اعطيك نصيحه والله مجربه انا شخصيا دايما اجربها لمن تكون المعده مفروطه عالجيها بالصيام وافطري ماء وصلي و بعدها افطري اكل الرجيم حبه حبه لمن تشبعي والله معدتك راح تتعود وراح تدعيلي باذن الله

اللي تقول كذا هذا يعني انها تعطي مبررات لنفسها عشان ما تنحف
انتي تقدري بس قولي ما ابغى
او قولي مو مهتمه لصحتي
يعني تنتظرين لين يصير لك شي لا سمح الله وبعدين تقولين ليتي انتبهت لنفسي
وزين على 15 كيلو
ناس لازم تنزل 20 كيلو <<<<<<< اقصد نفسي

انا مثلا بديت من اسبوعين صح
تخفيف
وهذا الاسبوع مع رابطة لا أكل بعد السادسه
أكيد بتسألين كيف جت الاراده ؟
الحين اجازه صيف ،، بس مو هذي سبب الاراده

اولا : يا كثر المناسبات ،، ما ودك تطلعين بلوك جديد ،، والناس اللي ما شافوك من زمان
ما تبينهم ينبهرون عليكم ..

ثانيا : تابع للأول وهو :
لو انك بنت ،، يمكن تنخطبين ،، مو شرط احد يشوفك بالمناسبات ،، لكن بيني وبينك الخطاب يكثرون بالصيف ،، على الاقل تكونين راضيه عن نفسك لو نص ونص..


مره وحده كتبت شي هنا بالمنتدى
والله يجزاها ألف خير على كلامها
والله يحقق لها مناها يااااارب
وهو : انها قبل النوم وكل يوم تسوي هالشي
وتقول قسم بالله تحس بنشاط لما تصحى من النوم

كانت تقول سبحان الله 33 مره ،، الله أكبر 33 مره ،، الحمد 33 مره
وتختمها لا إله إلا الله له الملك وله الحمد يحي ويميت ،بيده الخير وهو على كل شي قدير

وانا صير اسويها كل يوم ولله الحمد
صح اصحى متاخر قريب العصر بس ما فيه كسل ، نشيطه ومرتاحه

الله يكون بعونك ويساعدك والجميع

والله مااقدر اقول شي بس اللي بقوله انه الواحد بيسوي المستحيل عشان ينحف ويسير شكله جنااااااااااااان بس بشرط انه ماريرجع الكم كليو اللي بينزل والله يعين الجميع

نسيت ما اقولك بعد
انا اللي مخلي اردتي قويه
اولا : الدعاء دايما
ثانيا : طريقة التسبيح اللي كتبتها
ثالثا : ما فيه شي مستحيل
رابعا: اللي مقويني بعد ،، تخيلت اني بنخطب بالصيف
وانا اتمنى اشوف نفسي رشيقه بأي فستان
يعني لو جاء العريس ودي اكون رشيقه وانيقه في لبسي


مدري حسيت هذا دافع قوي لي
كيف لو صار حقيقه ....(( يا رب ان شاء الله ))

حبيبتي نونا اتبعي تجربتي
انا صار لي سنين وانا كل يوم اقول بسوي ريجيم ومافي فايده
الى ان توصلت الى فكرة اني التحق بالمركز الصيني (رياض الهجن ) وابدا مع
الدكتوره عشان تتابعني واستحي على وجهي منها
وفعلا بدأت معها وكنت ملتزمه لاني لو رحت لها نهاية كل اسبوع وزني مانزل
تهزأني وتحرمني من اليوم المفتوح
استمريت معها شهرين نزلت 12 كيلو تقريبا وبعدها صغرت معدتي وحسيت اني ممكن
اكمل بدونها وهذا انا لازلت اتابع ريجيماتي بعزيمه قويه ( اذكروا الله )

لاني فرحت بنزول وزني ولا يمكن ارجع اللي نزلته بلحظة جنون وما اكذب عليك
اعطي نفسي يوم مفتوح كل جمعه او خميس

كان وزني 90.5 والان 74 ولله الحمد

وراح اواصل لحد ما اوصل 65 والله يقدرني