الله يعطيك الف عافيه وتسلم يدينك

الله يعافيج حبوبه :)

الله يعطييييييك العااااااااافييييييه

ام ساره-33

الله يعافيج اختي :)

روح المسك

اسمحيلي اختي تأخرت عليج .. وعدتج اني اسوي البشميل يوم الجمعه وبالفعل سويتها بس للأسف.. ما اقدر انزل الصور على كمبيوتري ما ادري شو ياه :(

بس بحط لج الطريقه والمقادير:)

معكرونه بالبشميل

المقادير:-
معكرونه.
دجاج مفروم.
علبة مشروم مقطع.
علبة ذره.
بصل مفروم.
فلفل رومي.
سمن (يفضل السمن اللي علبته خضراء لانه يعطي طعم حلو)
بهارات ( باربيكا - فلفل اسود - ملح - اوريغانو - بزار - شوي هال)
3 حبات متوسطه طماط
2 صلصل (علبه صغيره)
(ممكن تستغنين عن الطماط والصلصل بصلصه جاهزه تنباع في الجمعيات والسوبرماركت)
مغلف من البشميل من ماجي او من مازولا.
جبن مبشور (جبن بيتزا)

الطريقه:-
1. نسلق المعكرونه في ماء وملح وشوي زيت.
2. في مقلاه .. نحط شوي من السمن ونحط عليه البصل ونحركه لين يذبل.
3. نضيف الطماط ونحرك لين تذبل شوي..
4. نضيف الفلفل الرومي و المشروم ونحرك لمدة دقيقه.
5. بعدين نضيف عليهم الذره .. ونخلطهم شوي.
6. نضيف الدجاج .. ونقلب الخليط لين يتغير لون الدجاج شوي.
7. نضيف البهارات.
8. نضيف الصلصل.. ونقلب.. بعدين نغطيه شوي لين ينضى الدياي :)

البشميل:-
اذا اشتريتي ماجي..
تضيفي لتر حليب = 4 اكواب حليب في قدر وتحطين عليه اللي في المغلف.. بعدين ترفعينه على النار.. وتحركينه لين يغلض (يستوي ثقيل)

تخلطين المعكرونه مع شوي من البشميل عشان تتماسك في الفرن

في صينية الفرن..
تضيفين شويه من البشميل في القاع..
تحطين نص المعكرونه
وتنثرين عليها جبن مبشور. (جبن بيتزا)
عقب تحطين طبقة الدجاج.
وتحطين باقي المعكرونه على الدجاج.
الطبقه الاخيره بتكون البشميل .. تصبينها على الوجه وترشين جبن على الوجه..
واتدخلينها الفرن لين تحمر من فوق .. وبالعافيه :)