خواتي للي يبا يحمل برنامج للصور لتصغيرها ودمج الصور هذا برنامج مفيد وان شاء الله تستفيدون وهذا الرابط وان شاء الله يشتغل لجميع الخوات اللي هم بحاجة لة
http://www.arcsoft.com/downloads/PhotoStudio5.exe

ام شاهين ..تطبيقاتج ماشاء الله تجنن ... تسلم يدج ...وفي انتظار باقي الطبخااات

دانه حبيبتي ماكتبتي مقدار الماء ..لاني من فتره ودي اجرب التميس بس مستصعبه الامر
واذا ماعليج امر اكتبي طريقه المحشي لاني دورته بملف دون بس لقيتها مسويته بطريقه ثانيه ..!!
ام شهد ...المتبل حق ام عزيزان ويجنن ... لاتطوفينه ...

وبالنسبه لطريقه الدجاج ...
اول شي تبلت الدجاج ( بعلبه زبادي وخل وليمون وزنجبيل مبشور وثوم مبشور ,وملح والبهارات المخلوطه الي عندك بس لاتكثرين .... وخليهم بالثلاجه ... انا عن نفسي خليتهم قبل بليله لان ماعندي وقت اليوم الثاني
وبعدين قطعي بصل الكميه الي تعجبك بس كثري احسن ...قطعيه شرائح ..وقطعي شرائح فلفل رومي وشرائح جزر ..
احمسي البصل لين يتغير لونه وحطي معاه البهارات الصحيحه ( دارسين وهيل اخضر وهيل اسود
وفلفل اسود وقرنفل ( مسمار) ربع ملعقه صغيره حلبه ,ورق الغار .... وبعدها حطي الفلفل الرومي ...والثوم ...وقلبيه شوي
بعدين ضيفي الدجاج وحركيه شوي وضيفي عليه 4 ملاعق حليب جوز الهند ( انا استخدم ماركه ماجي ) ...وضيفي علبه زبادي .. وكوب ونص ماي ... وطبعا لاتنسين تسوين الملح وملعقه بهار مخلوط ...وخليه يتسبك شووي لمده ربع ساعه ...لين يقل شوي مستوى الماء وحطي الجزر وقلبيه
شوي ...وخليه كذا عشر دقايق ...وبعدين انقليه لقالب بايركس ..وغطيه بالقصدير ..وشغلي النار حراره عاليه من تحت بس ...لمده ربع ساعه..وبعدها شغلي من فوق عشان يتحمر بس الدجاج ..
وبس قدميه مع الخبز ومتبل وحمص ... او مع رز وسلطه زبادي وخيار

تراها والله من اسهل الطبخات الي عندي بس مشكلتي ماعرف اشرح ....
ومن سهولتها مرات اخلي شغالتي تسويها ...بس انا اهم شي الي احط البهارات لانها ماتعرف تعدل البهارااااات ...وسلاااااااااااامتكم ...

ام فتون .. لو سمحتي اكتبي طريقه الكبه باللبن ...شكلها حلووووووووو

هذا تطبيقي للكيكه الطعم جناااان
بس انا خليت الصوص بالثلاجه شوي عشان مايكون سايل كثير
وبعدين صبيته فوق الكيك
شوفو واحكموا






وش رااااايكم