الجـــزء العشـــريــن :
سلامة : ..............................
فلاح : سلامة انتي ما تعرفين أنا ليش قلت لج اتصليبي والله اني ما قصدت شي من طلبي هذا وارجوج اسمعيني للنهاية وإن ما بغيتي تسمعين سكري التلفون في ويهي ولا برد اتصل مرة ثانية ؟؟

سلامة : افا عليك انته بس خبرني شو بغيتني فيه ؟

فلاح : سلامة انا من شفتج اول مرة من شهرين وانتي حادرة بيت عمتج من موتركم فز قلبي لشوفج وحسيت انه بيظهر من بين اضلوعي ومع الايام تعلق قلبي بطيفج وتعلقت روحي بروحج حسيت انه انتي بالنسبة لي كل الحياة اللي اعيشها حتى اني اشوفج بأحلامي وبكل مكان رمست هند علشان ترمسج بس ما رضت ، ما اعرف ليش ومة قدها سألتج اذا كنتي محيرة وإلا في خاطرج حد وقلتي لها لا .. سلامة انا رمست ابويه واميه علشان نخطبج بس صارت مشكلة وانشالله هالمشكلة بتنحل .. امممممم هم هب رافضينج لا بس لانه ابويه محير لي بنت عمتيه وانا ما ابغيها انا ابغيج انتي وانا طلبت منج تتصلين علشان اخبرج عن مدى حبي وشوقي لج .. سلامة انا ابغي اسمع ردج اذا هب الحين خلاف عقب نا تفكرين انتي تبغيني وإلا لا ؟؟؟

سلامة وهي متفاجئة وحست بدفء صوته وحنانه يوم كان يتكلم : ما اعرف شقولك ... انته فاجئتني ؟؟؟

فلاح : اعرف اني فاجئتج وانا ابغيج تفكرين بكلامي عدل وان بغيتي اكون لج زوج على سنة الله ورسوله طرشي لي مسج بالموافقة وانا بتصرف وان ما بغيتي بعد طرشي رفضج وانا ما بزعل وصدقيني ببتعد عن حياتج ......

سلامة : فلاح انته حطيتني قدام الامر الواقع بس خلني ايام افكر فيها عدل والغريبة انه هالشي يا منك انته بالذات وهند رغم إنها كانت تدري ما خبرتني يمكن لها اسبابها بس خلني افكر وبرد عليك ....
فلاح : صدقيني يا سلامة انا غلطت وايد يوم فريت عليج الشريط واتمنى تسامحيني لانه هب من عوايديه اسوي جذه وحسيت بالذنب مليووووون مرة وارجوج .. سامحيني انا المفروض اخاف عليج اكثر من خوفي علىعيني ...
سلامة : .....................
فلاح : دخيلج يا سلامة خلي هالكلام بيني وبينج ووعديني انه هند ما تعرف شي .؟؟
سلامة : اوعدك ...
فلاح : يلع عيل الغالية السموحة على الازعاج ادري اني عورت لج راسج وانا اتريا مسج منج إما بالموافقة او الرفض والسموحة مرة ثانية ....
سلامة : مسموح بالحل خويه ...
فلاح : فداعة الله وربيه يحفظج ....
سلامة : ويحفظك يا رب ...
تسكر سلامة التلفون وهي فاجه ثمها وميثا تطالعها تترياها ترمس ........

ميثا : هوب هوب شو قالج وين سرحانة ؟؟؟
سلامة : ميثوووووه ......... فلااااااااااح ؟؟؟؟؟؟؟
ميثا : شو فيه فلاح ؟؟؟
سلامة : فلاااااااح .... يحبني .......
ميثا : كيف قولي خبريني شو السالفة وكيف يحبج ؟؟
وتخبر ميثا عن كل شي وقالت لها لا تخبر هند ...
ميثا : يعلها بذمتج ... سلااااااامي ما كنت اتوقع انه فلاح جرئ لهدرجة ....؟؟؟
سلامة : ولا انا ، امبين على صقر اخو هند اجرأ من فلاح بس الظاهر انه الحب هو اللي خلاه جرئ .....
ميثا : والحين شو تقولين عن اللي سمعتيه ...؟؟
سلامة : ما اعرف وفيصل يا ميثا معقولة انسى حبي لفيصل ؟؟
ميثا : سلامة حبج لفيصل مجرد حب من طرف واحد وفيصل ما يدري عن هالحب فكري بعقلج قبل قلبج ولا تخلين الايام اتوديج واتيبج سلامة ، فيصل هب من وخاذنا وخالي ابراهيم مستحيل ايوز فيصل عيشي الواقع يا بنت خالي وانتي عاقل وفلاح ما عليه رمسة وكفايه انه ولد قبيلة معروفة مشهود لها بالشهامة وطيب النسب والاخلاق .....
سلامة : صح بس ، الحب ما يعرف الفرق بين القبايل وانا قلبي متعلق بفيصل وووو فيصل بعد ولد قبيلة ...
ميثا : صح انا ما اقول انه هب ولد قبيلة ... بس قبيلتهم ما تلتقي مع قبيلتنا وفخوذهم غير عن فخوذنا يا سلامة فكري بالواقع شوي ... وفكري بعد انه الريال شارنج ولو انه ما يبغيج ماعرض نفسه للخطر يوم وقف تحت بلكونتج وما همه اذا حد شافه والا لا ....؟؟؟
سلامة : ...........................................
ميثا : شو فيج ساكته انا ما بغصبج بس انتي فكري ......
فلاح من ذاك اليوم ما رجع البيت وتم في المعسكر يداوم ويرجع الغرفة وان ظهر يروح ليوا عند المر اربيعه ، وصقر بعد ايام حس باليأس وشاف انه ماشي فايدة من اللي يسويه وانه ميثا خلاص ضاعت واصبحت للغير ، في يوم من الايام ...........
اليوم الاثنين : ......
في بيت بوصقر :
بوصقر في نص الصالة ويزاعج : ظبية ، ظبية ، ام صقر وين انتي ؟؟؟
ام صقر وهي تنزل ووراها حمد ولدها : خالد شو فيك تصارخ جذه ؟؟
بوصقر : تعالي شوفي سوايا ولدج اللي خرب كل اللي بنيته ؟؟
ام صقر وهي تطالع حمد وترد ترمس ريلها وهي مستغربة : شمن ولد أي واحد فيهم ؟؟
بوصقر : فيه حد عاشي من اعيالج غير فلاح ....!!!
ام صقر : شو فيه فلاح شو صاير اتكلم ؟؟
بوصقر وهو معصب : حضرته رايح " السلامات " البارحة عند عمتيه " كنه " .. وقايل لها انه ما يبغي شيخة بنتها وانه مرخص شيخة لو بغت تعرس فضحني ولدج وعمتيه طبعا شبت ضو واتصلت بي اليوم وتهازب واحلفت يمين ما بعده يمين إنها ما تتنازل عن الارض لي .... خرب بيتي ولدج ....
ام صقر : خالد .. ما كنت اتوقع إنك أناني لهدرجة تبغي تبني سعادتك على تعاسة ولدك الحين بس عرفت ليش كنت تصر على زواج شيخة من فلاح ... أثري الزواج زواج مصلة ... انا قلبي كان قارصني من البداية بس قلت لا خالد يبغي مصلحة فلاح والبنت يتيمة ويبغي يستر عليها .. حرام عليك يا خالد احنا ما علينا قاصر وبدال الارض عدنا عشر يعني ارض عمتك هي اللي بتعيشنا ملوووووووك ........؟؟؟؟

بوصقر وهو مستغرب من اتهامات حرمته : ظبية انتي ما تعرفين انه هالارض هي نص ثروة عمتي " كنه " وانه شيخة هي وريثتها الوحيدة يعني عقب عين عمتيه شيخة هي اللي بتتمتع بكل هالاملاك واحسبي انتي عاد كم من ثروة بتحصل وانا يوم رشحت شيخة لفلاح حبيت الخير لولدج ....
ام صقر وهي تتهمه : خلاااااص يا خالد ... الحين بس عرفت حقيقة كل شي .. عمري ما توقعت انك تحب البيزات اكثر من عيالك الله عطاك يا خالد المال والعيال وانته ما حمدت ربك .. أفا يا خالد وفكرت بثروة اليتيمة شيخوووه وتبغي تآخذ عنها كل شي عقب وفاة امها .. ما تصورت هالشي ما توقعت انك اناني وتحب نفسك لهدرجة يا خالد .......؟؟؟؟؟؟
بوصقر حس بضيجة انه حبيبته ظبية تتهمه بالأنانية عمرها ما سوتها ولا اتهمته بشي وهاليوم يالسه تصفعه بدال الطراق ألف طراق ....
حمد : امايه اذكري الله ...
ظبية وهي تصيح : لا يا حمد عمري ما توقعت انه الانسان اللي عشت وياه على الحلوة والمرة يفكر بنفسه يفكر بالبيزات قول يا خالد كنت تبغي تبيع ولدك علشاااان أرض ... يا خساااااااااااارة يا خالد يا خساااااااااااااااااااااااارة .............؟؟؟؟
بوصقر ودمعته محتبسة في عينه : ام صقر .. شو فيج ليش يالسه تقولين هالكلام حرام عليج جرحتيني ؟؟
ام صقر وهي تصيح : منوه اللي جرح الثاني ، انته اللي جرحتني يا خالد وذبحت قلب ولدك ، البنت اللي اختارها وشاف سعادته وياها رفضتها كل هذا علشان خاطر شيخة وامها حرام عليك كسرت قلب الولد والحين كسرت قلبي ، قلبي اللي دايما كان فخور فيك يا خالد اللي حبك طول عمره ما توقع منك هالجرح ....... آآآآآآآآآآآآآآآآآآآآآآآه ليتني ما عرفت يا بوصقر انك اناني ........؟؟؟؟
بوصقر وهو يتقرب من ام صقر : ظبية دخيلج لا تذبحيني اكثر حرام عليج ؟؟
حمد : امايه اذكري الله وانشالله ما بيصير إلا الخير وابويه عرف غلطة ....
بوصقر : والله يا ام صقر سامحيني يا الغالية واللي تبينه بيصير يا بنت فلاح وانا عرفت غلطتي .....
ام صقر وهي تمسح دمعتها : بعد شوووووه يا خالد بعد ما ذبحتني وذبحت قلب ولدك ؟؟ .. من يوم الثلاثاء والولد ما رد البيت ومهموم كل ما كلمته وقلت له رد دمعته تحدر على خده قبل لا ينطق ذابح روحه ما يعرف شو يسوي والسبب رفضك وعنادك وانانيتك ......

وتروح فوق وهي تصيح ............

بوصقر تم واقف ويطالع ام صقر وهي تتكلم حتى يوم راحت تم واقف وحاس بكل هموم الدنيا على راسه ما كان يتوقع انه ظبية اللي حبها من كل قلبه تقسى عليه .. ييلس على الكنبة ويحط ايده على راسه ........
حمد : ابويه ، امايه ... طيبة وما قصدت تجرحك ........
بوصقر وبصوت واطي : كل كلمة قالتها أمك صادقة فيها يا حمد انا فكرت بنفسي قبل كل شي ..وما فكرت أبد في حياتكم احس اني كنت بظلم فلاح بزواجه من شيخة آآآآآآآآآآآه يا حمد
أمك اصفعتني بدال الطراق ألف وهالشي صحاني من أول يديد امك اصدقت بكل كلمة وقالتها ........
وينش من مكانه ... وقده بيظهر برع .....
حمد : ابويه وين رايح .......؟؟؟؟؟؟
بوصقر : خلني يا حمد خلني أدور على خالد بن صقر اللي ضيعته بأنانيتي ....
حمد : ابويه صدقني عمرنا ما بنتغير عليك وامايه مع الوقت بتسامحك وما في بني آدم ما يغلط في هالدنيا ....
يظهر بوصقر من البيت بدون ما يرد على ولده بكلمة ... وحمد من شاف حال ابوه ما تسر اتصل بصقر وخبره عن الخلاف اللي صار من بين امه وابوه ووعده صقر انه يروح يشوف ابوه ويتفاهم معاه ، هند كانت رايحة هي واخوانها العين بيت عمهم ....
في بيت بوكايد :
سلامة : مراااااايم عطيني شامس خليني ابوسه .....
مريم : تعالي اخذيه ....
بدر : عموه ثلاااااااااامي لا تااااااخذين شامث .... شامث مالنا ........
سلامة : حبيبي الله يهنيك في اخوك محد بيآخذه عنك ... فديتكم والله يا عيال اخويه .....
وتشل سلامة شامس وتبوسه وبدر يطالعها .... وهو معصب ...
مريم : اقول سلامي هاتي شامس ما فينا الغلامي يصيح علينا اسميه متعلق فيه ما يرضى حد يشله وما يرضى يرقد إلا وشامس راقد قبل ....
سلامة : فديتهم يا ربي ....
شوي ويوصل مسج لسلامة .....
مريم : قومي شوفي تلفونج ........
سلامة : يودي ولدج ........
تعطي شامس لمريم ... وتنش تطالع تلفونها وإلا فلاح مطرش لها مسج وكان كاتب فيه " قلت للقلب خفف من شوقك .. واشتياقك .. قال " وغلاته ما اقدر اتبع وصاتك شفت اشكثرها هالقلب يالزين يغليك .. شفت اشكثر يهوى " سموك وذاتك " هالقلب دايم لا حكى يفتخر فيك .. واذا فكر ما يفكر إلا " بغلاتك " ............ " ............
تستانس سلامة وهي تقرى المسج تروح غرفتها وتكتب لفلاح مسج .. في هاللحظة فلاح كان يحوط ويا المر في ليوا .......
فلاح : ما اعرف شو فيه يا المر حاس اللي سويته البارحة في بيت عمتيه بالسلامات بينعكس على بيتنا وبالاخص انه عمتيه " كنه " لسانها طويل وايد ...؟؟
المر : الله يكون في العون بس اعتقد اللي قلته لها من حقك يا بوخالد انته ما حبيت تظلم البنت وياك ولا تظلم نفسك ....
يوصل المسج لفلاح ويقراه ......
فلاح : هذا من سلامة ........؟؟؟؟
المر : والله شو تقول ....؟؟؟
فلاح وهو يقرى المسج : " توك قبل لحظة على البال مريت .. توني اسولف عن غلاك لعيوني سولفت للخفاق عنك ويا ليت تسمع وش اللي قلت بك يا شجوني ، مثل الخيال اتبعك انا وين ما اقفيت لا تصدق مو انا هذا قلبي يسأل عليك .." .... ياااااااااه فديت قلبها والله ، احبها احبها يا المر احبها ........
المر : شو فيك تخبلت ؟؟
فلاح : كلمة خبال شويه عليه خلاص اكيد عقب رفضي لشيخة ابويه بيرضا يزوجني حبيبتي ...
المر : امممممممممم الصراحة اشك ؟؟
فلاح : عنالاااااااااااااتك لا تخوفني .....؟؟؟
المر : ههههههههههههههه مسكين خاله قيس ....؟؟؟
في العين في بيت يد ميثا :
بطي : لطاااااااااااافي حبيبي ..........
لطيفة : لبيه ؟؟
بطي : لباااااج قلبي زهبتي اثياااااااابي ...........
لطيفة : هيه الغالي كل شي زاهب يله دش اسبح علشان اخوانك على وصول ....
بطي وهو يتقرب منها : فديتج عمري ما توقعت انه ربي يجمعنا في بيت واحد وفي غرفة وحدة .....


لطيفة : فديت روحك ....
بطي : احبج يا قلبي ......
لطيفة : وانا اموووووت فيك ........
شوي ويسمعون دق على الباب ........
يد ميثا : بطي ، بطي ... فج الباب اشووووووف ... للحين ارقاد .....؟؟؟
يفتح بطي الباب ويشوف ابوه واقف ويطالعه ومعصب .......
يد ميثا : شو للحين ما لبست اثيابك عنبوه اخوانك يايين في الدرب ...............؟؟؟؟
بطي : انشالله ابويه الحين بسبح وبلبس ......
يد ميثا : والقوم بعدك ما سبحت ... ويطالع لطيفة اللي كانت ترد شعرها على ورى .....
يد ميثا وبخبث : شو العروس للحين ما خلتك تسبح ؟؟؟
لطيفة : لا يدي انا مساعة اقوله قوم اسبح وهو اللي هب راضي ...
يد ميثا وبخبث : واللي يشوفج ايودرج امبونه ولديه معيف ما ادري كيف مستحملتنه
بطي : ابويه عن تصدق البنت ؟؟
يد ميثا : لطيفة امايه صدقتي ترى ولديه ما يسبح إلا في من العيد للعيد ... استحمليه ....
لطيفة وهي تضحك : ههههههههههههه لا لا ابويه دامه عرس الحين كل يوم بيسبح ......
بطي : عنالااااااااااااتج انا امبوني في يوميه اسبح 3 مرات ....
يد ميثا : من عوفتك تسبح 3 مرات ....
لطيفة : لا ابويه حرام حطيت عليه وايد ..........
يد ميثا : لازم بدافعين عنه امبونه الريل غالي من أي حد ثاني عندكن يا الحريم ........
لطيفة : حتى انته يا بويه غالي عدنا ....
يد ميثا : لا تصبغينيه .. وايد .. يله بطي روح اسبح توه اخوك " علي " متصل يقول ظاهر من البيت ...
بطي : انشالله ابويه .....
يروح عنهم ويسكر الباب ويطالع بطي لطيفة ....
بطي : انا معيف الحين هااااااااااااا ؟؟؟؟؟
لطيفة : هب انا اللي قلت ابوك .........
بطي : عنالااااااااااتج .. تعالي خليني امطج من شعرج ........
ويركض وراها وهي تركض وادش الحمام ويدش وراها ....
لطيفة : بطوووووووي خلااااااااااااص .......
بطي : لا والله بطوووووي بعد زين صبري ....
ويمسكها من ايدها ويشغل الرشاش ويرشها بالماي يخرس اثيابها وشعرها وهي تصارخ .......
بطي : الحين ارتحت ....
لطيفة : ايييييييييييه يا كرهك زين الحين جذه خربت كشختيه .....؟؟؟
بطي : هههههههههههههههه شكلج وايد حلو بالماااااي ...
لطيفة وبنقمة : لا والله .......
يلوي عليها ومن عقبها يحبها على راسها ويطالع اعيونها : فديتج والله الله لا يحرمني من قلبج يا غالية ...
لطيفة وهي تبتسم : ولا يحرمني منك يا رب ...
اما في الوقن في هاللحظة :
نورة : سلطان وين رايح ؟؟
سلطان : وانتي شو لش من شفتينيه بظهر سألتي وين رايح شو تبيني اتم تحت اريولش ؟؟
نورة : سلطان انته من اسبوع هب عايبني من رجعنا من عرس لطيفة وانته فيك شي هب طبيعي خبرني اذا صاير شي يا سلطان ؟؟

سلطان وهو معصب : اووووووووووه انتي وايد حشرة ما ادري ليش ربيه بلاني فيش ؟؟
نورة : سلطان انته متكدر علشان اني للحين ما يبت اعيال ؟؟
سلطان وهو متغيظ : نورة صخي ما ابغي اسمع صوتش سكتي انا ظاهر رايح عند ربعي ....
نورة : زين حبيبي متى بترجع ...؟؟
سلطان وهو مضايج منها وبصوت عالي وهو يصارخ عليها : اففففففففففففففففففففففف ما ادري متى برجع الله يغربل هالعيشة اللي عايشنها وياش انتي وايد حشرة .. لو انه لطيفة وافقت عليه كان ارحم من مجابل شيفتش كل يوم .....؟؟
نورة وهي منصدمة من كلامة : لطيفة ؟؟
سلطان وهي يبتسم بخبث : هيه لطيفة شو ما تسمعين انصمختي ... سمعيني انا كنت ناوي اتزوج لطيفة بس للاسف بطي سبقني لكن الحين قررت اني اعرس .. صبرت عليش وايد يا نورة كفايه انش ما اتيبين عيال ....
نورة وهي تصيح : والله هب ذبيه اني ما اييب عيال وانته تدري اني ما خليت مستشفى في الباد ما سرته وكلهم يقولون ما فيج شي ... وكله عند رب العالمين ... هب بايدي ...
سلطان وهو متغيظ : اوووووووه اسكتي اصلا انا عمري ما عيبت بش ولا فكرت اني اعيبش انا تزوجتش بس علشان خاطر مصبح اخوج لا اكثر لانه اربيعيه ...
نورة وهي تمسح دمعتها : والحين ما همك لا مصبح ولا حتى أي حد يا سلطان علشان جذه تبا تتزوج عليه صح ...؟؟؟
سلطان وبخبث : من حقي يا بنت معضد لأنش ما اتيبين اعيال وانا ابغي اعيال انا من زمان اعيب ببنت خالي لطيفة بس الزمن فرقنا ورد فرقنا مرة ثانية برايه الله يسعدها لكن لا تتحرين اني ما بتزوج عليش بتزوج هيه لاني كاره الحياة وياش ......
ويظهر عنها ونورة تمت واقفة في نص الغرفة وتصيح ......... ما توقعت في يوم انه سلطان اللي حبته من كل قلبها ينقلب حاله عليها ... لهدرجة اصلا هو سبب عدم حمالها لانها اول ما سنتين من زواجهم جبرها تآخذ حبوب منع الحمل وهالشي أثر عليها الحين .. وهي تآخذ علاج من سنة لكن للحين احتمال الحمل ضعيف .... مسكينة نورة ...

