أنا من تجربتي عندي لاب توب شخصي وقبل سنتين اشترينا كمبيوتر عادي وأصريت على زوجي ياخذ دورة كمبيوتر عصب عنه عشان لما الناس تتكلم بالكمبيوتر يكون عنده أقل معرفة ولما حدا ينقله عنوانه بالإيميل يقدر يكتبه .... أكيد تعرفون اللي ما له دخل بالإنترنت مثلا ما راح يعرف شو يعني wwwأو ما راح يعرف شو يعني @ اللي بالعنوان ...

والله الرجال أخذ دورة وصار يشغل الجهاز ويدخل الانترنت شهر شهرين وأنا أشيك من وراه طبعا بدون ما يدري كلها مواقع أخبار طبعا هو ما يعرف كيف يمسح أي موقع يدخله ولا يعرف أي حيل بالنت .... كلها جرائد عربية وأخبار وظليت من وراه أشيك ....

وطبعا ما كنت منزلة الماسنجر ونزلته عشان يتعلم عليه وبس ويعرف الناس كيف عايشة وشلون يتواصلون مع أهلهم بالغربة ... وقلت له في بنات كثير أعرفهم يسوون كذا وكذا وكمان رجال ... وهو يسب عليهم ويقول لا حول ولا قوة الا بالله !!
وبصراحة كان لما أنام بكير كتير يعني الساعة 9 يحس بفراغ ويفتح النت وكالمعتاد صحف عربية فقط ، لكني انقهر لما أستيقظ بالليل وأشوفه على الكمبيوتر .

وبعد شهر قررت أنا وحدي أبيع الكمبيوتر .... لأني خلاص سويت اللي ببالي وصار الرجال يعرف أشياء كثير عن الكمبيوتر وتحقق المراد وقلت له شو رأيك بهالغرفة شوف كيف شكلها وما عندنا مكان خاص يتسع للكمبيوتر ومستلزماته ... قال ماشي متل ما تريدي !!

والله وبعنا هالكمبيوتر وما عاد جاب سيرته !!
والحمد لله لما أقرأ مثل هالمواضيع أقول ليش الحريم ما يكسرون الشاشة ؟؟ بإمكانهم يقولوا كنا ننظف المكان وطاح بالأرض ؟؟
ممكن الوحدة تعمل زعلة كبيرة وتقول للرجال يا أنا يا الكمبيوتر ؟؟

اختى نونو

اول شى مااحد يلومك على تصرفك مع زوجك وكل وحده تحب تكون الوحيده فى حياة زوجها ومايشوف احد غيرها

لكن اختى هو اعترف بغلطه الفروض لما جاء يصالحك تبينى له سعة صدرك وقدرتك على المسامحه وتستغلى هذه النقطه لصالحك ومثل ماقالت احد الاخوات بينى له انك متاكده ان هذه نزوه وانه اكبر من كذا وانه اب فاضل ولايمكن ان يتاثر بحركات المرهقين (فهمتى على ......يعنى انتى حسسيه وخليه يشعر من حاله ان اللى سواه غلط .......وصدقينى اختى ان الرجال لما يتعود على هجر ومزاعلة زوجته يصير شى عااااااااادى عنده حضورها ولاغيابها بالعكس اشعريه انك شئ لايمكن الاستغناء عنه ولا تخلى فترة خصامكم تزيد مهما كانت حجم المشكله لانه من الممكن ان يجد الرجل اى احد فى الخارج من يسد فراغك عنده يعنى خلك له (ام ......اخت .......زوجه .......صديقه .......عشيقه )يعنى بتاعة كله

انا من راى الان بادرى انتى بالكلام وبينى له محاسنه وانك متاكده انها نزوه ولاتعودى تجيبى طااارى هالسالفه لكن انتى شيكى على الوضع من دون مايشعر.......


هو يطلب الان ثقتك امنحيه ثقتك وخصوصا ان مابينكم عشرة 10 سنوات وانشاءالله تكون اخر المشاكل

مرحبا
اعتذر منكم على طول الغيبة بس شسوي و الله مشاغل وايد


على العموم ابي اقول لكم اخر اخباري
صاري الحين تقريبا ثلاث شهور

الوضع لا باس فيه و الامن مستتب

بس من اسبوع واحد انا كنت داخله غرفة النوم و شفت موبايل زوجي

و لقيت فيه للاسف رسالتين حق بنت

لما حطيت الموبايل على الطاوله و قعت بمكان قريب و خليت الموبايل على الرساله
اول ما دخل وشاف الموبايل حاول يخشة و يمسح الرسايل
لما كلمته قال ان صديقة كان يستخدم الجهاز و هذي رسايل صديقة
انا ما قدرت اصدقة
و قلت له ان اهو جذب من قبل اشلون انا اقدر اصدقة الحين
حلف لى
بعدين قلت له عطني التلفون اكلم البنت و اشوف كلامك صج او لا
ما رضى و قال ان اصدقائه بهلحاله راح يقولون ان مرتك تشك فيك؟؟؟

على العموم الموضوع كبر لاني زعلت وايد وايد
وهو مو مهتم و يقول انا واثق من نفسي و انت مو مصدقتني كيفج

بعدين قعدت احاول اراقبه يمكن الاقي رقم البنت
لكن المشكلة اني لقيت موبايل جديد ما اعرف عنه اي شي و رقم جديد
و هو خاشه في السياره
و في مكان لا يمكن احد يشوفه فيه اذا صعد السيارة

ماني عارفه شنو اسوي
اكلمه و اواجه بس انا متاكدة انه راح ينكر مره ثانيه
المشكلة الحين انه انا تغيرت نظرتي له انا الحين اشوفه انسان كذاب
و رجل لا يستحق الثقة
وبصراحة فكرت وايد اني اروح بيت اهلى بس ماني عارفه شقول لهم


انا محتارة وايد وايد

اما الحين انا مو معطيته اي اهتمام
لاني زعلانة علية وايد وايد وما اكلمة اصلا
و دايما مسلية نفسي بالتلفزيون او مع الاطفال
بس انا ودي السالفة تنتهي
لاني انا ان شاء الله بروح الحج الاسبوع القادم
وما ودي اسافر و في امور معلقة
المشكلة انه اهو بعد مو مهتم وايد
انا ما اشوفه يحاول يكلمني بالعكس اهو يحاول يسوي نفسه عادي وهذا حارقني

انا ما اشيل نفسي من المسؤولية لكن الغلط مو مني انا
لاني اذا انا مقصرة في اي شي المفروض انه يكلمني
بس اهو الحين يتحاشاني
وانا ماني قادرة اتحمل العيشة
و لاني قادرة اتحمل عدم اهتمامه وتجاهلة

الله يعين الجميع.........بس صدقيني لا تستغربي اذا قالك زوجك ان البنات هم اللي متعلقين فيه ....لان صار معي هالكلام وماصدقت لغاية ماشفت بعيني...البنات يرمون بانفسهم غصب على الشباب

اذا كان كلامج صج و ان اهم رامين نفسهم علية
مو لازم ان اهو يبتعد عنهم
هذا مو تبرير بالعكس
يعني هل اذا انا جاني رجل و حاول يكلمني وحاول غصب
هل استسلم له و اكلمه لانه اهو رمى نفسه علي
بالعكس انا احترم زوجي و احترم العلاقه بيننا
علشان جذي انا ما افكر باحد غيره
ولا يمكن اخونة تحت اي ظرف من الظروف
و انا ما استاهل ان يفكر فيني ويحترمني مثل ما انا افكر فيه و احترمه
الزواج علاقه متبادله واحترام متبادل
واعتقد ان من حقي علية شوية احترام