اكلمها ولا لا

السلام عليكم بدخل الموضوع على طول انا البارح رحت للمشغل كعادتي كل شهر بس هالمره رحت لمشغل جديد ماقد دخلته المهم لقيت موظفة الاستقبال مصريه تجنن تهبل ربي يحفضها مره طيوبه وعسل وانا وحده اجتماعيه افك مع كل احد حتى الفلبينيات فكيت معهم مع انهم مو مسلمات لاكن طيبوات المهم ان الفلبينيه وهي تشتغل لي تسئلني تقول انتي جميل مره كم بييبي فيه قلت لها لا لسى مافي زواج عاد انتم تعرفون الفلبينيات قامت تقول ليش انتي مره حلو ليش مايبي زواج خلاص يالله زواج انا قعدت اذحك قلت لها ما جاء للحين والمصريه عندنا وتسمع كلامي بعد شوي جت هنديه وقالت نفس الكلام انتي زواج ياربيه هبلو فيني قلت لا انا للحين كليه وعمري 23 حسسوني 44 والله المهم والمصريه فيه تسمع وساكتته بعدين قالت لي انتي قميله وطيوبه انتي هنا في الرياض قلت لها ايه قالت اول مره اشوفك قلت لها اني اول مره اجي بعدين شوي جت بنتها تصيح مامي سناني وجعاني قلت ياقلبي حتى انتي محمد سالم من وجع الاسنان ان اخوي عمره اربع ويصيح من اسنانه المهم هي راحت وانا لما خلصت شغلي رحت بحاسب عندها طبعن قالت لي انتي عايزه دكتور قلت هاه مافهمت شلون لا اخوي الي اسنانه تعوره مو انا قال لا انا اقصد عريس دكتور ؟؟؟؟؟انا مدري ويش صار فيني ساعتها بنت عمي تقول وجهك قلب طماطه وتلعثمتي وقمتي تبلعين ريقك انا بصراحه مدري ويش قلت لها من الصدمه بس كل الي اذكره اني قلت هههه احسبك تقولين دكتور اسنان لخوي بعدين هي قامت تضحك وقالت بيقولون اسعى في جنازه ولا تسعى في جوازه بس انا عملت حالي خطابه انا حاسبتها وطلعت ومن طلعت وانا افكر في كلامها اقول يمكن جد انها صادقه عندها احد بتزوجه خص انها تقول ان لي عشر سنوات هنا معنها انها تعرف الناس هناك بعدين بنت عمي تقول لي ياغبيه ليش ماتكلمتي انا قلت لها خير اتكلم يمكن مصري قالت انتي دلخه شلون مصري وهي تدري انك عوديه اه ليتها مكلمتني تقوله انا زي ماقلت مو كبيره عمر 23 ولسى باقي لي سنه في الجامعه بس انا وحده ماطكلع ولا اروح من بيتنا للجامعه وبس حتى الزواجات مانحظرها ابوي يعيي والخطاب معاد هم زي اول جاني كم واحد لا وصار نصيب الي من العايله وانا رفضته لان اهله مايحبونا والي من براء العايله بس كبير والي مامعه شهاده والله ايست واخر سنتين معاد جاء احد مرهه عاد انا افكر اكلمها واقول انتي جاده وهل هالرجال سعودي ولسئلها كم عمره وكذا يعني ويش رايكم ولا اخليها على الله بس خايفه يمضي في العمر وانا اقول توني والله معاد ادري ويش اسوي تكفون قولو لي ولاحد يقول قولي لهلك مستحيل اقول لهم انا مره استحي من امي وابوي خص اني البكر ولا عندي خوات شورو علي