رواء: اهلا بيكي في بلاد الغربه
ويارب نرجع بلادنا سالمين باذن الله
ها قوللي بقالك كام سنه في المانيا
انا بقالي 4 سنين في هولندا ولسه كمان سنتين يا مسهل يارب

اهلا بيكي يا غنده بيكي في مصر في اي وقت يا رب تقضي وقت جميل في مصر السنه دي كمان
والله كان نفسي اكون في مصر كنت عملت معاكي الواجب لكن اهل مصر كلهم طيبين وهيقوموا بالواجي ان شاء الله

مروة..
حمدالله على السلامة مش قادرة اقرأ الموضوع بتركيز من كتر النور اللى خارج من ردك..على فكرة أنا ماشفتكيش والله اون لاين ةاللا كنت كلمتك..بس سعات بكون away ... المهم نورتى الموضوع..على فكرة اكل كنتاكى سمعت انه مابقاش حلو وكمان جربتى بيتزا كينج و ليتل سيزر؟

ازيكوة يا جماعة

اية حكاية الاختراق ال حصل على الموقع دة مكنتش عارفة ادخل فى جماعة بتقول اخترقوة الموقع

المهم:_

ميسان:_

اهلا بيكى معانا ومفيش حاجة اسمها عرض زى ما بتقولى انتى خلاص صاحبتنا وتتطلبى ال انتى عايزاة بقلب جامد

بالنسبة لقصر العطور دة انا معرفهوش بصراحة يمكن حد غيرى يعرفوة.بس عايزة اقولك ان حكاية العطور الزيتة دى

وتركيبها منتشر جدااااااااااااااااااا بكل مكان بمصر كل شارع بمصر حتلاقى فية تركيب عطور زيتية

يعنى مبقاش مقتصر على محل معين كبير او صغير عادى دة فى كل مكان

حتى فى فى اركاديا وجنينة مول وفى الحسين وفى كل مكان حتلاقى ان شاء اللة

بالنسبة للاماكن بمصر الحلوة كتير اماكن حلوة

واهى فرصة اكتبها علشان كانت كربوجة الحلوة طلبت منى احلى الاماكن وتكون معلومات مفيدة لاى حد عايز يجى مصر

المهم دى فرصة علشان اكتب احلى الحاجات بمصر لانى كتير سالوة زى ميسان وكربوجة وغيرهم واهوة يكون دليل ليكم


نبدا بالاماكن السياحية وانا هتكلم عن القاهرة اوكى:21:

عندك طبعا الاهرامات عيب تيجى مصر ومتروحيش تشوفيها يا قمر وابو الهول ومركب الشمس

2-القلعة ومصر القديمة

3-المتحف المصرى والاسلامى

4-برج القاهرة وبتشوفي منة القاهرة كلها من فوق وادور الربع عشر فية المطعم الدائرى المتحرك تاكلى وبيلف بيكى

5-القرية الفرعونية

6-رحلات نيلية بباخرة متحركة او ثابتة عندك بواخر حلوة كتير زى nile city;le pache.el sarayia

7- الحسين وخان الخليلالى ال ممكن تشترى منة جلاليب مصرى وانتيكات مصرية واقطان وفضيات بس طبعا الاسعار هناك سياحية

ممكن تاكلى حمام عند فرحات اشهر واحد هناك بتاع حمام

وفى مطعم العهد الجديد دة مطعم كل اكلاتة مصرية جدا جدا

وتحلى عند الملوكى ام على ورز بلبن وووووووووحاجات كتير

وفى هناك الصاغة فى شارع الازهر يعنى سوق ذهب كبير

وفى هناك فى شارع الازهر اماكن بتيع حاجات بسعر ارخص طبعا من المولات واسعارها متوسطة وحلوة

زى شارع الازهر كلة مليان محلات مفارش واجهزة للعروس وفى سوق الثلاثاء دة شارع متخصص لحاجة المطبخ بس تلاقية فية كل حاجة خاصة بالمطبخ

بعد كدة ندخل على الاماكن الراقية والاسعار ال نار زى :27:

1-اركاديا مول على كورنيش النيل قريب من مبنى الاذاعة والتليفزيون مول جميل على فكرة وفى ملاهى فى اخر دور
وفى صيدلية العزبى صيدلية شاملة وكبيرة وفيها make-up

وفى فى الدور الخامس توكيل ل bourjois بس

وفى الدور الارضى فى كافية ترنينون كافية حلو وفرعة الاصلى فى المهندسين بشارع جامعة الدول العربية

2- world trade center او مركز التجارة العالمى ودة قبل اركاديا كدة بشوية

3-الملحق التجارى بهيلتون رمسيس مول متنوع برضة وفى مسرح حتلاقى مسرحية هنيدى الجديدة موجودة هناك
وسينما

4- جنينة مول فى عباس العقاد شارع متفرع منة اسمة البطراواى بمدينة نصر مول لذيذ وحاجتة راقية وجميلة

5- العقاد مول دة فى طريق النصر بمدينة نصر قبل ما تتدخلى عباس العقاد

6-سراج مول دة مول كبير لانوة 3 مول ببعض مفتوحيين على بعض من جوة وفى الدور التالت فى مركز تجميل مسيو عبدو معروف ومشهور والمول دة فى مكرم عبيد بمدينة نصر

7-سيتى سنتر مول جنب سراج مول وهو صغير شوية بس لسة جديد

8-بلاتنيوم مول بالمهندسين بشارع سوريا ودة متخصص بنسبة 80% للمحجبات واشاربات وازياء المحجبات

9-فور سيزون مول دة فى الجيزة قدام جنينة الحيوانات ودة فى مركز تجميل محمد الصغير ودة من اغلى المولات على فكرة

ثالثا المطاعم:_:cook:

1-طبعا مطاعم ماكدونليز وكنتاكى وبيتزا هت وكوك دور ومومن ووصايا

2- مطاعم اندريا بفروعة ومتخصص بالفراخ المشوية عندة تحفة

عندة فرع حلو فى الميرلاند لانى تاكلى وحواليكى مياة ومراكب وقعدتة حلوة

وعلى فكرة الميرلاند دى فى مصر الجديدة وهى زى جنينة كبيرة فيها مطاعم وكافيهات وديسكوتك وفيها كمان عروض الدولفين جميلة جدا

وجنبها فى جراند كافية وفى مطعم fraidays

وليا فروع بالمقطم (اندريا) وفرع جميل فى المعادى

مطاعم ابو شقرة للكبا ومطاعم قدورة للاسماك فى مدينة نصر

وال فاكر مطاعم غيرهم يكتب

عندك بقى منطقة وسط البلد مليانةطبعا ملابس واحذية خصوصا روحى شارع قصر النيل محلات الاحذية هناك كتير

والملابس شوفى محل العروسة ومارلى وشاتو وغيرهم

وفى فى شارع شريف مش فاكرة اسم الشارع بالزبط فى محل لانجيرى جويا طبعا اكيد سمعتى عنة لان مشهورجدا هنا ولانى بشوف خليجيات كتير فية

واشهر واحد بيعمل احلى كشرى مصرى طبعا لازم تتذوقية موجود هناك اسمة ابو طارق اسالى عنة

ومحلات الحلويات:_

فى وسط البلد فى العبد فى شارع 26 يوليو وفرع تانى فى طلعت حرب

وفى طلعت حرب برضة قويدار وقصر الاليزية

وفى شارع طلعت حرب سينما مترو ميامى وغيرهم كتير

وفى محل لابوار عند ابراج اغاخان على الكورنيش

وماريوت باكرى فى المهندسين

طبعا فى المهندسين شارع جامعة الدول العربيةمليانة محلات ملابس ومطاعم كل المطاعم التيك اواى هناك

الاماكن الترفهية:_

حديقة الحيوان بالجيزة
2-snow city جنب ارض المعارض فى صلاح سالم وفيها قاعة تزحلق على الجليد وقاعة تانية متحف ثلجى لاشهر الاماكن بمصر

