بالنسبة للملابس


وعلي في كرة في التخفيضات دلوقتي في اركاديا حاجات ممتازة والله تخبل
روحوا ومش هتندموا

انا اشتريت جيب تخبل والله كل اللي يشوفها بتهوس عليها
من محل في الدور الثالث جنب محل الماس ماابينهم وبين بعض محل فاضي
هو جنب السلم اللي بيطلع ع الدور الرابع

وهي بيج ومقلمة قليم شبه مش باين ب 50 جنيه

وقماشتها حلوة جدا جدا جداااااااااااااااااااااا

وبنطلوان تحفا بلوزات شتوي بس ضيقة تحفة ب 50 جنيه الواحدة

المحل كل اللي فيه ب 50

والله فرصة روحوا وشوفوا ومش هتندموااااااا


وبالنسبة
ل الانجيري خلصته كله من محلات في مصر الجديدة واركاديا وساكسون المهندسين وبورسعيد


الملايات دي بقا
قالوا عليها حلوة اوي في شارع الازهر بس شفتها ما عجبتنيش

وبعدين ماما قالت لي لا ننزل المحلة بعدين
بس ما اعرفش أي محل هناك او أي مكان

ياتري في حد فيكم عنده أي خبرة هناك؟

بس في محل شيك اوي واسعاره مش غالية خالص في الزماالك في شارع 26 يوليو امام البنزينة اللي جنب عبده صالح في فوط تهوس وملاياته كلها شيك

والله شفت ملاية رقيقية وشيك ب 90 جنيه فيه
لاقتها في الازهر ب 75 بس التشطيب في المحل انضف بكتيررررررررررر

والحاجات دي بتكون حلوة اوي في معرض القاهرة وبتكون سعرها مش غالي
الملايات بتعجبني شكلها وكتيرة وكمان مفارش السريروالسفرة

اه صحيح
عارفين المفارش الاورجنزا اللي طالعة موضة اللي هي بتاعة السفرة والانتريهات المطرزة؟

والل العظيم شفت منها ستاير في الازهر بس تهوووووووووووووووووووووووووووووس

مش طبيعية كنت هتخبل عليها اللون النبيتي المطرز دهبي يهووووووووووووووس
والبيج في دهبي ياربنا

انتم متخيلين الاورجنزا المطرزة دي شكلها لما يكون ستارة دي تخبل بجد
ومش هتصدقوا المتر ب كام

ب 42 ده قبل الفصال طبعااااااااااااااااا

أي عروسة هتعمل ستاير قريب لازم تروحج تشوفهم هتتهوس بيهم والله رجعت قلت ل ماما تيجي نغير ستاير الريسبشن ونعمل منهم

مع انهم لسا جداد

ههههههههههههههه

بس والله لو شفتوهم هتتههوووووووووسوا زي



وكمان في في الزمالك محل ل ادوات المطلبخ بس الاطباق والاكواب فخار
والاطباق الشيك اللي طالعة الايام دي عليها ورود وسمك وشكلها بورسلين

والله اطباق شيك جدا جدا جدا جداااا تحطيها ع السفرة للضيوف وشكلها راقي اوي اوي


واسعارها رخيصة جدا بالنسبة ل شكلها وشياكتها الطبق كان ب 7 جنيه وهو كبير

وكوبيات تقليد لرسومات الاكواب الكريستال واسعارها لا تذكر

هما اصلا بيبيعوا بسعر التكلفة وعليه مكسب قليل جداااااااا
واخر مرة شفت شوية اطباق عيني كانت هتطلع عليهم

هو في شارع 26 يولبو ع الرصيف التاني المقابل بالظبط ل حلواني سيموندس

اكيد انتي يا noddy

عارفااه صح؟؟


انا عايزا اسالكم بقا عن حاجة مهمة جدا جدا جدا جدا بالنسبة لي

طبعا زي ما قلت لكم عندنا في السيف سبع افراح
وانا لخما جدا جدا في الرقص لا بعرف ارقص ولا انيل أي حاجة

