الأنشطه الصيفيه (الأسبوع الأول الطبخ )لعيون احلى حلوين

راح نبدا مع اول وصفة
صينية الخضار بالدجاج



المقادير على حسب عدد الاشخاص

صدور دجاج مقطع مكعبات / خضار منوعة مقطعة مكعبات ( كوسة وبطاطس وجزر وبازيلا وذرة قرنبيط وبروكلي ) / بصل وفلفل ملون مقطعة شرائح او مكعبات زي ماتحبين / علبة قشطة و3 ملاعق جبن سائل واذا ماعندك ممكن تستخدمين المثلثات 8 حبات

الطريقة
اول شيء تقلين البطاطس والكوسة والجزر والقرنبيط ولو تحبين باذنجان معاهم مو مشكلة وتحطينهم على ورق نشاف عشان يمتص الزيت
نحضر الحين الدجاج ونحمسه مع شوي زيت وملح وبهارات لحد مايتغير لونه ويصير ابيض وبعدها تضيفين له البصل والفلفل والذرة والبازيلا والبروكلي ونقلبهم مع بعض لحد مايذوب البصل والدجاج يشرب مويته
بعدين تخلطين الخضار مع الدجاج في الصينية اللي بتقدمين فيها وتخلطين في الخلاط علبة القشطة مع الجبنة وتصبينهم على الصينية بحيث تغطي الخضار والدجاج وتدخلينها الفرن عشر دقايق من تحت على نار عالية وبعدها تحمرينها من فوق وتقدمينها مع الخبز او رز ابيض وسلطة وبالعافية على قلوبكم :26:


بالنسبة للي مايحبون الاكل المقلي او اللي يتبعون حمية معينة مثلي :42: ممكن يسلقون الخضار سلق خفيف بدل مايقلونها في الزيت


احيانا اسلق مكرونة واحطها معاها وتغني عن الرز والخبز وارش عليها موزاريلا قبل التحمير وتطلع لذيذة

والحين راح احط لكم طريقة سندوتشات البيتزا سهلة ولذيذة وماتاخذ وقت >> خابرتكم كسولات خخخخخخخخ




المقادير
كيس خبز توست / كاتشب / نصف كاس فطر مقطع شرائح ونصف كاس زيتون شرائح كمان ونصف كاس فلفل اخضر مقطع مكعبات صغيرة/ نصف كاس موزاريلا مبشورة وجبن شرائح 6 حبات

الطريقة ياحلوين
نقطع كل شريحة جبن الى 4 شرائح يعني راح تطلع لكم زي الاصابع >>> ياعيني على الوصف ههههههه

في الة التوست راح تحطين شريحة خبز وتدهنينها بالكاتشاب وتحطين عليها فطر وزيتون وفلفل اخضر بكميات متناسبة مع الخبزه يعني شوي مو تكثرين :)


بعدها حطي عليها شوي موزاريلا وشريحتين جبن وغطيها بشريحة خبز ثانية وسكري عليها الالة عشان تتحمر ولما تخلصين الكمية قطعيها مثلثات وقدميها حارة مع شاي او عصير ياسلام
وبالعافية على قلوبكم

ينفع تسوينها على العشاء مثلا او لما تطلعون للحديقة :)

بالنسبة للي يحبون الشوربة هذي طريقة اسهل واسرع والذ شوربة قد سويتها بحياتي وخصوصا مع الليمون يمي يمي >>> تمدح نفسها خخخخخخخخخ

الشوربة البيضاء






المقادير

دجاج فيليه مقطع صغار / بصلة مقطعة صغار /جزر مقطع مكعبات صغار / فاصولياء خضراء مقطعة صغار /نصف كوب بازيلا ونصف كوب ذرة / ملح وذرة بهارات خفيفة / (3 ملاعق دقيق مع كاس حليب مخلوطين بالخلاط )


الطريقة
يحمس البصل مع شوي زيت لحد ما يصير لونه ذهبي ونضيف له الدجاج والملح ورشة بهارات خفيفة ويقلب لحد مايتغير لونه ويصير ابيض ونضيف له الجزر والفاصولياء ونقلبهم بعدها نضيف له حوالي 4 اكواب ماء ونخليه يستوي على نار هادئة بعد نصف ساعة تقريبا نضيف البازيلا والذرة ونتركهم لمدة ربع ساعة تقريبا بعدها نضيف له الدقيق المخلوط بالحليب ونقلبهم مع بعض لمدة خمس دقائق تقريبا وبالعافية على قلوبكم

يسلمو ايديك كتريلنا من هالطبخات الطيبة و السريعة
وحدة ما عندها وقت اتحمليني

من عيوني تامرين امر ياقلبي

وهذي لك



بس لازم همتكم معاي يابنات مو بس انا يعني اللي تعرف اكلات حلوة وسهلة تكتبها لنا :)