السلام عليكم
شكرا لك عطر الشموع على وصفتك وان شاء الله اجربها بس ربنا يتر حاسة ان راسى ستكون مثل طبق الفتة "ثوم+نخاع+زبدة " ربنا يستر وزوجى ما يرمنى من البلكونة:22:
سكرة"والله اول مرة اعرف ان ماكس فاكتور مقاطعة وعموما هو خلاص قرب يخلص شكرا على اهتمامك
"ميرمام" شوفى الرسائل الخاصة:26: :26:

ايه الترحيب ده

تسلموا والله ما شاء الله علي ذوقكم

ومنورة هنا يا عطر الحب وفعلا عروس ما بقاش حلو زي الاول

كهرمانة
ياريت ترسليهم لي ع الخاص يارب يخليكي ويجعله ربنا في ميزان حسناتك

يارب

اولا احب اوي اشكر مروة ع الموضوع التحفة ده
وماشاء الله كلكم مجهوداتكم فيه ممتازة

واستفدت اوي اوي من كلامكم عن المسك وان شاء الله ناوية اشتريه
وعلي فكرة انا من الزباين الدائمين عند حراز لو حبيتوا تسالو علي حاجة عيوني
وعندي تليفونه


بالنسبة للشعر



حاجة بالنسبة للشعر
تاكدوا انكم معاكم قاموس

شعري الغلبان ده مافيش حاجة تتخيلوها ما جربتهاش فيه
اللي تتخيلوه واللي ما تتخيلهوش والله العظيم

لحد الحمد الله ما وصلنا في النهاية للخلطة التمام


ودي فرصة كمان عشان اقول ل mishmash
هي كانت بتقول شعرها بقا ضعيف جدا جدا

والله يا ستي وعن تجربة انا جربت السدر
وهو للكثافة فوق الممتاز

انا كنت ب قرا عنه في المنتديات وع النت وكلام البنات عنه ممتاز

بس بنت صاحبة ماما شعرها ما شاء الله علي كثافته رهيبة
هي اللي قالت لي وطلعتها في دماغي قالت لي مافيش في الدنيا لكثافة الشعر زي السددر

وفعلا بستعمله من فترة قليلة والشعر الصغير مليان في شعري والله وربنا يحاسبني ع الكلام ده


وهو لا ليه ريحة ولا بيدهنن
وبتشتريه من العطار الكيلو ب 40 جنيه انا اشتريت ربع كيلو بيكفيني شهر حسب استعمالك

وبتستعمليه زي الحنا بتضعي علي 3 ملاعق ماية دافية اوي وتضعيه في فروة الشعر وتتركيه في شعرك اطول وقت ممكن انا بنام فيه

وبس وتاني يوم بغسله من غير شامبو لانه هو هتحسيه زي الصابون والله
بيزحلق كده زي ما يكون فيه صابون شوية بسيطة

بس جربيه وهتدعي لي

اه هو اسمه في مصر نبق

بالنسبة ل بشرتي

انا مهملة فيها جدا جدا جدا جداااا

وهموووووووووووووت وحد يقول لي علي قناع مجرب لبياض الوجه ونضارته لاني من ساعة ما رجعت من المصيف ولوني ما رجع ل اللون الاساسي هموت والله

ياريت حد مجرب ماسك بس اكيد يقول لي عليه

وبالنسبة ل الايدين بستعمل ليمون للتنضيف حلو اوي
وناس بتستعمله لوشها انا استعملته بس بيحرقني اوي اوي

بس هو في ناس جربته وبيض وشها


بالنسبة للجسم

ناوية ان شاء الله لما اعرف انا هتجوز امتا ان شاء الله هعمل سنفرة ردة
وسنفرات طبيعية من المنتدي انا حفظاها ع الجهاز

وكمان في واحدة صاحبة صاحبتي راحت سنتر في المهندسين عمل ليها اسبوع قبل الفرح كورس للجسم للنظافة والتنعيم وريحة في الجسم تدوم اسبوع بعد الزواج

