افضل حل انكم تسجلوه نادي رياضي او العاب قوة كارتية
هدا الحل راح يزيد ثقة بنفسة ويختلط مع الناس

امك وابوك السبب
والله المفروض انه مع ابوك طوال الوقت
اخوي الله يرحمه ويغفر له
كان وحيد لنا اربع بنات ترتيبه الله يرحمه الثالث
بس كان مع ابوي
اكثر شيئ ابوي حرص عليه فيه المسجد ممنوع يصلي بالبيت
واي عزيمه غصب يحضرها ويجتمع مع الرجال ولو عند جارنا او عمي او خالي هو اللي يصب القهوه
وشوي شوي يحتك بالناس والشباب والله يرحمه كان رجال
العيب في اخوك اهمال ابوك
ودلع امك
ورخاوتكم له
وترى الالكترونيات بلى
وضعف الشخصيه والتخويف اللي مورس عليه وهو صغير كبر معاه
وتربى تربية بنات يعني هذا ما ينقال وهذا عيب
الولد تربينه انك تعلمينه الالفاظ ومعانيها
لا تقولها لاحد ولو احد قالها لك تفاهم معاه بلسانك بيدك
لان الضعيف يستضعف بالمدرسه بزياده
واللي مثل هالشخصيات ينخاف عليه من التحرش خاصه لو البيئه اللي انتم فيها سيئه
ولاحظت من رودوك انكم ملتمسين له العذر
انه مايروح مع ابوك لان ابوكم كبير
لازم يروح مو على كيفه والله اخوي الله يرحمه كان يحب الشيبان ويحب يسمع لهم ويسنع لقصصهم يقول استمتع معاهم
وكان مايحبهم بس لما احتك فيهم انبسط
لازم يجبر على التجمعات شوي شوي بيحبها بس ماتتركون له العذر وكل ماقال مايعجبني تركتوه
لازم يخشوشن بالتعامل من طرفكم ومن طرف امك وابوك
كذا ممكن ينخدع بسهوله
لانه ماعرف للرجال
ممكن يتعرف على صديق سوء وهو على نياته يجره معاه لمسالك توديه بداوهي وياما سمعنا
عشان كذا لازم يخرج ويحتك ويتعلم

الحل يروح المجلس مع ابوه

يتعلم علوم الرجاجيل .. خلي ابوك ياخذه معه كل مكان

يخليه يصلي في المسجد كل الصلوات

في العزايم يصب القهوه ويستقبل الرجاجيل ويسلم عليهم

في الصيف دخلوه معسركات

اهم شي لاتجيبوله الاوامر بصيغه الامر يعني روح لتحفيظ روح لنادي روح مع الرجال ترا ان مار حت بيصير كذا وياويلك من كذا

لا خلوها بطريقه غير مباشره والتحفيظ مهم خلوه يروح له واذا الشيخ شديد غيرو المسجد

خليه يروح مع ابوك يتقضى وكذا يعني من الاشياء البسيطه وكم مره يروح مع ابوك بعدين يروح لحاله

اللهم صل على محمد وعلى آل محمد