السلام عليكم

ازيكوةةةةةةةةة واللة وحشتونى وحشتونى

ما شاء اللة انا سايبة الموضوع فى الصفحة السادسة جيت لقيتة فى التاسعة اية الحلاوة دى

شكرا اولا لكل الاعضاء الجدد معانا

وشكرا لكل حبايبى ال سالوة عنى

يلا بتقل عليكوة علشان اعرف غلوتى عندكو :) :)

بصوة علشان تعرفوة لما اتاخر عليكوة انا فين اقولكوة

انا عندى بالبيت مفيش جهاز كمبيوتر جوزى واخدة المكتب والجهاز ال بكتب منة دة من عند شقة ماما

وباجى عند ماما خميس وجمعة دايما اوكى يعنى لما اتاخر بكون فى بيتى واستنونى الخميس ان شاء اللة

ارد بقى على الاسئلة ال موجة ليا:_

mmm

اهلا بيكى معانا يا قمر والمحل الجبتى المسك منة كان محل عطارة يعنى ولا اية؟

كربوجة:_

وحشتنى واللة وميرسى على رسالتك الجميلة ال على الخاص والموضوع انا منزلة بمنتدى ال انتى شوفتية ايوة بس حذفوة الصور كلها وبيقولوة لازم تغطية وجة المراة وووووووو

يلا مش مهم سبتهم يحذفوة لانوة مش منتدى غالى عليا يعنى ولا متمسكة بية

مع ان فى مصريات هناك كتبين عايزين اللفات ومش عارفة اوصلهم ولا يوصلولى

المهم انتى محددتيش انى لفة عاجباكى وعايزنى اشرحها لانى مقدرش اشرح اللفات كلها من غير ما حد يطلب علشان مكتبش واتعب فى حاجة ممكن يكون محدش عايزاها

انتى طلبتى الاسبانش منى

والاسبانش بسيطة جدا بتجيبى طرحة طويلة ومكنش عريضة اوى

وخلى ناحية طويلة وناحية قصيرة وبعدين اربطى الطرحة من وراء على الكحكة بتاعت شعرك من فوق مش من تحتها

زى ما بتشوفى الفلاحيين عندنا فى اى فيلم بيربوطوة الايشارب العادى

بعد ما تربطيها تجبيها على جنب كتفك وحتكون الناحية الطويلة هى ال نازلة امسكيها من تحت بدايتها بشوية كدة

وكشكيشيها بدبوس جنب ودانك زى الصورة كدة وخلاص

لو حابة تحطى عليها واحدة مجدولة بتجينى طرحة تانية ولفيها على ايديك زى الضفيرة كدة وحطيها حول راسك من فوق واربطيها على وراء برضة وممكن تجيبها على قدام ولفيها مع بقايا الطرحة الاولى واعمليهم سبانش الاتنين

فهمتى؟؟على العموم حبعتلك على الخاص صور تساعدك شوية

واللفة رقم 2 و 7 انا شرحتهم للاخت ايمى قبل كدة فى الصفحة الخامسة او السادسة مش فاكرة

يا وحشة يا كربوجة ابقى اقرى الصفح بتركيز :)

واللفة التاسعة شرحتهالك

للاسف معرفش رقم بسمة ولا دعاء مذيعات اقرا والمحلا ال بيشتروة منها دايما تلاقى عارضين اسم المحل اخر البرنامج

بيكتبوة ازياء المذيعة من محلات كذا ركزى وانتى تعرفى

بسمة انا اعرف انها مصممة ازياء لحد دلوقتى وعندها محل هى وعبير صبرى فى مصر الجديدة بس لسة بحاول اعرفهم



princesscarina:_

اهلا بعودتك تانى وشكرا ان اللفات عاجبتك

بخصوص حراز انا بسمع عنة دايما بس مرحتهوش واعرف فعلا ان عندة دكاترة ال جربتوة اخت جوزى زبونتة المستديمة هناك

وكانت بتروح علشان تاخد زيوت للشعر لان بنتها شعرها ناعن بس خفيف جدا

قالتلى انوة ادها زيت اسمة( السبع زيوت) لتقيل الشعر وجابت كمان زيت اسمة (ضفائر حراز) دة بيطول الشعر

