الاهتمام ببنتي

السلام عليكم
بنات شلونكم شخباركم
انا عندي بنت وحده عمرها 7 سنوات الله يحفظها
وعندها مشاكل بيشرتها يعني فيها اثار جروح قديمه بالوجه ولونها مو متوحد يعني ركبها سووووده واكواعها كذلك ورقبتها لون ووجهها لون وجسمها لون يعني لونها كلش مايساعد للعلم هي اول ماولدتها كنها القمر بيييضااا لونها متوحد ومن صار عمرها 5سنوات قلب لونها فوق تحت صارت شاااحبه احس تكسر خاطري لما تطالع روحها بالمنظره والله اني اسبحهايومياً وادهنها بفازلين واعتني فيها بس مااشوف نتييجه ابد سويت لها تحاليل مافيها شي حمدلله بس ماادري ليش لونها جذي
وابي اهتم فيها من نظافه وعنايه وبشرتها ابيها ترجع بيضا مو شرط بيضا اهم شي ابي لونها يتوحد بليييز بنات ساعدوني شسوي فيها كاسره خاطري لدرجه تقول ماما ليش البنات ركبهم بيضا وانا سودا حتى اذا لبستها فستان البسها عليه لقن طويل او يغطي ركبتها علشان ما تنكسر بنات هي بنتي الوحيده ساعدوني خصوصاً انها مقبله على فترة المراهقه يعني تعرفون البنات لازم شلون يكون جسمهم ونعومتهم ولونهم والاهتمام من الصغر يكون ومره وحده خلو الموضوع مرجع لكل ام تبي تهتم ببناتها مانبي حق بنات عمرهم سنتين وثلاث سنين ابي حق عمر من 7 سنوات الى 12 سنه عمر المراهقه لا تبخلون بنصايحكم اللي تعرفه ومجربه تسدح تجربتها لنا وخصوصاً الموضوع خاص للبنات اللي بالسن اللي ذكرته وبسس وجزاكم الله خير