الاوزان بين 70-60 ابي 5 بنات جاااااادااااات و حياكم الله

السلام عليكم و رحمة الله و بركاته
كيفكم يا حلوات عالم حواااء ؟؟ ان شاء الله الكل يكون بصحة و سلامة و بخيييير
نورتوا موضوعي المتواضع :)
ما اطول عليكم .. انا بادية لي اسبوع و الحمد لله نزلت 4 كيلو و كنت بتابع مع جروب بس اغلب البنات سافروا الله يردهم بالسلامة و ما قدرت اكمل لحالي ما في تشجيع :06: مع انهم مررة وحشوني و تونست معاهم :(
الحين ابي منكم بس 5 بنات جادات يلتزموا يكملوا معايا بالاوزان بين 70-60 كيلو يعني تقريبا مثل وزني علشان نشجع بعض :32:
ما في التزام برجيم معين كل وحدة براحتها و حتى الرياضة كمان براحتك
لاني بامن بالحرية الشخصية غير انه الرجيم الي يناسبني ممكن ما يناسب غيري
و ممكن اكون يوم تعبانة ما اقدر اسوي رياضة >>>>>خخخ يا كثر هالايام :22:
يعني احنا ما نبغى نستعجل ننحف لانه الي يروح بسرعة يرد بسرعة .. نبغى نشيل هالشحوم برواقة و نضل وراها مهما طال الزمان اخرتها بتروح :angry2:
الفكرة بشكل اساسي اذا ما كان في احد معاكي بالرجيم الي ما يكون سريع تملي و تطفشي و تتركي كل شي . علشان كذا لازم جروب تشجيع و ننصح بعض ايش الاكل الافضل ايش الرياضة الاحسن و كذا
لو تكتبوا يومياتكم مرة وحدة باليوم مو مشكلة
و لو وزنتوا كل يوم كمان مو مشكلة
بس اهم شي انضل نتابع مع بعض :)
و صدقوني بننزل ان شاء الله من 5-10 كيلو بالراحة
اهم شي النفسية :)
المهم الي بتشترك حياها الله بس تكتب
الاسم
الطول
الوزن
الهدف الاول مبدئيا
الهدف الكلي
و النظام المتبع
و على خير ان شاء الله نبدأ
ملاحظة مهمة : بنات انا اعتذر عن قبول اي احد بعد المشتركة الخامسة
لانه اذا كان العدد مرة كبير يفرط الموضوع
بالتوفيق للجميع
و حياكم الله :)