وهى نفسها جربتة وبصراحة واللة شعرها طول بس يمكن ناس وناس متهيلى مكنش حد غلب

انا بس بخاف استخدم زيوت معرفهاش لكن مادام حد جرب ممكن اجرب وراءة


رنا 83:_

طبعا غاليين كلهم مع بعض بس ممكن اجيب كريم النهار والليل يعنى الاتنين ب 170 جنية مش كدة؟مش مهم الايد

مالوة نيفيا ودوف ماهم زى الفل هههههههههههة


mooty:_

ازيك يا موتى

المول اسمة بلاتنيوم مول لونة اخضر
وبالزبط عنوانة زى ما قولتة قبل كدة دى طريقة سهلة ادخلى شارع سوريا من اولة وافضلى ماشية لحد ما تلاقى تقاطع طرق واشارة هو بقى فى الوش علطول حتلاقية بسهولة لانوة كبير وشكلة مميز

بالنسبة للفة الخليجى الحلويين شرحوها

يعنى لما تيجى تلفى الناحية الطويلة سيبها شوية من تحت وشك كدة وثبيتها بدبوس

فى طريقة تانية احلى بس عايزة طرحة طويلة وعريضة متر فى متريين مثلا وياسلام لو عليها تطريز على الاركان

بتلفيها عادى وبتخلى ناحية قصيرة جدا والتانية طويلة وبعدين تلفيها على الراس مرة ومرتين لحد ما تقرب تنتهى

وفى اللفة الاخيرة اقلبيها وهاتيها على قدام والتطريز بيبان على الجناب

انا عندى صورة حلوة حبعتهالك

على فكرة فى محل شفتة بجنينة مول امبارح بتاع ايشاربات وطرح عارض طرحة جديدة وحلوة

نصفها دنتييل والنصف التاتى قماش عادى ومتصممة بشكل عجيب كدة نازلة زى الاكتاف البنت ورتنى طريقتها

لبستها وبعدين مسكت الجزيين ال نازليين دول وداخلتهم ببعض ولفتها وقلبتها على الراس من قدان اديت شطل اللفة الخليجى

بس ال يشوفها يفتكرك لابسة طرحتين وكانت ب 35 جنية وعندهم الوان حلوة بس مفيش الاسود كنت عايزة قالتلى بعد اسبوعين

لما اروح تانى حاخد بالى من اسم المحل واقولكوة

miro:_

اهلا بيكى معانا يا ميرو ويلا ابدى معانا المشاركات وميرسى لذوقك

dado:_

وحشتينى يا قمرازيك الكوافير حتاكدلك من اسمة من صاحبتى وارد عليكى لانوة كانوة مخليها جنان

وبالنسبة للمجلة فيها طبعا ازياء محجبات دة هو دة الاساس ومركبين شكل الطرحة طبقا للهدوم ال على الموديل مش العكس


بيروو:_

اهلا بيكى معانا وربنا يقومك لينا بالسلامة

عرفتيى نوع البيبى اية علشان نساعدك فى الاسم او اى حاجة حابة تعرفيها

انا متجوزة برضةو عندى بنت سنة ونصف ربنا يخليهالى

على فكرة يا كربوجة محدش عرفنا اكتر بنفسة زى ما كنتى مقترحة انا بس ال اتكلمت وانتى لسة معرفتناش اكتر ولا زهرة ولا رنا ولا الباقى يعنى قولونا متجوزيين ولا احرار ههههههة

رنا وزهرة انا عارفهم يلا كربوجة ابدا

Blond Dove:_

وانى كمان وحشتينى مووووووووووووووت وربنا يوفقك يا جميل واشوفك قريب اون لاين مع انى شفتك يا جبانة قبل كدة وانت طنشتينى ماشى ماشى شكلك كنتى مشغولة :)

جدعة انتى انك ماشية مع المقاطعة يعنى مبتاكليش فى ماك ولا بيتزا ولا كنتاكى يا معلم يا بختك انا مدمنهم