في بيت بوصقر اليوم الثاني :

حمد : امايه اذكري الله وابويه اعترف بغلطته وسامحيه ؟؟
ام صقر : ابوك جرحني يا حمد ومستحيل هالجرح يبرى ....
حمد : امايه علشان خاطريه وخاطر اخواني كلهم تسامحين ابويه ....
ام صقر : حمد دخيلك خلني اروحي ....
صقر : امايه اذا هب علشان خاطر حمد ، علشان خاطريه انا على الاقل ، امايه ابويه اعترف انه غلط وهالغلط ما نبغيه يكبر علشان جذه يا بنت فلاح انا وحمد يالسين وياج الحين ونقنعج احنا لو ما نعرف انه قلبج طيب ويحب ابويه ما ييناج .. ما نبغي اخوانا باجر يرجعون من العين ويحسون انه فيه شي بيينج وبين ابويه .....
ام صقر : صقر ييتك انته وخوك على عينيه وراسي بس انا ما برضا لين ما ابوك اروحه ايي اهنه ويعترف قدامكم انه غلط بحق اخوكم فلاح ....
حمد : اوكي لحظة ....
يظهر ويرد ...
حمد : ابويه تفضل ....
يدخل ابوهم الصالة وام صقر اول ما شافت بوصقر فز قلبها بس اتذكرت إنها زعلانة جان تتغشى عنه ......


صقر : افا ليش بنت فلاح تغشت محد غريب هذا ريلج .... ؟؟
ام صقر : صقر اسكت ...!!
صقر : انشالله ...
بوصقر وهو ييلس على الكنبة اللي مقابله حرمته : ظبية ، شوفيني انا خالد ولد عمج اللي دومه ما كدر لج خاطر ولا غضب لج افوادج ....
ام صقر : وليش اشوفك اكيد شكلك مثل ما هو ما تغير ؟؟
بوصقر وهو يتنهد وتنهيدته احرقت افوادها : آآآآآآآآه يا ام صقر شكلي هب هو اللي تغير حالي هو اللي تغير من زعلتي مني حسيت نفسي تآيه ما اعرف ارضيه من سمايه احس الكون هذا كله ضدي وانتي زعلانة مني ما تعودت من قلبج القسوة وبالذات عليه دايما عهدتج رحوم وطيبة قلبج اللي خلتني دوم احطج تاج على راسي تدرين ليش يا ام صقر لأنج ام اعيالي وروحي وقلبي وحياتي والماي اللي ارتوي منه ومن زعلتي توقفت دنيايه وتوقف قلبي عن النبض وروحي ارحلت وحياتي ضاعت .. تدرين ليش لانه حبيبتي ام صقر زعلانة مني .....
ام صقر ودمعتها على خدها : وكيف تباني ما ازعل منك وانت بديت روحك على عيالك وعليه كيف ما تباني ازعل وانته بديت الفلس وسعادتك على تعاسه ولدك المسكين اللي ودر البيت من خمسة ايام لا نعرف وين ارضه ووين سماه ، ياكل والا لا ؟؟ ، يشرب والا لا ، كيف عايش ما فكرت فيه لحظة وحدة ، وركضت ورى الارض اللي بمثابه الصفقة اللي كنت تبغي تكسبها من زواج شيخة وفلاح ، خالد المال اللي عندك يسد مطلع الشمس ويزيد ، ليش تحب تآخذ مال غيرك اللي انت مالك نصيب فيه وتكسر قلب ولدك .....
وهو يقاطعها : انا عرفت غلطي يا غالية علشان جذه انا اهنه انا ياي اقولج اني آسف وسامحيني يا ام صقر ....
صقر : امايه ما قلت لج انه ابويه عرف غلطته وهذوه قدامج ياي يتعذر ....!!
ام صقر : عمر العذر والا الاعتراف بالغلط كان الحل لجرح سببه ابوك في قلبي وعمر هالجرح يا بوصقر ما ينجبر ... قلبك قسى على فلاح يوم رفضت تيوزه حبيبته ما حسيت فيه تذكر يوم اخواني ارفضوك من اكثر من 30 سنة يوم ييت تخطبني ابويه وقف وياك علشان ما ينكسر قلبك وتخسرني بس انته ما حسيت بفلاح لانك كنت اناني يا خالد ....
ينش بوصقر ودمعته على خده ويمسحها : يعني افهم من كلامج يا ظبية انج مستحيل تسامحيني ...
ام صقر : ام صقر : ربك اللي يسامح هب انا ....
حمد : امايه واللي يرحم والديج سامحي ابويه ....
بوصقر : حمد سمعت اللي فيه الكفايه امك اعرفها عنيدة وما بترضى رغم طيبتها لكن عنادها هو اللي بيضيع كل شي ...
ام صقر : تباني ارضى عنك ...؟؟
بوصقر ومستغرب من كلامها : شو تبيني اسوي بسويه بس لا تذليني يا ام صقر ...
ام صقر : ما عاش اللي ايذلك يا بوصقر بس رضايه يوم بشوف فلاح مستانس وانت رايح تخطب له سلامة ساعتها كل هالغضب والزعل اللي في قلبي بينمحي والجرح بينجبر يا خالد .........
بوصقر وهو يبتسم : صقر .. اتصل بفلاح وقول له ايي البيت ومن باجر بروح وياه بيت بوكايد علشان اخطب له سلامه .....
صقر : انشالله ابويه ....
حمد : الحمدلله لك يا رب الله يرضا عليكم دنيا وآخره يا احلى واغلى ام وابو على ويه الارض ...
يتقرب بوصقر من حرمته ويحبها على راسها : عمري ما فكرت اني اكدر لج خاطرج يا ام صقر الله لا يحرمني منج يا رب ...


ام صقر : آمين يا رب .....
يتصل صقر بفلاح ويخبره عن موافقة ابوه وفلاح من درى ارتبش وما عرف شو يسوي غير انه خبر المر ...
المر : والله مبرووك يا خالد .......
فلاح : الله يبارك فيك وعقبالك انشالله .......
المر : آآآآآآآآآآآآآه انشالله يا بوخالد ........
فلاح : غريبة : تنهيدتك هذي يا بوعذابة شي وراك ؟؟
المر وهو مرتبك : لا الغالي ما فيني الا العافية انته توكل على الله وروح بوظبي الحين وانشالله باكر بكون عندك ....
فلاح : افااااااااا مليت مني يا بوعذابة ؟؟
المر وبخبث : هيه من كتى مشرفنا حضرتك في ليوا تاكل وتشرب ببلاش ؟؟
فلاح : عنالاااااااااتك يا الخام وين الكرم يا المر احيدكم اهل ليوا اهل الكرم ...؟؟؟
المر : افا عليك يا بوخالد امبوني اسولف وياك لا تآخذ على سوالفيه ولو تيلس الدهر كله ما مليتك يا بوخالد ....
فلاح : تسلم يعلني افداك يعلني ما اذوق حزنك عسى ... يله تامرني بحايه انا رايح جدى الدار ...
المر : ما يامر عليك ظالم رد السلام على هلك ...
فلاح : سلامن يبلغ انشالله يله فداعة الله ...
المر : فداعة الله حبيبي وهالله هالله بالطريج ... لا تسرع ...
فلاح : لا توصي حريص افا عليك ارقبك باكر ...
المر : انشالله ....

في بيت بوشاهين :
سلامة : ها ... ميثووووه متى بتروحين توسين بروفه للفستان ؟؟
ميثا : خلاف عقب المغرب ....انشالله ....
سلامة : منوه بيروح ويانا غيري انا وانتي ؟؟
ميثا : انا وانتي وحمدوة والريم .....
سلامة : ميثووه مستانسة باقي يومين بس على الملجة ....؟؟؟
ميثا : تعرفين رغم وناستي يا سلاااااااامي بس حاسة قلبي مقبوض اخاف يصير شي ...؟؟؟
سلامة : لا حووووووووول شوووه اشتغلت الحاسة السادسة ميثوه تفائلي بالخير ما فينا حد ينتكس بعد ...
ميثا : ههههههههههه شو فيج فلختي
ميثا : تعرفين رغم وناستي يا سلاااااااامي بس حاسة قلبي مقبوض اخاف يصير شي ...؟؟؟
سلامة : لا حووووووووول شوووه اشتغلت الحاسة السادسة ميثوه تفائلي بالخير ما فينا حد ينتكس بعد ...
ميثا : ههههههههههه شو فيج فلختي اسولف وياج ...؟؟؟
سلامة : انزين ....
ميثا : ماشي اخبار عن فلاح ؟؟
سلامة : فيه تطورات وايدة ....
ميثا : والله شو هي ؟؟
سلامة : كل يوم يطرش لي فوق الثلاث مسجات وكلها مسجات شوق وحب وهيام وانا من مسجاته يا ميثا بديت اتعلق فيه احس انه مهتم فيه وايد وبالذات يسألني دوم عن صحتيه وعن الدراسة غير يوم تشوفين انسان يهتم فيج بهالطريقة ...
ميثا : يعني بتوافقين عليه صح ...
سلامة وهي تنزل راسها ومستحية : امممممممممم هيه .......
ميثا : فديت اللي تستحي والله سلاااااااااامي خاطريه يكون عرسي وعرسج في يوم واحد .....
سلامة : لا لا ما ابغي ...
ميثا : عنالاااااتج يا السبالة ............


سلامة : بس لحظة فلاح متزاعل ويا ابوه من اسبوع الحين وما اظن المشكلة انحلت وهو قال لي انه محير بنت عمته ........
ميثا : ايواااا صح مشكلة كيف بتقولين له انج موافقة ....
سلامة : ما اعرف ...
شوي وإلا تلفونها يرن مسج واصل لها تشوف والا من فلاح ........
سلامة : شوفي ها من فلاح ........
ميثا : والله شو يقول ؟؟
سلامة : ميثوه .. فلاح يقول انه تراضى ويا ابوه والحين هو راد بوظبي وابوه وافق على زواجنا ...
ميثا : والله .. فديتج سلامي مبرووووك يله ردي عليه وقولي له انج تبينه ....؟؟؟
سلامة : ميثوه شو بيقول الريال عني .؟
شوي ويتصل فلاح بها وترد عليه عقب تردد ...
فلاح : مرحبا ملاييييييييين ولا يسدن في ذمتيه ...
سلامة : المرحب لاهان هلا وغلا ...
فلاح : اهليييييين والله اشحالج ؟؟
سلامة : طاب حالك الشيخ اعلومك ؟؟
فلاح : علوم الخير علومي يوم بسمع موافقتج عقب موافقه ابويه .. يا سلامة ...
سلامة : الصراحة انا وايد فرحت يوم قريت المسج وهالشي طيب والله ...
فلاح : سلاااااااامي ؟؟
سلامة : لبيه .....
فلاح : لباااااااج قلبي ، الغالية انا متصل علشان اسمع موافقتج ريحيني وقولي انج موافقة تراج معذبتني ....
سلامة : اممممممممم فلاح انا .... انا موافقة ....
فلاح وهو مستانس : والله الحمدلله لك يا رب يله باي انا مستانس وايد بعدين برمسج باي باي غناتيه ....
سلامة تسكر واتم تضحك : هههههههه اسميه ارتبش يوم قلت له اني موافقة ....
ميثا : هههههههههههههه حليله والله ........
حمدة : شو تسون شو ميثوووه للحين ما لبستي يله ...
ميثا : شو يله موعدنا ويا المصمم عقب الساعة 7 المغرب بلاج تونا العصر ...
حمدة : لا والله شو تونا العصر حبيبتي المغرب أذن قومن صلن من زود رمستكن ما تعرفن الاوقات قومن صلن وإلبسن خلاص ما باقي شي عن موعد المصمم ...
سلامة : خلاص اوكي يله ميثاااااااني خلينا نقوم نصلي ........
ميثا : يله .........
من عقب ما يصلن المغرب يلبسن عبيهن ويظهرن البنات ويا شاهين ويروحون صوب المصمم وفلاح من عقب ما كلم سلامة ارتبش وأول ما وصل البيت سلم على امه وابوه واخوانه ووعده ابوه انه يروح يخطب له سلامة باجر وهالشي زاد فرح فلاح ... وطبعا اخوانه كلهم رجعوا من العين وباركوا له من عقب ما عرفوا ، اما صقر اللي كان يحتاي ملجة ميثا ومايد وحالة يسوء يوم ورى الثاني يوم يعرف انه موعد الملجة قرب وكان يموت مليون موته يوم اطوف الايام ومحد كان يعرف عذاب صقر ويشوفه يموت كل يوم مليون موته غير هذا اخته اللي كانت قريبة منه وطلب منها توصل له كل اخبار ميثا ........
في شقة مايد :
طيف كانت ادور في الشقة وهب عارفه وين تروح مايد قافل عليها باب الشقة وظاهر ...

طيف : " يا ربي شسوي ميود يوم الخميس بيملج على هذي اللي يسميها بنت عمته بس انا احبه وما اريد حد يآخذه عني لازم امنع هالملجة كل هذا علشان خاطر ولدي اكيد لازم احافظ عليه ..."

يرن تلفون طيف وإلا نادين اربيعتها متصلة بها .........
طيف : اشحالج يا القاطعة وين انتي ؟؟؟
نادين : انتي اللي قاطعة مش انا ؟؟
طيف : نادين انا خبرتج انه مايد قافل عليه باب الشقة وما اقدر اطلع ...
نادين : طيف يا حبيبتي شو اللي مصبرنك على هالعيشة اطلقي منه وتعالي عندي ...
طيف : كيف اجي عندج نادين افهمي انا حامل ...
نادين : وشو يعني حامل نزليه واطلقي ورجعي ...
طيف : اوووووه انتي ما تفهمين انا احب مايد وما اريد اتخلى عن ولدي ....
نادين : انتي الخسرانة اقول طيف اكلمك بعدين باي عندي زبون جاي علمجل ....
طيف : خلاص اوكي ......
طيف وهي تحط ايدها بشعرها : شو راح تسوين يا طيف علشان هالملجة ما اتم ...؟؟؟
• يا ترى طيف شو بتسوي ؟ و شو دورها في الملجة ؟؟
• ميثا ومايد خلاص بيملجون وإلا لا ...؟؟
• اممممم خلاص فلاح بيخطب سلامة ؟؟ ويا ترى اهلها بيوافقون ؟؟
• هند والمر بيتقربون من بعض والا خلاص ؟؟ كل شي بينتهي ؟؟

الجــزء الحادي والعشرين :
اليوم الثلاثاء
سلامة كانت في بيت عمتها عند ميثا اللي كانت مرتبشة وايد لانه ملجتها خلاص قربت بتكون يوم الخميس ... وقدهن راجعات من الصالون ومتحنيات ...

سلامة : ميثووووووه تعرفين انا وايد فرحانة تدرين ليش ؟؟
ميثا : ليش .؟؟
سلامة : علشان حبج اخيرا بيكتمل ويا مايد اللي طول عمرج كنتي تتمنين قربه منج وخلاص ما باقي اللي يوم وبتكونين حرمة مايد الله يسعدج يا رب ويوفقج ويا مايد ويجعل بكبرج ولد .....
ميثا وهي مستحية ومنزلة راسها : سلااااااااااااااااااااامي ......!!!
سلامة وهي تتقرب من ميثا وتحبها على راسها : فديت اللي تستحي عسى ربي يسعدج انشالله يا بنت خلفان ....
ميثا وهي بعدها مستحية ومنزلة راسها : آمين يا رب .....
سلامة : تعرفين ميثااني ... هنوده اتصلت فيني وقالت انهم بيون بيتنا اليوم علشان يخطبوني حق اخوها بس انا قلت لها اجلو الييه لين عقب ملجة ميثا ومايد لانه امبونا مرتبشين بملجتكم ....
ميثا : صدق والله يا سلامة امبونه خالي متلعوز ومرتبش علشان الملجة .. زين يوم قلتي لهم ايووون عقب ملجتيه ..... اممممممممممم الا ما قلتي لي .. اعلوم فيصل القلب ؟؟؟
سلامة : ميثاااااااااااني ... فيصل خلاص صار في طي النسيان وانا استخرت وشفت انه فلاح هو اللي يناسبني وفيصل ولد العرب وألف وحدة تتمناه وانا اقتنعت بكلامج وبكلام حمدوه يوم قلتوا لي لا تفكرين وايد بفيصل وأخذي اللي يحبج هب اللي انتي تحبينه ... وانا ارتحت لفلاح وايد يا ميثا .....
ميثا : فديتج سلااااامي ... انشالله ربي بيوفقج ويا فلاح ....
سلامة : انشالله يا رب ....

في بيت بوصقر :

صقر كان يالس قدام الكمبيوتر ويطبع أوراق ... تدخل عليه هند ....
هند : احم احم ... ممكن دقيقة من وقتك الشيخ ؟؟
صقر وهو يبتسم : فديت روحج اقربي الغالية تصدقين توج كنتي على بالي صدق يوم يقولون الطيب عند ذكره ....
ادش هند وتسكر الباب وراها وتتقرب من خوها وتيلس على طرف السرير .....
هند : شو يالس تسوي ؟؟؟
صقر : مثل ما تشوفين غناتيه أطبع أوراق للشغل .... تعب والله ...
هند : الله يعينك يا رب ....
صقر : يا رب ... إلا ما قلتي لي شو عندها الحلوة بنت خالد في عيونها كلام تبغي تقوله ومتردده ... امري فديتج وما يردج الا لسانج ....؟؟؟

هند : ما يامر عليك ظالم ... يا بوزايد ... الا حبيت اخبرك انه روحة ابويه وفلاح لبيت بوكايد علشان يخطبون لفلاح اتأجلت .....
صقر وهو مستغرب : ليش .؟؟؟ لا تقولين انه ابويه رد في كلامه ...؟؟
هند : لا شوووووه .... تبا فلاح يتخبل ... لا بس ... علشان ... اممممممممممممممم
صقر وهو يطالعها ومستغرب : علشان شووووووووووه ؟؟؟
هند : كلمت سلامة وقالت لي تعالوا عقب ملجة .. مايد .. اخوها لانهم مشغولين الحين ....
صقر وهو ينزل راسه وحس بعذاب دنياه يوم قالت هند هالكلام ملجة مايد ؟؟ يعني ملجة مايد على ميثا ...آآآآآآآآآآآآه ليتني ما سمعت هالكلام ومن عقبها يرفع راسه : قصدج ملجة ميثا ومايد ؟؟؟
هند وهي حاسه بعذاب صقر : صقر ؟؟؟
صقر وهو يبتسم بالغصب وخانقتنه العبره : لا تحاتيني انا هب زعلان الله يوفقها يا رب واتمنى من كل قلبي ان تسكن السعادة دار ميثا ومايد ......
هند وهي تحط ايدها على كتف صقر خوها : والله يا خوي انه ميثا لو ما كانت محيرة لمايد ما كانت بتلاقي واحد احسن منك ....
صقر وهو يتنهد : آآآآآآآآآآآه يا هند .... البنت بتدخل حياة يديدة ونتمى لها السعادة كلمة " لو " ما بترجع شي وهذا القدر يا بنت خالد .... والمثل يقول " اللي يبينا عيت النفس تبغيه واللي نبيه عيا البخت لا يجيبه " .....
هند : صدق والله .....
في الميلس :
المر من دقايق واصل عندهم ويالس ويا فلاح وابوه وحمد وشهاب ....
بوصقر : اشحال عرب دارك يا بو عذابة ...؟؟؟
المر : يردون السلام عليكم يا عمي بوصقر ...
بوصقر : الله يسلمهم من كل شر يا رب ....
فلاح : ابويه المر ياي علشان يسمع شله من شلاتك الغاويات سمعنا وحدة منهن ....
حمد: ابويه سمعنا شله اتي على العوق ...
بوصقر : شو فيك شهاب شكلك متعوق ....؟؟؟
حمد: ومنوه هب متعوق يا الغالي ...!!!
المر : صدقك يا حمد ..... آآآآآآآآآآآآآآه ..........
فلاح : رب ما شر يا بوعذابة تراها تنهيدتك عورت افوادي ....؟؟؟ اشعندك ...؟؟؟
المر : ههههههههه الشر ما ايييك الغالي ما فيني شي سلامة قلبك ....
فلاح : الحمدلله .. يله يا بوصقر سمعنا شله ...
بوصقر : دام بوعذابة اللي طالب تم الساع ... ويبدى يشل ...
" بشتكي من حالي وحالك ... بشتكي من غدر عذالك
روف بي مغرم بك هالك ... حالتي أردى من حالك
ماضيك أثر في شخصك .. وانت ادرى ان انا احبك
غاليك باعك وارخص بك ... وانت تعطيله من حبك
اربع حروف عاشت بقلبك .. كيف عاشت وانا في قربك
جرحتني والله حروفك .... عطني من حسنك ومعروفك
روف بي مغرم بك هالك .. وحالتي أردى من حالك
شل من سكنت في بالك .. خله فحاله اشوالك ...
عذبني وجوده في قلبك ... سمني وجوده في فكرك
حيرتني والله اطباعك ... كيف افهم قصة أوجاعك " .. وسوالم ....



