماله داعي طولة اللسان على زوجك عشان مايتعود يمد يده عليك . والله اذا تعود يصير يصبحك ويمسيك بضربه . الزوجه هي الي تفرض على زوجها يحترمها باحترامها لنفسها والله لو يكون همجي ومتخلف وماعنده ذوق رح يحترمها ويعاملها بذوق لانها تحترم نفسها وما تتلفظ عليه . اتمنى لك التوفيق

شوفي ياقلبي بفهمك كلام حطيه حلقه باذنك

للاسف انك تبين ترجعين له, وهذا مالنا دخل فيه ولا نقدر نقول لك عليه شيء, لان لو صار الطلاق ماحد بيعيشه غيرك... وبما انك واضح لك نية ترجعين له... لاتقولين لاهلك شيء لسببين:
الاول, انك تبين يبقى عندك ورقة ضغط على زوجك يخاف منها وهي نظرة اهلك له... وهو الان تلاقينه قاعد يتحلطم وخايف اهلك يعرفون... فتجاهليه تماما ولا تكلمينه ولا تعطينه وجه وخلي جوالك مسكر واجلسي في بيت اهلك الييييييين ماتروقين, ان شاء الله شهرين والا ثلاث واربع بعد.... حقك لاجل يعرف ان الضرب مو لعبة...
والثانية, لان لو اهلك فعلا اخذوا موقف (والمفروض يكون انهم يضربونه مثل ماضربك لاجل يعرف ان ضربه لك وراه ضرب له), مستحيل ينساها حتى لو رجعك وبيصير بينكم احقاد ومشادات وشيء داخلي الرجال والله لو تنطبق الارض ماينساها ولا يسامحك عليها حتى وهو الغلطان... يابعض الرجال يحقد حقد جمل.... والي يخوف بالموضوع ان ردة فعل اهلك ممكن ماتكون بالدرجة المطلوبة! يعني ممكن مايكسرون عظامه ويخلونه يحس بالي سواه فيك! ويكون رد فعلهم بس كلام... وساعتها بتروح هيبة اهلك وبيحس ان حدكم كلام! (وانا مثل ماهو واضح مع ان اخوانك يمسكونه بزاوية ويكسرون عظامه تكسير حتى يعرف معنى مدة اليد)

فانا شايفة ان تصرفك الى الان سليم... اهم شيء تطوووولي على ماترجعين لاجل يفكر الف مرة بالي سواه... وماترجعين الا برضوة على الاقل 10-15 الف تكسر ظهره... واذا رجعتي قولي له انا مارجعت الا لاني مابي الناس مستقبلا يتشمتون بولدي ويعيرونه باخلاق ابوه... لكن المرات الجاية والله لا اخلي اخواني ياخذون حقي بايدينهم...

واذا تكرر منه الضرب... انسي كل الي فوق وعلمي اهلك وخليهم يجلدونه جلدالي مانيب قايلة لاجل مايحسب الدنيا سايبة.... انا اشوف دامك تبين ترجعين تعطينه فرصة بس هالمرة... وتأدبينه بانك ماترجعين له الا بطلعة الروح حتى يحس انه خسرك واستمري في طلب الطلاق عنده حتى يحس انك بايعته ويتأدب... (هو ماراح يطلق لان اغلب الرجاجيل مايبون يبدؤون من الصفر وهم كحيانين ومنتفين)

هذا كله مايعني انك ماتراجعين تصرفك... لان صحيح هو غلط, بس ايضا لك دور بالي صار... واذا فعلا ماتبين تصرفه يتكرر.. تاكدي ان تصرفك انت ايضا مايتكرر

علمي ابوك وقولي كيف اتصرف ابغاه يتأدب ولايعيدها ويعرف ان وراي ظهر وسند
ووضحي لابوك لو كنتي ماتبين الطلاق عشان يعرف يتصرف ويأدبه بالطريقه اللي يشوفها
الله يفرج همك وييسر امرك ويصلح الحال ويهدي النفوس

من رايي تروحي المستشفى وتاخذي تقرير بانه ضربك وتشتكي عليه ويكتبون عليه تعهد
ومايفكر انه يضربك اما الطلاق صعب بينكم ولد

كلام ليال الفجر عين العقل
بس معقول اهلك ماحسوا في اشي ولا سألوك ليش انتي عندهم؟