أم طلال4 :

السلااااااااام عليكم ماشاء الله ولاقوة الا بالله تبااااااارك الرحمن الله يعطيكم العافية وتسلم الايادي جمييييييييييييعا جربت كيكة من كيكات غاليتنا الفنانة عزيزة العزيزة على قلوبنا ماشاء الله عليها وبارك الله فيها هي كيكة الزبدة لعزيزة اللزيزة : والفوندان لغاليتنا دردشة : وهذا رابط الملف : http://forum.hawaaworld.com/showthread.php?t=711501 ملاحظاتي : اول شي القصور يمكن مني او يمكن يبيلها خبره وتمكن خصوصا في هالنوعية من الكيكات مااعتقد اي احد يقدر يضبطها الا اذا يكون عنده خبرة وممارسه او هبة من الله سبحانه وتعالى بهالفن هذي تجربتي واحب اقولها لكم .. بدون مبالغة الي تفكر تسوي فوندان من اول مرة وماعندها خبره ولا شطارة تراه عذاب هههه لان الفوندان موسهل مثل ماتصورنا صراحة يبياه خبره تفتح العينين والا تصير حوسه مابعدها حوسه .. والله يابنات اني قعدت ساعتين اعجن فيه وتلزق بايدي واضيف سكر بودررة وهم يلزق بالايد بشكل غريب مع اني اسوي معجنات واضبطها واعرف اشلون اعجن بس الفوندان غير غير حست الدنيا حوس هههههههه انكسرت ايد\ي وانا احاول اخليه مايلزق ماكو فايدة لازم كل شوي انثر بالسكر لي طاح حيلي ويوم بغيت افرده بالنشابة وبعد يلزق فيها ويتلغمط تلغمط ..ويوم ضفت الالوان هم نفس الشي مع العجن ..بس اصعب شي لما افرده بالفرادة الرول لزق فيها مو راضي يطلع الا لما ازيد سكر ويتفتفت ( مع العلم اني اتبعت المقادير بدقة وبالتفصيل ) لما صار الفوندان كأنه مرشوش عليه سكر ولونه بعد التلوين باهت واشهب وهذا الي واضح على الكيكة مو مثل ااختنا عزيزة ابدا ماشاء الله عليها ... و كيكة الزبدة صراحة طعمها طلع روعة شوي عليها وتهبل وماعليها كلام بس هم عندي ملاحظات بسيطة عليها : اولا.. 4 كوب طحين وايد على كوب وثلث حليب يعني ماكملت الطحين مادري يمكن قياس الاكواب غير ..انا استعمل عيار القياس بالاكواب الاستانلستيل مثل الي تستعملهم منال العالم الي مقاساتهم كوب + نص كوب + ثلث كوب + ربع وبعد تقسيمتها على ثلاث صواني مستحيلة الا اذا كانوا صغار لان المقدار طلع قليل وثقيل بالحيل انا سويتها على صينيتين متوسطين يالله فردتهم ... بالاخير ممكن يكون قصور مني بالمقادير او بالطريقة او بعملها بس صراحة بارك الله فيها عزيزة وجزاها الله خير على مجهودها وتعبها معانا في ميزان اعمالها ان شاء الله ماقصرت بس هالنوعيات من الكيك يبيله خبره وممارسه الله الموفق وهذي صورة الكيكة بعد جهد جهيد ومعارك ضارية هههههه: وهني كلش شكلها مو مرتب والسكر الابيض واضح عليها عليكم بالعافية

السلااااااااام عليكم ماشاء الله ولاقوة الا بالله تبااااااارك الرحمن الله يعطيكم العافية...