السلام عليكم
مشرفات بليز خلو الموضوع في هالقسم راح أقولكم ليش
بكتب لكم موضوعي عشان إلي محتاسة في الإهتمام و إلي ما عندها ثقة تعرف إنه فيه حل بسيط يخليك ملكة جمال غصبن عن الكل
و الأهم إنه هالنقطة و ربي ممكن تقلب زوجك و أهله و تصرفاتهم معاك 180 درجة و كمان راح أقلكم ليش
سبحان الله إكتشفت بالصدفة موضوع الأخت شي بلا سكر و عنوانه جَمالك له دور بشخصيتك مع اسرتك ومُحيطك,بطلي كَسل واهتمي(1) أنصحكم فيه :icon18:
و ألحين راح أقلكم تجربتي الشخصية مع هذا الموضوع
بالبداية أنا كنت من النوع إلي ما أعرف إذا أنا حلوة أو لا رغم إنه أسمع مدح بس أقول مجاملات أو ممكن هالشخص يحبني و كذا... ما أعرف كيف فهمكم بس كان جمالي كان من النوع إلي ما يبآآآآآن شنو ما سويت ما يظهر يعني لازم تدقق عشان تعرفي إنه ملامحي مش بطالة خخ :icon20:
كنت مرررة عادية و الأهم من كذا ما كان حد معطيني وجه >>> صريحة :hahaha:
سنوات عذاااااب و أنا ما عندي ثقة في نفسي و كل مرة أطلع مكان أشوف البنات متعدلين و أنواع الإهتمام و أتحسر على نفسي و أقول ليه أنا كذا و إلي يحسرنى أكثر إنهم مش أحسن مني بشي بس شاطرين و سنعات و عندهم صبر و تجيني عزيمة أتغير يوم يومين و أرجع زي أول
و ربي كنت لما أطلع أي مكان أمشي زي اللي تقول ما تطالعون بليز أمنيتي كانت إني أكون شفافة و كنت أتهرب من زوجات حفلات أي مناسبة مااا أعرف وش أسوي وشلون أنسق و أخاف من الأماكن إلي فيها ناس ودي أختفي بس و متفشله من شكلي مرررة
ما أقول لكم ما كنت نظيفة بس يا دوب ألبس شي مقبول و شعري يا دوب أغسل و بس و ما أعرف أسوي أي تسريحة و أقصى طموحاتي إنه شكلي يكون مقبوووووووووول و بس
مو مهم حلوة أو لا المهم مقبولة هذي كانت معآيييري !!
و كان كل همي أو حجتي إني عادية و ما عندي شي مميز مثلا عيون ملونة او شي كذا و هالبنات أكيد من عند الله شعورهم كذا كثيفة أو أكيد من الله بشرتهم حلوة و صافية
والله ثم و الله ما حسدت واحدة في يوم بس يعني كنت أتحسر أكيد كل واحدة فينا تحب تكون مميزة
و ظليت على هالحآآآآآآل و أنا أستنى معجزة تغيرني أو شي يدفعني حافز أو أي شي
إلين جاء اليوم إلي قلت فيه لنفسي إنتي شو مستنية ؟؟ معجزة ؟؟ و ليش تنتظرين ؟ و شنو إلي منعك تتغيري؟؟
قررت ما راح أرضي شكلي يكون فقط مقبول و عادي
قررت أتوقف عن البكاء و الشكوى و الحجج
بديت ألاحظ إن الفرق الوحيد بين البنت اللي جمالها عادي و اللي تكون ملكة جمال هو الإهتمام الإهتمآآآآآم ثم الإهتمام و بسسسسس
و ربي يا بنات لاهي ملامح و لا بياض و لا طول و لا شي
أكيد إلي ملامحها جميلة و إلي شعرها ناعم أو طويلة أو فيها شي مميز عندها شي حلو و الإهتمام بيزيد عليه
بس بالآخر واحدة عادية بل و أقل من عادية و مهتمة بنفسها تطلع أحلى من الجميلة بألف مرة و هي اللي تجذبك
