الأفرازات الصفراء في عيني الطفل المولود حديثا...

الغاليه الف مبروك والحمدلله على السلامه :26:

حبيبتي ترى هذا الشيء عادي بس عليج انج اتيبين قطنه فيها ماي دافي وتمسحين عين بنتج من فوق لين تحت وبعدين تعصرين من حليب صدرج وتحطين في عينها هذا الشي معروف وانا اسويها دائما لعيالي وعل فكره ممكن انه يروح ويرجع لين ماتكمل السنه او اقل .:26:

تحياتي ام راشد وشيخه:26:

صح مثل ماقالت أم راشد.. تاخذين من حليبج شوية بالقطارة وقطري بعينها.. ان شالله وبيروح عنها..
بنتي بعد صارلها هالشي من فترة والحمدلله بدون ما أسأل حد على طول حطيتلها من الحليب ووالله انه من أول مرة خلاص ماشفت الغمص بعدين بعينها بس حطيتلها كم مرة عقبل عشان تطيب خالص..

من فترة الوالدة تعاني من عينها احمرار وحكة وأنا كنت أسولف وياها وقلتلها تبقين أعطيج من حليبي قالتلي زين ذكرتيني.. وحطيتلها شوية بفنجان.. بعدين قالتلي ماشالله قطرت بعينها كم مرة والحمدلله اختفت الحكة منها.. سبحان الله.. ماشالله حليب الأم فيه فوايد كثيرة..

بقولج بعد أختي حتى لو فيهم الرضع زكام.. من الحليب قطري بخشمهم وان شالله بيشفون.. والله يشفيلج بنتج..

اختي راس
الله يعافي بنتك ويشفيها
وطرق اخواتي هنا ممتازة وفعلا يصير مع كل الصغار تقريبا

بس اذا ما نفع معها رجااء وديها للطبيب شاطر للعيون
منها يفهم اكثر وفي نفس الوقت ما يعطيها ادويه كثيره

عزيزتي @ام راشد وشيخه@ الله يبارك فيج يا عيوني ومشكوره على المعلومه والحين بس تقوم من النوم بعصر لها حليب وان شاء الله يفيدها.............
اختي الغاليه..*المسافرة* مشكوره وما قصرتي وبالنسبه للزكام ينفع اذا حطيت لها علشان يفتح الأنف لأني احس مرات لما تقوم خشمها مسكر وما تقدر تتنفس............فهل عادي ان عصرتلها الصبح في خشمها؟؟؟
حبيبتي lawsi اخيرا طحت على وحده من مشرفات القسم :42:مشكووووووره على الرد والمرور................وما قصرتوا..:27:

عادي أختي.. لا تحاتين ولا تخافين وترى حتى الدكاترة بنفسهم يوصون بهالشي.. وأنا أسوي هالطريقة لعيالي.. لاكن بالنسبة للعيون أول مرة أستخدمها ويا بنتي هذي.. وترى هالشي القبليين دايم يسوونه لقلة الأدوية ولمعرتهم بأنه حليب الأم غيرررررررررررر عن الأشياء الثانية.. سبحان الله..