انا لسة بصراحة بس للاسف لسة مش لاقين بديل بنفس جودة المنتجات دى علشان قبل ما اقاطع امسك فى البديل

TaTTy_TeDDy:_

اهلا اهلا معانا نورتى وكمان شرحك لذيذ للفة الخليجىانا مكنتش بعملها كدة بس اجرب واقولك


princesscarina:_

تعرفى دايما اسمع عن body shop دة وكنت فاكرها ماركة مكياج بس الهبل هههههههة

فهمت من كلامك انوة محل يكون متخصص بمنتجات الجسم ولا اية؟؟فهمنى والنبى لحسن انا لسة خام ههههههههة



بيروو:

اعتقد مادام فى الشهر الخامس ممكن تسافرى بس لو حمللك انشاء اللة مستقر يعنى مفيش ضرر

لانى اعرف انك لو دخلتى بالتاسع مثلا بيمنوعكى تقريبا خوفا من الولادة واللة اعلم


omahmed:

اهلا بيكى من بلاد الفرنجة هههههههة منورة يا جميل وسط اخواتك

وعارفة ال بتكون بغربة بتبقى مش متابعة اخر حاجات انتشرت بمصر ودة ميزة النت

حددليلى انى طرحة ال عاجبكى وانا اشرحهالك بالزبط يا قمر

وعيب تقولى استحملك انا تحت امرك بس امرى

يلا يا حلويين انا نازلة اجيب حاجة وراجعة

ولما اتاخر عليكو تانى تعرفوة انى روحت ok

باىى:)
















:26: :26: :24:

مساء الخير يا بنات مصراناداخله عرض زي ما بتقولو انا عايزه خدمة صغيره منكم انا ان شاء اللة حسا فربعد اسبوع مصر وسمعت عن محل كبير اسمه قصر العطور هو متخصص على ماظن بالعطور الزيتية ممكن احد منكم تعطيني العنوان ومعلومات عنه وعن مصر واحلى لاماكن فيها وايش ينشرى منها :26: :27:

مروة:27:
اهلا بيك تاني يا مروة بصراحة كنت فعلا وحشانا جدا و بالنسبة لموضوع المقاطعة و سؤالك عن البدائل فوجود البدائل سهل اذا كان عندك الارادةو يا ستي ممكن تحتسبيها لوجه الله تعالى
زهرة الحنان :21:
ربنا يرزقك يا رب بالذرية الصلحة اللهم آمين
بيرو:27:
مبروك الحمل و ربنا يقومك بالسلامة ة بالنسبة لموضوع السفر لازم تسألي الدكتور اللي بتابعي معاه لاني مثلا في الشهر الثالث من الحمل دلوقتي و الدكتورة قاليتلي قبل السفر لازم تكشف علي علشان تتاكد ان كله تمام و اذا كان كدة فمفيش مانع من السفر و في حملي الاول سافرت و انا في السادس اصلي ان شاء الله هنزل مصر قريب
Blond dove:27:
ربنا يثيتك و ايانا على المقاطعة و يا خلينا نشجع بعض لاني انا كمان مقاطة بس المنتجات اليهودية و الامريكية بس
Om ahmed:27:
اهلا بيكي معانا و انا كمان في الغربة في المانيا ربنا يهونها علينا ان شاء الله

السلام عليكم ورحمة الله وبركاته
ازيكم انا عضوه من السعودية( وداخلة عرض اسفة )
بس اعمل ايه انا احب المصريات واهل مصر
:26: :26:
وحابه اني اتعرف علي بنات من مصر لانة السنة في الصيفية حنزل مصر ان شاء الله
انا السنة الى فاتت نزلت مصر وعجبتني كتير
سلالالالالالالالام
اختكم غندة

ازيك يا مروه اخبارك ايه تمام بإذن الله
والله فكرتيني بايام الجامعه و طريقه الكلام الحلوه دي
الواحد هنا مفتقد لحاجات كتيرة اوي
منها الصحبه الحلوه والناس السكر اللي زيك كده
اناامبارح بس وانا باقرأ في المنتدي حسيت زي ما اكون قاعدة في مصر وسط اهلي واصحابي
يلا يا جميل اشرحى لي اللفه رقم 3