بدوووووووورة فديتك يا حبي أتمنى من الله إنك تكوني بخير دلوقتي:26:



انا كنت فاكرة انك رحتي على بريطانيا 15 سبتمبر اللي فات وعشان كده دخل عليكم رمضان وانتم بالفندق أبو نجمة ونص ولا قصدك ذكرى صعقة البرجين؟؟ تفرق خلي بالك


أمواج البحر إنتي وين بكندا فكرتيني بأيام الهدرزة والزرادي والله كانت أيام جميلة

ياعمري يابدورة والله انتس حبيبة ..
ترا الأماكن العامة مايقدرون يغلطون علينا .. فيها سجون وغرامات .. موب طيبة فيهم ..
أما العاملين .. أقصد أي موظف على رأس العمل لو يسيء معاملتك وتقدمين عليه شكوى ..
يفصل فوراً من العمل .. وينكتب في تقرير خاص فيه .. يعني يصير عليه مخالفة ..
لأن العنصرية ممنوعة في قانونهم ..

والحق يقال صرامتهم في النظام تعجبني .. وعلى قولتك هذا سبب تطورهم ..!

وبشكل عام أغلب المضايقات تجي من المراهقين ..
أو بعض الشياب المتعصبين .. أما الأغلبية فهم في حالهم .. بس موب لدرجة يشيلونا من الأرض :09:

بس صدقيني التفتيش علينا يختلف .. حتى لو كنا نشوفهم يفتشونا زي كل المسافرين ..
لكن كم مرة يبقى لنا كرتون أو شنطة .. ماخذينها يشيكونها .. وتتأخر علينا كم يوم ..!!
يقولون تفتيش عشوائي .. :22: حلوة عشوائي على المسلمين بس ..!!

الله يلحقنا نفعهم و يسخرهم لنا :22:

كيفكم بنات وكيفك يابدورة .....انشاء الله احسن
بالنسبه لكلامك يابدوره صحيح على كثر سفراتي للخارج ماشفت معامله سيئه ولله الحمد واغلب المرمطه والفشيله احصلها في دولنا لدرجة انهم يفصخون نعالي عند الناس ما يقولون هذي خليجيه منناوفينا او يقول روحي للضابطه تفتشك على انها تطالع فيني وكأنها ماتشوف ماكأننا اهل بلد وحده,,,,الله المستعان

بدورة ما بعرف اواسيتس والا اتواسى فيتس
طلع ابونا وابوكم وابهات العرب تسلهم واحد:arb:
حتى لو ما كان على راسهم عقال:(


انا من حبي للنظام عند هالاجانب وحنانهم وقيمة الانسان عندهم كلما بدخل في نقاشات مع عرب كثير ويزيد غيظي لما يقولوا على ايش بتحمدي هالكفار:22:

بنستناتس

ام دحومي الغالية...انا مااسأل عن قلوبهم ولايهمني وش في قلوبهم..

لكن على قولتك وش اللي مخلي الدعوى فيها غرامات وبهدلة لو صار فيه اي اساءة لمعاملة اجنبي؟؟؟

ان ماكان هذا لدافع انساني بحت فوش الدافع يعني؟؟

هل هم محتاجين الاجانب؟؟هل هم ناقصهم قوة ؟؟؟

ليه يحترمون الانسان والاجانب لو انهم ماعندهم مبادىء اخلاقية تحضهم على هالشي؟؟؟


قارني الوضع عندنا (قانونيا) في البلاد اللي يقول نبيها عليه السلام (الدين المعاملة) ولايؤمن أحدكم حتى يحب لأخيه مايحب لنفسه...

بربك كم وحدة شغالة حتى الان ضبطت في وضع انتهاك حقوق مافي كلام ولا فتحت لها مجرد قضية ؟؟


او مازالت قضيتها تتداول يمين يسار بدون اي جدية في النظر في الموضوع او على الاقل توعية عامة للشعب بضرروة حفظ حقوق الاجانب..؟؟


شفتي ذيك الصورة اللي تناقلوها الجرايد السعودية عن شغالة لقوها لوحدها تبكي في المطار مضروبة بعنف ؟؟

صوروها ونشورا صورتها والله تقولين بابو غريب ولا غوانتانامو موب في بلاد عربية مسلمة...

واللي سوى فيها كذه حرمة عربية مسلمة موب جندي امريكي او ضابط مخابرات...

وعلقوا كثيرين من الاخوة بالساحات على هالحادثة انها (دغدغة) امام كثير من الهوايل تصير في البيوت ضد الخادمات ...


واحد منهم يقول : اني ادعو اخواتي ان يخافون الله في شغالاتهم.....واعرف واحدة كانت غاضبة على شغالتها فصبت الزيت الحامي على رأسها اثناء ماكانت تقلي...وهذا لايجوز ...!!!!


لايجوز؟؟؟لايجووووووووز؟؟؟


يعني عندك شك ان هذي جريمة؟؟؟

الثاني يعلق يقول احسن خليهم هالاندونيسين الفطسان يستهالوان اكثر ليه شغالة حميدان التركي تسوي فيه ذيك السواة!!!!



انا اتحدث عن العقل الغربي يااخت ام دحومي..وكيف تطور للأفضل من مرحلة كانوا يحتقرون فيها المراة والاجانب وغير العرق الابيض وصارت مذابح على هالشيء ....ولكن تخلصوا منه الى مرحلة صرتي ماتقدرين تعلقين عليهامن كثر احترامك لها...

