Miss iss

Miss iss @miss_iss

عضوة جديدة

اكتشفت اني فقيره/ قديم

الأسرة والمجتمع

بسم الله الرحمن الرحيم

الموضوع واضح من عنوانه الشعور بدجه شيئا عظيم ..
كنت اعيش بفلوس الكليه بس مابهن بركة وايام الكليه لبسي يفشل خلوني ساكته لا والمصيبه احسب اني كشخه بس يوم بديت اتفتح شوي عرفت اني خلقوونه :confused: تعرفون نظام البنات الي يلبسون سترتش اي اي انا منهم كنت اشتري ع قد قريشاتي :happy: وخواتي بشفوني وووين ضعيفات يومت عرفت ع بنات شيك حسيت بالنقص لاتقولون تشوفين الا فوقك هذا شعور يفرض نفسه وكنت اتشحذ ابوي يوم الشتا يقول معاتس فلوس الكليه :11: ومحد ياخذ منتس شي وعقب جهدا جهيدا قال امشي اجيب لتس حق الشتا وشنطة لانه بداية سنه جديده :35: المهم تقطعت وسجدت سجود الشكر اني اخيرا بكشخ لان لبسي مكرر وابوي اذا دفع يدفع 300 على البلوزه عاتشي المهم ياليتني ماشحذت وقعدت في بيتنا والله يااني جتني حاله نفسيه من هالروحه:11: وداني محل اقسمبلاه احسه مهجور وشرالي جكيت فروه يقول علشان ماتوسين ابرد :sad::sad: وقال امشي تقوسي يايبه فشيله قال مسكني ودخلني وصط الفروه تخيلو شكلي وانا لابسه العباه من الفشيله قلت كبري كبري وقال يالله وانا ابوتس<<يحسبني متشققه من الوناسه وداني المكتبه م ك ت ب ه عشان يشتريلي شنطه وكان زحمة رجال وبنات وانا شكلي يالله لك الحمد طالعه ع عجله ونقاب متعرفط له شهور ماكوت <من قل الطلايع هالمهم جت الفشيله الي تمنيت اني لم اخلق ووسط الزحمة قال ابوي يامحمد قال ابو هنووود نئئم وناس حولنا ابو صوته يسمعه من قو انه ينادي الحدود قال جب جب شنطة حق كليه وشنطة ثانيه حق ثانوي < جايب شنطة لاختي مفاجأة الناس تضحك اتذكر ذاك ابو سكسوكه واخته تمزعوا من ضحك والبزر الي يخز ابوي وابوي يتميلح يحسبهم معجبين فيه انا وقفت وكتوفي نازله قلت لامر صرت اضحوكة للعالم الوكاد ابو هنود ماصدق على الله جاب شنطه مانساها دبلوماسيه قماش وحده جلد وثانيه كاروهات ........ ومرت الايام ووسنون وضروس هامزح اقصد بس سنون وتخرجت وقعدت في البيت انتظر حافز :happy: قسم يمر الايام والشهور ومايكون حتى العشره معي وبديت افكر حسيت اني صدز فقيره لكن الفقر مب عيب لكن اكتشفت متاخرة بذا شي والله الرازق لكل عبدا قال يارب (حبيت بس افضفض ) :04:
32
6K

هذا الموضوع مغلق.

للاسرار خيوط
للاسرار خيوط
الله يرزقك من واسع ابوابة
حبيبة ميدو----
حبيبة ميدو----
ههههههههههههههههه
اخ بس خله بالقلب تجرح لا تطلع لبرى وتفضح
أذكر أبوي أيام الابتدائيه كان يابسني هذا جكيت أبو فروه ويلبسني حجاب و يربط الحجاب من ورى
هههههههههههه
وأذكر كان مره ودانا المدرسه بدتسن والأحواض حقت الغنم بالغماره
عادي شبعنا جروح ولا السروال الي من تحت الثوب
والحاله حاله ترى الي يجرح أكثر أن أبوي ماهو بدوي أبوي حضري متعلم ومثقف لكن ليش كذا ماأدري
أنوسا99
أنوسا99
هههههههههههههههههههههههههههههههههه
اسلوبك يضحك
ماحسيتي بالفقر الا يوم فكرتي
لاتفكرين بالماضي
راحت الايام باللي معاها
..
الله يرزقك من وااااسع فضله
بكل سجده ادعي
ذكرى الفجر
ذكرى الفجر
الله يعين وانا اختك الله يرزقني ويرزقك من فضله
مجدولـــــينا
هههههههههههههههههههههه
ياحلوك حبيتكمن خفة دمك
شوفي ياحلوه لازم تسوين كذا شي وبيجيك الرزق باذن الله
اولا: الدعاء مثل (ربي اني لما انزلت الي من خير فقير) (اللهم اكفني بطيب حلالك عن حرامك واغنني بفضلك عن من سواك)
ثانيا: الاستغفار واكثري منه وبيجيك الرزق باذن الله
ثاتثا : قدمي على وظائف دوري بالنت عندك موقع طاقات وموقع حلول البطاله واغلبها ترسلين سيرتك الذاتيه على الايميل او تعبين بياناتك كلها وانتي قاعده مايحتاج مشاير ولاشي
رابعا: ادعي لك من قلبي الله يوفقك ويسهل امرك ويرزقك من واسع فضله