اكثر من ست شهور وانا لا اعلم مالذي يحصل لي/ قديم

السلام عليكم
خواتي بختصر لكم قصتي
قبل اكثر من ست شهور جاني وجع غريب كل ما وقفت ورفعت رقبتي دخت
استمرت شهرين وكل مالها تزيد بعدها كنت عند أهلي ومافيني شي فجأه جتني رفه بقلبي وجسمي بيطيح زي بدايات الاغماء
كانت الدوخه تجئ قبل الدورة فكنت اعتقد انه من الدورة
غير هذا دورتي قامت تنقص تنزل شوي كميتها مره
شكيت بالأمر وسويت تحاليل شامله للدم مافي شي يعني موتحليل دم عادي تحليل عن كل شي
بعدها جاني صداع نصفي جهة اليمين كأن احد صافقني
قلت يمكن زكمه لان حتى خشمي جهة اليمين مسكر واذني وعيني اليمين
قلت انه زكمه وجيوب انفيه. أكلت بنادول وشربت شوربه وفلفل اسود وليمون يعني الاشياء المعروفة للزكمة
ماخف أبد
رحت الطبيب صرفلي مضاد وبخاخ وووووو......الخ
المهم ان بعدها كنت ببيتي وفجأه حسيت كأني ببكي كان في احد حاط أصبعة بحلقي وعيني مدري شلون اوصفه
وجاني مغص ببطني وأحس بيغمى علي ورحت الطبيب فحصني قال مافي شي بس عطاني مسكن
بعدها جاني إسهال وكان وقتها علي اختبار كنت اوضي عشان ابصلي العصر قبل لا اطلع وانا اوضي جاني هبوط بيغمى علي وقلت لزوجي ما اقدر اختبر ودني الطبيب
رحت الطبيب وكنت احس بثقل بجنبي اليمين تحت صدري شكيت انه مراره
وسوولي كل التحاليل والسونار الحمد لله مافي شي
بعدها الثقل و الألم مستمر لمدة اربع شهور ٣شهور سهال كل ما أقوم من النوم وما أشتهي الأكل الا بعد المغرب
مره غصبتني امي أكل وأكلت ورجعت
خف الإسهال باخر رمضان الحمد لله
لكن تدرون وش المشكلة تخيلو أني طول هالاشهر كأني عجوز ما اقدر أقوم من سريري والله لو تحركت اي حركة خفقان وتعب هذا اكثر شي متعبني وأحس أني ما اركز ولا اقدر أشيل عيالي واهتم فيهم بس طايحه
المهم بعدها زاد الصداع النصفي والله يابنات احس عيني اليمين ما أشوف فيها مدري شلون من الألم
غير هذا احس معدتي تنبض وأحس قلبي ببطني ما ارتاح الا اذا انسدحت وقعدت اتعب حيييل مع الحركة
شعري يتساقط ريحة فمي كريييهة مع أني أسناني سليمه
لدرجة زوجي يقول والله أشم ريحة فمك من ورأ النقاب يعني تخيلو بالسيارة ووجهي بعيد عنه أطالع قدام وهو يسوق يقول ريحة فمك واصلة عندي وانا جد احس فيها
سويت أشعه مقطعية للراسي وبطني سليمه بس طلع حصوة صغيره بالكلية اليسار وانا الألم والتعب عندي كله باليمين تحت صدري بشوي قريب للمعدة
والله يابنات نزلت اكثر من ١٣ كيلو وزني ينزل بدون سبب واللي يشوفني يقول ليش كذا
رحت ٣ دكاترة استشاريين لأنف وأذن وحنجرة مافيني شي سويت تخطيط بعد سليم الحمد لله
اللحين احس كان أذني بتنفجر بيطلع شي منها ما أتحمل اي صووووت مقدر اعلي صوتي اذوني تسكر وتصفر
وعيني اليمين. ثقيييله لما أقوم من النوم يمكن اقعد ساعه ضباب بالله أشوف فيها واعمكها واجد
عندي الم بالحاجب اليمين
كنت احس ان هالاوجاع يمكن من ضرس العقل شلته بس طلع ماله علاقه
تخيلو حتى صدري اليمين وكتفي ووركي اليمين كله ثقللل موطبيعي وإذا تحركت ينبض احس قلبي بصدري اليمين ومعدتي
احس راسي جهة اليمين مو معاي مدري شلون اوصفه
بنات والله أني اكتب الموضوع وانا ادري ان الشفاء بيد الله ما ادري وش فيني
اللي ما تقدر تفيدني بشي لاتنساني من دعواتها