المر : سلم من قال .....
بوصقر : ومن قال سالم ....
حمد : شكله متعوق بوصقر ؟؟
بوصقر : هذا اللي يسمونه الحب .. هب بس انتوا اللي تعرفون تحبون وتعشقون ؟؟
المر : هيه والله يا عمي الحب ما خلى لا كبير ولا صغير في هالزمان ....
شهاب : هههههههههههه اسميكم غارجين ومحد قادر عليكم .....؟؟
بوصقر : الحياة بدون حب يا شهاب ما تسوى باكر بتحب وبتشوف ؟؟
شهاب : لا لا الله لا بلاني بحب وآخرتها اتعذب أنا إن حبيت بحب حرمتيه خلاف يوم بعرس .....
فلاح : يعني في النهاية بتحب ...؟؟؟
المر : الحين بيقولك بحب حرمتيه زبيتيه وعياليه هذي رمسة الشباب ...
شهاب : عيل تباني احب اللي ارمسهن لا والله ما كان ...؟؟؟
بوصقر : وليش تلعب على بنات الناس دامك ما تبغي تحب وحدة منهن اتركهن عنك وانبه لدراستك .... احسن من النت وخرابيطه والبنات ولعوزتهن ....
شهاب : ابويه انا ما ألعب عليهن ويوم اتعرف على الوحدة اقولها انا هب راعي عرس علشان ما تحط في بالها اني في يوم بعرس بها ...
المر : الله يهديك يا رب ...
شهاب : يهدي الجميع يا رب ....
المر : كم سنة باقي لك وبتتخرج من الجامعة ؟؟
شهاب : باقي لي سنة ونص وبفتك من صدعة الكتب ...
المر : عسى ربي يكتبلك النجاح يا رب ...
شهاب : يا رب ....

المر وايد تقرب من اهل فلاح لدرجة انه بوصقر وايد حبه وتعاطف وياه اكثر يوم درى بسالفته وقربه منه مثل اعياله لدرجة انه كان يشاوره في الصغيرة والكبيرة كأنه واحد من اعياله واللي زاد حب المر في قلب بوصقر وام صقر انه طلب هند اليوم للزواج وبوصقر واعياله استانسوا وايد لانه المر ريال عز الله والنعم فيه وما بيحصلون واحد احسن منه لهند ......

بوصقر : هذا يزيدنا الشرف يا ولدي يا المر ....
المر : عمي بوصقر انت تدري انا ليش ييت اروحي مثل ما تعرف ابويه وعمي الله يرحمهم .. وعمي الكبير " سريع " ريال مريض ومشلول ويالس على كرسيه .. وخوال ما عندي علشان جذه انا ييت اروحي ...
بوصقر : افا عليك يا المر ييتك على عيني وراسي وانا واخوانك لي الشرف انك تناسبنا وانشالله بشاور البنت وامها وبرد عليك خبر علشان إتيب عيوزك وتشوف البنت ...
المر وهو مستانس : انشالله ...
فلاح : وليش ما خبرتني انك تبغي تناسبنا هب انا خويك ؟؟
المر : حبيت اسويلك اياها مفاجئة ..؟؟
فلاح : هههههه واحلى مفاجئة تصدق علعموم يا خوي انشالله ما بتلقى غير الرد اللي يسرك من جدانا ...
المر : انشالله ...




اما في بيت بوكايد :

ام كايد : مايد ... مايد .... وينك ؟؟
مايد : هلا امايه انا اهنه اسمعج ؟؟؟ شو بيغتي فديتج ؟؟
ام كايد : اتصل كايد وقال لي اخبرك تخطف عليه المركز يبغيك ؟؟
مايد وهو مستغرب : في المركز ... رب ما شر ؟؟
ام كايد : والله ما ادريبه بس قال لي ضروري تخطف عليه يباك بموضوع ...
مايد : خلاص الحين بروح له ...
ام كايد : زين الغالي طمني ...
مايد : انشالله ....
يروح مايد عن أمه وعقبها تحدر مريم عليها وكانت شاله شامس ولابسه عباتها وبدر يمشي وراها ...

مريم : اشحالج عمتيه ....؟؟؟
ام كايد : طاب حالج الغالية وين رايحة فديتج ؟؟
مريم : بروح أودي شامس المستشفى ...
ام كايد : رب ما شر شو فيه شو يعوره ؟؟
مريم : عنده تطعيم وبروح أوديه يطعمونه ...
ام كايد : هيه .. منوه بيروح وياج ؟؟
مريم : اروحي البشكارة بتروح ويايه علشان تيود بدر !!
ام كايد : فديتج بعد لو سلامة اهنه جان قلت لها تروح وياج .. زابنة ببيت عمتها تقول ما بييكم لين عقب الملجة .. عاد ميثاني خويتها وما بتخيلها اروحها ...
مريم : فديتهم والله خلاص بروح اروحي ..
ام كايد : اصبري بروح وياج بييب عباتي امبوني ضايجة من البيت ..
مريم : خلاص بترياج ..
ام كايد : بروح أبلبس عباتي وبرد ...

في بيت بوصقر :
كانوا اخوان هند كلهم يالسين في الصالة مع امهم وابوهم وطبعا هند كانت يالسه وياهم ....
بوصقر : ظبية خبرتي هند عن السالفة اللي خبرتج عنها ؟؟
بوصقر : شو السالفة شكلكم تتآمرون عليه ؟؟
بوصقر : لا نتآمر ولا شي .. بس فيه سالفة استوت اليوم وهالسالفة اتخصج انتي بالذات وانا قلت لأمج تخبرج بس هي تباني انا اللي ارمس ...
عقاب : تعبتوا البنت شوفوا كيف فاجه عينها تبا تعرف شو السالفة ...
هند : هيه والله سالفة وتخصني شو هي ابويه فديتك يله قول لي ...؟؟
بوصقر : بلاكم الحين بقول ...
فلاح : ابويه خلني انا اللي بقول دام السالفة تخص هند والمر اربيعي ...؟؟
ومن قال فلاح هالكلام هند فجت ثمها وخافت انه المر قال لفلاح انه شافها بالميلس ذاك اليوم وبليا شيلة " لا مستحيل المر يقول لفلاح .. المر ريال حشيم وما يسويها وفوق هذا يحبني .." ...
شهاب : بلاج فجيتي ثمج سمعي من الآخر دام انه محد راضي يرمسج .. هنوده حبيبي .. المر اربيع فلاح خطبج اليوم من ابويه عاد احنا ما عدنا بنات يتنقن بالريايل ودام انه المر ما عليه رمسة كلنا موافقين وخلاص ...


فلاح : لحظة لحظة .. شو فيك انته حد قالك أرمس ...
هند تمت مستغربة من كلام شهاب وإلتفت صوب ابوها : ابويه صدق الكلام اللي قاله شهاب ..؟؟
بوصقر : هيه صح يا هند ، المر خطبج اليوم مني وانا للحين ما عطيته كلمة وحبيت اني اشاورج .. هنوده انا أباج تفكرين عدل قبل لا تنطقين بكلمة موافقة ...
صقر : ابويه انتوا نسيتوا شي وهند لازم تعرف هالشي عن المر قبل لا توافق وحتى قبل لا تفكر ....
هند وهي مستغربه : اعرف شوووه ؟؟؟
حمد : هنوده ، المر كان معرس قبل كان متزوج بنت عمه وتوفت من سنة الحين وعنده بنت اسمها عذابة وعمرها اربع سنوات ...
هند وهي مستغربة وزعلانه في نفس الوقت " معقولة المر كان متزوج " ...: كان معرس ؟؟ وعنده بنت عمرها 4 سنوات ...؟؟؟
فلاح : بس والله يا هند اني من تعرفت على المر ولا في يوم اظهرت منه العيبة ريال عز الله والنعم فيه محطي الرحمن بقلبه وخايفنه ومواظب على صلاته وفوق هذا مرضي اهله وهو هب راعي بنات واللي يهمه في هالدنيا بس امه وخواته وبنته .. عنده 3 خوات واخو واحد وامه وبنته هو اللي يهتم فيهم ويرعاهم عقب وفاة ابوه الله يرحمه كونه اكبر واحد من اخوانه ، وابويه يعرف اخلاقه واحنا يا هند لنا الشرف انه يكون نسيبنا المر شو قلتي ؟؟ انتي وكيفج لج حرية الاختيار يا بنت خالد ..
شهاب : شو فيكم انتوا تشاورونها بعد .. هنوده خلاص احنا موافقين يا بنتي وانتي بعد لازم توافقين ...
ام صقر : بلاك انته مشتط على عرس البنت خلها تفكر على راحتها .. ها امايه هند فلاح قالج كل شي عن المر واللي بعد لازم تعرفينه انه المر هب ياهل وهو اكبر من صقر اخوج وعمره 26 سنة والشهر الياي بيدش الـ 27 عاد انتي وراحتج فكري عدل واستخيري واحنا ما بنرد على الريال إلا عقب موافقتج طبعا ...
هند وهي مستغربة من كل اللي قالوه " معقولة المر متزوج لا وعنده بنت يا ربي شو هالحظ بس انا احبه وهو يحبني هيه هو قال لي انه يحبني بس اكيد يحب بنته اكثر حرام هذي ياهل ومالها ذنب يا ربي شسوي الحين ..." ....
بوصقر : ها امايه هنوده شو قلتي ليش ساكته ؟؟
هند وبعدها مستغربه من كلام ابوها وامها واخوانها : ابويه عطوني فرصة افكر وانشالله برد عليكم خبر ...
بوصقر : على راحتج يا بنتي هذي حياتج وانتي اللي بتعيشين ويا المر هب احنا ...
فلاح : هنوده انا لو اني ما شفت المر انه ريال وعز الله والنعم فيه ما دخلته بيتنا ولا خاويته ....
هند : فلاح خلني افكر وانشالله ما بيصير إلا الخير ...

في ليوا :

وفي بيت قوم المر :

المر كان يالس ويا امه وخواته وخبرهن انه كلم بوصقر وخطب هند ....وبنته كانت يالسه في حضنه ....
ام المر : ها .. فديتك شو ردوا عليك العرب ؟؟
المر : بوصقر واعياله شكلهم موافقين عليه بس بعدهم بيشاورون البنت وامها ...
ام المر : الله يوفقك انشالله يا ولدي ..
مريم : متى بنروح نشوف عروستك يا المر ؟؟
ام المر : خليهم يوافقون قبل وخلاف بنروح انشوفها ...!!!
حصة : انشالله يردون خبر عن قريب نبا نفرح بالمر ونشوف اعياله ....
طحنون : وانا ابغي ايوووول ياه زمان ما فرحنا من يوم عرس عذراء ..

المر : انشالله بتفرحون وبتحبون هند وايد ...
مريم : انشالله .. نذر عليه ان وافقوا أهل فلاح على المر ليكون العرس اسبوع من لي غير المر غالي فديته ...
طحنون : بس المر غالي ؟؟؟ ام المر : كلكم غالين عندي ومحد يسواكم يعلني افدى روحكم يا رب ...
المر : الله يعطيج طولة العمر يا الغالية ....
عذابة : باباتي أبغي أيس كريم ...
المر : انشالله حبيبي بعدين بوديج السوبر ماركت ...
عذابة : لا الحين ودني ...
المر : انشالله منوه أغلى من عذابة بنت المر عندي ، ها .. حصيص بتروحين ويانا السوبر ماركت ....
حصة : هيه ...
المر : عيل يله قومي إلبسي عباتج وتعالي بنروح الحين ...
حصة : انشالله ....
على الساعة 11 في بيت بوشاهين :
ميثا كانت يالسه في غرفتها ويا حمدة وسلامة والريم وإيمان ....خواتها ....
الريم : ميثااااااااااااااني قومي إلبسي الفستان ابغي اشوفه عليج ...؟؟
ميثا : ريموه حبيبي توني لابستنه بس كل مره هي ...
الريم : زين انا ما شفتج كنت في السوق ويا امايه يله الغالية علشان خاطري ...
حمدة : حبيبي الريم انشالله يوم الخميس بتشوفين الفستان على الميث هب لازم الحين ...
ميثا : خلاص بقوم ألبسه علشان خاطر الريم بس ...
تنش ميثا علشان تلبس الفستان وسلامة تروح وياها علشان تساعدها ...
الريم : فديت ميثاني والله ...
شوي وتطلع ميثا وهي لابسه الفستان كان وايد رهيب عليها لونه ذهبي واللي محلي الفستان ميثا ...
ايمان : ماشالله عليج يا الميث كأنج سندريلا ...
ميثا وهي تبتسم : فديت روحج يا إيمان والله صدق الفستان حلو عليه ...
حمدة : واللي محلتنه انتي يا ميثا ...
ميثا : يعني هزركم مايد بيعجبه الفستان ....
سلامة : وليش ما يعجبه وده هو بظفرج اللي ايطيره المقص انتي احلى منه بوايد ...
ميثا : سلااااااااامي لا تقولين جذه عن مايد هو بعد حلووووووووو............
الريم : بس الحق ينقال انتي احلى من مايد ....
ميثا : فديتكم والله ....
حمدة : يله قومي افصخي الفستان علشاااان ادخنه واعطره لج .......
ميثا : انشالله ......
شوي ويرن تلفون ميثا وكانت هند متصلة بها ترد عليها .....
ميثا : مرحبا ملاااايييييين ولا يسدن بذمتيه حيالله ببنت خالد اشحالج الغالية ؟؟
هند : المرحب لاهان ، طاب حالج الغالية انا بخير يعلج الخير كله يا رب ...
ميثا : وين دارج يالقاطعة هذي اللي بتخطف عليه كل يوم وين انتي هاااااا ؟؟؟
هند : والله موجودة الغالية خلينا من هالكلام الحين يا الميث عندي لج خبر بقولج اياه .. بس اسمع عندج حشرة اكيد مشغوووولة ..........؟؟
ميثا : لا لا هب مشغوووولة بس يالسه أقيس فستاني فستان الملجة وخواتي عندي حتى سلااااااااامي اهنه ........
هند : والله متى يبتي الفستان من عند المصمم ؟؟
ميثا : توه من شوي شاهين وحمدة يابوه من عند المصمم ...

هند : الله يسعدج يا رب يا الميث ....
ميثا : آمين يا رب وعقبالج انشالله ...
هند : آمين انشالله واذا علشان جذه متصلة بج الحين ميثووه ، المر خطبني .,...
ميثا وهي مستانسة : والله مبروووووك .........
هند وهي زعلانة : الله يبارك فيج يا الميث بس ؟؟؟
ميثا : هنوده شو فيج احس انج زعلانة احس من كلامج فيج شي .....؟؟؟؟؟
هند : ميثووه صح انا احب المر ودايما كنت اتمنى يكون زوجي بس اليوم اكتشفت اشيااااااء وايده وهالاشياااااااااااااء بتخليني محتارة ..........
ميثا : شو هالاشياااااااء يا هند خوفتيني .........
هند : ميثوووه المر طلع متزوج وعنده بنت عمرها 4 سنوات .....
ميثا وهي مستغربة : قولي والله ، وحرمته على ذمته وإلا مطلقنها ...
هند : للأسف حرمته متوفيه .....
ميثا : عيل شو اللي يخليج محتارة ، هنوده دام انه زوجته متوفيه يعني هالشي عادي ...
هند : ميثوه كيف عادي ، ااااااه .. المر عمره 26 سنة والشهر الياي بيدش الـ 27 وهذا عادي من غير جذه يا ميثا ابوه متوفي وهو اكبر اخوانه يصرف على امه وخواته انا ما انكر انه المر ريال طيب وعزالله والنعم فيه وهذا اخواني خبروني عنه وهم وايد يمدحونه بس اللي يخليني احتار يا ميثا بنته هذي ياهل وتبا اللي يرعاها وهو ما فكر انه يتزوج إلا علشان .......
وقبل لا تكمل كلامها تقاطعها ميثا : هنوده انتي ليش تفكرين جذه المر يحبج وهو لو ما كان يحبج ما تعنى لج .. شوفي حبيبتي فكري عدل وانشالله ما بيصير الا الخير فكري بالايجابيات قبل السلبيات وانشالله ربي بيسعدج ويا المر ...
هند : انشالله يله عيل بخليج الحين شكلج مشغولة وبرد اكلمج باكر ...
ميثا : هنوده تعالي باجر خلينا نيلس ويا بعض تعرفين باجر بنيلس انرتب اغراض الملجة ..
هند : خلاص انشالله بقول لصقر علشان يوصلني باجر عندكم ...
ميثا : خلاص غناتي يله تصبحين على خير ...
هند : وانتي من اهل الخير حبوبة ...
من عقب ما تسكر ميثا التلفون عن هند تروح ميثا تغير اثيابها وتعطي الفستان حق حمدة اللي شلته غرفتها علشان ادخنه وتعطره للملجة ...
واتم سلامة وميثا يالسات في الغرفة .. ويسولفن طول الليل ...
سلامة : ميثاااني تعرفين اتصلت بمواز اليوم ..؟؟
ميثا : والله فديتها عزمتيها على ملجتيه ؟؟
سلامة : هيه بس تعذرت تعرفين مواز عقب ما عرست ما تحدر بوظبي وايد وكله في العين ومن غير جذه قالت لي انها حامل ومسكينة حملها ضعيف وما تروم إتي خذت رقمج وقالت بتتصل علشان تبارك لج ...
ميثا : خير انشالله ، صح ما خبرتج هنوده انخطبت !!
سلامة : والله منوه خطبها ؟؟
ميثا : المر ، اربيع فلاح اخوها ...
سلامة : والله وهنوده وافقت ؟؟ والا بعدها ؟؟
ميثا : بعدها تتشاور ...
سلامة : يله انشالله ربي يوفقها ويسعدها ...
ميثا : والله احس هالسنة سنة خير علينا .. شوفي عقب باجر ملجتي وعقب ملجتي بيون اهل فلاح يخطبونج وهنوده انخطبت ياي والله رووووعة ...
سلامة : هيه والله يله انشالله ربي يسعدج يا ميثاااااااني .......

ميثا : يسعد الجميع يا رب ...
تعدي هالليلة على خير وعلى الساعة 2 ونص البنات حطن روسهن ورقدن ومايد طبعا من عقب ما ظهر من عند كايد اخوه العصر راح عند ربعه ومن عقبها روح الدوام لانه بيبات في الدوام اليوم .........

