اميرة حياته :

الجــــزء الرابع والعشرين : " شوف الواقع المعلوم ....... انا ما أقدر على التعبير هذا البخت والمقســوم ....... صار يصعب على التفسير ...... " ميثا ودمعتها محتبسة في عينها : مايد ..... شو يبغي مني ؟؟؟ حمدة : ما اعرف يا الغالية وعمي خلفان هو اللي قال لي ازقرج .... ميثا وهي تيلس على طرف السرير وتصيح : حمدة قولي لابويه إني ما بروح لهم .... حمدة : ميثاااااااااااني الغالية لا تصيحين واذا تبيني اروح وياج الميلس بروح .... ميثا وهي تمسح ادموعها : حمدة انا بروح وبشوف شو اللي يباه مايد مني ... نشت ميثا وإلبست عباتها وقدها بتظهر من الغرفة افترت صوب حمدة وتمت تطالعها ..... ميثا : حمدة اتمنى ما تزعلين من القرار اللي اتخذته بخصوص مايد ...؟؟ حمدة : ميثااااااني هذي حياتج واللي تسوينه محد بيردج عنه وانا قبل لا تظهرين من هالباب احب اقولج ميثا .. مايد صح اخويه بس انتي اغلى عندي من مايد .... ميثا وهي تبتسم : فديتج حمدوه يله الغالية انا رايحة ... تظهر ميثا من الغرفة وتروح صوب الميلس وحمدة افترت صوب السرير وشافت سفرة صقر محطايه .. شلتها وتمت تطالعها .... حمدة : غريبة ميثاااااااااني محتفظة بسفرة اخو اربيعتها للحين ....؟؟؟ اما في هاللحظة في مستشفى الكورنيش نادين اربيعه طيف كانت واقفة برى غرفة العمليات وتتريا الدكتور يظهر علشان يطمنها على طيف .... نادين : الله يستر صدق انه مايد حيواااان بس تظهر طيف من غرفة العمليات وراح يشووف شو راح اعمل فيه .... بعد دقايق يظهر الدكتور من غرفة العمليات ..... نادين : شو دكتور طمني على طيف ؟؟ الدكتور : لا حول ولا قوة الا بالله العلي العظيم شد حيلك .... نادي وهي خايفة : شووووو دكتور شو صار لطيف ؟؟؟ الدكتور : شدي حيلك اخت نادين ، طيف تحت رحمة ربها والجنين عطاكي عمره .... نادين وهي تحط ايدها على ثمها : مااااااااااات ... لا مستحيل .... لا حول ولا قوة الا بالله ..... الدكتور : طيف دلوقتي تحت رحمة ربنا وهي تحت الملاحظة وانشالله تعدي مرحلة الخطر .... نادين : دكتور يعني فيه امل تعيش ؟؟ الدكتور : ما اطمنك لإنها انزفت كتير أوي وهالشي أثر عليها وعلى الجنين انشالله يكون الله في عونها ادعيلها .... نادين : يا رب .... الدكتور : عندنا بعض الاجراءات تعالي علشاااان تخلصيها وبالاخص انه الجنين عمره ستة شهووور ولازم تعملي له اجراءات الدفن على حسب اللي عرفناه انه طيف جوزها مسافر مش في البلد .... نادين : ايووه جوزها مو هون مسافر برات البلاد طيب دكتور كيف يعني الجنين عنده 6 شهور وهي قايله انه ابن اربع شهور بس ؟؟؟ الدكتور : الظاهر انه طيف ما كانتش بتعرف إمتى حملت بالضبط ... نادين : الظاهر هيك ... في بيت بوشاهين : وفي الميلس : بوشاهين : قول اللي عندك يا مايد ؟؟ ميثا وصار لها دقايق من اوصلت ؟؟ يطالع مايد ميثا وتتلاقى اعيونهم مع بعض ... مايد : عمي بغيت اكلم ميثا اروحنا عن إذنك ... شاهين : شووووه ، إيه انته وين يالس ميثا ما بتيلس اروحها وياك ... بوشاهين : شاهين لحظة خل نسمع راي ميثا بالموضوع ؟؟ ميثا : ابويه عن إذنك خلوني مع مايد اروحي ابغي اسمع شو اللي في خاطره .... شاهين : ميثاااااااااني بس ....؟؟؟ ميثا : شاهين لا تخاف عليه انا اعرف اتصرف عن إذنك يا خوي ؟؟؟ بوشاهين : خير انشالله الغالية شاهين ابويه قوم خل نظهر ... شاهين : ابويه بس ؟؟؟ بوشاهين : لا تخاف ميثا ما عليها شر انشالله .... يظهرون بوشاهين وولده من الميلس وميثا من اظهروا اهلها إلتفت صوب مايد وبصوت كله قوة : قول اللي عندك يا مايد الحين صرنا رواحنا ؟؟؟ مايد : ميثااااااا انا اعرف انج زعلانة مني واللي صار هب شويه علشان جذه انا ياي اقولج اليوم آسف عن كل اللي صار وسامحيني يا نظر عيني .... ميثا وبنقمة : لا والله بس هذا الكلام اللي تبغي تقوله .....؟؟؟ مايد : ميثااااا ليش تتكلمين بكل هالبرود حرام عليج انا ياي اقولج اني آسف على كل اللي صار واعذريني يا ميثا واللي تبينه بسويه لج واوعدج اني ما ارد لكل اللي كنت اسويه قبل .... ميثا وهي تطالعه : مايد دخيلك هالكلام سمعته وايد وسمعته اكثر عن مرة كل مرة تغلط واسامحك ... تذكر يوم سالفة الصور ويوم عقب ما رجعت من مصر مايد انت صرت انسان ثاني انت هب مايد اللي طول عمري حبيتك انته ما صنت حبي لك ولا صنت ثقة الناس فيك شفناك تشتغل وقلنا مايد صار ريال والكل يعتمد عليه قول لي شو اللي كان قاصرنك يا مايد ؟؟ خالي عمره ما قصر عليك بشي واللي تبغيه كان يسويه لك وهو مغمض موتر ووفر لك اياه قبل لا تشتغل تغاضى عن سالفة التدخين وقال طيش شباب وباجر بيكبر وبيعرف مصلحته لكن للأسف يا مايد جازيت حب الناس لك بكاس خمر ، الخمر اللي ضيعك وضيع حياتك كلها ..... مايد وهو منزل راسه ويطالع اصابعه : ميثااااااااا اوعدج اني اتغير وبتشوفين مايد غير في الايام اليايه اوعدج بس انتي اوقفي ويايه انا ما انكر انه الخمر دمر حياتي .... ميثا والعبرة خانقتنها : صرت مدمن يا مايد شوف شكلك كيف صار شوف صحتك كيف ادهورت انته ما جرحت امك ولا ابوك ولا حتى اخوانك .. انت جرحت هالقلب ... وتحط ايدها على قلبها ... انت جرحتني انا يا مايد بأحلى ليلة في عمري تعرف هالليلة صار لي اسنين ارقبها اللي كل البنات يتمنن هالليلة في حياتهن كنت اتخيل دوووم حياتنا كيف بتكون عقب زواجنا ، مايد انته خليتني مضحكة للناس وخليت نفسك علك في حلوج الناس قول يا مايد كل هذا وتباني أنساه في دقيقة ليش انته دايما اللي تغلط واحنا اللي نسامح لييييييييش .... يا الدور اللي اقولك فيه يا مايد اعتبر من هاللحظة الحب اللي كنت أكنه لك في فوادي ماااااااااااااااااااااااات من ذيج الليلة اللي دمرت فيها احلى لحظات حياتي الليلة اللي كنت اترياها من اكثر من 16 سنة الليلة اللي كنت احلم فيها وانا احط ايدي بإيدك واقول لكل الناس شوفوا مايد اليوم صار زوجي مايد الانسان اللي حبيته واخلصت له حبه سنين وما شفت غيره في دنيايه كلها ..... مايد انا آآآآآآآآآآسفه ، ميثا اللي كنت تعتقد انها ياهل اكبرت ميثا اللي حبتك انتهت وحبها لك بعد انتهى ..... مايد ودمعته محتبسة في عينه : ميثا اسمعيني للأخير انا اوعدج اني اتغير انا عرفت غلطتي أنا آآآآسف يا ميثا بس دخيلج لا تتخلين عني انا احبج وللحين شارنج ومستعد اغير حياتي كلها علشاااانج انتي بس .... وصدقيني كل اللي صار هب بإيدي أنا آآآآآسف وسامحيني ..... ميثا وهي تصيح : كيف تبااااني أسامحك لا يا مايد انا هب جسر تعلق عليه اخطاءك وبعدها تقول والله اعذريني مايد انا بحاول انساك وحبك خلااااااص نهيته من قلبي من عقب هذيج الليلة اللي ييت فيها سكران انا مستحيل انسى ذاك الموقف مايد انته ذبحتني وانا مجروحة فيك ارجووووك اذا تباني ارضى عليك ابتعد عني وانا خلاااااااص يا مايد القرار واتخذته وحبك من هالقلب انتهى .... مايد وهو يصارخ : ميثوووه انتي شو يالسه تقولين انا للحين احبج وانا ابغيج حرام عليج حسي فيه ..... ميثا وهي تصيح : انته اللي حس فيه مايد خلاااااااص حبك انتهى وانا خذت قراااااري وما عاد لك في قلبي مكان وانساني خلاااااااص وانا مع الايام بنسااااك وخلااااااص قصة الحب اللي كنت عايشتنها وياك نهيتها فراق البطل عن البطلة .... مايد : شو فيج انتي أي قصة واي بطل ميثوووه انا احبج دخيلج لالا تعذبيني بكلاااااامج انا للحين شارنج صدقيني ........ ميثا وهي تصيح : لا يا مايد انته بعتني وانا خلااااااص قبلت البيعة وبعتك بعد وبعت احلاااااامي ارجوووووك يا مايد لا تحاول تضغط عليه ما عاد شي يربطنا غير انك ولد خالي وانا بنت عمتك .... تنش من مكانها وتفتح الباب وهي تمسح ادموعها بايدها وتوقف : ارجوك يا مايد اظهر وخلاص كل اللي بينا انتهى وانسى انه في يوم من الايام كنت فيها محبوبتك وتفضل بدون مطرود ... مايد وهو يطالعها ويتقرب منها ويطالع اعيونها : يعني هذا آخر كلام عندج يا بنت خلفان ؟؟ ميثا : هيه ........ مايد : مشكووورة وما تقصرين لكن صدقيني يا ميثا ما راح تكونين لواحد غيري وباجر بتشوووووفين ؟؟ ميثا وهي واقفة بهيبتها : تفضل بدون مطروووووووووود ............. ايتم يطالعها : مشكورة يا بنت خلفان انا ظاهر بس هب معناته اني يأست لا برجع وبتقتنعين .... يظهر مايد من الميلس ومن شافه شاهين تم يطالعه ومايد وقف يطالع شاهين وعقبها تخطاه وظهر من البيت شاهين من ظهر مايد روح صوب الميلس واول ما دش شاف ميثا يالسه على الكنبة وتصيح وداسه ويها بإيدها يتقرب منها شاهين ..... شاهين : ميثاااااااااااني حبيبي شو فيج ميود قالج شي ؟؟ ميثا وهي تصيح وتلوي على شاهين اخوها : أكرهه ... أكرهه .. شاهين دخيييييييلك يا خوي تبعده عني ما ابغي اشوفه مرة ثانية ميوووووود ما عاد له في قلبي مكان !!! شاهين وهو يمسح ادموعها بإيده بحنان ورقة : ميثاااااااااااااني حبيبي هدي اعصابج محد يقدر يغصبج على شي ما تبينه خلااااااااااااااااص ميوووود وانتهى ولا تفكرين فيه ودامني حي على ويه الدنيا ما بيقدر يلمس شعرة من شعر راسج بس انتي اسكتي ولا تصيحين .......... ميثا وهي تطالع عيون اخوها : ميوووووود ذبحني وقلبي منه مجروح مستحيل ارجع له اكرهه يا شاهين اكرهه ولا تغصبوني عليه انا قلت له اني ما ابغيه خلااااااص وانه كل شي انتهى امبينا ........ شاهين وهو يمسح دموع ميثا ويلوي عليها : حبيبي محد بيغصبج واوعدج انه مايد ابعده من طريقج وانه ما اخليه يفكر فيج بعد .... يله غناتي قومي خلينا نروح الصالة اكيد ابويه يحاتي الحين .... اتنش ميثا من مكانها وشاهين ميودنها من ايدها ويروحون داخل الفلة .... في بيت بوصقر : وفي الميلس : فلاح : هااااااااااا يا المر شو سالفتك ؟؟؟ المر وهو ضايج ويفتح عقم كندورته : حاس اني ضايج يا فلاااااااااااااااااااااااح ............. قلاح : انزين من شوه ضاااااايج ؟؟؟ المر وهو يتنهد : آآآآآآآآآآآآآآآآآىه تعرف صالح ؟؟ فلاح : منوه صالح ؟؟ المر : اللي ويانا في الدوام ؟؟؟ فلاح : هيه صالح اللي يداوم في الرادار .... شو فيه ؟؟ المر : اضاربت وياه من يومين وتحلف لي لنه ما اشوف يوم خير في دنيايه ؟؟ فلاح : شووووو بس هذا هو سبب ضيقك شو يقدر يسوي يعني ما احيدك يا المر خواف لهدرجة ؟؟؟ المر : السالفة هب سالفة خووووف انته تعرف صالح شراااني واللي في راسه يسويه !! فلاح وهو معصب : شو يعني بيفنشك ما يقدر كيف تخااف من واحد يشتغل في الرادار وإنت نقيب ... يخوفك هذا انا يوم السبت بكلمة وبشوووف شو اللي في راسه .... المر : فلاح ما ابغيك تدخل في السالفة هذا واحد ما يخاف ربه ؟؟ فلاح : شو هب بإيده يسوي شي وصدقني اذا ما ياز عن حركاته وتهديداته انا بخبر عليه الشيخ وباشووف ساعتها شو بيسوي ......؟؟؟؟ المر : آآآآآآآآآآآآه يا فلاح ما اعرف ليش صار كل هذااااا ؟؟؟ فلاح : وشوووووووه سبب اضرابتكم ؟؟؟ المر : كنت عندهم في الرادار اول البارحة ومن عقبها رحنا صوب صيانة الطيارات وهناك سمعت صالح يقول لحميد عن شي خاص بالمحركات نش صالح وقال لحميد رقع الطيارة وما يهمك وان صار شي انت ما يخصك تخيل كيف ؟؟ انا من سمعته يقول جذه نشيت وتهاديت وياهم وعقبها هددني يوم ما يازت له الرمسة .... فلاح : أيوا بس انت غلطان يا المر المفروض انك تبلغ الرائد عليهم ... او المسؤول اللي كان على حميد حزتها ... هم بيعرفون كيف يتفاهمون وياهم ولا تنسى انه هالطيارات احنا اللي نسوقهن ولا قدر الله صار علينا شي في الجو من المسوؤل ... خلاص يوم السبت بنسير صوب الرائد وبنبلغ عليهم .... المر : خلاص اوووكي ...... في هاللحظة ايدش عليهم صقر وابوه ومن عقب ما يسلمون على بعض ييلسون يسولفون ..... بوصقر : المر يا ولدي اشحال عيوزك ؟؟؟ المر : ترد السلام عليك يا عمي ...... بوصقر : عيل خبرها انه باجر عشاكم عدنا واحنا موافقين على ولدها بوعذابة ...... المر والضيج كله راح عنه وابتسم هب مصدق اللي قاله بوصقر : يعني موافقين علي يا عمي ...؟؟؟ صقر : وانته شو سمعت ؟؟؟ اينش المر من مكانه ويحب بوصقر على راسه : مشكوووور يا عمي واوعدك انه هند بحطها في عيوني وفي قلبي واني بصونها مثل ما اصون اهلي .... بوصقر : فديت خشمك يا ولدي الله يخليني انشالله لين ما اشوف اعيالكم ... المر : الله يعطيك طولة العمر يا عمي فلاح : من قدك يا النسيب بوصقر صار عمك ... المر وهو يبتسم : هيه فديته والله .... مسكين المر سعادنه كانت ما تنوصف على عكس مايد اللي من ظهر من بيت عمته وهو ضايج وهب عارف وين يروح وتم يفتر في شوارع بوظبي ..... مايد : يعني خلاص يا ميثا ليش حرام عليج ليش انا يصير لي كل هذا لييييييييييييش ............. يرن تلفونه والا نادين متصلة فيه .... مايد : نعم ... نادين : مايد ...؟؟؟ مايد : منوه بيكون يعني هيه مايد شو تبين ؟؟ نادين : مايد ، طيف في المستشفى وعملت عملية وهي تعبانة كتير وبدها تشوفك .... مايد : وانا شو اسوي لها اصلا ما يخصني فيها .... نادين : بس لازم تجي على المستشفى وتآخذ ابنك علشااااااااان تدفنه ..... مايد : شوووووووووه الجنين ماااااااااااااات ؟؟؟؟؟؟؟ نادين : ابن 6 شهور ..... مايد ودمعته محتبسه في عينه : كييييييييييييف انا السبب في أي مستشفى طيف ؟؟؟ نادين وهي تمسح دموعها : في الكورنيش .... مايد : الحين ياي لكم باي ........ نادين : باي ........ ويروح مايد صوب المستشفى ..... في الوقن : كانت نورة حرمة سلطان تلم اغراضها من الغرفة بعد ما وصلها اخوها مصبح لبيت عمتها في الوقن ..... دانة : نواااااااار اذكري الله واللي تسوينه هب في صالحج .؟؟ نورة وهي مقهورة : دنون حبيبي سلطان باعني عقب عشرة خمس سنوات تحملت فيها كل شي علشاااااااانه وعلشااااااااااانكم ويعلم رب العالمين اني حبيته من كل قلبي وتحملت كل اغلاطه وآخرتها يجازيني بالزواج عليه ....كيف تبيني اتحمل اني اشووووف زوجي اللي حبيته كل هالسنين تآخذه وحدة ثانية غيري قولي لي كيف ؟؟؟ دانة : نورة اللي تقولينه صح لكن صدقيني انتي بتمين عدنا عزيزة وكرمة وانا ما ابغيش تسعين للطلاق لا تستعجلين يا نورة .... نورة ودمعتها على خدها وهي تحط اثيابها في الشنط : دانة ما اعتقد انه الحب اللي كنيته لسلطااااااااان كل هالسنين للحين في قلبي سلطان باعني برخيص يا دانة ..... دانة وهي تلوي عليها : فديتج نوار لا تصيحين دمعتج غالية عندي وصدقيني سلطان بيرجع لش مهما كان .... نورة وهي خانقتنها العبرة : هه ... لا يا دانة ... سلطان باعني والدليل اني من شهر يالسه في بيت اهلي ولا سأل عني ولا شي حتى اتصال ما يتصل فيني ولو بالغلط .. تعرفين يا دانة اني ما خبرت عليه لا اخواني ولا ابويه ويوم هم انكروا يلستي عندهم اطريت اخبرهم آآآآآآآآآآآآآه يا دانة ليت اللي صار ما صار ... دانة : والله اني حاسة فيج يا نورة واللي تشوفينه زين لج سويه ... نورة : انا ما بنساكم وانشالله بين الفترة والثانية بتصل فيج وبعموه ولا تخافين يا دانة انا ما بطلب الطلاق من سلطان بس ابغيه يحس شوي ليشاف البيت من حوله فاضي .... دانة وهي تلوي على نورة : فديتج يا الغالية .... من عقبها تلم نورة اغراضها ودانة تساعدها ومن عقب ما تخلص تتصل باخوها مصبح اللي كان يالس في الميلس ويا بوسلطان ومن عقبها يترخصون ويظهرون من البيت ونورة سلمت على عمها وعمتها وكانت دمعتها على خدها لانها ما توقعت في يوم انها تخليهم وتروح من عقب ما تعودت عليهم .... بوسلطان وهو يشوف نورة وهي تركب السيارة : سود ويهنا ولدش يا العوش ويا البنت واهلها ..... العوش : والله ما اعرف شقولك يا بوسلطان كان الله في عون نورة مسكينة ..... بوسلطان : سلطان سود ويهي يا العوش نورة بنت حشيم وتحب ولدش وايد بس هو ما يقدر من حد ما اعرف هالولد على منوه ظاهر .... العوش : محد هاين عليه فراق نورة فديتها بس شو انقول البنت بعد ما بتيلس مقهورة في بيت ريلها ... وهو بعيد عنها ولا ينشد عنها ... في هاللحظة في مستشفى الكورنيش : مايد كان يالس على الكرسي اللي عدال طيف وطيف منسدحة على السرير وتطالعه والوايرات في ايدها محطين لها مغذي طيف وبصوت واطي ودمعتها على خدها : مايد ....... الجنين ماااااااااااااااااااات ............. مايد والعبرة خانقتنه : عرفت يا طيف انتي ارتاحي ولا ترهقين نفسج .... طيف وهي تطالع نادين وبصوت واطي : نادين تعالي بقولج شي .... نادين وهي تتقرب منها : شو بدك حبيبتي ؟؟؟ طيف وهي تطالع نادين ومايد بعيون دامعة : نادين انا اعرف اني ما بعيش اكثر عن دقايق او ساعات معدودة انا مسامحة مايد على كل اللي سواه وارجوج نادين اوعديني انج ما تضرين مايد في شي ..... نادين وهي تصيح : طيف حبيبتي لا تحكين هيك ارتاحي ولا تبكي ...... مايد : طيف شو هالرمسة بعد اللي يالسه تقولينها طيف انا الحين مالي في هالدنيا غيرج اهلي واطردوني من البيت وميثا ,,, ما تبغي تسامحني آآآآآآآآآآآآآآآآآآه يا طيف انا غلطت في حقج وايد ..... طيف وهي تصيح : وانا مسامحتك يا مايد وصدقني لو ما قلبي يحبك كان ما سامحك ابد اللي كان يربطنا ببعض الجنين ومات ولكن انا للحين احبك وانا مسامحتنك بكل اللي صار ..... مايد وهو يمسك ايدها ويصيح : طيف صدقيني بعوضج عن كل الايام اللي طافت بس انتي قومي بالسلامة وصدقني بنرد وبنتزوج بس هالمرة بيكون زواج صدقي و بعوضج عن كل اللي صار يا طيف .... طيف وهي تمسك إيد مايد بقو : تعرف يا مايد على كثر ما انا مستانسة من كلامك اللي قاعد تقوله لكني في نفس الوقت زعلانة على اللي صار لك ... مايد انا خلاص اشوف سعادتي في مكان ثاني .. مايد انا السبب اللي خليت اهلك يكرهونك انت عمرك ما حبيتني وميثا للحين عايشه داخلك مايد روح صلح كل اللي صار إنت مكانك وسط اهلك ارجع لهم ....... آآآآآآآآآآآآآآآآآآه ............... نادين : طيف ارتاحي لا تحكي كتير ......... طيف وهي تتألم : خلااااااااص يا نادين احس براحة كبيرة الحين بس اوعديني يا نادين إنج ما تأذين مايد علشاااااااااااان خاطري ............ نادين وهي ماسكة بإيد طيف وتصيييح : اوعدك يا طيف اوعدك .... طيف وبصوت كله ألم : وانت يا مايد اوعدني ترجع لميثا ؟؟؟ مايد وهو يمسح دمعته : اوعدج ...... طيف وهي تبتسم : سامحوني كلكم ....... آآآآآآآآآآآآآآآآآآآه ......... أشهد ان لا اله الا الله واشهد انه محمد رسول الله ....... ترحل طيف ومايد من شافها استسلمت للموت تم يصيح ونادين نفس الشي اللي ما قدرت تشوف طيف وهي ميتة حست انها افقدت اشياء وايدة وبالاخص انه طيف صديقة عمرها ..... مايد نش وظهر من الغرفة علشان يخبر ادارة المستشفى عن وفاة طيف وراح علشان يخلص اجراءات الوفاة لطيف ولولده ومن عقب ما خلص كل شي طلع من المستشفى وهو مكسور الخاطر ويصيح وهب عارف وين يروح .............. مايد وهي يسوق موتره ويفكر بطيف وولده " انا السبب في وفاتج يا طيف انتي وولدي ... آآآآآآآآآآآآآآآآه ليتني انا اللي مت يا طيف وين اروح الحين لا أهل ولا حبيبة حتى انتي خليتيني ورحتي آآآآآآآآآآآآآآآآآآآآآآآه " ايتم يصيح وهو يفتر في الشوارع بموتره شوي ويرن تلفونه والا عبيد اربيعه متصل فيه ..... مايد وبصوت كله حزن : آآآآآآآلووووووووو ............. عبيد : مايد وين انته ؟؟ مايد والعبرة خانقتنه : افتر في شوارع بوظبي وين بكون يعني ؟؟؟ عبيد : صدق اللي سمعته من نادين ، صدق طيف ماتت ...؟؟؟ مايد والعبره خانقتنه : هيه يا عبيد وانا السبب انا السبب ............ عبيد : مايد تعال عندي الشقة الظاهر عليك تعبان وايد ... مايد وهو يمسح ادموعه : خلني اموووووت يا عبيد ، طيف وماتت ، وميثا خلاااااااص اكرهتني ولا تبغي تشوفني واهلي طردوني من البيت الموت ارحم من هالعذااااااااب يا عبيد .... عبيد : اذكر الله يا ريال وتعال عدنا ..... مايد : خلااااااااااص انشالله ........... يسكر مايد عن عبيد ويروح صوب شقة حمد اربيعه .... اما في بيت بوشاهين ....: ميثا كانت يالسه في غرفتها وتتشوف في صورة مايد ..... " للاسف يا مايد كنت احسب انك انسان عاقل لكن طلعت في نظر الكل ولا شي ...." تدمع اعيونها ... تمسحا وتنش من مكانها وتروح صوب البلكونة ,,,,,,,, واطالع الشارع ...... " يا ترى شو يالس تسوي الحين يا مايد ..... آآآآآآآآآآآآآآآآآآآآآآآآآه يا مايد كيف بقدر أنساك يا رب تسااااااااااعدني " ...........؟؟؟؟؟؟؟؟؟ • يا ترى مايد شو بيصير عليه عقب موت طيف وفراق ميثا ؟؟؟ • والمر خلاص بيتزوج هند والا لا ؟؟؟؟ • يا ترى فلاح بيخطب سلامة والا خلاص عقب سالفة مايد وميثا بيقول ما يبغيها ؟؟؟ • سلطان ولد عمة لطيفة بيطلق حرمته وبيتزوج والا بيرجع حرمته ...؟؟؟ • صقر شو بيكون دوره في الايام اليايه ؟؟

الجــــزء الرابع والعشرين : " شوف الواقع المعلوم ....... انا ما أقدر على التعبير هذا البخت...

