حلوة الطرق بس خبريني شو اللي جربتيه بالضبط عشان نجربه.. والله يعطيج العافية يالغالية

تسلمي يا بناتي قوته والمسافره علي ردودكم وعلي مشاركتكم لي
المسافره يا بنتي كلها انا اسويها واحطها عندي في الثلاجه تعرفي بعض الاحيان او يو الخميس يجو بناتي واحفادي فيكون شيء من الفلاقل موجود وهما يحبوه
فأرجو انك تجربيه واذا عندك اي استفسار انا جاهزه يا حلوه:26: :26:

أهلين وسهلين بالخالة أم مقص.. ترى توني بس أدري انج حرمة عندج عيال وأحفاد بعد.. ماشالله الله يخليهم لج ويبارك فيهم انشالله..

انشالله خلاص بحاول أخذ الأغراض وبسوي طريقة من الطرق بالبداية وبخبرج عنها.. بس مادري فيه منجا أخضر ألحين والا..

بسألج اذا تعرفين اجار بس يكون فيه فلفل أخضر حار مفروم مع الثوم والخل ومادري شو بعد.. والله يعطيج العافية

ام مقص

تسلم إيدك على طرق الآجار الروووووعه

عساك على القوة يارب

:26: :27: :26:

تسلمي يا بنتي المسافره ويا بنتي نبض كم اتمني تجربوه لاني كلها اسويها وانشاء الله يعجبكم اما بالنسبه لللأجار الفلفل الاخضر مقاديره هو
اولا نصف كيلو فلفل اخضر
راس ثوم ملعقه كمون وكزبره ناشفه مطحونه
كزبره خضرا حزمه
ملح 2 ملاعق كبيره
خل نصف فنجان قهوه صغير
زيت طبخ
الطريقه
اقطعي الفلفل الي قطع وحاولي قبلها ازالة البذور
اطحني الكزبره مع الثوم
خذي زيت يعني فنجانين شاهي وضعي فيه الفلفل وحركيه الي ان يبدأيحمر ضعي عليه الكزبره والثوم الطحون
ثم ضعي الكزبره الناشفه والكمون وحركيه جيدا علي نار هادئه
والملح ثم ضعي الخل وكوني علي التحريك وبعدها اتركيه يبرد وضعيه في برطمان وفي الثلاجه
وبالهناء والعافيه
بس انتبهو لالالالالالا يسود او يحمر كثير حيصير طعمه مر