وفي بيت بوصقر :

هند كانت يالسه في غرفتها ترمس العنود بنت عمها ...
العنود : هنوده انا بسكر عنج الحين برقد ...
هند : اوكي غناتي وانشالله بوصل الكلام اللي قلتيه لحمد ......
العنود : خلاااص الغالية ردي السلام على هلج وتصبحين على خير ........
هند : وانتي من اهل الخير ......
تسكر هند عن العنود وتنش عقبها تروح الحمام علشان تغسل ويها ومن عقب ما تظهر من الحمام تسمع دق على الباب تروح تفتح الباب وإلا صقر اخوها ....
هند وهي تبتسم : حيالله بوزايد اقرب فديتك .....
صقر : قريب الغالية ....
ايدش صقر ويسكر الباب وراه ..
هند : صقر غناتيه شو فيك احسبك تعبان ...؟؟
صقر : هنوده حاولت ارقد بس النوم مجافني احس الدنيا هذي كلها ضدي ...؟؟
هند : رب ما شر الغالي شو فيك ؟؟
صقر : هنوده كلمتي ميثا ؟؟
هند : هيه وهي مستانسة علشان ملجتها قربت ...
صقر وهو يتنهد : تعرفين هنوده حاولت بقد ما اقدر اني اطرد خيالها من بالي بس ما قدرت .. احس هالبنت املكتني بكل ما فيه .......
هند : والله حاسة فيك يا صقر بس كل شي هب بإيدنا وهذا هو القدر ...
صقر وعيونه تدمع : ليت ميثا ما كانت محيرة والله يا هند انا عمري ما حبيت وحدة شراتها ...
هند : حاول تنساها يا صقر ميثا هب من نصيبك ولو كانت من نصيبك ما كانت بتكون إلا لك انته وبس ...
صقر : بحاول انساها ...
ايتمون يسولفون طول الليل ومن عقبها يروح المسيد على أذان الفير وهند تروح توعي اخوانها من النوم وشهاب كان واعي هو وحمد يالسين على الشات طول الليل ومن سمعوا الاذان راحوا المسيد للصلاة ، اليوم الثاني يعدي على خير وطبعا أهل ميثا يو من العين علشااان ملجة ميثا وانترس بيت بوشاهين من اهل العين ويد ميثا وديدتها يو بوظبي وميثا استانست وايد لانه اهلها كلهم اهنه وبيشاركونها فرحتها واللي زاد وناستها انه عمها بطي ولطيفة احدروا عندهم على المغرب ... بعد المغرب البيت انترس كله من اهل العين وهند يت عند ميثا ويلست وياها في غرفتها ...
هند : فديتج ميثوووه والله اني فرحانه علشاانج وايد ...
ميثا : وانا مستانسة وايد بعد وحاسة اني بطير من زود الوناسة ....
سلامة : الله يسعدج انشالله يارب...
شوي واادش الريم عليهم ...
الريم : ميثااااااااني تعالوا الشبااااب يالسين ايولوون في الحوش ...
ميثا : والله يله خلونا انروح انشووف ...
يلبسن اشيلهن ويروحون ويوقفن على الدكة اللي برع ويبندن الليتات علشان محد يشوفهن ويتمن يطالعن الشباب وهم ايولوون كان بطي وشاهين وخالد ايولون وسيف ومحمد اخوان سلامة كانت يولتهم وايد حلوة وشوي ويحدر مايد عندهم ومن شافت ميثا مايد فز قلبها وشافته وهو ايولول محلاته وهو ايبس كان وايد رهيب وكان سيف اخو سلامة هو اللي يصور كان الجو وايد رهيب ....
هذيج الليلة محد رقد البنات تمن يتشوفن بشريط اليوله وهند تمت يالسه عند ميثا لين الساعة وحدة ونص بالليل وعقبها خطف عليها فلاح اخوها وروحت طبعا مايد عقب ما روح البيت سبح وغير اثيابه وطلع راح عند ربعه ويلس في شقة حمد اربيعه اللي كانوا مسوين له حفلة علشان ملجته باجر وتموا يالسين ويا بعض لين قراب الساعة 3،34 ومن عقبها روح عند طيف ...

في شقة مايد :
طيف كانت يالسه تطالع التلفزون على الساعة 3،48 إلا مايد حادر عليها وهو يترنح هب قادر يمشي لأنه سكران ...
طيف : انت من وين ياي ...
مايد : شو فيج هب هذا بيتي وانتي حرمتي ...
طيف : إي توك ذكرت اني زوجتك ...
مايد : اوووووه انا تعبان وابغي ارقد ...
طيف : تعال ..........
اتيوده من ايده وتآخذه الغرفة يحدر الغرفة وييلس على السرير .....
مايد : طيفوه وين شرابي ؟؟
طيف : لا لا انت اكيد قاضي ومو صاحي كلش ، مايد انت سكران ومنتهي شو تبي تشرب بعد تبغي تموت انت ؟؟
مايد : سوي اللي اقولج عنه انا وايد مستانس اليوم باجر ملجتي على ميثوووه قومي هاتي شرابي يله ....
طيف : زين زين لا تحشرني ....
تظهر برع علشان اتيب له طلبه وبعدها ترد الغرفة وكانت شاله الصينية وعليها شراب مايد وتشوف مايد مستسلم للرقاد تحط الصينية على الطاولة اللي عداله .. واتم تطالعه ..
" يعني ياي آخر الليل وسكران وتقول اني حرمتك توك ذكرت ما ادري شلون هالميثا بتستحملك اكيد ما تعرف انك تسكر بس انشالله هالملجة ما تكتمل ..!!! ؟؟ " ...............
• يا ترى مايد بيروح الملجة وإلا لا ؟؟
• وطيف شو بتسوي ؟؟
• يا ترى هند بتوافق على المر وإلا لا ؟؟؟
• وسلامة وفلاح شو بيصير عليهم ؟؟؟
• وسلطان ولد عمة لطيفة شو يسوي ويا حرمته ؟؟
امممم يا ترى شو بيصير في الملجة ....؟؟؟

الجـــزء الثاني والعشــرين : ...
من عقب ما رقد مايد طيف تمت واقفة واطالعه من عقبها بندت الليت عليه واظهرت راحت الغرفة الثانية وارقدت اهناك ...

اليوم الخميس 10-3-1999م واليوم هو ملجة ميثا ومايد .. في بيت بوشاهين ميثا وسلامة والريم من نشن من الرقاد راحن ويلسن ويا يد ميثا ويدتها اللي كانوا يالسين في الصالة ويتريقن من عقب ما وايهوهم يلسوا وياهم يتريقون ....
يد ميثا : هالغالية الميث جهزتي كل اغراضج ..؟؟
ميثا : هيه الغالي يعني شو بجهز ، الفستان حمدة وقالت بدخنه وبتعابله ...
يد ميثا : انشالله ربي بيسعدج يا ميثا واشوف اعيالج قبل لا أموت ؟؟
سلامة + ميثا + الريم : الله يعطيك طولة العمر يا يدي ...
يدة ميثا : ميثااااني حبيبي راعية الصالون أي حزة بتيج ؟؟
ميثا : على الساعة خمس ونص العصر بتكون اهنه ...
يدة ميثا : الله يسعدج انشالله يا الميث ....
عقبها ييلسون يسولفون والكل مستانس لأنه الملجة ما باقي عليها إلا ساعات معدودة وميثا بتكون اهنه ....
في الوقن :
وفي بيت العوش عمة لطيفة :
سلطان كان محتشر في الصالة ويالس ويا أمه ......
العوش : سلطان وش فيك اتخبلت ؟؟
سلطان : امايه انا نورة ما قلت الحين ما ابغيها بس ني طفرت الحين من خمس اسنين من عرسنا وما يابت عيال لين متى انا بصبر اللي عرسوا ويايه واللي اصغر عني عيالهم الحين يركضون وراهم وني للحين ارقب مدام نورة تحمل ....
العوش : سلطان .. نورة ابنيه حشيم وساتره بيتك وصاينتنك ولا في يوم زعلتك بشي البنت ما عليها كلام .....
سلطان : ني ما اعيبها وانتي تعرفين من زمان اني اعيب ببنت خالي لطيفة ...
العوش : بس لطيفة عرست وانت يوم بغيت تعرس لطيفة كانت بعدها ياهل ...
سلطان : وني بعرس الحين لأني ابغي عيال يا بنت حمد ......
العوش : ونورة ؟؟؟
سلطان : اذا بغت اتم على ذمتيه حياها في أي وقت وان ما بغت بردها سويحان عند هلها وهي عزيزة ومكرمة من المهانة ....
العوش : لا حول ولا قوة الا بالله العلي العظيم ما اعرف شو اللي قلبك على نورة كذيه ....
سلطان وهو يطالع امه بس ما رد عليها نش من مكانه وظهر ....
العوش : الله يصلح حالك يا سلطان .. والله يعينج يا نورة ، بقوم اتصل بها اكيد هالكه روحها من الصياح البنت من راحت بيت هلها ما اتصلت بقوم ابجر بخاطرها ....


شوي ويرن التلفون تشله ......
العوش : السلااااااام عليكم ........
عمير : وعليكم السلام والرحمة اشحالج ختيه ام سلطان ؟؟
العوش : طاب حالك بوجاسم علومك وعلوم عرب دارك ؟؟
عمير : يردون السلام عليج علومي علوم الخير يا بنت الشيبة شو مسوين واشحال الوقن واهلها ...
العوش : كلهم بخير وسهالة ... وما نشكي باس يا بوجاسم ...
عمير : يا مرحبا وسهلا حيالله بختيه ام سلطان ...
العوش : المرحب لاهان بوجاسم .. علوم لطافي فديتهخا ربها بخير ...؟؟؟
عمير : بخير وسهالة في بوظبي الحين هي اليوم ملجة بنت خلفان حميها ..
العوش : يعلها بذمتك منوه منهن بتملج ...
عمير : ميثا بنت حياة فاطمة ....
العوش : فديتها والله ميثاني عسى ربي يسعدها هي بتآخذ مايد ولد خالها صح ...
عمير : هيه عاد احنا الحين رايحين صوبهم بوظبي علشان نحضر الملجة ...
العوش : فديتك واله يا خويه رد السلام على هلفان وبارك له ...
عمير : الله يبارك فيج عاد انا متصل بج يا بنت الشيبة وبخاطريه رمسة وبغيت اقولج اياها ...
العوش : فديتك خويه آمر وما يردك الا لسانك ....
عمير : ما يامر عليج ظالم ، عاد الغالية هالرمسة ما تنقال في التلفون بس انا حبيت اعرف رايكم وخلاف نحدر عندكو ....
العوش : خوفتني شو من الرمسة تبغي تخبرني عنها يا عمير ...
عمير : والله يا العوش جاسم ولديه يبغي يعرس وقال لي انه يبغي دانة بنتج حليله له عاد انا قلت اخبرج وشاوري البنت وان بغت خلاف يينا نخطبها ...
العوش : هذي الساعة المباركة يا بوجاسم ودانة ما بتلاقي واحد اخير من جاسم انشالله انا برمس بوها وبشاورها وبرد عليكو الخبر ....
عمير : خير انشالله يا ختيه تامريني بحايه ...
العوش : ما يامر عليك لا عدو ولا حبيب اشوفكو على خير ورد السلام على هلك ....
عمير : يبلغ انشالله ...
يسكر التلفون عن اخته والعوش من سكر عنها خوها وهي مستانسه ترد وتتصل بنورة حرمة ولدها على موبايلها بس كان مشغول وترد تتصل وتلقاه يرن ومن عقبها تسولف ويا نورة ....

في بيت بوشاهين :

على الساعة خمس ونص راعية الصالون اوصلت وتحدر عند ميثا الغرفة وتبدى تعدل ميثا والبنات ....
سلامة : الريم حبيبي شغلي لنا المسجل اربشينا شويه ؟؟
الريم : انشالله ...
لطيفة : فديتكن والله يله خلونا نرقص ...
ميثا : لطاااااااافي انتي لا ترقصين يمكن تكونين حامل ما فينا بعد على لسان بطي ...
لطيفة : هههههه لا حبيبي انا هب حامل عيل ليش ما قلتي حق حمدوه هي بعد معرسة والا ما تاخفين عليها ...
حمدة : لا لا انا هب حامل استريحن بعدنا نبا نتمتع وخلاف بنفكر بالحمال واليهال ....
ميثا : فديتكن والله ... الله يرزقكم انشالله .. والله اني مستانسة حاسة انه ما باقي الا ساعات وبغدي حرم مايد بن ابراهيم ياه لحظة حلوووة ...

حمدة : فديتج ميثووه عسى ربي يسعدج .....
سلامة : يعني كان لازم عمي خلفان يطلب انه ما تملجون إلا في الحفلة ليش يعني هب الصبح ...
ميثا : ما ادريبه اونه عوايدنا جذه ...
حمدة : خلاص فرجت ما باقي إلا ساعات ...
راعية الصالون : مين بعد ايمان قلت بعمله مكياج ...؟؟؟
رقية : أنا ....
راعية : يله دورك علشان انبلش بالعروس ؟؟
رقية : اوكي ...
يشغلن المسجل ويرتبشن ....
في بيت بوكايد ....
ام جاسم وصلت بيت اختها وراحت تعابل الخضرة ويا ام كايد في المطبخ ويا البشاكير الجو كان وايد رهيب سيف ومحمد مرتبشين عند الطبابيخ ويباشرون الشغل وياهم وكايد وجاسم كانوا يرتبون ويا اهل الخيمة ، اللي مسوينها قدام بيت بوشاهين الجو وايد رهيب .......
شوي ويحدر بوكايد المطبخ : ام كايد .. ام كايد ...؟؟؟
ام كايد : اقرب اقرب محد غريب غيري انا وام جاسم ...
بوكايد : السلام عليكم ختيه ام جاسم اشحالج ؟؟؟
ام جاسم وهي ترد الشيله على ويها وتتغشى : وعليك السلام والرحمة طاب حالك بوكايد ..ز
بوكايد : ام كايد إلا مايد وينه من اصبح ما شفته لا يكون راقد بس موتره هب قدام البيت ....
ام كايد : غريبة زين اتصل به على موبايله ...
بوكايد : المشكلة انه ما يرد الحين بيأذن المغرب شو ها للحين ما يا ... يا ربي من هللولد ...
ام جاسم : يمكن في الحلاق لا تحاتونه بييي ...
ام كايد : انشالله ...
بوكايد : خلصتن كل شي سويتوا الشاي والقهوة كل شي زاهب ....
ام كايد : كل شي زاهب يا بوكايد لا تحاتي انشالله بنبيض الويه ...
بوكايد : هيه يا عوشه ترى اليوم هب ملجة مايد ولديه هذي ملجة الغالية ميثا بنت ختيه فاطمة الله يرحمها ...
ام كايد + ام جاسم : الله يرحمها ..
بوكايد : زين عيل انا بروح وبرد اتصل بمايد ...
ام كايد : خير انشالله ...
اما هاللحظة في شقة مايد :

مايد من صحى من النوم على الساعة اربع العصر يلس يسولف ويا طيف اللي قدرت بخبثها ومكرها إنها تنسيه ملجته ويلست تغريه وردت وسكرته وكان محطي تلفونه في الغرفة وعلى الصامت ..
مايد : طيفوه والله اموت فيج ...
طيف وبخبث : حتى انا ...
مايد : انا خلاص قررت اوثق زواجنا علشان خاطر الجنين اللي في بطنج ولديه ...
طيف : احسن والله يا مايد هو محتاج لك وايد ...
مايد : فديتج والله ...
على الساعة 7 هند راحت بيت وبوشاهين .... ودشت عند ميثا وسلامة اللي كانن يالسات في الغرفة ويلست تسولف وياهن ، الحريم من عقب ما خلصن معابل الخضرة والقهوة والشاي راحن وتسبحن ولبسن اثيابهن كلها دقايق وبتنترس الخيمة حريم بيون حق الملجة الكل كان مرتبش إلا بوكايد وكايد


اللي احرقوا تلفون مايد من الاتصالات بس ما كان يرد عليهم .....
بوكايد وهو محتشر : كايد ، دور اخوك وين راح هذا ... المليج والريايل على وصول وهو حضرته للحين ما شرف ....؟؟؟
كايد : شسوي اتصلت فيه اكثر عن مرة ما يرد وربعه تلفوناتهم مغلقة ...
بوكايد : غريبة هالولد بيجلطني شو اسوي وياه دومه عوي .....
جاسم : عمي بوكايد اذكر الله اكيد هو في الدرب وعسى المانع خير يا رب ...
بوكايد : انشالله قوموا خلونا نسير بيت بوشاهين هب زين جذه اكيد الريايل كلهم يرقبونا ...
جاسم : يله ...
يظهرون من البيت ويروحون بيت بوشاهين وطبعا كال اهل ميثا كانوا في بيت بوشاهين عمومتها واخوانها ويدها والميلس متروس بالريايل ... وكلهم كانوا يرقبون بوكايد واعياله ... بعد دقايق حدر بوكايد وبوجاسم وكايد وجاسم وسيف ومحمد ...
بوكايد وهو يوايه الريايل : السلام عليكم ...
الكل : وعليكم السلام والرحمه ...
بوشاهين : وينك يا ابراهيم من متى نرقبكم ؟؟
بوكايد : الحين يينا ترى ...
علي " عم ميثا " : بوكايد ، إلا مايد وينه ؟؟
بوكايد وهو مرتبك هب عارف شو يقول : اكيد الحين بييي ...
بوشاهين : انشالله يوصل بالسلامة ...
اما في الخيمة :
طبعا الحريم اترسن الخيمة والبنات على الساعة 8 احدرن الخيمة وكانن رهيبات من الخاطر .. رقية وسلامة كانن لابسات نفس الفساتين مطقمات ولون فساتينهم وردية .. ولطيفة كانت لابسه فستان لونه ازرق سماوي .. وحمدة فستانها لونه اخضر ليموني .. كانن وايد رهيبات اما مريم حرمة كايد كانت لابسة فستان ماروني وطالع وايد رهيب عليها ...
في غرفة ميثا :
ميثا كانت يالسه وتسولف ويا هند اربيعتها ...
ميثا : هنوده حاسة انه شي صاير غريبة للحين خالتيه ام خالد مايت تخبرني انه المليج يا ؟؟
هند : انشالله هب صاير شي ويمكن هو تأخر شو فيج جذه تحاتين ؟؟
ميثا وهي تحاتي : هنوده الساعة 8 ونص ومحد يا خبرني اكيد فيه شي اتصلي حق سلامة ...
هند : انشالله الحين بتصل بها ...
تتصل هند بسلامة وتقولها سلامة انه مايد للحين ما يا والريايل كلهم يرقبونه ... وتخبر ميثا اللي يلست تحاتي مايد وايد ,,,
ميثا : يا ربي شو اللي أخره ...
هند : انشالله ما فيه الا الخير اكيد في الطريج ...
اما في الميلس على الساعة 9 الكل كان محتشر :
بوشاهين وهو معصب : اخويه بوكايد مايد وينه المليج من ساعة يرقب ولدك ويبغي يروح ؟
بوكايد وهو على اعصابه ومتغيظ من مايد : والله ما ادريبه يا بوشاهين ، كايد اتصل باخوك شوفه وين داره ....
كايد : ابويه اتصل به وتلفونه ما يعطي مغلق ....
علي " عم ميثا " : شو ها ... بوكايد ليش ولدك ما يعرف انه اليوم ملجته ؟؟؟
بوكايد وهو متغيظ : كيف ما يعرف اكيد يدري ...
بطي : اذكروا الله يا جماعة اكيد هو في الطريج وصار له ظرف يوم بيوصل بنعرف كل شي منه ...


