انا اشوف اغلب الناس جايبن الشغاله عاده وليس حاجه زياد ة رفاهيةيعني فيه نا س اعرفهم 7بنات مع الام وعندهم شغاله والبيت صغير

• انا خالاتي هم بما فييهم امي عندهم وسواس نظافه ولا عندهن شغالات والبيوت تلمع الحمدلله ومشهورات باالسنع

وان شاء الله بحذو حذوهن
بس غريبه بنات الاجانب اغلبهم مو نظيفين؟؟
كنت اعتقد ذللك

اتوقع والله اعلم انا احنا الخليجيين اكثر ناس نعتمد على الشغالات ليش لأن عاداتنا صعبه يعني ضيوف دايم ولازم نجيب عيال كثير وصحتنا مو ذاك الزود لأن عاداتنا الغذائية كمان غير سليمه ..اما في اليابان سمعت ان دوام عيالهم في المدارس من الصبح الين المغرب يعني يجي البيت خلااص بس ينام ... وهذا الشي في صالح الام والطفل ... بالاضافة الى الحضانات متوفرة في كل بلدان العالم الا عندنا مدري ليش؟

وكمان ما ننكر انهم يربون الطفل على النظافة والاعتماد على النفس سواء في البيت أو المدرسة < ما شفتوهم في خواطر يعلمونهم يشيلون الجزمه حقت الشارع ويلبسون جزمة المدرسة ,, ويغسلون يدينهم قبل الاكل وينظفون فصولهم بنفسهم ....الخ ... بالاضافة الى ان الاهل ما يخلفون كثير يعني طفلين او ثلاثة بالكثير مو زينا نص درزن او اكثر ..وبعدين ما نقدر نسيطر عليهم ...

ومعروف كمان ان الحرمة اللي تخلف اطفال كثير صحتها تصير ضعيفة وما تقدر على شغل البيت وتربية الاطفال ...

وما ننكر ان بعض الناس عندنا يجيبون الخدم لمجرد الكسل ورفاهية او مظاهر يعني فلانه عيالها اقل وبيتها اصغر جابت شغالة انا لازم اجيب !!

هذا اللي عندي ...يعني مشكلتنا عادات أثرت علينا سلبيا .

احس انها صارت خطبه مو رد :35:...

حياتهم غير حياتنا
ماعندهم عيال كثير
بيوتهم صغيره عادة
ماعندهم تكلف بالمعيشه
الاحظ يعتمدون عالوجبات السريعه والمجمدات
مايجيهم ضيوف

الاسره كلها تتعاون كل واحد يقوم بشغله وكل واحد يغسل الطبق اللي اكل فيه



حتى عزايمهم يسمونها حفلة بيتزا ويتعشون بيتزا وشراب بس
او حفلة شاهي يشربونه وياكلون عليه كيك

مو احنا اذا بالعزيمه مايبقى اكله تعرفيها الا سويتيها
ورجالنا المطبخ مايدلونه المويه تجيهم لحدهم
و3وجبات الزامي غير الوجبات الصغيره والشاهي والقهوه


بالاصح هم مثاااااااليين واغلب وقتهم بالدوامات يفطرون ويتغدون


مافيه مجال المقارنه


العربيات \
عندهم خدم بس قليل مو زينا
ونفس الشي هم نظاميين والرجل يساعد
والحرمه تسوي مونة اسبوع بالثلاجه ياكلون منها
وماعندهم تكلف زينا

احنا لو تكررين اكله يومين ورى بعض ملوا وتاففوا وياكلون بدون نفس مابالك لو نسخن من الفريزر

تصدقين اني احيانا اقول في نفسي انه شي مو طبيعي اغراقنا بالمتع والاكل والعماله اللي نهبونا

نهبوا السعاده منا نهبوا التمتع ببيوتنا نهبوا التمتع بسياراتنا نهبوا التمتع باولادنا بازواجنا بارزاقنا و.....و..... الكثير الكثير

هل معقوله فتح المكاتب لاسعادنا طيب طول اعمار اهالينا مايعرفونهم والصحه حديد والبسمه ماتفارق وجيههم وكل متع الحياه ببساطتها عندهم

