هذي الوصفه اخذتها من اختي عندها كتاب وصفات سعودية
وجربت اطباق الرز منه وكانت لذيذه جدا بشهادة زوجي طبعا :) :)
واليوم راح اكتب احد الطرق وهي الرز العسيري
طريقه سهله والطعم حلو
اولا احمسي بصله كبيره مفرومه بشوي زيت او سمن يكون افضل
اضيفي لها 2 طماطم كبيره مفرومه وحرطي حتى تذبل الطماطم
بعدها احضري دجاجه مقطعه اربع وحركي الحمسه
اضيفي لومي اسود مكسر شوي بهارات و ملح و اتركي حتى ينشف ماء الدجاج
اضيفي بطاطه مقطعه صغير و اضيفي ماء قليل بس يغطي الدجاج واتركيه حتى ينضج الدجاج ويقل الماء
اخذي طماطه كبيره واحمسيها مه سمنه حتى تذبل اضيفي لها الماء والملح واسلقي 2 كوب رز بسمتي واشخلي الرز ( الرز راح يكون لونه احمر شوي من الطماط )
واضيفيه فوق الدجاج بدون تحريك
واتركيه حتى يستوي الرز وينشف الماي
اغرفي الرز اول و حطي الدجاج فوقه
الطريقه يمكن تقولين عاديه بس الطعم حلو
وعليكم بالعافيه
العصفورة @alaasfor
عضوة شرف عالم حواء
يلزم عليك تسجيل الدخول أولًا لكتابة تعليق.
الصفحة الأخيرة
وننتظر المزيد...
*** سبحان الله وبحمده سبحان الله العظيم ***