اكره اهلي مو قادره اسامحهم

اكيد الكل يعرف قصتي انا ابوي متوفي من توفى ابوي اخواني تزوجو وصارو خرفان حريمهم وصارو من يطق الباب اي رجل لو انه اسؤ رجال يقوم البيت كله فوق راسي هواش صراخ تجديع كلام وحرمان من الطلعه جلست على الوضع سنين لحد ما غصبوني على رجال زباله هذا الله يسلمكم ماخذني يبيني اله للفراش فقط !!اذا شبع دور له اي مشكله وطقني وطردني من البيت وطبعا اهلي ما يقصرون يهاوشوني وينكدون علي وامي تجلس تهددني اذا ما رجعتي بدعي عليك وارجع غصب عني وبعد شهر يطقني ويطردني وطبعا فلوس ما يعطيني في البدايه كنت احاول اعدل فيه ولا كان عندي نية طلاق لان العيشه عند اهلي جحيم لاكن شفت انه بكل سنه يصير اسؤ من الاول لحد ما طلبت الطلاق ورجعت اجحيم اهلي وبعد سنه من طلاقي توظفت وخفت المشاكل شوي وانا صرت اقفل على نفسي العرفه ولا اطلع لهم


المشكله الحين انا مو قادره اسامحهم ولا قادره اتأقلم معهم والله الي سواه فيني العدو ما يسويه بعدوه اخواني وخواتي اكرههم الي تقولي انسى انا ناسيه كل شي لاكن اكرههم وهم اهلي !!! دايم احس بالوحده دايم حتى لو جلست وسولفت انا ما احبهم وخوات الله يكفني شرهم غيره حسد اذا جلست تجديع حكي ووحده فيهم ازعجتني عند عيالي تقول حطيهم عند ابوهم هذولا مو عيالنا




احس بالوحده يا بنات واكرههم ليت الاهل نقدر انطلقهم ونبدلهم مثل الرجال