تعدي الساعات والكل يالس على اعصابه عمومة ميثا اشتطوا على بوكايد واعياله ومايد للحين ما حدر ولا بان وتلفونه كله مغلق وبطي وكايد اظهروا ايدورون عليه ...
سلطان " عم ميثا " : بوكايد قدها الساعة 9،40 وينه مايد ما شرف ؟؟
بوكايد وهو متلوم وما عرف شو يرد على سلطان ....
يظهرون من الميلس ويركبون سيارة بطي ويروحون ايدورون مايد يتصلون على تلفونه وكله مغلق .. الجو من عقب ما ظهر بطي وكايد اتوتر في الميلس ويلسوا اعمومة ميثا ايلمون بوكايد ...
يد ميثا : وينه مسود الويه ولدك يا بوكايد ؟؟
بوشاهين : الغايب حجته وياه يا ابويه انشالله بيي !!
يد ميثا : للحين ما بين وين بيي بعد ...
المليج : بوشاهين اسمحلي انا لازم اروح الحين ؟؟
بوكايد : اصبر يا ريال المعرس الحين بيي ...
اما في غرفة ميثا :
ميثا كانت تحاتي وايد ويالسه على اعصابها ....
هند : ميثااااني حبيبي اذكري الله الحين بيي مايد ...
ميثا : قلبي قارصني حاسة انه مايد فيه شي ...
هند : لا تحاتين انشالله بيي ...
شوي وادش سلامة كانت الصاعة 9،53 :
سلامة : توه سيف يقول شاف موتر مايد حادر الحارة ...
ميثا وهي تبتسم : والله الحمدلله على كل حال ...
طبعا مايد عقب طلعة روح الجميع حدر الحارة وعلى طول راح بيت بوشاهين بس ياليته مايا وتم مختفي لباجر !!
سيف : ابويه مايد يا ...
بوكايد وهو ينش من مكانه : وينه ....؟؟
سيف : ايبركن الحين بيحدر ...
شوي ويدخل مايد الميلس بس للاسف مايد كان سكران وهو عارف شو يسوي .......
من دش مايد الكل وقف والميلس كان متروس ريايل عمومة ميثا واعيالهم ، بوصقر واعياله .. بوفيصل واعياله كلهم كانوا يتريون مايد ، من حدر مايد الميلس تم يطالعهم وهم يطالعونه شكله كان وايد متبهدل ...
بوكايد : مايد ليش اتأهخرت للحين شو نسيت انه اليوم ملجتك ؟؟
مايد وهو يطالع ابوه ومستغرب بعده هب مستوعب : ملجة منوه ... ملجتي انا ... هههه ابويه شو فيك ..... ؟؟
حسوا انه مايد فيه شي واتقرب منه شاهين وعرف انه مايد هب في وعيه وسكران ...
شاهين وهو معصب : ميووووووود انته من وين ظاوي يا مسود الويه ؟؟
مايد : انا يعني وين بكون ... من .. وهو يحك راسه . .. من هيه اذكرت من شقتي ...
بوشاهين وهو معصب واستوعب الموقف اللي استوعبوه كل الموجودين : ميووووووووود انته سكران ؟؟؟
مايد : عمي شو ... سكران ...هههههههه .. صح انتوا ليش واقفين جذه واطالعوني يلسواااا ... انتوا ليش مجتمعين اليوم منوه ... بيعرس ...
بوكايد وهو معصب وايود مايد من ايده : ميوود انته من وين ياي سود الله ويهك مثل ما سودت ويهي .. متأخر وياي سكران بعد حسبي الله عليك من ولد ...

مايد وهو يهد ايده من قبضة ابوه : شو فيك .. يا بوكايد ... انا ما فيني شي يله يلسوا ...
يد ميثا : صه .. بوكايد بلاه ولدك هب قادر يصلب طوله ...؟؟؟
شوي والا كايد وبطي حادرين الميلس وشافوا الوضع متكهرب ....
شاهين : إلحقنا يا عمي .. تعال شوووف ميود متأخر وياي سكراااان حضرته ...
سلطان " عم ميثا " وهو معصب : بوكايد ما كنا نتوقع ابد انه مايد هب رسال ويشرب خمر بعد هذا اللي قاصر ....
يد ميثا : شوووووووه يشرب خمر ....؟؟
كايد : ميوووووووود انته شو سويت سكران وفي يوم ملجتك بعد ...؟؟؟
مايد وهو هب مستوعب : بلاكم بلاكم يا جماااااااعة .. أي ملجة ...... هههههههههه ........ انتوا فيكم شي ...
في هاللحظة صقر كان يطالع مايد وهو هب مصدق انه الريال اللي بيآخذ محبوبته يشرب .. " معقوولة لا لا ما اظن ميثا تعرف .....؟؟ الله يكون في عونج يا ميثا ...؟؟؟ "
شاهين وهو معصب ويتقرب من مايد ويمسكه بقو من ايده : لا وسكراااااااان طينة بعد ....!!!
الكل عصب واحتشروا في الميلس وكايد من زود عصبيته سحب مايد من ايده وظهره برع ..
بوكايد يلس على الكنبة وحط ايده على راسه : حسبي الله عليك يا ميود جانك فضحتني قدام الله وخلقه ...
شاهين وهو معصب : انا اللي بأدبه والله ما اخليه يبات صاحي اليوم .. والله لاذبحه ...
بطي وهو ايود شاهين : شاهين شو فيك اذكر الله ...
حامد : شو يا عمي هذا انسان ما يستاهل الاحترام والله لانذبحه ....
بطي : شاهين ، حامد ، شو فيكم خلونا نروح انشوف وين رايح كايد ....
يد ميثا : اسمحلنا يا بوكايد ما عدنا بنت انيوزها ولدك الخايس يا ابراهيم ...
بوصقر : يا جماعة اذكروا الله ...
صقر وهو يوخي على بوكايد : عمي بوكايد اذكر الله ولا تسوي بعمرك جذه ...
بوكايد وهو يصيح : مايد فضحني يا ولدي وين اودي ويهي من الناس الحين .. شو اقول لبنتي ...
آآآآآآآآآآآآآآآآآآآآآآآآه .....
صقر : انشالله ما بيصير الا كل خير يا بوكايد ....
في الحوش كايد كان يسحب مايد من ايده وشاهين وحامد محتشرين ... وبطي يهديهم ...
مايد: كايد شو فيييييييييك هدني ؟؟
كايد : ميوووود ليش سويت جذه ميثااااا شو سوت لك ..؟؟
مايد : انا ما سويت شي ؟؟
بطي وهو معصب : شو ما سويت شي شوووووف حالتك كيف ...
شاهين وهو معصب وميحتشر : كيف بيشووف حالته وهو سكراااان وهب حاس في عمره ....
احتشروا حامد وشاهين .. وسعيد ولد علي عم ميثا اتصل بأمه وخبرها انهم يخبرون الحريم انه الملجة انلغت .. والحريم من دروا اظهرن من الخيمة وهن يسمعن حشرة الريايل اللي كانت في الحوش وهاللحظة ميثا سمعت حشرة اخوها شاهين وعمها بطي واعيال عمومتها فخافت ...
ميثا وهي اتحط ايدها على قلبها : هنوده شو مستوي بلاه شاهين اخويه يحتشر ...؟؟
هند : ما اعرف ...
ميثا : بروح اشوف شو صاير ؟؟؟
هند : لحظة وين رايحة ...
تتطلع ميثا من الغرفة وتنزل تت رغم انه الفستان كان ثقيل بس ما حست فيه وهند كانت تمشي وراها وتزقرها ... احدرت ميثا الصالة وشافت خواتها ولطيفة وعماتها ورقية وحمدة وسلامة ومريم وحرمة ابوها وعماتها يالسات وام كايد وام جاسم ...


ميثا وهي مستغربة وتمشي بينهم : شو صاير وشو هالحشرة اللي برع ؟؟
بس محد رد عليها ...
ميثا وهي مستغربه : عموه موزة قووولي شو صاير ؟.؟؟
بس محد رد عليها وتمت عمتها تصيح ....
ميثا وهي متروعة : سلااامي قولي بلاااه مايد شو صار عليه ؟؟
سلامة والعبرة خانقتنها : ما بلاه شي ؟؟؟
ميثا ودمعتها محتبسة في عينها : عيل بلاه شاهين محتشر برع وعمي بطي وحامد ولد عمي بلاهم يحتشرون ..؟؟؟
حمدة : ميثوووه ماشي روحي غرفتج ...
ميثا ودمعتها على خدها : لا ما برووح انتوا خاشين عني شي ولازم اعرفه ؟؟
حمدة : ميثاااااااني غناتي روحي داخل ...
ميثا ودمعتها على خدها : لا ما بروح ، انا رايحة اشوف شو اللي يصير برع ...
تركض ميثا صوب الباب وقدها بتظهر تقبضها عوشة بنت عمها سيف ...
تفتر ميثا صوبها : شو فيج ؟؟
عوشة : ميثووه انصحج لا تظهرين ؟؟
ميثا ودمعتها بعدها على خدها وخانقتنها العبرة وبصوت واطي : عوشة شو صاير دخيييييييييلج خبريني ؟؟؟
عوشة : ميثاني الملجة أنلغت والحريم روحن هذا كل اللي اقدر اقوله باختصار ....
ميثا والعبرة خانقتنها : شوووووووووه وليش انلغت ميود فيه شي ؟؟ شو صاير دخيلج عوشة خبريني ....؟؟؟
بس عوشة ما ردت عليها وتمت ميثا تطالع عيون عوشة وبدون شعور اسحبت ايدها من ايد عوشة واركضت برع وقدها في الحوش تشوف اخوانها وعيال اعمومتها وعمها بطي ويدها وابوها وخالها ومايد واخوانه واقفين وشاهين محتشر ...
شاهين وهو معصب وخالد اخوه ميودنه : خالد هدني عليه هالحقير النذل انا اعرف كيف اربيه ؟؟
بطي : شاهين بسنا فضايح اسكت ..
شاهين وهو بعده معصب : شو اسكت يا حقيرررر اظهر من بيتنا ...
مايد وهو يطالع شاهين : ايه انت شو فيك معصب ..؟؟
تمشي ميثا وتسمع شاهين وهو يزاعج ...
سلطان " عم ميثا " : اسمحلنا يا بوكايد ما عدنا بنت للعرس .....؟؟
ويسمعون صوت ميثا من بعيد : عمي ليييييييييييييييش فهموني شو اللي صاير ...؟؟
الكل التفتوا صوب ميثا وهي تمشي لين ما وصلت عند عمها بطي وصقر كان يطالعها وقلبه معورنه على حالها رغم جمالها اللي ما ينوصف في هاليوم الا حزنها كان باين عليها ... الكل اسكتوا ويطالعونها ...
ميثا ودمعتها على خدها : ممكن اعرف شو اللي صاير يا عمي ليش لغيتوا الملجة ؟؟
بطي : ميثااااااااني رووووووحي داخل ...
ميثا وتطالع عمها والعبرة خانقتنها : عمي دخيلك انته خبرني شو اللي مستوي بالضبط محد راضي يقولي ؟؟ شاهين شو اللي صاير ..؟؟ ابويه شو اللي صاير ليش لغيتوا الملجة ...
تتقرب من مايد اللي كان واقف وهو هب قادر يصلب طوله وتطالع اعيونه وتشم منه ريحة غريبة اول مرة في حياتها تشم هالريحة امتلكها شعور بالغثيان حست انه فيه شي : ماااااااايد انته فهمني شو اللي صاير بالضبط ؟؟
مايد وهو يطالعها : ميثاااااا ... شو بيكون فيه ما شي ....؟؟

تشم ميثا ريحته وتستغرب من طريقة كلامه حست انه مايد هب طبيعي هب هو الانسان اللي كانت تفخر فيه قدام الكل ... تحط ايدها على ثمها " لا هب معقوول ميوود سكران " ؟؟
ميثا : ميوود انته سكران لالا مستحيل ما اصدق ....؟؟
كايد : ميثا خلااااااااص روحي داخل ........
واتيود مايد من كتفه وتهزه : ليش يا مااااااااااااااايد لييييييييش وبيوم ملجتنا ... حرام علييييييك انا شو سويت لك ليش ....

واتم تصيح والكل يطالعها الا صقر اللي كان حاس بعذاب قلبها وحاس بحرقة يوفها اتقرب صقر منها وهو هب قادر انه يشوفها بهالحالة ... فصخ سفرته وغطاها بها لانها ما كانت لابسه شي على راسها ....
ميثا وادموعها على خدها : ميوووووود اتكلم ليش انت سكران من متى تشرب حرام عليك يا مايد خربت فرحتي هدمت حيااااااتي كلها هدمت كل لحظة حلووووووة كنا نتمناها ... ااااااااااااه ..
ويقاطعها : شو فيج اتصيحين ... شو انتي ما تعرفين انه كل الناس تشرب ؟؟ ميثووه تحلفين انج ما تشربين ههههههههههههه روحي داخل روحي ارقدي يله ...
اتم تطالعه وتصييييح : حيوووان ميوووووووود انته نذل حراااااااااام عليك ...
في هاللحظة صقر ما تحمل انه يشوووف محبوبته وهي في هالموقف اتقرب من مايد وصفعه طراق والكل استغربوا من ردة فعل صقر وتم مايد يطالع صقر ويزاعج : انت شوو فيك انته منوه علشااان تمد ايدك عليه انته ما تعرف انا منوه انا مايد ........
صقر : يا حيوووووواااااااااااان انته ما تستحق تكون انسااااان ....
وميثا كانت واقفة وتصيح وبطي اتقرب منها ولوى عليها .. : ميثااااااااني حبيبي اسكتي لا تصيحين ...
بوكايد : كايد خذ اخوك ووده البيت خلاص كفايه اللي صار ....
بوشاهين : شاهين ابويه خذ ميثا وودها داخل ...
يروح شاهين ويآخذ ميثا ويوديها داخل .. وهي منهارة من الصيااااااااح وكايد اخذ اخوه وطلع برع البيت ومايد كان محتشر على صقر .. وصقر تم واقف وهب عارف اللي سواه صح والا غلط ..
فلاح وهو يتقرب من اخوه : صقر خلنا انروح ...
صقر وهو يطالع اخوه : فلاح بس ....
فلاح : صدقني حاس فيك بس يله خلنا انروح مالنا مكان اهنه ...
بوكايد : بوشاهين ...
بوشاهين وهو يقاطعه : لا تكمل كلامك يا بوكايد ما صار الا الخير والظفر ما يطلع من اللحم وانت اخو عزيز وغالي عليه ...
بوكايد : لومني ميوود فيك يا خلفان اسمحلي والله والله ميثا ما تستاهل ,,,
يد ميثا : بوكايد افا عليك لا تتلوم ولا شي وميوود اللي سواه هب شووويه بس الحكم في النهاية للبنت ...
بس يا بوكايد اسمحلي انا ما بعطي بنتي لولدك ...
بوكايد : وانا ما ارضى على ميثا الغالية تتبهدل في ايد مايد ... ورفقة بوخليفة يا عمي انه مايد ما يحدر على ميثا ولا يشوفها الا في عرض الحريم ,.....
في الصالة من دشت ميثا لوت على سلامة وهي تصيح : سلاااااااااااامي ميووووووود كسر فرحتي ...
سلامة : ميثا حبيبي لا تصيحين كل شي بيكون اوووكي ....
ميثا وهي تصيح : انا كنت حاسة وقلبي قارصني آآآآآآآآآآآآآآآآه وينج يا امايه .. واااااااااحره افوادي تعالي شووووفي بنتج شو صار فيها ااااااااااااه يا اماااااااااايه ليتج خذتيني ويااااااااااج ........
سلامة وهي تصيح : ميثووووه اذكري الله ......



هند وهي تتقرب من ميثا ودمعتها على خدها : ميثووووه لا تسوين جذه بعمرج .....
في هاللحظة ميثا يودت راسها واصرخت ومن عقبها اغمى عليها وطاحت على الارض ......
سلامة : ميثوووووه .........
هند وهي تصيح : ميثاااااااااااني حبيبي .......
حمدة : مستحيل لااااااااا ميثوووه ..ز سلامي روحي ازقري شاهين ...
سلامة وهي تركض برع ومن شافت الشبااااب واقفين في الحوش اركضت صوبهم ...
سلامة : شاااااااااااااااهين ... شااااااااااااااااااااهين .. إلحقنا ميثااااااااااااني اغمى عليها ...
في هاللحظة صقر وفلاح كانوا بيظهرون من البيت ومن سمع صقر باسم ميثا ركض صوب شاهين اللي كان يركض صوب الفلة وصقر راح وياه ...
بس صقر ما حدر الصالة وتم واقف برع ..........

• امممممممم يا ترى شو بيصير لميثااااا ؟؟ ومايد شو بيصير عليه من عقب ما ينش من سكرته ؟؟
• وصقر شو بيكون دوره ؟؟
• ويا ترى هند بتوافق على المر ؟؟؟
• وشو بيصير بين سلطان ولد عمة لطيفة ونورة حرمته ؟؟

الجـــــزء الثالث والعشـــرين :
بعد ما أغمى على ميثا ، سلامة اركضت وراحت برع وشافت الشباب متيمعين وتمت تزقر شاهين .....

سلامة : شاهين ، شاهين ألحقنا ميثا أغمى عليها .....
من سمع شاهين صوت سلامة تزقره افتر صوبها وعلى طول ركض صوبها وصقر كان توه بيظهر من البيت واول ما سمع صوت سلامة وسمع طاري ميثا فز قلبه وركض ورى شاهين بدون شعور ... بس ما قدر يدش الفلة وتم واقف برع على عكس شاهين وبطي اللي دشوا الفلة ....
شاهين وهو يرفع ميثا : ميثاااااااااااااني ، حبيبي .... شو فيج ...؟؟؟
عمته موزة : قوم ودها المستشفى ولا تصيح شرات الحريم ، يله ابويه بطي روح شغل الموتر واخذوها المستشفى ....
بطي : انشالله ختيه ....
يظهر بطي برع ويشوفه صقر ....
صقر : رب ما شر يا بطي ؟؟
بطي : البنت اغمى عليها وبنوديها المستشفى .....
العمة موزة : امايه حمدة هاتي عبايه لميثا خل نحطها عليها .....
يلبسونها العباية ويشلهاشاهين ويوديها السيارة بس موتر بطي ما طاع يشتغل ...
صقر : شاهين تعال اركب ويايه موتري شغال وعند الباب واقف ...
شاهين : يله ....
يركب شاهين وميثا في حضنه وتركب وياه عمته موزة وصقر ويركب بطي عدال صقر ويتحركون على طول صوب مستشفى خليفة طول الدرب العمة كانت تحاتي وتقرى على راس ميثا وشاهين من زود خوفه على اخته خرت دمعته بدون احساس وصقر اللي كان يسوق وحالته كانت غير ما كان يتصور انه ميثا الانسانة الرقيقة الحساسة يصير لها كل هذا يوصلون المستشفى ينزل بطي علشان يخبر المستشفى .. بعد اشوي إين الممرضات ومعاهن السرير ايحطن ميثا عليه ويدخلنها داخل ...
بعد دقايق بوشاهين وبوكايد ويد ميثا ويدتها كانوا في المستشفى ... والبنات ايين وكانن راكبات نصهن ويا فلاح ونصهن ويا حامد وخالد ...
سلامة : عموه شو الحال على ميثا الحين ؟؟
العمة موزة : كان الله في عونها مسكينة هي داخل الحين عند الدكتور ويا شاهين بعدها ما اظهرت .....
حمدة وهي تمسح دمعتها : فديت الميث والله .. ما كنا نتوقع يصير كل هذا والله ما تستاهل حسبي الله عليك يا ميود جانك ضريت ميثا الغالية .....
العمة موزة : امايه حمدة اذكري الله ولا تدعين على خوج كله قسمة ونصيب يا الغالية ...
حمدة : لا اله الا الله محمد رسول الله من حرتي عموه ميثااااااااني فديتها ما تهون عليه ... لكن ميود برايه ...
هند : سلاااااااااامي لا تصيحين انشالله ميثانه ما عليها شر ...