انا شاء الله ناوية اعمل فيه هي بتقول كان ب 150 جنيه
بس اكيد دلوقتي بقا اغلي

بالنسبة للكوافير


ان شاء الله ناوية بأذن الله لما ربنا يسهل لي واتجوز
مالي غير مسيو عبده

شفت بنات في افراح عاملين عنده والله بيخلي البنت واحدة تانية
من شكل المكياج والشعر ونظافة البشرة والجلد


كنت في فرح الصيف اللي فات والعروسة كانت عاملة عنده بس ريهام مراته اللي عملت ليها كل حاجة
والله العظيم العروسة نازلة في الدار من ع السلم
والله زي الافلام بالظبط كل عيلتها وعيلة العريس بيبصوا ليها مذهولين

كاننا بنشوف العروسة لاول مرة
لا دي مش اللي كان خاطبها اكيد دي واحدة تانية وكل اللي في الزفة رافع عينه للعروسة مش عارف ينزلها كل حاجة فيها كانت برفكت اتسريحة الشعر قمة في الرقة والمكياج لبناني بس مخليها قمررررررررررررررررررر

فعلا تشوفي العروسة دي تقولي
دي زي الممثلين عملوا فيها ايه نقعوها في كلورررررررررر
ههههههههههههههههههههههههههه


ان شاء الله ناوية اعمل عنده


بس انا اول مرة اعرف انه في السراج
انا اعرف في ميدان سفير في مصر الجديدة

هو ده فرع ليه يعني ؟؟

ياريت يا كهرمانة ترسلي لي رقمه وعنوانه ع الخاص الله يخليكي يا عصفورة
هههههه

بالنسبة للفستان
بصراحة والله مش عارفا
العروسة دي كانت لبساه فستان محجبات بس جزء بسيط من رقبتها كانت باينة ويادوب مبين ليها القصة بس رقيقة اوي اوي بس بتاعة افلام الاربعينات

وكانت محتشمة لا محجبة اوي ومقفلاها ولا فاتحاها ع البحري

والفستان كان قمة في الرقة

كانت اجرته من محل في شارع الطيران اسمه حبيبة
مافيش حد فيكم يعرفه

بما ان كل المصريات اللي في الموضوع من اللي عايشين في مدينة نصر؟؟؟


وكمان واحدة صاحبتي قالت لي ان امينة شلباية عندها محل للتاجير واول لبسة
بس راقي جدا جدا وبيبدا من 1500

وكمان قالوا ان مسيو عبده عنده تفصيل اول لبسة
ياريت اللي تعرف حاجة تقول لنا

وياريت اللي تعرف مكان كويس وحلو فعلا تدلنا عليه

وفيه محل في عباس العقاد اسمه مشمش حلو اوي فوق نورهان
فيه تاجير تاجيره حلو

وفيه اول لبسة بس ما شفتش ليه أي حاجة


وعارفا يا مروة انا رحت مع صاحبتي محل الفرحة ده
بس فساتينه مستعملة اوي

وغالي جدا وحتي التفصيل اللي فيه تحسي انهم غاليين وتنكين اوي
انا ما سالتش ع الاسعار بس شكلهم كده غاليين


بالنسبة للمكياج

انا هموووووت واعرف بودرة تكون حلوة ومش غالية اوي اوفر اوي يعني
عشان عندنا في الصيف 7 افراح عقبالكم كلكم يارب

انا شفت بتاعة سارة ب 53 حلوة عجباني اوي
وعلي فكرة الاي شدو بتاعهم 3 الوان تدرجات أي لون انتي عايزاه ب 20 جنيه بس جميل جدااااا

والروج كمان حلو اوي ب 16

وعندهم بودرة اللي هي بتعطي لمعة دي للمناسبات
وبودرة برونزية ب 40 جنيه بس رهيبة اللي هي بتقلب الوش وتحليه اكتر

واحدة اعرفها شارياها

انا ان شاء الله ناوية اجيب سارة دي هي في مرجانة فوق في الدور الخاامس في هيلتون رمسيس

اماندا جربتها وحشا اوي
وكمان تشاو
سمر كيك الماشية كانت بتجير

كارثتي اني شكلي كده بيدوني البودرة المركونة لاني بعد كذا استعمال احس انها مش حلو ة خالص ومجيرا

ياريت تقولوا لي علي نوع كويس وكمان سعره كام لو سمحتوا