اهلين حبايبي
انا وزوجي مرا نحب الاكل الهندي وجربت طرق كتييير ل اكلة البتر تشيكن وهادي اكتر وصفة حسيت انو طعمها شبييه مرا بطعم اللي في شيزان ..
المقادير:
صدور دجاج مقطع صغير
4 طماطم
بصل مقطع حلقات
ملعقة سكر
لون طعام احمر
ملح
تشيلي بودر
كزبرة ناشفة
بهار الكاري
فلفل حار
توم مع زنجبيل
ملعقتين زبدة
نص كوب كريمة خفق
الطريقة
اول شي بهري الدجاج بملعقة صغيرة تشيلي بودر وملعقة توم وملعقة زنجبيل طبعا مفروم و ملعقة صغيرة كزبرة ناشفة وملح ..
وفي قدر على النار حطي زيت شوية كتير هههه مدري كيف دي .. وحطي الدجاج الين مايستوي وشيليه
وفي نفس القدر حطي البصل وفوقو الطماطم وزيدي شوية توم وزنجبيل وتشيلي بودر وكزبرة ناشفة وملعقة كاري وشوية موية وغطي القدر اليين تدوب الطماطم .. وبعدين حطيها في الخلاط
في قدر تاني حطي الزبدة وفوقها الصوص اللي في الخلاط وفوقها لون الطعام والسكر وكريمة الخفق .. وحطي فوقها الدجاج
طبعا طعمها خيااااليي ****لله تعجبكم .... دي صورتها في النهاية بس اللون مرا مو كدا في الحقيقة .. لونها برتقالي على احمر زي اللي في شيزان بالزبط:27::27:
Bella lulu @bella_lulu
عضوة نشيطة
يلزم عليك تسجيل الدخول أولًا لكتابة تعليق.
ماما1983
•
تسلمي ياقمر
الصفحة الأخيرة