والله انتي منكده على نفسك بنفسك هذولا اطفال طبيعي يكونون اشقياء وحركيين لو ماتحركوا بتخافين وبتجلسين تراجعين من دكتور للثاني احمدي ربك واشكرية على هالنعمة ولاتجلسين تتشكين مصيرهم بيكبرون وبيعقلون
مو معقولة ماعندك فراغ لو نص ساعه تدلعين نفسك بالماسكات ولا الرياضة
والتجهيز للمناسبات النت مليان متاجر اطلبي لك فستان وخلاص كل شي اللحين متوفر في النت

حبيبتي شكواك مو كلها من اطفالك هي تجمعت عليك كل الظروف وحسيتي ان المشكلة من اطفالك
ممكن زوجك شايل يده من التربية وهذا اتعبك ممكن ماتطلعي دايم لأهلك وتقابلي صحباتك وهذا مخليك بنفس الروتين ودايم تحسين في شيء منكد عليك
ممكن ظروف مادية ممكن اي شيء ثاني مو بس اطفالك صدقيني بس انتي حسيتيها من اطفالك لانهم هم دايم بوجهك ولساتك مرتبطه بفضوة زوجك عشان تسوين اي شغلة
اسمعي غيري نظرتك لاتقولين انا بطلع الويك اند عشانهم قولي انا بطلع عشان انا انبسط مع اولادي وفعلاً العبي معهم اركبي تزحلقي معهم عيشي اللحظة
عندك مناسبة مالك خلق سوق معهم عادي اطلبي من النت
ودك تطلعين لسوق خليهم مع ابوهم في السيارة شوي


بس انا احس انه مو كله من اطفالك ولو تدققين بتلاقين ظروف اكثر من اطفالك مسببه حالتك هذه
الله يشرح صدرك وصدر كل ام ويقر اعيننا بذريتنا

انا ما شاء الله جيت اولادي اثنين بينهم سنة وشهر وبعد سنتين جيت لهم أخ والحمدالله اموري تمام صح احيانا اتعب شوي بس حلوين ويتونسو مع بعض وأنا اعلمهم يعتمدون على انفسهم إذا لعبة يرتبون الألعاب ولما ارتب البيت أقول لهم يالله ماساعد علشان يصير البيت حلو والحمد لله الامور تمام احيانا يساعدوني شوي احيانا لا بس المهم أنه يتعورو يعتمدوا على انفسهم

طفل طفلين ثلاثة عشره
بكل الاحوال خوذيها قاعده (اشغلي الطفل قبل مايشغلك) اعطيه حاجه يلعب فيها شي يقضي وقته فيه املئي وقت فراغه بلعبه قصه مساعده خليه يشارك معك بترتيب البيت لو عمره ٦ شهور اعطيه مهمات على قد عمره يرجع الكور مكانها يرتب العابه يصنّف الأدوات ، هذا اجمل عمر قربي لهم والعبي معهم لا يشوفونك طول الوقت معصبه خليك رايقه عشان اذا عصبتي او زعلتي يعرفون إن فيه شي خطأ ويراعونك على العموم من عمر ٣ سنوات اشوف الطفل يعتمد على نفسه تقريبا ويبدأ يخف التعب الله يخليهم لك

قدر المستطاع زوجك يساعدك بموضوع استقدام عاملة