بقلكم الخطوات إلي سويتها لهذي الثورة خخخ
أول شي جبت دفتر كتبت فيه قسمين :
سمو بإسم الله قبل أن تبدأو :
القسم الأول الأشياء الحلوة فيا إلي أبغى أبرزها
ثانيا العيوب إلي ممكن تنحل
لاحظو إني ما حطيت قسم العيوب إلي ما ممكن تنحل ( إلا بعمليات تجميل مثلا ) ليش ؟؟
عشان ما فيه فايدة !! كلن تحطيم على الفاضي و ما راح تقدرين تسوين فيهم شي يعني لو عندك كرش ممكن تمرين + رياضة بس لو العيب إلي عندك هو الأنف الكبير ... ماله داعي تحطم نفسك و من الأحسن تركزي على إبراز الأشياء الجميلة فيكي أحسن ما تفكري تخفي العيوب .. و إنتي بذكائك و شطارتك لما تبرز الأشياء الحلوة ما حد راح يشوف العيوب لأنه الجمال يغطي على الباقي
و لا تقولين ما عندي شي حلوة مستحيل مستحيل مستحيل
بعد ما عرفتي الحلو فيكي إعملي حملة تنظيف و جرد
كل قطعة من ملابسك البسها و شوفيها إذا تناسبك 100% أو لا . مش 70% و لا 90% لااا 100% تكونين مقتنعة فيها و إنها تناسبك و لونها حلو عليكي و شكلها لايق على جسمك و تحسين نفسك مرتاحة فيها و تعطيك ثقة في نفسك و إذا لا شوفي إذا ممكن تتعدل عند الخياط و إذا لا و ما فيه أمل تتصلح حطيها على جنب بلا رحمة و لا تردد راح تتبرع فيها
لازم كل قطعة ملابس في خزانتك تعشقينها و تحطين في راسك إنه ما يستاهل شي يلمس جسمك إلا إذا كان كاامل من كل النواحي
بعدين تروحين على الميك أب و الإكسسوار و سوي نفس الشي
ترى لو عندك 20 قطعة في خزانتك و كلهم حلوين أحسن من 100 نص نص
أصلا لما تكون خزانتك مليانة تحتارين كل يوم و تكون عندك أشياء حلوة و منسية و ما راح تعرفين شلون تنسقيهم
ثالث نقطة كل يوم لازم يكون هدفك لبسك و شكلك يطلع كامل و حلو
مش بس أيام المناسبات الكبيرة
كلنا نتكشخ في المناسبات
أو لما تكون فيه وحدة تكرهها جاية لعرس فلانة خخخخ :icon31:
بس الفرق هو مين إلي يهتم في نفسه لما ما يكون فيه مناسبة و لا متوقع يشوف حد مهم ...
كل يوم ما تطلعين الا و إنتي مقتنعة بكل نقطة من لبسك لشعرك لمكياجك و إذا فيه شي مش راضية عليه حطي نقطة للتذكير عشان بعدين تفكري فيها و تعرفين وين الخلل و كيف ممكن تصلحيه يعني لو كشختك كاملة بس نظرتي في المرايا و لقيتي شعرك مش حلو أو أظافرك ماهي منسقة معناها لازم هالاماكن تركزين عليهم أكثر
نقطة مهمة :
خلي عنايتك بسيطة عشان تقدرين تستمرين عليها
من الأحسن و بمليون مرة أن تكوني من النوع إلي تنظف وجهها زين و تحط كريم ترطيب كل يوم و بسسسس
أحسن ما تكون عندك مليون خلطة و جدول معقد و ما تقدرين تستمرين عليه !!!!
أهم شي تحددي شنو الأشياء إلي راح تسويها و تحطيها في جدول و تكونين صادقة مع نفسك هل أنا راح أقدر أستمر على هالشي ولا لا ؟ إذا لا إنسي و شوفي شي ثاني !!
ألحين ليش أنا حاطة الموضوع في قسم الأسرية
بنات أنا زوجي يحبني و ما قصر معاي و لا مرة حسسني إني مقصرة من ناحية الإهتمام و بالعكس دوم كان يحاول يرفع معنوياتي و يقلي إنتي حلوة إلخ حتى لو أكون مش ولا بد و وجهي كله حبوب و شعري لحاله سالفة...
بس يوم بديت أهتم تغير مرررررررة صار مهتم فيني أكثر و أكثر و طاير فيا و ربي أي شي أطلبه على طول ما شاء الله أصلا أنا لاحظت و ربي لما أكون مضبطة نفسي و شكلي حلو و مغري يصير لين هههههه يخاف على زعلي أكثر ههههههه >>> طماع
بس المفاجئة الأكبر و للأسف .. أقارب زوجي (مش أمه أو أخواته زي العسل ربي يحفظهم لي ياااااا رب ) بس أقاربه من بعيد إلي ما كانو يعرفوني لما يشوفوني في مناسبة
بنات صارو يتلزقون في أعطيني رقمك تعالي زوريني إلخ إلخ
كنت لما أطلع أي زيارة أو عزيمة كأني مش موجودة
ألحين من الثقة سرت أتكلم زين والله حتى شخصيتي و أسلوبي تغيرو سبحان الله لما تكونين واثقة من شكلك تجيك ثقة من كل النواحي و سرت إجتماعية أكثر .. أول كنت اتخبى و أقول يا رب ما يطالعون عشان ما يشوفو شعري اللي نكش و مكياجي إلي يفشل أبو طقة و الزيوان إلي في وجهي
ألحين حتى إلي ما يكلموني تحسين من نظرتهم غير يعني الناس تنتبه لوجودك >>> قلتلكم واحدة مشفوحة ما كان حد معطيها وجه ههههههههه
بس و ربي يا بنات الثقة إلي بتحصلينها من الإهتمام غييييييير
أصلا ما عدة أستحي اتدلع على زوجي أو حركات إغراء صارت طبيعية
و تأكدي إنه عقلك بيتبع شكلك يعني لو إنتي لابسة لبس مغري بدون شعور تصرفاتك تصير كلها مغرية و أنثوية و لو لبسك رزة بتصيرين رزة و لو لبسك سبور راح تلاحظين حتى حركاتك أخف و كلها نشاط سبحان الله
يعني أتعب و أنا أقول مهم الإهتمام و ما هو مجرد كماليات
كل يوم قبل لا تطلعين من البيت على أي مكان إسألي نفسك :
- هل حاسة إني في أقصى درجات جمالي و ما عاد فيه شي ممكن أحسنه أكثر من كذا ؟
- هل لبسي و مكياجي يبرز على الأقل شي واحد جميل من النعم اللي ذكرتيها في الدفتر في القسم الأول ؟
- شنو الإنطباع إلي أبغى أعطيه للناظر ؟ مثلا لو زوجك >> أبغى إنطباع إني واحدة مغرية و لو في مكان عمل أبغى إنطباع إني ناجحة إلخ و على حسب الإنطباع اللي تبغينه تختارين اللوك المناسب
و لا تقولون لي الجمال جمال الروح كلنا عارفين هالشي بس تأكدي أن الناس تحكم عليكي من شكلك حبينا هالشي أو كرهناة هذا طبعنا كبشر مهمة حاولنا نغير .. أكيد إنتي نفسك تسوي هالشي لو شفتي واحد بشرته معدومة و لابس لبس عمال بدون شعور راح تحكمين عليه و على مستواه الدراسي و شنو ممكن يكون شغله إلخ في ظرف ثوآآآآآني يعني مستحيل نتوقف عن هالشي كبشر
لذا يا بنات أهم شي ممكن تطلعون بيه من هالدرس شو : الإهتمام ليس نصف الجمال . الإهتمام هو الجمال كله !!!!