(( الإمتحانــات يا مصرقعــــات))

سلااااااااااموووون عليكم يالغوالي كيفكم إن شاء الله بخير..

أكتب هالموضوع وأنا أقول يمتكن بل يمتكنين ان ما فيه أحد(ن) بيعطي وحدة فاضيه مثلي وجه بحكم أن الأغلبية من البنوتات على أعتاب الإختبارات (أخسس يا أعتاب ) هع هع عموما عاذره الجميع مقدما في تطنيش الموضوع ان حصل ذلك ..

وترااا الموضوع طويل مدري وش فيني زايده عندي الهذره هاليومين:o


الزبدة والحليب والقشطة أن ها لموضوع اللي راح أكتبووووه عن أيام الإستخبارات( ولا المباحث)) ,,,:23:

..

نرجع لأجواء الإختبارات الكئيبة جداً جداً (أبغى أقلب المواجع على بعض ناس الحين ميتين قهر وجالسين يذاكرون )..:23:

كلنا اكيد ما نحب أيام الاختبارات مع انه المفروض انها تكون ايام انفراج ازمة المدارس وقرب اجواء العطل والبعد عن روتين الواجبات والحفظ وغيره (لكن حنا معروفين مانفتح الكتب إلا إذا قربت الاختبارات واتذكر ان كتبي بسم الله علي جديدة تلق وتلاااامع ماتبداء تمحي اثارها إلا بختبارات الدور الثاني ) ههههاي طلعت فضايحي لا امزح معكم انا مارسبت إلا بصف خامس وامتحنت دور ثاني ونجحت بس من جد كتبي ما كانت توسخ لأني ما أذاكر إلا عند قرب الامتحانات..

الله يذكر ذيك الأيام بالخير لو أني ومجتهدة بدروسي كان أنا الحين مهندسه معمارية ولا سجاااانة بأحد السجون:o هههههههاي أبوك يالطموح ..كخخخ


أقولكم أغلب الشغلات إلى تجينا ايام الاختبارات:
فيه عينه تتلهى بالطبخ وما تبدع وتطلع مواهبها إلا أيام الامتحانات..
وفيه ثانية تدهر بالأكل ..
وفيه ثالثة في السوالف مع أهلها..
ورابعة عند التلفزيون ....
وفيه ناس تخصص نوم ايام الامتحانات وهذي من عينتي انا ما يكبس علي النوم إلا إذا جيت أفتح الكتاب واحياناً اروح للمدرسة ما أنهيت المذاكرة بس ربكم ستر..


واتحدا أي وحدة تقول أني اقدر أذاكر مع صديقتي الفلانية إلا أن تكون هالبنت دافورة ويهمها الوقت اما تروح لبنت داجه مثلها ما أتوقع أحد بيفلح..

على طاري بروح أذاكر مع فلانه بقولكم سالفة لعينة من العينات إلى قسسمن بالله ختم الدلاخة محتكرينة هذي بنت عمي وأختي الله يحفظهم ويرعاهم لنا لأنهم من جد مفخرة كل بيت واصلوا دراساتهم العليا سوا هع هع أقولكم السالفة هذي بنت عمي وحده كسلاااااانة اللهم لاشماتة تحرك عندها الإحساس برغبة لنجاح ولو بنسبة قليلة ففكرت وفكرت وفكرت قالت انا ما أعرف اذاكر لحالي ودي احد يساعدني مين يارب؟؟ مين يارب؟ مين يارب هوووووبا ... قالت مبدهاش طحت عليها مافيه غير بنت عمي (اللي هي أختي المصونة) ولاتحسبونها داااافوره قسسسمن بالله هي أدج وحده فينا وأقل وحدة بيتنا وصلت لمرحلة دراسية بس مدري ليش بنت عمي الخبله أختارتها سبحان الله وافق شن طبقة المهم بنت عمي قالت لأهلها بروح أذاكر قالو ماشاء الله زين والله عند مين طيب قالت عند فلانة بنت فلان وإذا رفضتوا والله ما أفتح الكتاب (كخخخ تهدد هي وجهها مسويه فيها بتأخذ الشهادة العليا ) اهلها قالوا لا روحي لها ولو تبين كل يوم بعد نوديك لها (على نياتهم)..

بنت عمي جات لأختي ومن يوم جات ما عاد شفنا اثنتين (اهلي قالو ما شاء الله شكلهم مدهرات في المذاكرة ) خلنا نتركهم على راحتهم لين يخلصون واهل بنت عمي كل شوي يتصلون يسألون عساهم يذاكرون أمي ايه والله من يوم جات بنتكم معاد اطلعوا من الغرفة ومن هالحكي والمدح والله اني كنت احس ان امي وزوجة عمي بيطيرون من الفرح عشان ها اثنتين قسسمن بالله مشهورات بالكسل ولا عمرهم نجحوا نجاح يوسع الصدر بس خلوها على ربكم ما أبغى أطلع فضايحهم أكثر راح أقولكم وش كانوا اثنتين يسوون...



(كانوا جالسين يتنقشون ويتحنون بالغرفة) كخخخخ ويصلحون شعور بعض ويتمكيجون والدراسة ما جنبها أحد...:32:

أنا قلت لكم والله انهم أكبر مسسخره وأكبر دلاخة ..
للمعلوميه بعد ترا..:


حنااااهم طلع يهههههههههبل أما أشكالهم كانت تجيب الهم ههههههههههههاي (كخخخخ شكلي بتكفخ بعد أنا) هع هع واثنتين تزوجوا وحرمات سنعات في بيوتهم الحين و اثبتوا لي ولغيري أن الشهادة ما عاد لها كرت لأنهم تزوجوا بشهادة أولى متوسط ههههههههههاي..(سيرتهم الفنية باختصار) هههههاي..

أتمنى ما أكون ثقلت عليكم بثقالة دمي ..

تحياتي للجميع..

وبالتوفيق للجميع أتمنى تشاركوني بمواقف مرت عليكم من أيام الامتحانات ..