الأستغفار بيحقق امنيتك لكن مو أي استغفار! تعرفي كيف مو أي استغفار؟

السلام عليكم حبيباتي🌿

بما اني اقرا قصص كثير بمنتدى عالم حواءء عن الاستغفار وفوائده
ويشهد الله اني استفدت منكم كثير كثير كثير
ولما يكون ضايق صدري .. اول شي اتجه له بعد الله سبحانه وتعالى انتم ، والقا مايجبر بقلبي ويثلج صدري ..
صحيح انها حروف وكلام لكن يعلم ربي اننا نستفيد منكم كثير كثير وتنشرح صدورنا من نصايحكم وتجاربكم وقصصكم ..


اي وحده عندها امنيه مشاكل وتبي حلها اي شي يخطر ببالك ويتعسر عليك مع الاستغفار بتنحل مشاكلك❤️
لكن مو اي استغفار !
تدرون كيف يعني مو اي استغفار ؟
انا كنت اسمع كثير عن الاستغفار وكنت استغفر يمكن باليوم حوالي الف مره واكثر لكن ماحس بأي مفعول تدرون ليه !!!!
لاني وانا استغفر ذهني شارد وماستشعر الإستغفار !
وكل همي ان ربي يحقق لي اللي ابغاه وبس للاسف..
استشعري الاستغفار وخلي نيتك لله وحده
لاتفكرين وتقولين بستغفر عشان كيذا والا عشان حاجه !
استغفري استغفري لايهمك العدد لو تستسغفرين باليوم 100 مره !! لكن كوني مستشعره الإستغفار تخيلي ذنوبك كلها قدامك وان ربي الحين قاعد يغفرها صدقيني هنا الإستغفار الحقيقي اللي راح يجمع بين رضى الله عليك وتحقيق امنياتك واستجابة دعائك!!
استغفري بنية ان ربي يغفر ذنوبك ويرضى عنك لان صدقيني لو رضى ربي عنك
بتنحل مشاكلك وينشرح صدرك ووقتها تشعرين بلذة الاستغفار وثمراته !!
والله يابنات انا جربتها الاستغفار له لذه وثمرات مايحس فيها الا من يستغفر بنيةة ان الله يغفر ذنوبه !
حنا بشر مو معصومين من الخطأ مليانين ذنوب ذنوب ذنوب ذنوب هذي سبب مشاكلنا وعدم استجابة دعائنا ذنوبنا اللي مانحس فيها الله المستعان ..


استغفري استغفري صدقيني ان ربي بيرضيك!
وزياده على كيذا ؟ يرزقك شعور الرضى والإطمئنان !!
هنا اللذه -لذة الاستغفار- اللي تحسين ان ربي راضي عنك ! الرضى اللي يخليك تستغنين عن الدنيا ومافيها يخليك مستسلمه مطمئنه دائما !
ومتوكله عليه سبحانه وتعالى ..
يمكن طولت عليكم بالكلام لكن اللي حبيت اوصله اللي عندها مشكله وتبي حلها واللي تتمنى الزوج الصالح واللي تتمنى الوظيفه واللي عندها امنيةة ..
حاجات بقلوبنا كثيره كثيره صدقوني الاستغفار الاستغفار يحققها لكم ..

بقولكم طريقتي اللي خلتني احس ان ربي حط الدنيا كلها بين ايديني ..
وتحقق لي اشياءء كنت ابيها واموري تيسرت بسبب الإستغفار والشكر والثناء على الله والصلاة على النبي اللي ماتكاد سجده من صلاوتي تخلو منها ولله الحمد والشكر !!
بكل سجده كنت اقول :
(1)يارب لك الحمد ولك الشكر حتى ترضى -ثلاث مرات-

(2)اللهم اني استغفرك واتوب اليك فأنت التواب الرحيم -ثلاث مرات- مع الاستشعار واتخيل ذنوبي كلها قدامي واستغفر بنية ربي يغفر ذنوبي ويرضى عني .
(3) اللهم انت السلام ومنك السلام تباركت ياذا الجلال والآكرام -ثلاث مرات-
(4)اللهم اعني على ذكرك وشكرك وحسن عبادتك -هالدعاء يساعدك جدا على ذكر الله وشكره وحسن عبادته-

(5)اللهم صل وسلم وبارك على سيدنا وحبيبنا محمد وعلى آله وصحبه اجمعين -ثلاث مرات-

مع اخلاص النيه لله وحده سبحانه وتعالى ..
اذا ربي رضى عنك بيحقق لك ربي حاجتك دون ماتطلبينها منه!!

اجعلي همك اذا فرشتي سجادتك ان الله يرضى عنك وانك تبغين رضاه!!
استشعري ان ربي بكل سجده يرفعك فيها
وتذكري ان التذلل بين يدي الله رفعة في الدنيا والاخره ..






مثل ما انا استفدت منكم كثير حبيت افيدكم
وان شاءلله ادخل بيوم من الايام وابشركم بتحقيق -امنيتي الكبرى-
دعواتكم لي بظهر الغيب ان الله يقر عيني بتحقيق تلك الأمنيه ..

اسأل -الله الكريم- ان يرضى عني وعنكم ويرزقنا فوق مانتمنى
ويرفع قدري وقدركم ويسعدنا بالدنيا والاخره ..