اكره النفاس في بيت اهلي ومضطره عليهم...هل معي حق؟

يابنات انا نفاس وجالسه في بيت اهلي وماهي اول مره كل ما اولد اجلس عندهم
ومضطرة والسبب انا ساكنة عند اهل زوجي يعني ماعندي بيت خاص بي
يابنات بيت اهلي صغير وكل مره اجي عندهم اتبهذل انا وعيالي مالنا مكان وننام بالمجالس واذا جيت اغير ملابسي ماالقاء مكان تاصل اني احيانا اغير ملابسي ورا الباب او اسكر المطبخ واغير حتى الحمام مافيه الا حمام واحد ومزحزم
واهلي هواش بيناتهم عشان شغل البيت وانا اللي اتوتر ويضيق صدري
نفاسي اللي قبل حاولة ادبر خادمة لكن قلبت علي بنص نفاسي ورفضت الشغل وانا اللي اكلتها لانهم يتخانقون عشان شغل البيت ونفسيتي صارت دمار
نفاسي هذا كنت شايله همه وعارفه الوضع وفعلا صار اللي كنت متوقعته حرصت استقدم خادمة ويعلم الله اني جمعتهم قرش قرش وحريصه وجبت شغالة
لكن ام زوجي مستقدمه خادمة وللاسف ماجت وبيتها كبير وهي حرمة كبيرة مسكينه وزوجي شايل هم امه طلب مني ياخذ خدامتي تساعد امه ويرجعها ساعتين قلت مايخالف والناس لناس والكل بالله
لكن زوجي صار ياخذ الخدامه من اول النهار ومايرجعها الا بالليل اذا خلص شغل اهلي يمكن هو قلبه على امه لكن زودها الله يهديه وانا وضعي حرج
اللي الصار الكل قام يجدع علي كلام وينغز وعلى اساس انه تعبنا من الشغل وانتي جالسه تجاملين على حسابنا
انا تعبت لو كنت في بيتي ماكان هذا وضعي لو كان لي بيت كان انسترت فيه
ماحب احس اني مثقله على احد ولا احب احد يمن علي بيوم
المشكله الكل يضغط علي من كل جهه وانا مابيدي حيله ياربي وش اسوي
فعلا اذا انقال ماللحرمه الا بيتها
البيت وطن للحرمه البيت استقلاليه وستر لك
يعلم الله اني احب اهلي وهم ماقصرو لكن كثر اللوم تعبني
وش اسوي هل انا غلطانه هل انا حساسه؟
ادعو لي ابييييييييت والله شقة انا راضيه بس ابي الراحه مابي احس اني ثقل على احد
😢