ولدي كان بس يرجع وحراره واسهال وانتم بكرامه وديته المستشفى ونوموه 12 يوم ولانفع الحراره ماتنزل ابد والتطريش مستمررررحطوه بعزل يحسبون فيه مرض معدي وسووله تحاليل الحمى الشوكييه كان مشتبهين فيه وطلع مافيه شيء جلسنا بالمستشفى وطلعونا ماعرفو وش فيه طلع من المستشفى ونفس حالته لدرجه فقدت الامل قلت شكله بيموت خلاص لان صار مثل السلك نحيف حيل وديناه لحريم نصهم يقولون مافيه شيء وحده قالت عظيم لفزته مانفع المهم اخر شيء وديناه لحرمه بعيده عنا سافرنا لها قالت فيه عظيم ووخيه ولازم اكويه لان حالته متاخره وتكويه 13 كويه تخيلي اربع بالراس والباقي بالبطن ونرجع لبيتنا جلسنا كم يوم قام الولد مافيه شيء ماشاء الله لاقوه الا بالله العلي العظيم وصار يرضع وياكل الحمدلله كما ينبغي لجلال وجهك وعظيم سلطانك وولد اختي ماكان فيه شيء ابد بس فجاه صار بس يرجع اي شيء يشربه لو مويه يرجعها على طول ماتجلس بطنه تخيلي ودوه لكل الدكاتره خاص وحكومي قالو مافيه شيء سليم وودته لحرمه قالت مافيه الا الوخيه المهم ماطاب الولد بيموت وراحت للمداويه هذي اللي عالجت ولدي قالت لها هذا طايح على بطنه وكوته كويه وحده بس على الكبد رجع الولد ماشاء الله لاقوه الا بالله مافيه شيء وقف الترجيع للعلم هو بالفعل طاح على بطنه ومن بعده جاه الترجيع
وبنتي تخيلي ملترضع ابد ابد يعني تصورين ناتحط الرضاعه بتجي تمصها ماتقدر وديته لكل الدكاتره يقولون سليمه مافيها شيء والبنت ابد ماترضع لو نص ملي مافي امل وديته حرمه قالت فيها عظيم ولفزتها يوم جينا البيت زادت حالتها صارت بس تصيح وارتفعت حرارتها شكلها ياجرحتها او عورت حنوكها مدوي وش سوتلهارحتى شوفي موضوع كاتبه عن بنتي المهم ووديها حرمه ثانيه قالت عظيم والفزتها وصار لها نفس المره الاولى ارتفعا حرارتها وزادت حالها سوء فقدت الامل صرت احطلها بالشفاط واصب شوي شوي عشان تذوق ماتموت علي وبس ابكي ليل ونهار البنت بتموت واروح لوحده الله يجزاها خير ويوفقها قالت اللي بنتك عظيم وحطت صبخه على راسها وبعد ثلاث ايام غسلتها وصارت ترضع ماشاء الله لا قوه الا بالله ورجعت لطبيعتها ورجع لها العظيم بعد كم شهر واروح اوديها لمداويه اللي وديتها ولدي سافرنا لها قالت هذا عظيم من يوم انها ولدت معها ومضعف. حالتها والفزتها ثلاث ايام ورى بعض واللهم لك الحمد كما ينبغي لجلال وجهك وعظيم سلطانك صارت ترضع تخيلي قبل لاتلفزها مان بنتي بصدرها بلغم قوي وكحه وماتنام بليل ابد وبعد مالفزتها تعافت الحمدلله

وحده اعرفها كان ولدها اربع وعشرين ساعه بالطبيب بخار صدره يقولون الدكاتره حساسيه بصدره ودايم يتعب المهم ودته حرمه بالذيبيه معروووووفه قالت لها ولدك فيه نسيت شسمه ببطنه وكوته وصار الولد ماشاء الله لاقوه الا بالله متعافي وصدره تشافى ماصارو يروحون الطبيب عشان البخار تشافى صدره وحاله تحسنت اللهم لك الحمد والشكر


اللي بغيت اوضحلك من كلامي ان يمكن الطب الحديث يعجز عن بعض الامراض وسبحان الله اللي حط علاجها بايد ناس ثانيه ووللمعلوميه احتمال ولدك فيه شيء ببطنه يعالجه الدكاتره بس مالقى احد يكشفه زين ويسوي له تحاليل مناسبه لازم اكرر واقول دكتور خبير وشاطر الكل يشهدله لازم تخلينه يسوي اشعه دقيقه جدا تشوفين ليش يرجع وتحاليل الحساسيه من بعض الحليب والاطعمه اذا الكل قال مافيه شيء ابد وديه لمداويه خبرررره ومشهووود لها واستخيري قبل كل شيء

وولدك يوم يطق راسه يمكن اسنان بتطلع له لاتعطرين وتبخرين البيت ترا يستشم حتى المنظفات بعديه عنه عطيه فيتامين دال وكالسيوم يصرفه الدكتور له تطلع اسنانه خاصه هو مايضرب الحليب زين
وترا اللي نفع مع ناس يمكن ماينفع لولدك هي اسباب يكتبها ا لله للناس وصدقيني الصدقه والدعاء بخشوع وتذلل بين يدي الله وخلي سوره البقره بصوت احمد العجمي يعجبني كثييرر والرقيه الشرعيه بصوت عبدالله السدحان دايم شغالها ولاتنسين نصيحه لوجهه الله لان لو فيكم عين بيحميكم التحصين ضروري ضروري كل صبح على الفجر وعلى اذا المغرب لك ولولدك وزوجك وبيتك حصني بيتكم عشان لو فيكم عين ماترجع لان التحصين يحميكم باذن الواحد الاحد ولاتنسين الاستغفاررر خلي لسانك اربع وعشرين ساعه تستغفرين لاتعصبين على ولدك هو مابيده شيء لجيتي تهاوشينه او تطولين صوتك عليه استغفري وتعوذي من ابليس

ادري ردي طويل حيل ووممل بس اقسم بالله معاناتك اثرت فيني ولاني مريت بحاله مشابهه وحبيت اوضح لك

الحين مانمت تخيلي مواصله بنتي حراره وتطريش لها اسبوع ونص وكحه قويه الله يشفيها يارب وان شاء الله ماراح انساك من الدعاء اللهم اشفه شفاء لايغادر سقما

الله يشفيه يارب ويرفع عنه

اغليها شوي مو كثير بس حتى تحسي ان المره ذابت في الزيت واستخدميها

الله يجزاكم خير على دعواتكم
اختي عبير ماقصرتي الله يحفظ لك عيالك بجرب الليلة والله كريم
اختي فوشية اللله يجزاك خير ارسلي لي رقم الحرمة اللي تعالج وعنوانها الله يوفقك
مشاركاتي ماتسمح ارسلك

الله يشفيه يارب ويلبسه لباس العافيه ويخليه لك ...