صح مازال فيه بقايا عنصرية وكراهية وعلى قولتك من الشباب المراهقين والمتعصبين اللي بيلفتون الانتباه ومسوين على بالهم...واغلبهم سلنق مالهم حاجة ولاغرض الا يكرعون خمر وسجاير...هذولا مايمثلون صورة ولا حتى 1 بالمية عن العامة...

لكن العامة ؟البقية اللي تربوا في مدارس وتلقوا تربية بريطانية صح؟؟؟؟؟؟

شوفي كيف يمثلون علمهم وبلادهم ومملكتهم بمنتهى النزاهة والصدق..

صح كحيانين ماتلقين كرم وسخاء عربي..

لكن ماتلقين احتيال ونصب بالمقابل...


ماتلقين كشخة وطخطخة عربية وفزعة عرب...

لكن ماتلقين نذالة وتعصب ضدك لأنك من هالمنطقة او من هالمنطقة او من هاللون او هالشكل...

ماتلقين علاقات اجتماعية قوية وعائلة مترابطة وصداقة حقيقية...

لكن ماتلقين احد يضايقك او يعاكسك او يفرض عليك شي ماتبينه او يمنعك من ممارسة حريتك الدينية على الهوى والكيف...

القانون ياام دحومي هو كل شي...



لأن فيه قانون يحمي الكل...يحمي حتى المجرمين انها تنتهك حقوقهم داخل السجون...يحمي حتى الاجانب المزعجين اللي كل يوم يسوون مظاهرات..

شوفي عندك اخوانا في لندن للأسف كل يوم طالعين بمظاهرات تدعي صراحة للكراهية والعنف وبلافتات (اقتلوا دمروا ابيدوا..) هذا ممنوع في بريطانيا وبناء عليه لو اعتقلوهم ترا ماعليهم شي..

لكن مااعتقل حتى الان اي مسلم في مظاهرة ..الاكان يفرقونهم بعنف بعض الاحيان لأن كثير من المتظاهرين شوف عيوننا في الاخبار يعتدون على رجال الامن...

واللي عادة انتم يارجال الامن يمشون بمنتهى الهدوء جنب المظاهرة ومعهم عصيهم وعليهم بدلهم الصفراء وهادين بمنتهى الهدوء لين يخلص الاحتجاج ويطيح اللي في رؤوس المتظاهرين...

تخيلي انه يكون في الهايد بارك دعاة متعصبين مابين مسلمين ومسيحيين ويهود يدعون للقتال واعادة الحرب الصليبية وتحريش عيني عينك بل واستهزاء وسخرية بالنظام الحاكم في بريطانيا...

هذا غير الملحدين واستهزاءهم بالدين عيني عينك ودعواتهم للفساد وغيره...

لكن السؤال عن القانون اللي قدر يضبط كل هالناس القلقين ...وفي نفس الوقت يعطيهم حقوقهم ويشبع رغباتهم في الحديث والظهور...

يعني قانون صااااااااارم لو تعدى احد حدوده بخصوص الاخرين ...وبالمقابل قانون متفهم ومتساااااامح لأبعد الحدود...

واحترام للإنسان من حيث هو انسان وهذي هي القيمة اللي يجي عشانها اعلانات في التلفزيون ناس من اجناس متعددة سود وبيض مسلمين وغير مسلمين يتعانقون فوق العلم الانغليزي...

طبعا هذا مجرد اعلان تلفزيوني ولكن يدل على الهدف الاساس في سياسة الدولة الاستعمارية العظمي..

انها تجمع قلوب الناس...ماتصنع مزيد من الاعداء لها في الداخل...

وسواء كان هذا بقلب او بدون قلب....عشان عيوننا او مو عشانها...المهم انه شي يستحق اني اصمت احتراما له...

لأن مثل هالعدالة اللي ربما اكون بالغت فيها ولكن....

حنا نحلم بعشرة او خمسة بالمية منها في بلادنا العربية للأسف...

اجل فيه حركة جديدة طايحين فيها قايلت لي عنها مرة اخوي قريب ان زوج وحدة من صديقاتها يكره الاجانب وخصوصا الهنود والبنغال وصاير اذا شاف واحد منهم في ماركت او سوق يقوم يدفعه او يفتعل معاه مشكلة واحيان ايبصق في وجهه ويمشي...

وتقول اني اقول له لاتطيحنا في مشاكل ياولد الحلال فيقول احسن خليه انا ولد البلد واسوي اللي ابي...وهو اجنبي زي الكلب جاي ياكل من خير هالديرة خليه يتحمل...!!!!!

هل اخلاقنا الاسلامية انعدمت ياالهي؟؟


طبعا هذا نموذج لواحد مريض للأسف ومانعمم وبلادنا مازال فيها الخير وياربي لك الحمد...

ولكن خوفك ان هالمرض ينتشر بين شبابنا واولادنا بعدين من وين نبي نعالجهم عاد؟؟؟

وصدق الشاعر حين قال انما الامم الأخلاق مابقيت...فإن هم ذهبت اخلاقهم ذهبوا..


الوردة الفريدةانا لسه جاية هنا...لكن المقصود بصقعة البرجين هو ذكرى هالصقعة:)

الغاليات اللي مروا اشكركم جميعا...بس ابونا يبي الحاسب الحين وبكمل ان قدرت بعد شوي او بكرة...