اكمل ولا انفصل ........

السلام عليكم ورحمة الله
بنات انا عضوه جديده بس كنت دايم هنا بالمنتدى واثق في رأي بعض العضوات الحكيمات وجايه اتمنى ترشدوني لرأي الصحيح 
بدايه بنات انا متزوجه وعندي طفلين توأم عمرهم سنتين وزوجي طيب والحمدلله مومقصر بشي طبعا تصير مشاكل تصير اختلاف بالرأي لاكن عايشين وطبعا مو كل شي ابيه احصل عليه لاكن بالمقابل الحمدلله الحق يقال ومابي اظلم مايقصر بشي للاطفاله ابد ولا لي انا الحاصل والمشكله اللي صارت بينا انه انا وياه شهادتنا ثانويه وانا كنت ابي اكمل من زمان وطموحي وحلمي اكمل دراستي لاكن الظروف كانت تجبرني وكانت احيان تصير بينا مشاكل ع الدراسه مع العلم اني شارطه بعقد الزواج لاكن زوجي مايبي اكمل وكنت اسجل من وراه وكذا مره مانقبلت يعني مايأست الا هالمره قرر هو يكمل وسجل من دون لا اعرف شي لحد مانقبل وجاني قالي وسويت مشكله عشان هالموضوع صارت السالفه عناد ومايبي اكمل وانا ابي اكمل ووصلت السالفه لااهلي واخواني وتدخل اخو لي وهدا الوضع بينا وتركني كم يوم ورجع وتراضينا لاكن ماصفت نفسي ولا هدا لي بال وتناقشت معه عشان موضوع الدراسه فقالي شوفي انا ابيك ومو بايعك بس مابي تدرسين يمكن بعدين اغير رايي لاكن حاليا مابي تدرسين قلت انا شارطه دراستي وانت بتكمل والناس حولي كلن شايف حياته ومستقبله الا انا قالي انا بخيرك ياتكملين معي او تكملين دراستك تبيني ماتكملين تبين الدراسه ننفصل بدون شوشره ويادار مادخلك شر  الان يابنات ابي كل وحده تتكلم معي بصراحه انا محتاره الشهاده سلام انا معكم بس اطفالي صغار مابي احرمهم من حنان ابوهم وهو يحبهم وهم بالمره متعلقين فيه ومايقصر معهم بشي اخاف اخذ قرار واكون انانيه وافكر في مستقبلي واشتت عيالي وغير كذا ابوهم مو مقصر بشي نهائي وكل شي مجاب لهم اخاف اتمرمط معاهم او انفصل عنه وياخذهم مني دلوني يابنات اضحي عشان عيالي وانا والله وربي لولا الله ثم هو كان ماانتظرت راي احد وتركته وكملت دراستي  لا تقولون لي كلميه بهداوه وبأسلوب قالي لاتحاولين تفتحين معي موضوع الدراسه اخذي قرارك وقوليلي دلوني قولولي محتاره كثير