الام غمزت لبنتها وطلعتها من المجلس .....وش المغزى منها

اهلين بالحوائيات
هذي سلمكم الله وحده من الاخوات خطبت لولدها
وطبعا كل شاب له مواصفات معينه في شريكة المستقبل ومن عادتهم قبل يشوفها هو تشوفها امه وتوصفها له اذا هي مثل مايحب يقدم ويكمل الخطبة والا
يتراجعون من البداية وقبل مايتع لق احد في الثاني
المهم انه هذي الام راحت تشوف خطيبة ولدها بعد ماعرفت انه تنطبق عليها بعض المواصفات اللي يبونها
دخلت البنت وسلمت على الام بكامل زينتها وبفستان كأنها ذاهبة لعرس وخرجت على طول بدون ماتقعد
الام كلمت ام البنت انه لازم تجي اشوفها واتكلم معها
جت البنت وجلست شوي وهي متوترة جدا وتناظر شوي لامها وشوي لام الخاطب!!
ماامداها تجلس دقيقة وشوي او دقيقتين الا الام غمزت لها وطلعت على طول
الام طبعا مدحت بنتها وانها حبوبة وطيبة ونعومة ولا ينسمع لها صوت
الله اعلم بصحة كلام الام لكنها معذورة لانها ام والام تحب تمدح بناتها
لكن ام الخاطب حست من كلامها المختصر مع البنت انها جريئة وقوية عكس كلام امها
طبعا هذا احساس مبديء لانها ماطولت معها بالسوالف كلها كلمتين ورد غطاها وطلعت البنت


اللي احب اسأل عنه
وش رايكم في تصرف الام هل هو صح والا غلط يوم تغمز لبنتها عشان تطلع وماتطول بالجلسه
مع ان الغرض من الزيارة هو معرفة البنت وشخصيتها وهل هي تناسب الشاب ام لا وليس طق الحنك مع الام الموقرة !؟
لاتقولون ان الام مالها دخل بالبنت وان اللي بيتزوجها هو الشاب وهو يجي يشوفها
لان شوفة الولد للبنت مجرد شوفه سريعه وبدون كلام في الغالب لمعرفة هل هناك توافق روحي ام لا
خاصة وان في مجتمعنا ماتنعرف البنت الا عن طريق اللي يعرفونها والبنت هذي غير معروفة للخاطب واهله وانما ذكرت لهم بمواصفات عامة
مامقصد الام يوم تغمز لبنتها وتطلعها من الجلسه
حتى ماامدى ام الخاطب تشوفها زين وتدقق في ملامحها زيادة على المكياج والكعب والفستان!!!!
مع معرفة ان الشاب ينخلونه نخل ويسألون عنه كل من هب ودب والبنت متكاثرين عليها جلسة نصف ساعه مع ام الشاب
وهل تؤيدين هذي الحركه والا ضدها