الاحراج؟؟وارتفاع من درجات الحراره!!!

"حبيباتي"
كل وحده منكم مرت بمواقف محرجه؟:icon33:
وتغير لون الوجه وارتفعت درجات الحراره عندها
بالنسبــــــه لي انا ياكثر مامريت بهالمواقف
ومو بس الوجه صار علبة الوان
حتى الصدر وصلنا له خط وصار طماطم ناضج
والمصيبه كل انواع الاحراجات مرت علي
اللي يفشل ويخجل واللي يضحك واللي
آه يفجع ناس نايمين؟؟؟

طبعن بقولكم على بعض منها ومن كل نوع واحد
الاول:مره وذات ليله كنت اكلم وحده من صديقاتي
والاخت مو قادره تكلم ياحظي مستحيه من أبوها كان عندها
وقالت دقي علي بكره الصباح الساعه10
يكون أبوي راح لشغله
قلت خير انشاء الله وانا شايله هم كيف اصحى وما اتفشل مع البنت
طبعن مو متعوده اصحى بدري :(
المهم والله وصحيت واناظر بالجوال يووه
الساعه 10وعليها:frown:
وبسرعه اركض واغسل وطيران على التلفون
وأدق وبعد ايش ردت علي امها وسلمت عليها
بكل ثقه وبكل قوت وجه طلبت بنتها :)
غريبه حسيت من صوتها نبرة فجعه!!!
وآخيرآ جت البنت وسلمت عليها وانا كلي روقان
والبنت ماينسمع صوتها من النوم
ودخلت عرض عساي ما تأخرت عليك
والله صحيت مفجوعه وجيت ركض وبسرعه ومدري وشو
المهم تكت أختكم بالله ونزلت بالسوالف:buck:
غريبه البنت ساكته وكنها مفجوعه
قلت هالحين مصحيتني من النوم وانتي نايمه
قالت ماعليش ماقدر أكلمك
أبوي عندي
!!! هه ليش أبوك ماراح الشغل
قالت لا تو الناس
ليه الساعه كم؟؟أه تدرون الساعه طلعت كم؟؟













الساعه؟؟؟


















7 وعشر

يووووووووه وشو :icon33:
وتعالو شوفو ذبت من الاحراج :icon8:مفجعه الناس من صباح الله خير
طيب أمك ليه ماقالت لي نايمه على الاقل كنت باناظر بالساعه
واعرف انه بدري قالت امي انفجعت
وقالت يمكن فيكي شئ
وجلست أعتذر وماشفت ساعة الجوال زين المصيبه البنت ماأمون عليها
وأعتذريلي من أهلك
وحرمت ماأدق في الصباح لين أشوف الساعه زين


الثاني أمس دقت علي وحده ما امون عليها
وردت أختي وقالت أسم وحده من صديقاتي
أمون عليها مره ومن زمان ماكلمتني
أختكم بالله مطيفيقه شوي على طول أهب بالواحد
وأخذ التلفون هلا والله
سلمت البنت وكيفك
بزريه الحمد لله أنتي حيه
البنت!!!!! أشفيها هذي سكرانه؟؟
قالت أيوه ماتدري أش السالفه :16:
قلت شخبارك الحمد لله
استغربت من الصوت بحمد الله رجعت الذاكره
قلت أنتي فلانه قالت ايوه
وانا أتفشل وترتفع درجة الحراره
المصيبه توها مكلمتني قبل يومين
ما ما عليش والله أحسبك فلانه:icon8:
قالت لا عادي عديها
وهي تضحك ههههههههه
وانا عجزت أكلمها من الضحك والاحراج
أش رايكم بالمواقف
يالله كل وحده تدخل تسرد لنا موقف محرج مرت به
وأش صار لها فيه
نبي نضحك;)