بس خدى بالك درجة الحرارة 15 تحت الصفر بلبسوكى طبعا حاجات تقيلة جدا بس حلوة

3-دريم لاند وماجك لاند فى 6 اكتوبر وهما مدينة ملاهى كبيرة وماجك لاند فيها مدينة الانتاج الاعلامى هناك بتم تصوير الافلام والاغانى

4-جيرو لاند فى طريق مدينة العبور

5-السندباد بالقاهرة جنب المطار

وفى على فكرة بطريق مصر اسكندرية الصحراوى الغابة المفتوحة وهى بتركب عربية وبتمر وسط الحيوانات جميلة اوى


تقريبا دة اهم حاجات بالقاهرة,صدقينى مصر جميلة ومش حتندمى

وال فاكرة او تعرف حاجة غير ال قولتلة تشارك وتكتب

ومتنسيش وانتى بتتمشى على الكورنيش تشربى حمص الشام وتاكلى ذرة مشوى :):32::27:

باااااااااااااااااااااااااااااااااااى

رواء الاسلام:_

ازيك حبيبتى يسمع منك ربنا بس مجبرة خصوصا لما اكون مع الاجانب ال هما اصلا امريكان او انجليز حياكلوة اية غير اكلهم بقى:(

مع انى ساعات بضحك عليهم علشان يذقوة الكشرى بتاعنا بيعجبهم بس بيتعبوة بعد كدة اوى منى :):)

غندة:_

اهلا بيكى وسط اخواتك المصريات وبتتاسفى على اية بس كلنا حبايب مع بعض واحنا كمان بنحب كل ال بيحبنا

شاركى معانا احنا معانا اختنا كربوجة كمان من السعودية منورنا دايما

ومادام بتقولى جيتى مصر اكتبلنا عن احلى الاماكن ال حبيتيها وضيفى على الملف المتواضع ال عملتة علشان تساعدى باقى ال عايزين يجوة


omahmed:_

انتى ال سكر يا قمر واللة وكويس اننا موجدين نخفف عنك صعوبة الغربة هههههههههة

بصى يا قمر اللفة التالتة دى:_سهلة خالص

اللون التريكواز ال من تحت بيكون ممكن ايشارب صغنن خالص وتربطية على الكحكة ميبنش منة غير الجزء العريض ال من قدام

او لو لاقيتى عندكو ب حاجة اسمها بندانا بتكون زى شريطة استيك كدة بكل الالوان

وبعد كدة بتجيب الطرحة التانية بس متكونش طويلة اوى وتلفيها لفة الحجاب العادية المعروفة بس وانتى بتلفيها تكون الناحيتين متساويين

وبعد ما تربطيها بدبوس تحت الذقن

تاخدى الطرفين الطوال ال نازليين منها وتلفيهم عكس اتجاة بعض على وراء رقبتك وتربطيهم سوا

وداخلى الباقى منهم من وراء جوة هدومك او جوة الهاى كول افضل

والاحسن انك تعكلى الطرحة كدة الاولى وبعدين تلبسى الهدوم مش العكس حتكون مزبوطة اكتر

جربى كدة وقوليلى


Blond Dove:_

يا بكاشة انتى بتثبتينى حلو اوى :)

عارفة انك مخدتيش بالك منى اون لاين طبعا

وعاملة اية فى الامتحانات ربنا معاكى يارب ركز يا جميل

انا مبحبش غير بيتزا هت بس علشان سلطاتها مش علشانهم هما ههههههههة بس اجرب ليتل سيزار واشوف

على فكرة صفحات الموضوع قربت تخلص ويتقفل ان شاء اللة بعدها نفتح الجزء التانى منة

اوعوة بس تتهوة منى :32::27:

باى يا قمرررررررررررات







:26:

ما شاء الله عليكييييييي

**مروة**


كتبتي مصر كلهاااا

ههههههههههه

بجد هسجلهم عندي في اماكن كتير ماروحتهاش

بس رحت كل المطاعم و المولات
و بالنسبة للعهد الجديد اللي في الحسين حلو دايما نروحو لما نروح الحسين انا و اصحابي
و الميريلاند تحفة

وايه كمان مش فاكرة :)