وانا زعلانة اوي نفسي اعرف اتهز حتي
ههههههههههههههههههه


وانا سمعت كتير عن معاهد لتعليم الرقص بس في مصر الجديدة بعيدة اوي عليا

مافيش واحدة فيكم تعرف واحد قريب في المهندسين او الزمالك او وسط البلد

بس يكون للبنات بس واللي فيه ستات مش رجالة
وياتري سعره كام

وكنت عايزا اسالكم هو الايروبكس ممكن يفيد يعني برضوا ينفع ل تعليم الرقص والا ده حاجة
وياتري سعره كام ومدته اد ايه

السلام عليكم
mishmish
الطريقه بتاعة عطر فعلا هائله بس تجنبى الثوم فى البدايه لانه ممكن يلهب اليكى فروة الراس
كمان عندى ليكى وصفه رائعه ايضا
انا مجرباها وبعد كل حمل وولاده ورضاعه استمر عليها
وما شاء الله نتائجها رائعه
هاتى صبار بلدى وشقيه اتنين بالطول وخدى الماده اللى فيه وامزجيها مع زيت زيتون ويفضل بتاع الاكل لانه بيكون بيور دون اى اضافات
استخدميه كحمام لشعرك او زى ما انا بعمل
بعد غسل الشعر بدهنه بالماده دى واسبه مغسلوش تانى طبعا هتقولى هيبقى حاجه وحشه صدقينى مجرد ما بتسرحى ريحته بتروح وما شاء الله بيدى نعومه للشعر رائعه
توكلى على الله وجربى
على فكره فعلا البلسم بيضعف الشعر ويكتر من تقصفه وسقوطه---عن تجربه---
ام باسل

السلام عليكم ..
ازيكم يا بنات عاملين ايه ؟؟
أهلا مصراوية .. ما شاء الله عليكي جريتي دم المنتدى ..
و شكر خااااااااااااااااااااااااص على الستائر الاورجانزا ..
ده انا كنت هبعت اجيبها من الهند أو السعودية .. كان نفسي فيها قوي ..

:26: :26: :27:

ازيك يا نورا ؟؟ :)
عايزين نتقابل في صناع الحياة يوم الجمعة .. و ياريت باقي الناس ييجوا ..
:27: :27:

مصراوية
هو نبات السدر او النبق ده سمعت انه لو بطلت الواحده استخدامه ممكن شعرها بيرجع يتساقط بكمات اكبر الكلام ده صح؟
ويابنات انا كمان عايزه اعرف عنوان وتليفون حبيبه اللى فى شارع الطيران او محلات تأجير الفساتين تكون حلوة
وعايزه كمان واحده بتعمل حجابات حلوة للعرايس المحجبات لان الحجاب بقى بديل الشعر يعنى تاج العروسه ولازم ميقلش عن المكياج ولا اختيار الفستان فى الاهتمام يعنى مش عايزه الواحده تكون فى الليلة دى حلوة فى كل حاجه وتيجى عند الحجاب ويبوظ المجهود اللى هى عاملاه فياريت لو تعرفو ستايلست او كوافيره بتربط حجاب العروسه حلو
مصراويه
المحل اللى تقصديه فى الزمالك اسمه تيا تيا وفيه حاجات حلوة فعلا
بالنسبة للرقص انا اعرف ان فى هيلتون النيل دروس رقص تانجو وسالسا الحصة ب 20 جنيه وممكن حتى تروحى تتفرجى الاول ولو عجبك الموضوع تشتركى وتدفعى حصة بحصة بس ايام ايه مش عارفة هى تقريبا من الساعة 6 ل 8 تدريب وبعدين بيقلبوها رقص بجد للناس المتمرنه بعد كده ل 10 ده اللى اعرفه لو عايزه ممكن تروحى تسألى او حتى بالتليفون تسالى من الرسيبشن وهم هيدلوكى