والله مدري كلامك بصراحه يضيق الخاطر
يعني تخيلي وحدة تقرأه وعندها حاجة تتمنى الله يقضيها لها من سنوات وهي ماظلمت احد ولاحتى تطلع من بيتهم وماعندها معارف غير أهلها والله يمكن راح تدعي عليك ..
والله اعرف ناس ماحتى يطلعو من بيتهم ولااذو احد بنات خوات زي القمر ولاوحدة منهم انقضت لها حاجة لاوظيفة ولازواج تعطيل تام يعني وش مسوين برايك ماهم مسوين شيء بس الله اكيد يختبر صبرهم ويوم من الايام يحقق لهم أحلامهم حالهم حالك وحال كل الناس اللي ينتظرون وتحقق لهم أو بعده ماتحقق الله كريم.
لازم نفرق بين الفضفضة وبين الكلام اللي ممكن يكون ثقيل على غيرنا واحنا ندري أو ماندري لأن ممكن نظلم ناس واحنا ماندري.
أنا ماعندي شيء انتظره ولاميته على الدنيا لاكني جربت شعور اني انظلم فالحياة وانا توي ماعرف شيء عنها ولااعرف الظلم ولااي حاجة قبيحة والله حتى ماكنت ادري ان هذا اللي يحصل لي أنه اسمه ظلم حسبي الله ونعم الوكيل 🙃

اي حاولت قبل وفشلت تكنسل كل شيء بس بعدين انخطبت مرة ثانية ودخلت دون عرس لأن كنت اعاني من عشر سنوات خطبتي توصل للنص وتصير مشاكل من اللي حولي وتكنسل.و.هالمرة كان زوجي اخوه خاطب وحدة من قرايبي وماصار نصيب لما درت اخو خطيبها خاطبني انجنت يوم ثاني ورقة بيض مكسرة عند بابنا وحاولت تخرب علي تجي كل ماروح لاهل زوجي تفتن علي وانا جالسة قدامها بس الحمدلله هالشيس انقلب ضدها😂💔والله كنت ادعي لها تتزوج لأنها مرة بتموت على الزواج كنت ادعي لها كأنها حاجتي حتى لما سمعت انها تزوجت فرحت لها قامت قلدتني دخلت دون عرس.أنا لاني صار بعد حفلتي وفيات وصارت مشكلة فحفلتي وناس طلعو زعلانين وكان بيكنسل زواجي بسبب وحدة مابغى ادعي عليها احيانا تستغرب من ناس يتمنوا لك الأذى وهم من لحمك ودمك مع ذلك تسامحهم لأن وش تسوي عيلتك مهما يكون عيلتك😢
الله وحده اعلم كم عانيت حتى في الوظيفة نفس الشيء احيانا يبتليكم الله بناس الحوج زي مابتلى الانبياء وينصرك عليهم لانه حشاه أن يظلم أحدا.
والله يشهد كنت عايشة فسعادة مع زوجي قبل اقولهم دخلت ماشفت الآ كل شيء خرب الله يعين على الناس اللي ماتحب تشوف احد سعيد وتتمنى الشيء بس لنفسها.

أرى أنها قوانين الله وحكمته التي يخضع لها الجميع ولا يقف حكمها على أحد استثناء!🤷🏻‍♀️... وتحمل لهم على كل حال كما قلتِ "رسائل" تستوجب التفكير!... فمنهم من تأتيهم كابتلاء للإصطفاء والتطهير🤍🕊 ومنهم من تأتيهم جزاء على ذنب وتقصير 😢💔... لكن يبقى الحكم عليها وعلمها عند الله وحده في الأول والأخير 🤷🏻‍♀️🤍... ولا يمكن أن نحكم ونجزم نحن البشر على الآخرين من منظورنا الشخصي لهم بأنها ابتلاء جزاء عمل شر! أو ابتلاء في داخله لصاحبه خير كبير من التغيير ! ... لأننا سنواسي من نحبهم❤️ ونشمت بمن لا نحبهم🖤 ونصنفهم حسب مشاعرنا اتجاههم دون فهم ولا حسن تقدير!🤷🏻‍♀️🤍 ... ونحن لا نعرف حقيقتهم كما يعرفها الله عن مستوى إيمانهم🤍 وصبرهم💚 ومكانتهم❤️ عنده سبحانه التي قد تكون أعلى ممن يحكم عليهم بكثير! ويحب تصنيف البشر وتفسير ما يحدث لهم كما يحلو له التفسير!🤷🏻‍♀️🤍...وعلى كل حال قلوبنا جُبلت أن تقول تفاؤلًا باللطيف الخبير " لعله خير"! 💚🤍❤️...

الله لايؤاخذني بذنوبي اقسم بالله اخاف اني اظلم احد ويارب مااظلم شخص

استغرب ليش الكثير عارض الكلام

مع ان الكلام واضح ومنطقي ويدعو للتأمل والجلوس مع النفس والموازنة

حنا بشر ولسنا ملائكة يحصل منا الخطأ والتقصير والزلل
ويمكن نقع بالظلم والخطأ طبيعي ووارد جداً

والانسان مطالب بالتفتيش عن اخطائه
الصحابة وهم خير البشر والصالحين كان الواحد فيهم يتهم نفسه ويقول لعلها بسبب ذنب كذا وكذا

قد تكون الشدائد ابتلاء نعم وقد تكون عقوبة اتفق معك ياصاحبة الموضوع
لكن بالحالتين خيرة
ان كان ابتلاء رفعة وثواب
وان كان عقوبة فهي رحمة ان يعجل الله بها في الدنيا ولاتكون فالاخرة +حتى ننتبه ومانتمادى اشوفها قمة الرحمة من الله

وترى كثير ممن يحصل منهم التمادي في الخطأ يجي حدث بحياتهم يغيرهم ويصحيهم ويوعيهم وهذي خيرة لهم

ومافينا احد معصوم كلنا عندنا أخطاء