اكيد نطبخها فى البيت وهذى حلاتها

احنا جدي هو اللي كان يذبح الاضحية و يقسمها 3 ، قسم لنا نوديه البيت و قسم للجيران و قسم للمحتاجين و دائما ابويا كان يذبح 3 ،، بس جدي خلاص دحين تعبان الله يشفيه حتى الحمام الله يكرمكم يا دوووب ، اتذكر كنا نروح الصباح امي تلبسنا ارواب قطنية جديدة عشان نروح مع ابويا في حوش جدي نشوفه و هو يذبح و مبسوطين و ما علينا كنا اطفال و يجو الحريم امي و عماتي و مرأة جدي الله يرحمها و خالتي ،، و يشيلو اللحم و يحطوه في اكياس عشان نوزعها ،، و كل جماعتنا اللي يبغو يذبحوه يجيبو الذبائح قبل العيد بكم يوم و جدي يقعد 3 ايام يذبحها هههه ، كانت ايام حلوة و 3 ايام كلها نطبخ من الذبيحة ، و لما نجي البيت امي تروشنا و تلبسنا ملابس العيد بعد ما رجعنا من بيت جدي ، ايام حلوة لا تنسى , و لها طعم ثاني ،

بس دحين كل شي اتغير ، الذبائح نذبحها في المسلخة و تنقسمها في البيت و نوزعها على الفقراء و الجيران و الاهل و الباقي نطبخه في البيت ،، و جدي كبر و الحريم اللي ماتو الله يرحمهم و اللي كبرو ، و احنا كبرنا و القلوب ما صارت زي زمان ،، الكبار هما اللي كانو يخلونا نجتمع الله يطول في اعمارهم و الله يرحم اللي راح من الدنيا

لا منطبخة بلبيت ينطبخ في المطعم

احنا امي الله يطول لنا بعمرها تطبخها بالبيت ونتجمع يوم العيد على الغداء انا واخواتي ورجالنا الله يديم هالجمعه كل سنه يا رب ولا يقطعها

مابه جيران مثل قبل نوزع عليهم..الله يرحم اول

عادتنا الغدى يكون عند اهل زوجي

اما حقتنا فتنذبح وبالفريز...وعلى كل طبغه نطلع المقسوم

لكن يا بنات انوي في قلبك لو ان باستطاعتك لوزعتيها على الفقراء واللي جيعان بأذن الله تاخذين اجر النيه وكأنك وزعتيها

:26: