انا اقولكم شنو سويت
على فكرة انا ما اسوي شي الا و انا مستخيره اول

يوم الثلاثاء قعدت انطره بالليل

بعدين طبعا كالعادة وصل متاخر
قلت له انا ابي اكلمك
قعد من غير نفس
قلت مو مشكلة انا راح اتكلم
قلت له انت مو مهتم فيني انت شايفني زعلانة و ما حاولت تراضيني
قال انتي مسويتها مشكلة انتي مو راضيه تصدقيني
انا قلت لج هذا رفيجي
قلت اذا انت صاج تعال باجر نروح للشركه و نطلب المكالمات الصادرة و الواردة لمدة شهرين فاتوا اذا انت صاج؟؟؟؟
قال لى انسي قلت ليش قال بس
قلت اوكي اذا كان رفيجك اشلون رفيجته عرفته من تلفونك مو لازم يعرف عن نفسه يعني يقول انا فلان يا فلانه؟؟
قال ما ادري يمكن مسح المسج
طيب مو معقوله يمسح وحدة ويخلي وحدة
قام عاد يلف و يدور
المهم قلت له اذا انت صاج عطني التلفون و انا اييب لك خط جديد
قام عاد وكسر الخط بس انا ما كنت راضيه قلت له خايف لا انا امسك الخط ليش؟؟؟؟؟؟؟؟؟؟؟؟؟
المهم انا كنت وايد كوووول
قال لى انا سويت كل اللي تبين خلاص عاد قلت اوكي مو مشكلة
الصبح قمت بروح الدوام جانننننننننننننننننننننننننن
اروح سيارته و اخذ التلفون
اهميه التلفون مو انه يقدر ييب غيرة لا
معناه انه اهو جذاب و انه اهو قاعد يلعب و ترى انا عرفت كل شي
على فكر انا كنت سائلته جم خط تلفون عندك و ما قالى عن اللي خاشة
المهم رحت الدوام و رجعت مبجر غديت عيالى و سنعت اغراضي لاني ناويه اهد البيت
لما رجع كنت بفراشي اسوي روحي نايمه
العيال قالوا له احنا بنروح بابا شوف اغراضنا المهم اهو دخل الغرفة و طرد اليهال و قال ابي اكلمج شويه
قالى انت طبعا دريت عن التلفون؟؟
بعدين قال انا بصراحة ما استاهلج انت لو الف الدنيا ما الاقي مثلج و من هالحجي اللي بربع
بعدين قالي انا اليوم فكرت وايد وعرفت قيمتج
يمكن تساليني ليش انا جذبت
انا كنت اجذب علشان احصل على الاثنين انتي و الخرابيط
بس انا الحين اقولج خلاص انا راح اهد كل شي انا راح ابيع الدنيا كلها و اشتريج شنو تبين مني انا حاضر بس ترضين عني

ومن هالكلام( مو قلت بو ربع)
بعدين قال انا اليوم خفت وايد اني اخسركم (عيونه غورقت و خشمه صار احمر)

و كمل كلامه (بو ربع)

خلص و انا ما عطيته ويهه لاني بصراحة مو مصدقته
المهم رقم البنات عندي دقيت عليها و قلت لها انه اهو ريال متزوج و عنده عيال قالت انا اسفة انا ماكنت ادري و من هالكلام
المهم انا الحين ببيت اهلي طبعا اهم ما يدرون
و اهو قاعد على نار يتصل فيني و انا ما ارد
انا ما راح ارد عليه مثل ما حرق قلبي احرق قلبه


شنو بسوي ما ادري بس لازم يعرف ان السالفه مو لعبه كل مرة يقول لي انا اسف و يرجع لا
انا عندي كرامه و هو غلط على وايد وايد
و لازم اهدده و لازم يخاف لا يفقد بيته و عياله عشان نزوه

طيب

الحمد لله .. اتضحت الحقيقه .. وعرف زوجك كل شيء من غضبك عليه .. وانتي عرفتي كل شيء من زوجك ..

الان ..

يكفي جلوس عند اهلك .. واذا اتصل اول اتصال - الان - ((( قولي له تعال ابرجع بيتي بس على وعدنا .. ما يصير اللي صار اول ..

تراي ابرجع الان واسامحك .. لكن لا تحسب اني ابرجع مرة ثانيه لو تكررت نفس المشكله .. ترا ابروح لبيت اهلي وافضحك قدامهم واعلمهم وش صار ؟ وليه رجعت لهم المرة الاوله ..)))

وبعدها اسكتي لا تطولين الكلام معه .. هو استوعب الفكره والموضوع ولن يكررها لانه عرف كرهك لهذا الشيء ولا تستحمليه ..

اما الان انتي .. روحوا مع بعض انتي وزوجك واولادك لاقرب مطعم وتعشوا سوا وارجعوا للبيت وانسوا الموضوع ولا تفتحيه مرة ثانيه ..

كما يجب عليك ان لاتحاولي مراقبته وفتح رسائله دون اذنه او التصنت على مكالماته ..حاولي ان تبعدي الشك ولا يرجع مره اخرى ..

احسني النيه في كل تصرف يقوم به .. وادعي الله في كل وقت ان يصرف عنه هذه الاشياء وان يكرهها ..
كذلك زيدي اهتمامك به ولا تقصري معه في شيء .. كوني معه وقفي بجانبه وخليك قريبه منه .. وعوضيه عن كل شيء فقده وهو بحاجه اليه ..

اذهبي للحج مستقرة ومطمئنه و واثقه .. وادعي ربك من هناك ان يوفقكما ويتمم عليكم ..

أختي نونو.. اهنيك على تماسك و هدوئك و تعقلك في حل المشكلة ..

و صدقيني انت كسرت عينه حتى لو ما شعر الحين بهالشي ..

لكن الحمد لله انه شعر بغلطته و شعر بأنه على وشك خسارتك .. و لكنه اخيرا أدرك انه لا مجال للمقارنة بينك و بين هؤلاء الحثالات من البنات ...

الآن ... القوة في يدك .. ولا تتنازلي عنها .. يجب ان يفهم و يتأكد بأن هذه آخر مرة و ان عليه ان يقدم الضمانات ...

دعيه يشعر انك تحتاجين لوقت لاستعادة حبك له ... و غفرانك لذنبه .. و ثقتك به ...

ووضحي أنك لن تعودي حتى يخرج الكمبيوتر من البيت ... و ان يقسم على القرآن بأنه لن يعود لهذا الامر حتى من أي جهاز آخر ....

السلام عليكم و رحمه الله
انا رجعت من الحج الحمد لله
بصراحه الحج شي غريب صج تغيرت نفسيتي هناك
على العموم
شكرا لكم على الردود انا الحين في بيتي لانه قبل ما اسافر جاني زوجي واعتذر مني وايد وايد و قالي انه ما يبيني اسافر الا و انا راضيه عنه على العموم انا ما عطيته اللي يبيه علشان ما ابيه يرتاح
و هناك كان دايما يدق على و يراسلني على العموم لما رديت من السفر كان ينطرني بالمطار و اعتذارات وارضائات و...... الى اخرة
على العموم الزعله اكثر من جذي مو حلوه
علشان جذي رديت قبل ما يحسون اهلى لكني لما الحين مو مخليته يحس اني واثقه فيه بالعكس انا قلت له و بصراحه ان الثقه لازم تكتسب و لازم تتعب علشان اثق فيك مره ثانيه
وهو الحين قاعد يحاول يراضيني بكل الطرق
وانا بصراحه قاعدة احول اسد عليه كل الافكار و قاعدة احاول اجرة لبيته ولى ولعياله انشاء الله اقدر و اخليه ما يفكر الا فيني و في عياله
الله يهديه ان شاء الله
ومشكورين وايد وايد