سلامة ودمعتها على خدها : ايييييييييييه يا هند ميثاااا عندي اغلى حتى من روحي هذا ختيه وربيعتيه وبنت عمتيه في نفس الوقت ويشهد عليه رب العالمين اني ما احب حد في هالدنيا كثر حبي لها ولو صار عليها شي ما اتمنى الحياة من عقبها ....
في هاللحظة يظهر شاهين من غرفة الطبيب ويشوفه صقر اللي كان واقف عند غرفة العلاج ...
صقر وهو يحاتي : هااااااا .... شاهين .. بشر شو الحال على الرضيعة الحين ؟؟؟
شاهين : الحمدلله .. بخير بس الدكتور حط لها مغذي لانه عندها هبوط حاد في الضغط ...
صقر : الحمدلله تستاهل سلامتها يا خوي ...
شاهين : الله يسلمك ..
بطي : الحمدلله على كل حال ....
من شافوا الحريم شاهين ظهر راحوا عنده ....
يدة ميثا : شاهين اشحال خويتك الغالي ..؟؟؟
شاهين : اطمني يدوه ميثااااااني بخير ....
العمة : الحمدلله ....
حمدة +هند + سلامة : نقدر نشوفها ؟؟
شاهين : الدكتور يقول خلوها ترتاح شوي وخلاف احدرن عليها ...
من بعدها ايتمون لساعات يالسين يتريون الدكتور يسمح لهم علشان يشوفون ميثا ، هند وسلامة كانن يالسات عدال بعض ويحاتن وحمدة واقفة ويا عمة ميثا اللي كانت تدعي انه رب العالمين يشافي ميثا .. بطي وشاهين من زود التعب ايلسوا عدال يد ميثا اللي كان متكي على عصاته ويصيح .....
بوشاهين : ابويه اذكر الله هب زين اللي تسويه ميثا بخير وما عليها شر .....
يد ميثا : كيف ما عليها شر والدختور للحين ما قالنا احدروا شوفوها وين بنتك يا خلفااااان ؟؟؟؟
بوشاهين : ابويه انشالله ميثا الحين بتظهر وبنروح كلنا البيت ....
بوكايد : اخوي يا خلفان والله اني متلوم ؟؟
بوشاهين وهو يحط ايده على كتف بوكايد : اذكر الله يا ابراهيم وما حصل إلا الخير ...
أما صقر كان واقف عند غرفة ميثا ومساند راسه على اليدار ومحد انتبه له انه واقف اهنه وكان مغمض اعيونه ودمعته على خده ويتذكر ميثا ابتسامتها عيونها ..." فديتج يا ميثا عمري ما توقعت اني اشوف حزنج ... ودمعتج الغالية ." في هاللحظة حس بإيد انحطت على كتفه فتح اعيونه وإلا فلاح اخوه قدامه ....
فلاح وبصوت واطي : تحبها ؟؟؟
صقر وهو مستغرب من كلام فلاح ويمسح دمعته بإيده : اكثر من أي حد في هالدنيا يا فلاح ....
فلاح : مسكينة ميثا ، محد كان يتوقع انه كل هذا يصير لها .....؟؟؟
صقر والعبرة خانقتنه : النذل ولد خالها على كثر ما كانت تحبه ما صان الحب اللي اخلصتله اياه ..
فلاح : يمكن رب العالمين شاف حالك يا صقر وما حب خاطرك ينكسر وقلبك وانشالله ميثا ترد لك ...
صقر ودمعته على خده : آآآآآآآآآآآآآآآآآآآآه يا فلااااااح بس عمري ما تمنيت يصير كل هذا لميثا ما تستاهل ...
فلاح : كان الله في عونها بس قوم خلنا انروح من اهنه عن يشوفك شاهين ويحس بش ...
صقر : يله ....
بعد دقايق يسمح الطبيب لاهل ميثا يحدرون عندها الغرفة وايدشون واحد ورى الثاني .. علشان يطمنون عليها وبعد شوي دشن سلامة وهند ... ومن شافتهن ميثا تمت تصيح ...
سلامة وهي تحضن ميثا وتصيح : ميثوووووه حبيبي لا تصيحين خلاص قطعتي قلبي ؟؟
ميثا وهي تصيح : سلاااااااامي .. ليش خليتيني اروحي ... سلااااامي ليش ميوووود سوى فيني جذه ما كنت اتوقع انه يشرب هالشي الوحيد اللي ما خطر على بالي في يوم ....

هند : بسم الله عليكن اذكرن الله ويالله ميثااااااااني قومي علشاااان انروح .....
ميثا وهي تمسح دموعها : ما ابغي ارجع البيت خلوووووني اهنه اخاف اذا دخلت البيت اشوووف مايد وهو سكران لاااااااااااااااا ما ابغي اروووووووووح مستحييييييييل ما ابغي اشووووفه لااااااااااا لاااااااااااااا وتنهار واتم تصارخ وتصيح ...
وسلامة من شافتها جذه لوت عليها ويلست تهديها ...
دشت الممرضة عليهن ...
الممرضة : اووووووو شو صار لا لا ما بيصير هيك ممكن تطلعون لبرى آنسات ....
هند : ميثااااااااني حبيبي اذكري الله ...
يطلعن هند وسلامة من الغرفة والممرضة تهدي ميثا على الساعة وحدة ونص ايرخص الدكتور ميثا .. تتطلع ميثا من الغرفة وسلامة كانت ميودتنها اول واحد اطيح عينها بعينه هو صقر اللي كان واقف ويشوفها وهي تمشي وتم يطالعها بكل حنان ودفء وحمد ربه انه شافها قدامه تمشي ابتسم لها وهي لا اراديا ردت عليه بنفس الابتسامة واذكرت شكله يوم غطاها بسفرته ..............

يد ميثا : الحمدلله على سلامتج يا بنتي ...
ميثا ودمعتها محتبسة في عينها واتيود ايد يها .... : يدددددددي ... فديتك ......
بوشاهين : حبيبي ميثااااااااااني تعالي خلينا انروح البيت ....
ميثا وهي تطالع ابوها : ابوووووويه خذني وياك لا تخليني اروحي ما ابغي اشووووف حد ....
بوشاهين : تعالي فديتج تعالي ..
يآخذها ابوها في حضنه وعقب يركب الموتر وصقر كان يطالعها وكله شوق انه يلمسها ... بس للاسف ... لو كانت حرمته ما اتأخر دقيقة عنها ....... " آآآآآآآآآآآآآآآه يا ميثا ليتني اقدر اشيل الهم من قلبج واحطه في قلبي علشان ما يصيبج شي يا نظر عيني " ........
فلاح : ايه صقر يله خلنا انروح ...
صقر : هاااااا ... يله ... وين هنوده ؟؟؟
فلاح : في الموتر يله العربان روحوا شو تتريا بعد ...
صقر : يله اسبقني ياي وراكم ...
يطلعون من المستشفى وصقر يروح صوب سيارته وهند اركبت ويا فلاح وروحوا البيت ........

في بيت بوشاهين : اول ما وصلت ميثا البيت على طول راحت غرفتها علشان ترتاح وطبعا سلامة ارجعت وياها لانها ما كانت تبغي تخلي ميثا اروحها في هالظروف ...
بوشاهين : امايه سلامة روحي عند خويتج ولا تخلينها اروحها ....
سلامة : انشالله عمي ....
ام خالد : لا تخلينها تفكر وايد خليها تنام من وقت ....
سلامة : انشالله خالتيه ....
تروح سلامة عند ميثا ادش الغرفة وتسكر الباب وراها كانت ميثا يالسه على السرير ودمعتها على خدها بس تصيح بدون صوت ....
سلامة : ميثااااااااااني حبيبي قومي غيري اثيابج ...
ميثا : .................................................. ....
تيلس سلامة عدالها : ميثاااااااني اذكري الله .. ومحد يقدر يغير كل اللي صار ........
ميثا ودمعتها على خها : بس ليش انا يستوي لي كل هذاااااااااا ... قولي ....؟؟؟
سلامة وهي تمسح دمعة ميثا : انا اعرف اللي سواه ميود هب شويه بس انتي بعد لا تمين اتصيحين وتعورين قلبج ميثاااااااني انا اللي اعرفه انج قوية وما يهزج شي ...


ميثا : آآآآآآآآآه يا سلااامة .. قلبي اللي حب مايد ما كنت اتوقع في يوم انه يكرهه ... ما كنت اتوقع في يوم انه مايد يجرحني كبر هالجرج اللي جرحني اياه اليوم ....
سلامة : حبيبي اذكري الله وقومي غيري ملابسج ...
تنش سلامة صوب كبت ميثا واظهر لميثا بيجامه نوم وتحطها على السرير وميثا بعدها يالسه وسارحة بافكارها ...
سلامة وهي تحط ايدها على كتف ميثا : ميثااااااااااااااني قومي زهبت لج البيجامة ....
ميثا وهي تطالعها وعيونها تدمع وحمراء : سلاااااااااامه حبيبي تعرفين اعتقد خلااااااااااص إلى اهنه وكل شي انتهى ....!!!!!!!!
سلامة وهي مستغربة من نبرة ميثا وكلامها : ما فهمت شو قصدج .؟؟؟
ميثا وهي تصيح : مايد باعني علشااااان كاااااس خمر وانا بعته علشاااان كرامتي وهذي هي عزوتي في هالدنيا يا سلامة وما اعتقد هالقلب ... وتحط ايدها على قلبها ... انه في يوم بيغفر لمايد اللي سواه اليوم مايد ذبحني يا سلامة خلى كل اهل مشرف والعين وليوا والبطين يرمسون عليه هو صح إنهم مع الايام بينسووون لكن انا اللي في عمري ما بقدر انسى عيون مايد حمرا وما بقدر انسى ريحة الخمر اللي كانت فايحه من ثمه واثيابه ، آآآآآآآآآه يا سلاااااااامة مايد باعني علشااااااان غرشة خمر وانا بعت حبه علشااااااان خاطر كرامتي .......
سلامة وهي تلوي على ميثا : ميثووووه فديتج وانا ويااااج بس احنا للحين ما سمعنا رد مايد ولا اسبابه ؟؟
ميثا وهي تصيييح : سلااااااااامي كبري عقلج شوي ما احيدج ياهل تذكرين يوم سالفة الصور ميووووووود حلف لي انه ما يكررها وانه شارني قبل لا اشتريه لكن اليوم يا بنت ابراهيم اخوج كرر الغلط بغلط كبير وايد عن سالفة الصور ، مايد ياي سكرااااااااان وفي يوم ملجتنا رب العالمين بين لي حقيقه مايد اليوم انتي ما شفتي حالته يا سلامة انا اللي شفته ووقفت قدامه حسيت انه صغير في عيون كل الناااااااااس حقر نفسه قدام الخلق آآآآآآآآآآآآآآه يا سلامة انا ما اصيح على حالي كثر ما اصيح على حال مايد ليش يا سلااااااااااااامة مايد سوى كل هذا لييييييييييش .... آآآآآآآآآآآآآآآآآآآآه وينج يا امايه تعالي شوفي الانسان اللي اخترتيه زوج لبنتج اليوم ذبحها وخلاها مضحكة قدام الناس كلهم ... الانسان اللي وثقتي فيه في يوم وسلمتي له قلب بنتج على صينية من ذهب ووعدج يصوووون هالقلب اللي خانه اليوم وباعه علشاااان غرشة خمر حقيرة ......
واتم تصييييييييييح ....
سلامة وهي تلوي على ميثا وتصيح وياها : ميثااااااااااااني اذكري الله قومي اغسلي ويهج وارتاحي حبيبي لا تسوين جذه في عمرج والله انه ميوووووووود ما يستاااااااهل دمعة من دمووووعج ....
تنش ميثا من عقب ما هدتها سلامة وتغسل ويها وتبدل ملابسها وتحط راسها على المخدة وتغمض اعيونها بس ما قدرت ترقد لانه مايد كان قدامها وكل ما غمضت اتشووووفه .....
سلامة نفس الشي ما باتت هالليلة وتمت تحاتي وايد " يا ترى شو بيصير لعلاقة مايد وميثا عقب هالليلة ..آآآآآآآآه يا ميثا ليتج ما مريتي بهالموقف ..""" ..................

اليوم الثاني في بيت بو كايد :

بوكايد : شفتي اللي سواه ولدج يا عوشه فضحني قداااااااام الله وخلقه سود ويهي ؟؟ والله اني متلوم من خلفان شو اقوله الحين ...؟؟
ام كايد : والله ما اعرف شقولك يا ابراهيم ... ميثا غالية عندي وايد وما اعتقد انها رخيصة عندك علشان تبيعها لولدك الخايس .. بوكايد رمس خلفان وقوله انه لا انا ولا انت راضين نيوز ميثا الغالية لميوووود لانه ما يستاهلها ...
في هاللحظة مايد كان حادر من فوق وسمع كلام امه ....
مايد وهو مستغرب : امايه شو هالرمسة ؟؟؟؟
بوكايد وهو معصب : انته اهنه يا مسووووووود الويه اظهر من بيتي ما ابغي اشوفك ؟؟
مايد : ابويه شو صاير شو بلاك معصب ؟؟
بوكايد وهو يهدد ويزاعج : بعد تسألني ليش معصب ، انا طول عمري محد ضحك عليه من سكنت في هالحارة للحين من اكثر من 20 سنة محد قال عني شي وراسي دومه مرفوع وانته اللي نزلت راسي قداااام اهل مشرف كلهم .. حسبي عليك من ولد ...
مايد : انا نزلت راسك متى ؟؟
يدخل كايد واول ما شاف مايد واقف راح صوبه ودزه وهو معصب : بعدك اهنه يا حقيييرررر ......؟؟؟
مايد : اييييييييييه شو فيكم عليه شو سويت لكم ؟؟
كايد وبصوت عالي : بعد بقواة عين ياي تقول شو سويت ليش انته نسييييييت اللي صار البارحة .. هه وين بتذكر حضرتك وانته كنت فاقد ... سكرااااااااااان ....
مايد وجنه حد صفعة : سكراااااااان منوه سكرااااان ؟؟؟
كايد وهو معصب : لا والله انته بعد منوه اللي بيكون سكران ذبحت قلب اليتيمة بنت عمتك وبيوم ملجتها ياي لها عقب ما ملت فقيرة وهي تترياك ياي سكراااااااااااااان مضيع الدين والمذهب حسبي الله عليك يا مايد ...
في هاللحظة مايد اتذكر كل اللي صار البارحة .........
بوكايد وهو معصب : صدق انك هب ريااااااااااااال وحقير يا ميوووووود .. انا كنت دايما اقول انك عووووي وغير عن اخوانك في هاللحظة انا ما عندي ولد اسمه مايد واتمنى تطلع من بيتي خلاااااااص ما ابغي اشووووفك ... اظهر من بيتي .....
مايد وهو يتقرب من ابوه : ابويه انا آآآآسف وكل شي صدقني بيتصلح ....
ام كايد : شو اللي بيتصلح يا مايد ... وقلب البنت اللي كسرته منوه اللي بيصلحه ......؟؟؟
مايد : مستعد اصلح كل شي بروح عند عمي بو شاهين وبستسمح منه بس لا تحرموني من ميثااااااااا .......
كايد وبعصبية : ويوم إنك تبا ميثا ليش تشرب ليش ضيعت مستقبلها بخرابيطك ...
مايد : كايد ارجووووك ...
بوكايد وهو معصب : انته اللي ارجوووك اطلع من البيت ما ابغي اشوووف رقعة ويهك مرة ثانية اهنه وولدي مايد مات من زمان ما ابغي اشووووفك اظهر .. حسبي الله عليك من ولد ....يا حقير بيتي يتعذر اشكالك ..............
مايد وهو يطالع ابوه : ابويه ...
بوكايد وهو معصب : لا تقول ابويه انا ما يشرفني اكون ابوك ... واسمعني اذا خلفان ما رفضك انا اللي اقولك ميثااااا لو توصل القمر وترد واتيب لها القمر مهر انا اللي بقولك لا وما عدنا بنات للزوااااااااج ... ميثا بنتي وانا اللي مربنها وما يشرفني احط ايدي بإيدك وايوزك بنتي اظهر برع ....
مايد وهو يصيح : انته دووووومك جذه كنت دايما تفضل محمد وسيف وكايد عليه .. هم الاحسن في كل شي ومايد ولا شي انت اللي مشيتني لهدرب انت روحك اللي ضيعتني ....
بوكايد : انا ... انا اللي قلت لك روووح اشرب انا اللي قلت لك اخترب حسبي الله ونعم الوكيل فيك يا ميووووووووود اظهر من بيتي ما ابغي اشوووووفك قدااااااااااامي ....
ام كايد : بو كايد هد اعصابك ...
مايد وهو يمسح ادموعه : انا طالع بس رايح عند عمي خلفان وبعتذر له ...

يظهر مايد من بيتهم يركب سيارته وعلى طول يروح شقته " كله منج يا طيف انتي السبب ..."

في بيت بوصقر :


صقر من نش من الرقاد نزل تحت وشاف امه وابوه يالسين في الصالة ......
صقر : صباح الخير ...
ام صقر + بوصقر : صباااااااااح النور والسرووور تعال فديتك اقرب ؟؟
صقر : اشوفكم اروحكم وين اخواني عيل .؟؟ ما اسمع لهم حس ؟؟
بوصقر : ارقوود ما صدقواااا انه اليوم اجازة الكل راقد ...
صقر : وهنوده وينها ؟؟
ام صقر : راحت تشوف ميثا اربيعتها .......
صقر وقلبه فز من يابوا طاري ميثا : منوه وداها .....؟؟؟
ام صقر : عقاب وصلها وراح عنها الرحبة !!
صقر : ايوااااا وشو عنده عقاب في الرحبة ؟؟
بوصقر : يقول وله على اعيال خالك حمد علشان جذه روح الرحبة ...
صقر : زين زين ....
ام صقر : مسكينة ميثا والله انها ما تستاهل اللي صار لها ...
بوصقر : هذا هو نصيبها يا ام صقر .. ومحد يقدر يتحكم في النصيب ...
شوي ويحدر فلاح ويسلم على امه وابوه ويحبهم على روسهم ...
بوصقر : الله يرضا عليك يا ولدي ...
فلاح : ابويه شو سويتوا بسالفة المر ترى الريال ذابحني باتصالاته ..؟؟؟
ام صقر : حي .. بلاه مستعيل بعدها البنت ما ردت خبر اذا كانت موافقة والا لا ....؟؟
فلاح : ما ادريبه بين اليوم والثاني حاشرني باتصالاته ضاربنه احفووز الريال ...
بوصقر : حليله والله هالريال دش خاطريه وما يتعوض وانشالله يكون من نصيب هنوده ....
ام صقر وهي ترفع ايدها بالدعاء : انشالله وانا بعد اقول جذه ما بنلاقي حد اخير من المر ريل لهند ...
في بيت بوشاهين :

في غرفة ميثا :
ميثا : هنوده .. انا وايد ضايجه وحاسة هالكون كله ضدي ...؟؟
هند : ميثاااااااني حبيبي حاولي انج تنسين كل اللي صار وانشالله ربي بيعوضج بالاحسن عن مايد ...
ميثا وهي تتنهد : آآآآآآآآآآآآآه يا هند ليت اللي صار ما صار ليتني ما حبيت مايد ليتني مت قبل لا اشوف اللي شفته البارحة محد حاس فيه يا هند آآآآآآآآآآآآآآآه ..............
في هاللحظة ادش سلامة وشاله صينية العصيلر بايدها ....
سلامة : السلام عليكم اشحالج هنوده ؟؟؟
هند : وعليكم السلام والرحمة طاب حالج الغالية انا بخير وانتي اشحالج ؟؟
سلامة : والله مثل ما تشوفين يالسين ترانا ...
هند : هيه والله هذي هي الدنيا ....
ميثا : آآآآآآآآآآه ... الدنيا مملة وكل اللي فيها يلوووع الجبد ...
هند : ميثااااااااني ليش تقولين جذه الدنيا بعدها في خير ...؟؟؟
سلامة وهي تيلس عدال ميثا : ميثاااااني خلي اللي صار يولي وانسي مايد خلاااااااص ...
ميثا وهي تطالع سلامة وعيونها تدمع : والله لولا الزمان باعني من دون رحمة ... لكانت مناديل حبي هي كفوفي
كنت يا سلامة له حبيبه واليوم صرت خصمه .... ولو أحاول يا بنت ابراهيم انسى تذكرني همومي ....
من عقبها ادس ويها بإيدها واتم تصيييييييح ..............


