اكره انظف البيت وطفشانه عطوني افكار

من كلامك انتي مو موظفه ليش ماعندك تنظيم للوقت

اول ماتصحين سمي بالله وافطري وقولي لاحول ولاقوة الا بالله
وابدي اول شي بالمطبخ رتبيه ومسحيه من والى ويفضل يكون معتس علبة بخاخ تحطي فيها مطهر وخففيه بمويه وابدي رش ومسحي بالدواليب وكذلك الفرن وبعدها كنسي الارضيه ومسحيها وخليه يبرق
وابدي بعدها بالغرف كنسيها ومسحي اذا فيها طاولات او تحف وقفليها وبعدها تكرمي الحمامات نقعيها بكلوركس وابدي ترتيب غرفة النوم وهويها وغيري الشراشف وكنسيها ومسحيها واذا زوجتس يداوم اطبخي الغدا وانتي تنظفين
وكملي الشغل الباقي ولايجي الا كلش مرتب وانتي اصلا برتاحين نفسيا انتس عايشه في بيت كله نظافه وريحته تلق ولاخلصتي كلش بخريه ودايم خلي شغلتس اول باول ولاتأجلين اي شي عشان مايتراكم

احسن وقت الصباح للتنظيف والترتيب سبحان الله فيه بركه وقولي سبحان الله 33 والحمدلله والله أكبر قبل ماتبدين وبتتيسر لك

حبيبتي
كللل البيوووت تنحاس وتنعفس ولاتعتقدي ان كل البيوت مجلات ايكيا
ومع وجود الاولاد الله يحفظهم بتزيد المساله
والزوجه والام كافي عليها مهامها النفسية وماهي عاشقه لكل الشغل بالبيت
لكن هناك بعض الحلول البسيطه والتي تعتبر مساعده للمضي بالحياة
مثلا ...غسالة صحون للمطبخ ..هذا حل سحري ..سحري للمطبخ وعن تجربة اقول لك هالشي ولله الحمد
حل اخر ..نامي كويس وابتعدي شوي عن الكمبيوتر والتلفزيون والجوال لانهم اكبر سارقي الوقت ....والوقت اللي يمر امامهم انتي اولى فيه حتى لو ماعندك شغل
مارسي فن الاسترخاء ولاتقولين لنفسك انا فاضية خلني اتصفح شوي
حل اخر ..التخصيص..يعني خصصي مكان خاص للاطفال سواء كان غرفة خاصة لهم او ركن او اي شي حسب بيتك والزميهم على المكوث فيه ووجباتهم الخفيفه تكون فيه
ومكان خاص لك انتي وزوجك وايضا اجبري زوجك بطريقتك انه ايضا مايحوس هالمكان
بس لوكان كل اكلكم وشربكم وقعدتكم انتم واطفالكم بالصالة مثلا من غير تخصيص فسيكون المكان مزعج جدااااا وحااايس على طوووول وهذا شي مرفوض
نجي لك انتي ياحلوه
خصصي لنفسك وقت باليوم مثل الساعة تاخذين دش فيه يعني مثلا كل يوم الظهر او كل يوم العصر او المغرب المهم يكون وقت التزام منك واذا جاتك شغلة بنفس التوقيت لا تلغين الدش وانما جليه شويه لكن لاتزنقين نفسك .. ويكون دش طويل شوي مو طشة موية وشوية شامبو ومسحة صابون ركض ركض
لا
يكون على اقل من مهلك ...افركي شعرك بهدوووء وغسليه مرتين ثلاث بهدوووء
وياحبذا يكون الدش دافي ....واستخدمي صابون الجسم بحركات المساج على جسمك وبكل هدوووء
وقبل الخروج خذي رشه ماء بارد
بعد الدش بتلاقين نفسك مبتهجه وخدودك مورده لانك عملت تحفيز للدوره الدموية بجسمك واصبحت نشيطه
بعد الخروج من الحمام لا تتحمسين وتلبسين على طول
لا
ادخلي غرفتك وقفلي الباب ونشفي جسمك بهدووء واستلقي على السرير شوي واستشعري لحظات الاسترخاء
اذا عندك كريم مرطيب لجسمك حطي او عطر جسم او بودره حطيها ولو ماعندك رشي شوي موية ورد في بخاخ الموية على جسمك
والبسي كمان بهدوء ليه العصبية والركض
بعد هذا كله اتحدى واتحدى تقولي مالي خلق احط ميك اب او استشور ...الميك اب معناه شي خفيف للبيت عبارة عن كريم ترطيب للوجه مع روج وشوي كحل
وسلامتك ياعسل

• الله المستعان.