واحنا ولا شي

تصدقين احس كل هذا الشي مكيده تحاك ضدنا حتى نهن ونضعف ويتم الاستياء علينا

فايش رايك بتحليلي اللي شاغلني وكل يوم اشوف بوادره تلوح في الافق

بناااااااات وش ذا الفلسفة ؟؟

اللي تقول قذرين واللي تقول يجيبون شركة تنظيف واللي تقول مايكون ولايغسلون ملابسهم واللي تقول اي عندهم شغالات .. بالله من فين جبتم هالكلام ؟؟

واللي تقول برنامج بالم بي سي حق بيوت قذرة ... هذا يالغلا برنامج امريكي لناس مريضة وهم يحاولون يساعدونهم .. ومررة مستغربين منهم عشان كذا مسويين برنامج عنهم !!!

انا عايشة في امريكا اكثر من ثلاث سنين !! واللي عايش وشايف مو زي اللي يسمع ..

اولا .. العوائل (موب العزابية ) قمممممة بالنظافة والترتيب والتنظيم .. ما عمري دخلت بيوتهم ولقيتها وصخة او مكركبة او حتى مو منسقة بالعكس رهييييييييبة حياتهم منظمة ومرتبة .. وبالعكس كثير عوائل عندهم اطفال كثار !! اصلا اربع اطفال جدا جدا عادي عند العوائل .. حنا بالله بالسعودية مين اللي عندها اربع بزران وماتجيب شغالة ؟؟
وتربيتهم خيااالية للاطفال ويهتمون فيهم اكثر من عيونهم !!

واللي تقول بيوتهم صغيرة !! من قال لك ؟؟ بالعكس كثير من الامريكان بيوتهم زي بيوتنا بالحجم ..

واللي تقول ما عندهم حوش وغسيل .. يالغلا عندهم حدائق ببتهم ويهتمون يقلمون الاحشائش والاشجار .. يعني نفس مقدار الشغل

طبعا في اشياء خلتهم ما يحتاجون شغالات زينا وهي :

1) الزوج جدا جدا متعاون !! يمسك الاطفال ويغير لهم .. يغسل ملابس ويطبقها .. يحط المواعين بغسالة مواعين .. يالله عاد وين تلقين سعودي يشيل ملعقة من الارض ؟؟ الحرمة اذا ولدت .. الزوج يرضع ويغير للبيبي ويقوم بالليل يمسك البيبي ويرضعه اذا صاح !!!!!!!!!

2) عندهم اشياااء رهيبة تساعد بالتنظيف بسرررعة .. مثلا مستحيل بيت يخلو من غسالة مواعين .. ومن جد تجننننننننن الغسالة شي خيالي توفر الوقت ولا تعب ولاشي
عندهم معدات التنظيف السريعة خيالة .. مثلا مناديل ومساحة كلوريكس تجنن.. مناديل رطبة بكلوريكس يمسح فيها ارضية المطبخ والطاولات بدقايق ونظافة خيالة ..

حتى ياشيخة المكنسة الكهربائية ما تحتاج تنظيف وغبرة وقرف .. مجرد الكيس الداخلي ترمينة وتحطين كيس جديد !!

والاشياء السريعة للطبخ خيااااالية !! تعبت مانيب قايلتها خخخخ

3) البساااااااااااااااااااااااطة .... يعني تصير عنهم عزايم .. يهتمون بالضيف ويكرمونة .. وبالعكس يحطون حلا انواع واشكال واكل .. بس يجيبون من برة اشياء وكذا وزي ماقلت عندهم اشياء خيالية تسهل وتسرع الطبخ بدون حوسة .. واذا عزيمة مرة كبيرة .. حطوا صحون بلاستيك وارتاحوا ..

والله حتى صحون البلاستيك مررة فخمة تقل حقيقية .. وملاعق البلاستيك لونها زي الملاعق الحقيقية بالضبط .. مرررة رهيبة

4) اللي تقول مين يمسك عيالهم .. عندهم حضانات ممتاااااازة يستقبل الطفل وهو شهور .. يحطون فيه الطفل .. واذا احتاج الزوجين يطلعون من غير اطفال .. يجيبون بيبي ستر بالساعة تمسك اطفالهم ..