الكـــادي :

عزيزتي اول شئ : شيكوا عليه طبيــا .. وتأكدو من سلامة الأذن وسلامة الدماغ لان الدماغ مسؤول عن الصوت اللي يطلع من الانسان ثاني شئ : اذا كان اخوك سليم طبيـا ,, معناتها الخلل موجود بالبيت واسباب الخلل تكمن في مثلا انكم تحرجونه تقولون له اطلع مع العيال سولف عشان يتغير الكلام معك او يتعدل صوتك ,, او انكم تقولون له عدل كلامك وش هالكلام ؟ (تتنظزن) او قد يكون الطفل مدلل بشكل غير طبيعي وصدقيني هذا سبب بعد وفيه سبب ثاني ..لكن استبعده (انكم تقسون عليه بزياده وبشده ) وفيه سبب آخر عدم تحمله المسؤوليـه هذا سبب ’’ عموما الجانب النفسي ككل اكبر سبب ,, يمكن بعد والله اعلم صابه شئ يروعه لما كان صغير ,, او يمكن استعجلتوا عليه لما كان صغير تبونه يتكلم بسرعه وهو حده كلمات يقدر عليه اسباب كثيره الحل عندي : اولا شيكوا طبيا ثانيا لاتضغطون عليه من ناحية الخروج هو لسا صغير 14 ,, وانتوا خواته اكيد تحطمونه وتتطنزون عليه ,, مايصير كذا خلاص عطوه ثقه ريحوه داخل بيته ,, يمكن هواياته الالكترونيات لاتضغطون عليه في جانب يحبه ويستمتع فيه فيه نـاس كثير بيتوتين مايحبون يطلعون كثيـر مرتاحين كذا ’’ عادي مافيها شئ يكبر ويتغير صدقيني .. واذا ودكم يختلط بنـاس قولوا له بكلام حلو ولين يحس انه كبر ’’ مثلا اتصلوا على بنت عمكم او بنت عمتكم خليهاا تقول لاخوها يتصل على ولدكم ويجيه البيت ويتغدى عنده ,, واليوم الثاني يجيه ويتعشى عنده مثلا .. تدريجيا شوي شوي لماا يعزمه ولد عمك ويطلع لبيتهم ,, شغله ثانيه نبهي الوالد عليه قولي هو لسا صغير لازم يتعلم الرجوله .. وده معك .. يصلي بالمسجد .. يزور اصدقاءك ,, يشترون اغراض البيت وخليه يعامله معامله رجـال <= مو رجال رجال عشان مايضغط عليه ويحس ان الوالد يعامله فوق طاقته لا انا قصدي يحسسه انه قدها وقدود , ويعطيه الثقه على سبيل المثال : يروحون لسوبر ماركت ويعطيه ورقه فيها مكونات البيت ,, ناحية ثانيه امكم ,, يمكن هي سبب الخرااااااااااب كله (عندنا وعندكم خير امي كذا ترى ) قولي لها تعامله معاملة كبير .. وتحاول قد ماتقدر تعطية شوية مسؤوليات ,, تحاول بعد انها ماترحمه كثير كثير عشان مايستضعف نفسه ولا تقسى عليه كثيـر ’’ انتو خواته قولوا له لارحتو مكان روح معنا ,, بصصراحه خايفين نروح لحالنا نبيك تروح معنا من هالكلام ولاتنسين ترى هو صحيح صغير لكن في مرحلة المراهقه وتعرفين اظن هالمرحله ومااا ينطوي عليها من عصبيه وعناد ومشاكل وش كثرها وان شاءالله مع الثقه ومع المعامله الزينه واعطاءة المسؤوليه واعتماده على نفسه والاختلاط تدريجيا بالناس راح يتغير ويقرقر عليكم وتجين تكتبين بالمنتدى شوفوا لنا حل ولدنا يقرقر ولايقعد بالبيت خخخخخ

عزيزتي اول شئ : شيكوا عليه طبيــا .. وتأكدو من سلامة الأذن وسلامة الدماغ لان الدماغ مسؤول عن...