الاخوات الرجاء اعطوني تفسير لمشكلتي

السلام عليكم
إخواني أخواتي أسعد الله صباحكم بكل خير
مشكلتي مع زوجتي باختصار
حصل خلاف بيني وبينها بسبب مبلغ من المال أنا ارى انه هذا المبلغ من حقي وهي ترى اني مالي حق فيه فانا قلت لها بعد الراتب اعطيني حقي فرفضت طبعا هي موظفه وانا موظف فهمتها اني هذا حقي ورفضت فقررت اني اهجرها ولا اكلمها لين أشوف رسالة تحويل المبلغ في جوالي والان لنا أسبوع تقريبا وانا ما اكلمها ولا انام معها طبعا انا توقعت انها تستجيب خلال يومين من الهجر لاني اعلم ان الهجر وقعه شديد على المرأه ولكن حدث مالا أتوقعه اسبوع وهي صامده وانا منهار داخليا وحزين جدا بس ما أوضح لها طبعا هي ولا همها حاولت ازود العيار شوي اذا جت عندي اتابع سنابات بنات قدامها واشغل كلبيات مغنيات عندها قلت يمكن من باب الغيره ترضخ لكن برضه ماهمها طبعا هي ايام الاسبوع مشغوله بوظيفتها والعيال وايام الويكند تطلع من البيت مع العيال من بعد العصر الى نص الليل تروح عند اهلها وتضيف صديقاتها وتروح حدايق ومطاعم وانا اروح عند اهلي او مع اصحابي لكن هالاسبوع ماقدرت بسبب نفسيتي تعبت من الهجر انا الي شاغل بالي وماني محصل له جواب معقول تحب الفلوس أكثر مني ؟ معقوله ما أثر فيها الهجر خاصة واني هاجرها فالفراش من اكثر من اسبوعين وهذا الثالث
علما اننا متزوجين من عشر سنوات وهي لها فضل علي كبير بعد الله لكن أنا قررت اني أتزوج ثانيه بسبب هذا الموضوع وبسبب موضوع ثاني الي بسببه هجرتها فالفراش
طبعا انا ليش اخترت هذا المنتدى بالذات لاني ابغى من الاخوات يفهموني ليش ما اثر فيها الهجر وهل يمكن انه يكون دليل على انها ماتحبني
وشكرا لكم