هند وسلامة يتقربن من ميثا ويحاولن يهدنها في هاللحظة ادش لطيفة عليهم ...
لطيفة : رب ما شر بلاها ميثااااااني ....
سلامة : شو يعني بيكون بلاها يا لطيفة الله يهدااااااااج اللي صار لها هب شويه ....
تتقرب لطيفة من ميثا وتيلس احذالها وتحط ايدها على كتفها : ميثااااااااااني اذكري الله واللي تسوينه هذا ما بيرجع أي شي ....؟؟
ميثا وهي ترفع راسها وترفع شعرها بإيدها كانت عيونها حمراء من الصياح : اللي صار لي يا بنت عمير هب شويه حطي نفسج بمكاني .... ميوووود ذبحني يا لطيفة ذبح قلبي اللي من انولد ما شاف غيره قلبي اللي عمره ما فز لمخلوق غيره .. قووولي .. لو بحاول أنسى كم بنسى اللي بيني وبينه هب سنة ولا سنتين اللي بيني وبين مايد 19 سنة يا لطيفة قولي كيف بنسى 19 سنة من عمري طافت وانا احبه اعتقد مستحيييييييل هالشي يصير .........
وترجع اتصيح ........
لطيفة : ميثااااااااااني ، مايد لو كان صدق يحبج ما سوى اللي سواه ....
سلامة : وانا اقولها مساعة انسيه وانشالله ربيه بيعوضج بغير مايد واحسن عنه بعد ...

في هاللحظة في شقة مايد :
مايد كان ثاير على طيف وطايح فيها ضرب واصراخ ........
طيف وهي تصيح : إيه انا اللي سكرتك انا سويت كل هذا علشاااان خاطر اللي في بطني يا مايد ليش انت ما تفهم انا احبك .. وما ابغي حد يشاركني فيك لا ميثا ولا غيرها ....
مايد وهو يصارخ : والحين ارتحتي صح .. قولي شو استفدتي دمرتي حياتي كلها خليتيني علك في حلوج الناس ضيعتي حياتي كلها ... ويمطها من شعرها بقو وهي تصارخ ...
طيف وهي تصارخ : ميوووود ... هد شعري قطعته كفايه مذله حرام عليك ....
مايد وهو معصب : سمعيني هالياهل اللي انتي متسلحة فيه بينزل غصبا عنج ولا تحسبين إنج تفوقتي عليه لا يا طيف لا تتوقعين انج انتي اللي كسبتي كل شي طيفوووووه انا مايد واللي يعق نفسه في طريجي غلطاااااان ... عطيتج مهلة كبيرة يا طيف لكن ماشي فايدة ...
طيف وهي تصيح وتتالم : ميوووود هدني انته تعورني ....
في هاللحظة مايد صفعها اطراق على ويها ومن عقبها دزها على الكنبة ويوم شافها طاحت على الارض مشى صوبها وهي تصيح ارفعت شعرها عن ويها وهي تتويع وماسكه بطنها بإيدها ....
طيف وهي تصيح وتتالم : ميوووود حراااااام عليك شو انت من البشر حرام عليك محد سوى سواتك هذي ... ارحمني انا وولدك ... آآآآآآآآآآآخ ,,,
مايد وهي يطالعها : هههههههههههههه انتي تعرفين الحرااااااام انتي ، الحرام يا طيفوووه متبري منج انتي ابليس بكبره متبري منج انتي بنت ابليس دمرتي حياتي كلها ويا الوقت اللي أنهي فيه كل شي يا طيف علاقتي فيج لازم تنتهي ...و للابد ...
طيف وهي تصيح : شو بتسوي يعني هذاااني قدامك سو اللي تبغيه ....
وقبل لا تكمل كلامها ما وعت الا مايد محطي اريوله في بطنها ورفسها بقو وكرر الحركة اكثر عن مرة وهي تصارخ هب قادرة تنش من مكانها وتصارخ ....
طيف وهي تصارخ : آآآآآآآآآآآآآآآى ......آآآآآآآآآآآآآآخ الله يرحم والديك ارحمني يا مايد بطني يعورني بموت تحت اريولك مااااااااااااايد ....
مايد وهو يزاعج : يعلج الموت احسن موتي بفتك منج ومن اللي في بطنج انتي كابوس لازم ينتهي من حياتي كلها .....
عقبها خر عدالها وحط عينه بعينها وهي تصيح مسكها من شعرها وحط ويهه بويها .. وتم يطالع اعيونها ......مايد وهو يمسح ادموعها بايده وبنقمة : تعورتي ... لا لا . .. حبيبتي انا اسف ... تعرفين تغمضين ... بس تصدقين طيفوووه ترى اللي من امثالج ما ينفع لهم يعيشوون في هالدنيا ....


هههههههه ... الدنيا هذي لي انا اروحي انا وميثا ومحد يقدر يشاركني في حبي لميثااااااا .. تعرفين منوه ميثااااااا قلبي وروحي وحياتي وانتي ولا شي يا طيفووووه ... هههههههههههههههههههه ........
طيف وهي تتالم وتصيح وماسكه بطنها : خاف ربك يا مايد ... آآآآآآآآآآآآآآخ حااااااااااااسة بعوار في بطني
ميوووووووود ودني المستشفى حرااااااااااام عليييييييييك ..............
اينش مايد من مكانه ويطالعها : ههههه تبيني انا مايد بن ابراهيم .. اوديج المستشفى .. لا يا عيوني موووووتي مكانج عن اذنج .....
ويمشي صوب الباب وقده بيظهر يلتفت صوبها : قبل كنت افكر اعطيج فلووووس كإنهااااااء خدمة بس انتي عاندتي فذووووقي نتيجة نتيجة عنادج ........
ويظهر عنها ، وهي اتم تصيح وتتويع اتم تزحف لين ما توصل عند التيلفون وعلى طول تتصل بالطوارئ بمستشفى الكورنيش علشان تخبرهم عن حالتها ....
اما مايد من ظهر من عندها ركب موتره وطر الموتر بسرعة فايقه متجه صوب مشرف رايح بيت بوشاهين " ياينج يا ميثاااااا ، ياي علشاااان اعتذر لج عن كل اللي صار يا نظر عيني .... " .......

في الوقن :
في بيت العوش عمة لطيفة : ......
سلطان : امايه انا خلااااااااص خطبت ؟؟
العوش : ويه خطبت منوه ومن سار وياك ؟؟
سلطان : ما يحتاي حد يروح ويايه انا ريال واللي في راسي بسويه ...
العوش : ونورة ؟؟
سلطان : شو فيها خليها اتم عند هلها خل تشبع بشوفتهم ...
العوش : سلطااااااااان حرام عليك البنت للحين محشمة منك ؟؟
سلطان : واللي تحشم ريلها تظهر من بيته نصاص الليول وتروح بيت هلها وين صارت هذي حكمي عقلج يا بنت حمد خابرج ما اطوف عليش هالسوالف ....
العوش : سلطان .... ومنوه هالبنت اللي خطبتها ؟؟؟
سلطان : وحدة من الشارقة واهلها وافقوا عليه ...
العوش : وكيف يوافقون واحنا ما رحنا وياك وين صارت هذي شو مضيعين السنة هذيل ....
سلطان : امايه البنت يتيمة ومالها حد في البلاد وعايشه عند خالتها في الشارقة ....
العوش وهي مستغربة : وشووووه من الطبش هذي اللي خطبتها ؟؟
سلطان : عراقية ....
العوش وهي مستغربة : عرااااااااااقية سود الله ويهك يعني هالعراقية بتكون احسن من نورة بنت العرب اللي عمرها ما قصرت وياك في شي ...
سلطان : اووووووووه تراش حشرتيني يوم إنها ما قصرت ليش اظهرت من بيتها بالليل هذا هب معناته قصور ...
العوش : سلطووووون نورة تحبك ولو كانت ما تحبك كانت خبرت هلها عن اللي صار امبينكم واطلبت منهم ايوووون يكلمونك ...
سلطان : انا ريال راعي حق يا بنت حمد والزواج هب عيب وانا بتزوج لاني ابغي اعيال ....
العوش : وتبغي اعيالك ايكونون من عراقية ؟؟
سلطان : وشووو فيها العراقية تراها بنت عرب ولو واحد غيري مايا قالش اني خطبت وعلى فكرة العرس عقب اسبوعين انا ظاهر ....
يظهر سلطان عن امه اللي من ظهر سلطان يلست على الكنبة وهي ضايجه محد عندها في البيت دانة رايحة بيت عمها ونورة حرمة سلطان في بيت اهلها وبوسلطان مسافر ويا الشيووخ القنص ... وبناتها رايحات عند صديقاتهم ....

في بوظبي المر وفلاح كانوا يتمشون على الكورنيش ويسمعون اغاني
المر وهو يقصر على المسجل : فلااااااح ما صارت .. من متى وانا خاطب عندكو وما رديتوا عليه شو السبب ممكن اعرف ؟؟؟
فلاح : اسميك مستعيل على العرس يا بوعذابة شو فيك ما احيدك ؟؟
المر وهو متغيظ : والله لو ما تبوني قولوا ما نبغيك وبحط لساني في ثميه وبسكت ...
فلاح : وش فيك تقولها وانت متضايق ... المر ترى هب معناته انه احنا للحين ما ردينا عليك يعني ما نبغيك بالعكس ومثل ما انت عارف يا المر ترى هند بعدها اصغيره توها 19 سنة وبعدها تفكر واول ما توافق بنخبرك .....!!!
المر وهو يتنهد : فلاح انا لو ما اعزك وودي بنسبكو كنت ما رمست وييت عاني من داريه لداركو ..
فلاح : ادريبك والله يا المر ... بس انا حاس انك ضايق واللي فيك هب مسألة تأخير في الرد من جدانا شو اللي مضايقنك يا المر ؟؟؟
المر : عوق قلبي من همومي .... زادت بي واكثرت اوجاعي ....
فلاح : لا لا الظاهر وراك سالفة جايدة ويبالها يلسه خلنا انروح البيت وخبرني كل شي ....
المر وهو ضايج : آآآآآآآآآه ما فيني شي يا فلااااااااااااااح .........
فلاح : لا فيك ... انا اعرفك اكثر من نفسك ... زين خلنا نروح مطعم منها نتغدى ومنها نسولف ويا بعض ....
المر : براحتك ....
في بيت بو صقر :
هند كانت يالسه ويا امها وابوها في غرفة ابوها ....
بوصقر : ها يا هند ... الريال من خطبج صار له اسبوع الحين ويتريا ردج يا بنتي ومثل ما تعرفين كلنا موافقين على المر .. والمر ريال عز الله والنعم فيه ....
هند : ابويه اللي تشوفونه انتوا واخواني بيصير ...
ام صقر : هنوده حبيبي هذي حياتج واحنا نبغي نسمع موافقتج يا الغالية و بالذات لإنج داخلة حياة يديدة ولا تنسين المسؤولية بتكون مقسومة يعني بتكونين زوجة وأم في نفس الوقت يا بنتي ....
بوصقر : ها امايه هند احنا ما غشيناج وابغي اسمع موافقتج ...
هند : ابويه ، امايه ، انا فكرت وايد بسالفة العرس وفكرت وايد بعذابة بنت المر وهذي بعدها ياهل وانا بقدر اهتم فيها وبعاملها معاملة الأم لبنتها مالها ذنب وانا بكثر ما مدحتوا لي المر استخرت وشفته هو الريال اللي يناسبني وانا يا ابويه موافقة وخبروا المر انه عذابة بحطها في عيني وافوادي وما بيشوف مني العيبة واني بكون له زوجة وام لعذابه ولعياله اللي ربي بيرزقه مني ....
بوصقر وهو مستانس من رمسة بنته : فديت روحج يا هند ....
ام صقر : فديتج والله هنوده ... تنش وتلوي على بنتها وتحبها وتبارك لها... مبرووووك يا بنت الغالي .....
في غرفة صقر :
صقر كان يالس في غرفته ويفكر بميثا " فديتج يا الميث والله انج ما تستاهلين كل اللي استوالج يا قلبي آآآآآآآآآآه يا ميثا ليتني أشيل الهم من قلبج واحطه في قلبي " .......
اما في هاللحظة في بيت بوشاهين :
ميثا كانت يالسه في غرفتها ومحطيه سفرة صقر على ايدها وتطالعها " يا ترى ليش صقر صفع مايد هذاك اليوم رغم انه ولا واحد من اعيال اعمومتي فكر يسويها " ....





في هاللحظة ادش حمدة عليها وتشوفها يالسه ... وسرحانة تتقرب حمدة منها : ميثاااااااااااااني ؟؟؟
ميثا : لبيه ........
حمدة : لبيتي في منى الغالية ميثاااااااني حبيبي قومي غيري اثيابج وإلبسي عباتج وقومي روحي الميلس عمي خلفان وشاهين يرقبونج ...!!
ميثا وهي مستغربة : واشمعنا الميلس يعني ؟؟ ليش هب في الصالة ؟؟
حمدة وهي مرتبكة : هاااااااا ........ اممممممممممممم ............
ميثا وهي تنش من مكانها : حمدوووه حبيبي منوه عند ابويه وشاهين في الميلس ..
حمدة : ميثااااا ... مايد اهنه ويبغي يشوووفج ......
ميثا وهي مستغربة : منووووه .... مايد .... شو يبغي ......؟؟؟؟؟

• يا ترى مايد شو يبغي من ميثا ؟؟ وهل ميثا بتروح الميلس وإلا لا ؟؟ وشوو بيصير في الميلس ؟؟
• تتوقعون ميثا بترجع لمايد وإلا علاااااقتهم بتنتهي خلاص ؟؟
• وسلطان خلاص بيآخذ العراقية ؟؟ وشو بيصير لنورة حرمته يوم بتدري بزواجه ؟؟
• وطيف شو صار لها ؟؟
• المر وهند كيف بتكون علاقتهم بعد موافقة هند ؟؟ والمر شو فيه ضايق يا ترى شو سالفته ؟؟

الجــــزء الرابع والعشرين :
" شوف الواقع المعلوم ....... انا ما أقدر على التعبير
هذا البخت والمقســوم ....... صار يصعب على التفسير ...... "

ميثا ودمعتها محتبسة في عينها : مايد ..... شو يبغي مني ؟؟؟
حمدة : ما اعرف يا الغالية وعمي خلفان هو اللي قال لي ازقرج ....
ميثا وهي تيلس على طرف السرير وتصيح : حمدة قولي لابويه إني ما بروح لهم ....
حمدة : ميثاااااااااااني الغالية لا تصيحين واذا تبيني اروح وياج الميلس بروح ....
ميثا وهي تمسح ادموعها : حمدة انا بروح وبشوف شو اللي يباه مايد مني ...
نشت ميثا وإلبست عباتها وقدها بتظهر من الغرفة افترت صوب حمدة وتمت تطالعها .....
ميثا : حمدة اتمنى ما تزعلين من القرار اللي اتخذته بخصوص مايد ...؟؟
حمدة : ميثااااااني هذي حياتج واللي تسوينه محد بيردج عنه وانا قبل لا تظهرين من هالباب احب اقولج ميثا .. مايد صح اخويه بس انتي اغلى عندي من مايد ....
ميثا وهي تبتسم : فديتج حمدوه يله الغالية انا رايحة ...
تظهر ميثا من الغرفة وتروح صوب الميلس وحمدة افترت صوب السرير وشافت سفرة صقر محطايه .. شلتها وتمت تطالعها ....
حمدة : غريبة ميثاااااااااني محتفظة بسفرة اخو اربيعتها للحين ....؟؟؟
اما في هاللحظة في مستشفى الكورنيش نادين اربيعه طيف كانت واقفة برى غرفة العمليات وتتريا الدكتور يظهر علشان يطمنها على طيف ....
نادين : الله يستر صدق انه مايد حيواااان بس تظهر طيف من غرفة العمليات وراح يشووف شو راح اعمل فيه ....
بعد دقايق يظهر الدكتور من غرفة العمليات .....
نادين : شو دكتور طمني على طيف ؟؟
الدكتور : لا حول ولا قوة الا بالله العلي العظيم شد حيلك ....
نادي وهي خايفة : شووووو دكتور شو صار لطيف ؟؟؟
الدكتور : شدي حيلك اخت نادين ، طيف تحت رحمة ربها والجنين عطاكي عمره ....
نادين وهي تحط ايدها على ثمها : مااااااااااات ... لا مستحيل .... لا حول ولا قوة الا بالله .....
الدكتور : طيف دلوقتي تحت رحمة ربنا وهي تحت الملاحظة وانشالله تعدي مرحلة الخطر ....
نادين : دكتور يعني فيه امل تعيش ؟؟
الدكتور : ما اطمنك لإنها انزفت كتير أوي وهالشي أثر عليها وعلى الجنين انشالله يكون الله في عونها ادعيلها ....
نادين : يا رب ....
الدكتور : عندنا بعض الاجراءات تعالي علشاااان تخلصيها وبالاخص انه الجنين عمره ستة شهووور ولازم تعملي له اجراءات الدفن على حسب اللي عرفناه انه طيف جوزها مسافر مش في البلد ....
نادين : ايووه جوزها مو هون مسافر برات البلاد طيب دكتور كيف يعني الجنين عنده 6 شهور وهي قايله انه ابن اربع شهور بس ؟؟؟

الدكتور : الظاهر انه طيف ما كانتش بتعرف إمتى حملت بالضبط ...
نادين : الظاهر هيك ...

في بيت بوشاهين :
وفي الميلس :
بوشاهين : قول اللي عندك يا مايد ؟؟ ميثا وصار لها دقايق من اوصلت ؟؟
يطالع مايد ميثا وتتلاقى اعيونهم مع بعض ...
مايد : عمي بغيت اكلم ميثا اروحنا عن إذنك ...
شاهين : شووووه ، إيه انته وين يالس ميثا ما بتيلس اروحها وياك ...
بوشاهين : شاهين لحظة خل نسمع راي ميثا بالموضوع ؟؟
ميثا : ابويه عن إذنك خلوني مع مايد اروحي ابغي اسمع شو اللي في خاطره ....
شاهين : ميثاااااااااني بس ....؟؟؟
ميثا : شاهين لا تخاف عليه انا اعرف اتصرف عن إذنك يا خوي ؟؟؟
بوشاهين : خير انشالله الغالية شاهين ابويه قوم خل نظهر ...
شاهين : ابويه بس ؟؟؟
بوشاهين : لا تخاف ميثا ما عليها شر انشالله ....
يظهرون بوشاهين وولده من الميلس وميثا من اظهروا اهلها إلتفت صوب مايد وبصوت كله قوة : قول اللي عندك يا مايد الحين صرنا رواحنا ؟؟؟
مايد : ميثااااااا انا اعرف انج زعلانة مني واللي صار هب شويه علشان جذه انا ياي اقولج اليوم آسف عن كل اللي صار وسامحيني يا نظر عيني ....
ميثا وبنقمة : لا والله بس هذا الكلام اللي تبغي تقوله .....؟؟؟
مايد : ميثااااا ليش تتكلمين بكل هالبرود حرام عليج انا ياي اقولج اني آسف على كل اللي صار واعذريني يا ميثا واللي تبينه بسويه لج واوعدج اني ما ارد لكل اللي كنت اسويه قبل ....
ميثا وهي تطالعه : مايد دخيلك هالكلام سمعته وايد وسمعته اكثر عن مرة كل مرة تغلط واسامحك ... تذكر يوم سالفة الصور ويوم عقب ما رجعت من مصر مايد انت صرت انسان ثاني انت هب مايد اللي طول عمري حبيتك انته ما صنت حبي لك ولا صنت ثقة الناس فيك شفناك تشتغل وقلنا مايد صار ريال والكل يعتمد عليه قول لي شو اللي كان قاصرنك يا مايد ؟؟ خالي عمره ما قصر عليك بشي واللي تبغيه كان يسويه لك وهو مغمض موتر ووفر لك اياه قبل لا تشتغل تغاضى عن سالفة التدخين وقال طيش شباب وباجر بيكبر وبيعرف مصلحته لكن للأسف يا مايد جازيت حب الناس لك بكاس خمر ، الخمر اللي ضيعك وضيع حياتك كلها .....
مايد وهو منزل راسه ويطالع اصابعه : ميثااااااااا اوعدج اني اتغير وبتشوفين مايد غير في الايام اليايه اوعدج بس انتي اوقفي ويايه انا ما انكر انه الخمر دمر حياتي ....

