اما الشنطه ياخذوها، صراحه اول مره اسمع بهالشي عاده غريبه 

سالفة الشنطة مالها داعي لانك اكيد بتحتاجينها او يكون فيها مكياجك او البوك حقك وممكن احد من الصغار يلعب فيها وينثر اغراضك
اما الجزمة على حسب انا بيتي حاطته كله موكيت وحاطة كنبات فيه يعني مافيه جلسات ارضية الا مجالس الرجال فيه ناس يفهمونها ويشيلون جزمهم قبل يدخلون شقتي وفيه ناس لازم انبههم يشيلونها حتى لو كانوا اطفال لان اكيد الا ما يعلق شيء بالجزم ويعدم الموكيت وبصراحة انا اقرف

الشنطة اول مرة اسمع الناس تأخذها ، انا ما اعطيها لاحد فيها جوالي و فلوس و بطاقات الصراف كيف اعطيها لناس يحطوها بعيد عني ،، اما الجزم زي اهل البيت ، اذا منزلين جزمهم احطها عند الباب و اذا لابسين البسها ،

انا لما كنت بشقه اذا عزمت اهل زوجي يجيني تعب نفسي لانهم مشاء الله كثار ولازم بزارينهم معهم وتعالي شوفي باب الشقه يمتلي كله جزم وانتووو بكرامه يصير كنه باب مسجد من كثر الجزم المنثره بس الحين بيتي سراميك وقطعة موكيت واريح لي ان كل وحده تمشي بجزمتها بدل ما اجلس ادور جزمهم اذا جو يطلعون ذكرتيني بموقف مضحك اخوي يوم كان متملك رايح لزوجته فبيت اهلها وكاشخ بالجزمه الجديده يقول لما دخلت المجلس فسخت الجزمه داخل المجلس بس بشكل مرتب يعني بجمب الباب على شان بيتهم فيه بزارين وخفت اطلع ما احصلها وبعدها دخلت ام زوجتي تسلم وهي طالعه شالت جزمتي وسفتها برا وسكرت الباب يقول حسيت بقهرر وتفشلت بنفس االوقت حسيت انها حقدت علي اني دخلت جزمتي بدون احترام هههههههههههههههه

كل الناس الي تروحي لهم والا بس ناس معينين ؟اول مره اشوف كذا احنا عندنا لو العبايه تبغيها جنبك عادي ماتذخذها اما الشنطه اصلا مايفكروا ياخذوها ابدا والجزمه اذا كنبات عادي اجلس بها اما اذا جلسه ارضيه اسلم وارجع احطها عند باب المدخل والبعض تجلس بجزمتها حتا لو في فرشه عادي نااحد يتكلم انتي امسكي شنطتك وش دراك عن ذولا الناس يمكن يفتحوها