الالام البطن بعد الولادة عذبتني ابي حل تكفون

يمكن داخلك هوا يسبب الالام ذي . حطي مع القهوة كسرة مقل وشوي زعفران بيطلع الهوا

يمكن شمم اشربي حلتيت ومره مع القهوة وماتشوفين شر
واحيانا المغص ما يهديه الا الحليب بالحلبه القصيميه

احتمال مستشمه
او داخلك برد
او غازات
شوفي سوي كل ذولي
جيبي زيت زيتون صبيه بصحن معدني كميه تكفي جسمك كله وجيبي حبة البركه وحب كمون مقدار ملعقة حلى لكل نوع ودقيهم بالنجر سريع سريع وكبيهم بالزيت
ودفيهم على النار واشخليه عن الشوائب
وجيبي كبو الدخان (قشور بصل احمر-حب كمون-حبة البركه-مره) اخلطيهم مع بعض وحطيهم فوق جمره
صيري بمكان مغلق وادهني نفسك بكمية كبيره من زيت الزيتون الدافي لازم تحطينه على جسمك وهو شبهه حار
ولفي نفسك ببطانيه وخلي وحده من خواتك تمسك مبخرة الكبو وتمسكها بين رجولك وانتي واقفه ومفرجه رجولك عشان ماتذيك الحراره وتسلط الدخان على المنطقه كذا عشر دقايق وخلاص
ولفي نفسك زين ونسدحي عشان تعرقين
والبسي بجامعه ثقيله وسروال ثقيل وشراب ثقال ولا تتحركين الا بعد نص ساعه او نامي
اذا ماتبين الكبو لاتسوينه
وخلي اختك تسوي لك مشروب اليانسون دافي كوب
حطي كمون مع يانسون مع شوي حبة البركه وصبي عليهم ماء مغلي وخليه ينقع عشر دقايق او اقل واشخليه واشربيه بدون تحليه
المره حطيها مع القهوه واشربيها وشميها
ممكن تتوضين بمره مره بس يمكن خيوطك مستشمه وجرحك مستشم
انا جاني شد بالخيوط فضيع مع الم اسبوعين تقريباً تعبانه احط ميبو ومطهر طبي ولا ارتحت
الا بعدماستخدمت خلطة الخواجوا مع زيت الزيت مع المره والحلتيته من اول استخدام اختفى الشد والالم طلع الخيوط مع مستشمه
سوي كل اللي قلتلك جميع
وعلمينا بالنتايج
الله يبعد عنك التعب يارب

ماودي اهوفك بس اذا الالام قويه عكس ولاداتك السابقه روحي سوي سونار اخاف فيه بواقي مشيمه اوي

شكرا لكل اللي ردو خاصة بائعة المسك سويت لي قرفة وتدفيت زين لين عرقت ونمت وصحيت وانا كويسه


بارك الله بالجميع