ميثا والعبرة خانقتنها : صرت مدمن يا مايد شوف شكلك كيف صار شوف صحتك كيف ادهورت انته ما جرحت امك ولا ابوك ولا حتى اخوانك .. انت جرحت هالقلب ... وتحط ايدها على قلبها ... انت جرحتني انا يا مايد بأحلى ليلة في عمري تعرف هالليلة صار لي اسنين ارقبها اللي كل البنات يتمنن هالليلة في حياتهن كنت اتخيل دوووم حياتنا كيف بتكون عقب زواجنا ، مايد انته خليتني مضحكة للناس وخليت نفسك علك في حلوج الناس قول يا مايد كل هذا وتباني أنساه في دقيقة ليش انته دايما اللي تغلط واحنا اللي نسامح لييييييييش .... يا الدور اللي اقولك فيه يا مايد اعتبر من هاللحظة الحب اللي كنت أكنه لك في فوادي ماااااااااااااااااااااااات من ذيج الليلة اللي دمرت فيها احلى لحظات حياتي الليلة اللي كنت اترياها من اكثر من 16 سنة الليلة اللي كنت احلم فيها وانا احط ايدي بإيدك واقول لكل الناس شوفوا مايد اليوم صار زوجي مايد الانسان اللي حبيته واخلصت له حبه سنين وما شفت غيره في دنيايه كلها .....



مايد انا آآآآآآآآآآسفه ، ميثا اللي كنت تعتقد انها ياهل اكبرت ميثا اللي حبتك انتهت وحبها لك بعد انتهى .....

مايد ودمعته محتبسة في عينه : ميثا اسمعيني للأخير انا اوعدج اني اتغير انا عرفت غلطتي أنا آآآآسف يا ميثا بس دخيلج لا تتخلين عني انا احبج وللحين شارنج ومستعد اغير حياتي كلها علشاااانج انتي بس .... وصدقيني كل اللي صار هب بإيدي أنا آآآآآسف وسامحيني .....

ميثا وهي تصيح : كيف تبااااني أسامحك لا يا مايد انا هب جسر تعلق عليه اخطاءك وبعدها تقول والله اعذريني مايد انا بحاول انساك وحبك خلااااااص نهيته من قلبي من عقب هذيج الليلة اللي ييت فيها سكران انا مستحيل انسى ذاك الموقف مايد انته ذبحتني وانا مجروحة فيك ارجووووك اذا تباني ارضى عليك ابتعد عني وانا خلاااااااص يا مايد القرار واتخذته وحبك من هالقلب انتهى ....

مايد وهو يصارخ : ميثوووه انتي شو يالسه تقولين انا للحين احبج وانا ابغيج حرام عليج حسي فيه .....

ميثا وهي تصيح : انته اللي حس فيه مايد خلاااااااص حبك انتهى وانا خذت قراااااري وما عاد لك في قلبي مكان وانساني خلاااااااص وانا مع الايام بنسااااك وخلااااااص قصة الحب اللي كنت عايشتنها وياك نهيتها فراق البطل عن البطلة ....

مايد : شو فيج انتي أي قصة واي بطل ميثوووه انا احبج دخيلج لالا تعذبيني بكلاااااامج انا للحين شارنج صدقيني ........

ميثا وهي تصيح : لا يا مايد انته بعتني وانا خلااااااص قبلت البيعة وبعتك بعد وبعت احلاااااامي ارجوووووك يا مايد لا تحاول تضغط عليه ما عاد شي يربطنا غير انك ولد خالي وانا بنت عمتك ....

تنش من مكانها وتفتح الباب وهي تمسح ادموعها بايدها وتوقف : ارجوك يا مايد اظهر وخلاص كل اللي بينا انتهى وانسى انه في يوم من الايام كنت فيها محبوبتك وتفضل بدون مطرود ...

مايد وهو يطالعها ويتقرب منها ويطالع اعيونها : يعني هذا آخر كلام عندج يا بنت خلفان ؟؟

ميثا : هيه ........

مايد : مشكووورة وما تقصرين لكن صدقيني يا ميثا ما راح تكونين لواحد غيري وباجر بتشوووووفين ؟؟

ميثا وهي واقفة بهيبتها : تفضل بدون مطروووووووووود .............

ايتم يطالعها : مشكورة يا بنت خلفان انا ظاهر بس هب معناته اني يأست لا برجع وبتقتنعين ....
يظهر مايد من الميلس ومن شافه شاهين تم يطالعه ومايد وقف يطالع شاهين وعقبها تخطاه وظهر من البيت شاهين من ظهر مايد روح صوب الميلس واول ما دش شاف ميثا يالسه على الكنبة وتصيح وداسه ويها بإيدها يتقرب منها شاهين .....
شاهين : ميثاااااااااااني حبيبي شو فيج ميود قالج شي ؟؟
ميثا وهي تصيح وتلوي على شاهين اخوها : أكرهه ... أكرهه .. شاهين دخيييييييلك يا خوي تبعده عني ما ابغي اشوفه مرة ثانية ميوووووود ما عاد له في قلبي مكان !!!
شاهين وهو يمسح ادموعها بإيده بحنان ورقة : ميثاااااااااااااني حبيبي هدي اعصابج محد يقدر يغصبج على شي ما تبينه خلااااااااااااااااص ميوووود وانتهى ولا تفكرين فيه ودامني حي على ويه الدنيا ما بيقدر يلمس شعرة من شعر راسج بس انتي اسكتي ولا تصيحين ..........
ميثا وهي تطالع عيون اخوها : ميوووووود ذبحني وقلبي منه مجروح مستحيل ارجع له اكرهه يا شاهين اكرهه ولا تغصبوني عليه انا قلت له اني ما ابغيه خلااااااص وانه كل شي انتهى امبينا ........
شاهين وهو يمسح دموع ميثا ويلوي عليها : حبيبي محد بيغصبج واوعدج انه مايد ابعده من طريقج وانه ما اخليه يفكر فيج بعد .... يله غناتي قومي خلينا نروح الصالة اكيد ابويه يحاتي الحين ....
اتنش ميثا من مكانها وشاهين ميودنها من ايدها ويروحون داخل الفلة ....
في بيت بوصقر :
وفي الميلس :
فلاح : هااااااااااا يا المر شو سالفتك ؟؟؟
المر وهو ضايج ويفتح عقم كندورته : حاس اني ضايج يا فلاااااااااااااااااااااااح .............
قلاح : انزين من شوه ضاااااايج ؟؟؟
المر وهو يتنهد : آآآآآآآآآآآآآآآآآىه تعرف صالح ؟؟
فلاح : منوه صالح ؟؟
المر : اللي ويانا في الدوام ؟؟؟
فلاح : هيه صالح اللي يداوم في الرادار .... شو فيه ؟؟
المر : اضاربت وياه من يومين وتحلف لي لنه ما اشوف يوم خير في دنيايه ؟؟
فلاح : شووووو بس هذا هو سبب ضيقك شو يقدر يسوي يعني ما احيدك يا المر خواف لهدرجة ؟؟؟
المر : السالفة هب سالفة خووووف انته تعرف صالح شراااني واللي في راسه يسويه !!
فلاح وهو معصب : شو يعني بيفنشك ما يقدر كيف تخااف من واحد يشتغل في الرادار وإنت نقيب ... يخوفك هذا انا يوم السبت بكلمة وبشوووف شو اللي في راسه ....
المر : فلاح ما ابغيك تدخل في السالفة هذا واحد ما يخاف ربه ؟؟
فلاح : شو هب بإيده يسوي شي وصدقني اذا ما ياز عن حركاته وتهديداته انا بخبر عليه الشيخ وباشووف ساعتها شو بيسوي ......؟؟؟؟
المر : آآآآآآآآآآآآه يا فلاح ما اعرف ليش صار كل هذااااا ؟؟؟
فلاح : وشوووووووه سبب اضرابتكم ؟؟؟
المر : كنت عندهم في الرادار اول البارحة ومن عقبها رحنا صوب صيانة الطيارات وهناك سمعت صالح يقول لحميد عن شي خاص بالمحركات نش صالح وقال لحميد رقع الطيارة وما يهمك وان صار شي انت ما يخصك تخيل كيف ؟؟ انا من سمعته يقول جذه نشيت وتهاديت وياهم وعقبها هددني يوم ما يازت له الرمسة ....
فلاح : أيوا بس انت غلطان يا المر المفروض انك تبلغ الرائد عليهم ... او المسؤول اللي كان على حميد حزتها ... هم بيعرفون كيف يتفاهمون وياهم ولا تنسى انه هالطيارات احنا اللي نسوقهن ولا قدر الله صار علينا شي في الجو من المسوؤل ... خلاص يوم السبت بنسير صوب الرائد وبنبلغ عليهم ....


المر : خلاص اوووكي ......
في هاللحظة ايدش عليهم صقر وابوه ومن عقب ما يسلمون على بعض ييلسون يسولفون .....
بوصقر : المر يا ولدي اشحال عيوزك ؟؟؟
المر : ترد السلام عليك يا عمي ......
بوصقر : عيل خبرها انه باجر عشاكم عدنا واحنا موافقين على ولدها بوعذابة ......
المر والضيج كله راح عنه وابتسم هب مصدق اللي قاله بوصقر : يعني موافقين علي يا عمي ...؟؟؟
صقر : وانته شو سمعت ؟؟؟
اينش المر من مكانه ويحب بوصقر على راسه : مشكوووور يا عمي واوعدك انه هند بحطها في عيوني وفي قلبي واني بصونها مثل ما اصون اهلي ....
بوصقر : فديت خشمك يا ولدي الله يخليني انشالله لين ما اشوف اعيالكم ...
المر : الله يعطيك طولة العمر يا عمي
فلاح : من قدك يا النسيب بوصقر صار عمك ...
المر وهو يبتسم : هيه فديته والله ....

مسكين المر سعادنه كانت ما تنوصف على عكس مايد اللي من ظهر من بيت عمته وهو ضايج وهب عارف وين يروح وتم يفتر في شوارع بوظبي .....
مايد : يعني خلاص يا ميثا ليش حرام عليج ليش انا يصير لي كل هذا لييييييييييييش .............
يرن تلفونه والا نادين متصلة فيه ....
مايد : نعم ...
نادين : مايد ...؟؟؟
مايد : منوه بيكون يعني هيه مايد شو تبين ؟؟
نادين : مايد ، طيف في المستشفى وعملت عملية وهي تعبانة كتير وبدها تشوفك ....
مايد : وانا شو اسوي لها اصلا ما يخصني فيها ....
نادين : بس لازم تجي على المستشفى وتآخذ ابنك علشااااااااان تدفنه .....
مايد : شوووووووووه الجنين ماااااااااااااات ؟؟؟؟؟؟؟
نادين : ابن 6 شهور .....
مايد ودمعته محتبسه في عينه : كييييييييييييف انا السبب في أي مستشفى طيف ؟؟؟
نادين وهي تمسح دموعها : في الكورنيش ....
مايد : الحين ياي لكم باي ........
نادين : باي ........
ويروح مايد صوب المستشفى .....
في الوقن :
كانت نورة حرمة سلطان تلم اغراضها من الغرفة بعد ما وصلها اخوها مصبح لبيت عمتها في الوقن .....
دانة : نواااااااار اذكري الله واللي تسوينه هب في صالحج .؟؟
نورة وهي مقهورة : دنون حبيبي سلطان باعني عقب عشرة خمس سنوات تحملت فيها كل شي علشاااااااانه وعلشااااااااااانكم ويعلم رب العالمين اني حبيته من كل قلبي وتحملت كل اغلاطه وآخرتها يجازيني بالزواج عليه ....كيف تبيني اتحمل اني اشووووف زوجي اللي حبيته كل هالسنين تآخذه وحدة ثانية غيري قولي لي كيف ؟؟؟
دانة : نورة اللي تقولينه صح لكن صدقيني انتي بتمين عدنا عزيزة وكرمة وانا ما ابغيش تسعين للطلاق لا تستعجلين يا نورة ....


نورة ودمعتها على خدها وهي تحط اثيابها في الشنط : دانة ما اعتقد انه الحب اللي كنيته لسلطااااااااان كل هالسنين للحين في قلبي سلطان باعني برخيص يا دانة .....
دانة وهي تلوي عليها : فديتج نوار لا تصيحين دمعتج غالية عندي وصدقيني سلطان بيرجع لش مهما كان ....
نورة وهي خانقتنها العبرة : هه ... لا يا دانة ... سلطان باعني والدليل اني من شهر يالسه في بيت اهلي ولا سأل عني ولا شي حتى اتصال ما يتصل فيني ولو بالغلط .. تعرفين يا دانة اني ما خبرت عليه لا اخواني ولا ابويه ويوم هم انكروا يلستي عندهم اطريت اخبرهم آآآآآآآآآآآآآه يا دانة ليت اللي صار ما صار ...
دانة : والله اني حاسة فيج يا نورة واللي تشوفينه زين لج سويه ...
نورة : انا ما بنساكم وانشالله بين الفترة والثانية بتصل فيج وبعموه ولا تخافين يا دانة انا ما بطلب الطلاق من سلطان بس ابغيه يحس شوي ليشاف البيت من حوله فاضي ....
دانة وهي تلوي على نورة : فديتج يا الغالية ....
من عقبها تلم نورة اغراضها ودانة تساعدها ومن عقب ما تخلص تتصل باخوها مصبح اللي كان يالس في الميلس ويا بوسلطان ومن عقبها يترخصون ويظهرون من البيت ونورة سلمت على عمها وعمتها وكانت دمعتها على خدها لانها ما توقعت في يوم انها تخليهم وتروح من عقب ما تعودت عليهم ....
بوسلطان وهو يشوف نورة وهي تركب السيارة : سود ويهنا ولدش يا العوش ويا البنت واهلها .....
العوش : والله ما اعرف شقولك يا بوسلطان كان الله في عون نورة مسكينة .....
بوسلطان : سلطان سود ويهي يا العوش نورة بنت حشيم وتحب ولدش وايد بس هو ما يقدر من حد ما اعرف هالولد على منوه ظاهر ....
العوش : محد هاين عليه فراق نورة فديتها بس شو انقول البنت بعد ما بتيلس مقهورة في بيت ريلها ... وهو بعيد عنها ولا ينشد عنها ...


في هاللحظة في مستشفى الكورنيش :

مايد كان يالس على الكرسي اللي عدال طيف وطيف منسدحة على السرير وتطالعه والوايرات في ايدها محطين لها مغذي
طيف وبصوت واطي ودمعتها على خدها : مايد ....... الجنين ماااااااااااااااااااات .............
مايد والعبرة خانقتنه : عرفت يا طيف انتي ارتاحي ولا ترهقين نفسج ....
طيف وهي تطالع نادين وبصوت واطي : نادين تعالي بقولج شي ....
نادين وهي تتقرب منها : شو بدك حبيبتي ؟؟؟
طيف وهي تطالع نادين ومايد بعيون دامعة : نادين انا اعرف اني ما بعيش اكثر عن دقايق او ساعات معدودة انا مسامحة مايد على كل اللي سواه وارجوج نادين اوعديني انج ما تضرين مايد في شي .....
نادين وهي تصيح : طيف حبيبتي لا تحكين هيك ارتاحي ولا تبكي ......
مايد : طيف شو هالرمسة بعد اللي يالسه تقولينها طيف انا الحين مالي في هالدنيا غيرج اهلي واطردوني من البيت وميثا ,,, ما تبغي تسامحني آآآآآآآآآآآآآآآآآآه يا طيف انا غلطت في حقج وايد .....
طيف وهي تصيح : وانا مسامحتك يا مايد وصدقني لو ما قلبي يحبك كان ما سامحك ابد اللي كان يربطنا ببعض الجنين ومات ولكن انا للحين احبك وانا مسامحتنك بكل اللي صار .....
مايد وهو يمسك ايدها ويصيح : طيف صدقيني بعوضج عن كل الايام اللي طافت بس انتي قومي بالسلامة وصدقني بنرد وبنتزوج بس هالمرة بيكون زواج صدقي و بعوضج عن كل اللي صار يا طيف ....
طيف وهي تمسك إيد مايد بقو : تعرف يا مايد على كثر ما انا مستانسة من كلامك اللي قاعد تقوله لكني في نفس الوقت زعلانة على اللي صار لك ... مايد انا خلاص اشوف سعادتي في مكان ثاني .. مايد انا السبب اللي خليت اهلك يكرهونك انت عمرك ما حبيتني وميثا للحين عايشه داخلك مايد روح صلح كل اللي صار إنت مكانك وسط اهلك ارجع لهم ....... آآآآآآآآآآآآآآآآآآه ...............

نادين : طيف ارتاحي لا تحكي كتير .........
طيف وهي تتألم : خلااااااااص يا نادين احس براحة كبيرة الحين بس اوعديني يا نادين إنج ما تأذين مايد علشاااااااااااان خاطري ............
نادين وهي ماسكة بإيد طيف وتصيييح : اوعدك يا طيف اوعدك ....
طيف وبصوت كله ألم : وانت يا مايد اوعدني ترجع لميثا ؟؟؟
مايد وهو يمسح دمعته : اوعدج ......
طيف وهي تبتسم : سامحوني كلكم ....... آآآآآآآآآآآآآآآآآآآه ......... أشهد ان لا اله الا الله واشهد انه محمد رسول الله .......
ترحل طيف ومايد من شافها استسلمت للموت تم يصيح ونادين نفس الشي اللي ما قدرت تشوف طيف وهي ميتة حست انها افقدت اشياء وايدة وبالاخص انه طيف صديقة عمرها ..... مايد نش وظهر من الغرفة علشان يخبر ادارة المستشفى عن وفاة طيف وراح علشان يخلص اجراءات الوفاة لطيف ولولده ومن عقب ما خلص كل شي طلع من المستشفى وهو مكسور الخاطر ويصيح وهب عارف وين يروح ..............

مايد وهي يسوق موتره ويفكر بطيف وولده " انا السبب في وفاتج يا طيف انتي وولدي ... آآآآآآآآآآآآآآآآه ليتني انا اللي مت يا طيف وين اروح الحين لا أهل ولا حبيبة حتى انتي خليتيني ورحتي آآآآآآآآآآآآآآآآآآآآآآآه " ايتم يصيح وهو يفتر في الشوارع بموتره شوي ويرن تلفونه والا عبيد اربيعه متصل فيه .....
مايد وبصوت كله حزن : آآآآآآآلووووووووو .............
عبيد : مايد وين انته ؟؟
مايد والعبرة خانقتنه : افتر في شوارع بوظبي وين بكون يعني ؟؟؟
عبيد : صدق اللي سمعته من نادين ، صدق طيف ماتت ...؟؟؟
مايد والعبره خانقتنه : هيه يا عبيد وانا السبب انا السبب ............
عبيد : مايد تعال عندي الشقة الظاهر عليك تعبان وايد ...
مايد وهو يمسح ادموعه : خلني اموووووت يا عبيد ، طيف وماتت ، وميثا خلاااااااص اكرهتني ولا تبغي تشوفني واهلي طردوني من البيت الموت ارحم من هالعذااااااااب يا عبيد ....
عبيد : اذكر الله يا ريال وتعال عدنا .....
مايد : خلااااااااااص انشالله ...........
يسكر مايد عن عبيد ويروح صوب شقة حمد اربيعه .... اما في بيت بوشاهين ....:
ميثا كانت يالسه في غرفتها وتتشوف في صورة مايد .....
" للاسف يا مايد كنت احسب انك انسان عاقل لكن طلعت في نظر الكل ولا شي ...."
تدمع اعيونها ... تمسحا وتنش من مكانها وتروح صوب البلكونة ,,,,,,,, واطالع الشارع ...... " يا ترى شو يالس تسوي الحين يا مايد ..... آآآآآآآآآآآآآآآآآآآآآآآآآه يا مايد كيف بقدر أنساك يا رب تسااااااااااعدني " ...........؟؟؟؟؟؟؟؟؟

• يا ترى مايد شو بيصير عليه عقب موت طيف وفراق ميثا ؟؟؟
• والمر خلاص بيتزوج هند والا لا ؟؟؟؟
• يا ترى فلاح بيخطب سلامة والا خلاص عقب سالفة مايد وميثا بيقول ما يبغيها ؟؟؟
• سلطان ولد عمة لطيفة بيطلق حرمته وبيتزوج والا بيرجع حرمته ...؟؟؟
• صقر شو بيكون دوره في الايام اليايه ؟؟