اميرة حياته :

الجــــــــــــــزء السادس والعشرين .................. في الوقن وعقب صلاة الفير على الساعة 6 الصبح ..... العوش : لا إله إلا الله محمد رسول الله .... دانة الغالية أبوج وينه ؟؟؟ دانة : ظهر جدى العزبة .... العوش : يالله توه مخلص صلاة الفير جان صبر لين خلااااااااف ...... دانة : تعرفين ابويه ما يحب ييلس في البيت لين الضحى لازم يشووف الدبش و الهوش ويظمن عليهم ........ العوش : عيل خواتج وين ؟؟ وعيتيهن لصلاة الفير ....؟؟؟ دانة : هيه امايه ... وعيتهن .... العوش : زين ... فديت نواري والله كانت من تصلي الفير اشوفها تياوش في المطبخ ...... دانة وهي تيود امها على كتفها : كان الله في عونها والله امبوني متولهه عليها ..... العوش : حسبي الله على سلطوووون من راحت لبيت اهلها ما نشد عنها والحين يبغي يظوي وحدة عراقية ما ادري من وين يايبنها ..... دانة : والله ما ادري شقولش يا امايه الله يهديه ..... اما في بوظبي وفي شقة مايد : مايد كان منسدح على السرير ويفكر بميثا : يا ترى شو يالسه تسوين الحين يا ميثا راقدة وإلا واعية ....يا ترى تفكرين فيه وإلا خلاص نسيتيني يااااااااه صار لي ثلاث اشهووور ما شفتج ولا حتى سألتي عني هنت على الكل ومحد ينشد عني آآآآآآآآآآآآآآآآآآآه يا الزمن ولا جنك يا مايد استويت على ويه الارض ...... ايغمض اعيونه وهي تدمع .......... يمر الوقت وعلى الساعة 11 الصبح وفي بيت بوصقر : شهاب : امايه وين الريوق ....... ام صقر : روح المطبخ وبتحصل الريوق حد يتريق الحين الضحى ....؟؟؟ شهاب : شسوي بعد ... توني ناش من الرقاد وينها هنوده ؟؟؟ ام صقر : اخوانك كلهم ارقووود ........... شهاب : وصقر وينه ما احيده يرقد للحين ؟؟؟ ام صقر : ظهر ويا ابوك راحوا الشركة ..... شهاب : حتى يوم الجمعة الشركة ... شو هذيل ما يملووووون من الشغل ....؟؟؟ ام صقر : شو عرفني يقولون شغل مهم لازم يخلصونه اليوم .... شوي وتحدر هند من فوق ..... شهاب : حيالله العروس اشحالج ؟؟؟ هند : طاب حالك ..... تتقرب من امها وتحبها على راسها ..... هند : امااااااااااايه المر بيتغدى عدنا اليوم !!!! شهاب وهو مستغرب : ومنوه خبرج إنه بيتغدى اهنه ؟؟ ام صقر : ويديه بلاك هبيت في البنت اكيييد هو مخبرنها ؟؟؟ شهاب وهو ضايج : وكيف بيخبرها يعني ؟؟ هنوده لا يكون ترمسينه في التلفووووون ؟؟؟ ام صقر : وشو فيها لو رمسها في التلفووون حرمته ..... شهاب وهو معصب : لا والله شو فيها بعد هااااااا ... امايه بلاااااااااج اتخبلتي وليش يرمسها يعني ومتى عطته رقمها مسرعهم البارح بس مالج ... مسرعة ما لحق وخذى الرقم ........... هند : شو فيك البارحة عقب الملجة حدرت اسلم عليه في الميلس وخذى رقمي قدام فلاح وصقر وابويه والمر ريلي يا شهاب هب غريب عني ...... شهاب : لا والله حلووووة هذي المر للحين غريب عنج خلااااف يوم بيسووووي عرس كيفه يرمسج ..... ام صقر : شهاب شو فيك علبنت هذا ريلها وعادي ودام ابوك واخوانك راضييين عادي والمر الحين صار واحد منا وفينا وهب غريب على هند خلاص عيل باجر انته بتملج ما بترمس حرمتك في التلفون ؟؟ شهاب : هه ومنوه قال لج اني بعرس .... اصلا انا ما ابغي اعرس الا عقب ما ادق الثلاثين سنة ..... شوي ويدخل بوصقر وصقر : السلااااااااااااااام علييييييييييكم ............. الكل : وعليييييييييييييكم السلااااااااااااااااااام ............ بوصقر : شو فيكم محتشرين من الصبح شهاب ابويه شو فيك ؟؟؟؟ ام صقر : تعال اسمع ولدك شو يقول اونه ليش هنوده ترمس المر في التلفون .... بوصقر : شهاب شو فيك المر صار ريل ختك عادي يعني لو رمسها في التلفوووووون .!!! شهاب : ومن متى عدنا بنات يرمسن في التلفون ويا الريايل عااااااااااااااادي .......... صقر : شهاب ... شو فيك هند ما اغلطت والريال اللي ترمسه ريلها وهو قبل لا يآآآآآآخذ رقمها شاورنا وابويه عطاااااه الإذن انت شو اللي حارنك يا شهاب ، الشرهة على اللي يرمس بنات الناس بدون أي ارتباط امبينهم ترى كل من يرى الناس بعين طبعه يا شهااااااااااب .......... اينش شهاب من مكانه وهو معصب : تقصد منوه بكلامك يا صقر ؟؟؟ صقر : ما قصدت حد ............ ايتم شهاب يطالع صقر وهو معصب وعقبها يظهر من الصالة ....... هند : ابويه ....... بوصقر : حبيبي هنوده لا تزعليييييين شهااااااب اخوووج وما يقصد شي ........ ام صقر : خالد ترى المر بيتغدى عدنا ........ بوصقر : حياااااه الله يله بروح اسبح ما باقي شي عن صلاة اليمعة يله ظبية نشي ...... ام صقر : انشالله يا بوصقر ........ يروحون صوب غرفتهم ... وهند اتم ويا صقر في الصالة ..... صقر : هنوده لا تزعلين من شهااااااب انتي تعرفين كيف تفكير اخووووووج ؟؟؟؟؟ هند : انا هب زعلانة بس ليش شهاب يسوووي جذه لييييش هو هب راضي على المر .....؟؟؟ صقر : هب جذه السالفة المشكلة انه شهاااااب يشوووف الناس بعيييين طبعه ويتحرى كل الناس شراته ....... هند : .................................. صقر : هنوده حبيبي لا اضااااااايقييييين نفسج !!!!! هند : انشالله .......... صقر : هنووووده ........... هند : لبيييييييييه ؟؟؟؟؟ صقر : لبتج روووحي ... هنوده اشحاااااااااااال ميثاااااا ؟؟؟؟ هند وهي مستغربة : للحين تحبها يا صقر ؟؟؟ صقر : ولا اظن في ويوم حبها بينتهي من روحي هند ... ميثا رغم انها ما تدري اني احبها وعن شوقي لها بس احس انها قريبة وايد من روحي احس اني اشوفها في كل مكان حتى وانا آآآكل واشرب حتى في دوامي اشوفها معايه ، هند .......... وقبل لا يكمل كلامه تقاطعه هند : صقر نا برمس ميثا عنك وبقولها انك تحبها انا ما اقدر اشوفك كل يوم تتعذب والله يا صقر البارحة حسيت ميثا إنها خلاص نست مايد ولا حتى طرت اسمه على لساااانها .... انا بقولها ويصير خير .... صقر وهو يبتسم : والله يا هنوده والله خاطري اضووووي ميثا احس اني بدونها حياتي ما تسوى شي هالبنت من شفتها اسرتني وغيرت حياتي وكياني كله انقلب فوق تحت كلمة احبها يا هند شويه ....... هند : فديت روحك يا صقر انا الحين بروح ارمسها ........ صقر : فديتج هنوده انا بروح اسبح وبغير اثيابي وعقب الصلاة يصير خير .... هند : خلاااااااااااااص اوووكي غنااااااااااااتي ....... يروح صقر غرفته وهو طاير من الفرحة هب مصدق انه هند بترمس ميثا عنه " يا ترى ميثا شو بتقووووول بتوافق عليه والا لا يا رب توااااااااااااااااافق " ................ في بيت بوشاهين : ام خالد : الريم ، الريم ... وين انتي حسبي الله عليج من بنت ، الريم ؟؟؟؟؟؟ الريم وهي تحدر بالمدخن من فوق : لبيه اماااااااااااااايه ...... ام خالد : وينج صار لي ساعتين انده عليج وما تردين وين كنتي ؟؟؟ الريم : كنت أدخن الغرف تامريني بحايه امايه ؟؟؟ ام خالد : تعالي .... ميثووووه وينها ؟؟ ليش ما تساعدج ؟؟؟ الريم : توه انا وميثا والبشاكير منظفين غرفة الضيوووف والميلس والحين ميثا راحت تسبح وانا يلست ادخن الغرف .... ام خالد : آآآآآآه طيب الريم اليوم العصر حريم بيون عدنا عاد أباج تكشخين .... الريم : ليش انا بجابل الحريم شووه ؟؟؟ ام خالد : وليش ما تقابلينهم شو فيج محنايه ؟؟؟ الريم : يصير خير للعصر بروح اوووودي المدخن الميلس تامرين بحايه ...... ام خالد : ما منج فايده رووووحي ...... تروح الريم عن امها وقلبها يدق بسرعة حاسة انه امها وراها سالفة وشو سالفة الحريم اللي بيحدرن عندهم العصر ..... في غرفة ميثا : تظهر ميثا من الحمام وهي لابسه روب الحمام ولافة شعرها بالفوطة تروح صوب التسريحة وتتشوف بتلفونها وتحصل سلامة متصلة فيها اربع مرات وهند 7 مرات تستغرب ميثا : غريبة بلاهن امممممممممم بتصل بهنوده قبل وخلاف برمس سلااااااااااامي ..... وقبل لا تتصل ايرن تلفوونها وإلا لطيفة متصلة بها ...... ميثا : آآآآآآآآآآآلوووووووووو .............. لطيفة : آآآآآآآآآلو مرحبا ميثااااااااااااااااني اشحالج ؟؟؟ ميثا : مرحبا ملاااااايييييين ولا يسدن في ذمتيه يا بنت عمير طاب حالج الغالية وينج مالج حس ولا خبر وإلا من لقى احبابه نسى اصحابه ؟؟ لطيفة : لا والله يا الغالية غلاكم في القلب ما راح افا علييييييج يا بنت خلفااااان تعرفين انتي ... الحمال تاعبني شوووووي ..... ميثا : الله يعينج يا الغلا انتي وحمدوة توكن عرايس وحملتن بسرعة شو عايلنكن ...... لطيفة : شو نسوي بعد ..... ميثا : فديتج الغالية اشحال يدوتي ويدي وعمي بطي ربهم بخير ....؟؟؟ لطيفة : بخير وسهالة وما يشكوووون بااااااس ... اشحال ابوج وام خالد ربهم بخير ؟؟؟ ميثا : بخير وعافية .... لطيفة : فديتج ميثاااااااااااني والله ولهانة علييييج الغالية كم رقم حمدوووة تولهت عليها ... الله يهدااااااااااه عمج مسح كل الارقااااااااام اللي في تلفوني بالغلط عني من التلفوووون حتى رقمج وخذته من تلفونه توني والله ......... ميثا : يا حليج وانا اقووووول لطووف ما تتصل إلا لمصلحة .... لطيفة : عنالاااااااااااتج يا السبالة يعني انا الحين اللي اتصل لمصلحة سود الله ويهج ؟؟؟ ميثا : فديتج يا ام حامد اسووولف شو فيج .... لطيفة : هههههههههههه ادري والله انج تسولفين ....... ميثا : زين الغالية هذا هو رقم حمدة ############### .......... لطيفة : تسلمين يا الغلا يله عيل بتصل بها ... ردي السلام على هلج .... ميثا : الله يسلمج يبلغ ...... تسكر ميثا التلفون عن لطيفة وإلا يوصلها مسج .... تفتح الرسالة وتقرى " تسأل الروح فجأة عنك وينك .... وأجاوبها بدمع من عيوني ... لان الحب اللي بيني وبينك ... تناسى من وجد عاشق يصونك ... " تستغرب ميثا من المسج : رقم منوه هذا غريبة من اللي يطرش لي مسج وفيه هالكلام اكييييد مغلطين بتصل لهنوده احسن .... وقدها بتتصل إلا يوصلها مسج من نفس الرقم " يا زين ما نستاهل الصد منك ولا هذا جزانا ... قصرت يا بو يادل أسود ... وأظلمت نفسك في ادعوانا .." ........ ميثا وهي مستغربة : شكله راعي هالرقم يعرفني مستحيل يغلط مرتين ... اممممممم شسوي وإلا هند متصلة .... ميثا : زين إنج اتصلتي ...... هند : السلام علييييييييييكم ...... ميثا : زين إنج اتصلتي ...... هند : السلام علييييييييييكم ...... ميثا : وعلييييييكم السلام والرحمة ........ هند : شو فيج ميثاااااااااني .......؟؟؟ تخبر هند عن المسجات ........ هند : غريبة من بيكون يعني ؟؟؟ ميثا : ما اعرف ... أوبس هذوه طرش مسج ثاني مرة لحظة بقراه لج اسمعي ... " رحلتي تركتيني شماته .. وحجوه بلسان البشر ... ميثا ترى كثر الجفا ما يفيد صدقيني ...احبج وااااااايد واعترف اني غلطت في حقج سامحيني .... مايد ...." تستغرب ميثا من المسج : هنووووده مستحيييييل هذا ماااااااااااااايد .......؟؟؟ هند : شووووووه مااااااااااااااايد وين يا ب رقمج ؟؟؟ ميثا وهي تتنفس بسرعة : ما اعرف ما اعرف اكيييييد كان يعرفه من زمان .....!!!!! هند : اكيييييييييد ........ ميثا : بس شو يبغي مني هنوده شسوي اخبر ابويه وإلا كيف ؟؟؟ هند وهي ضايجه " يعني يوم قلت اني بخبرها عن صقر ظهر مايد في الصورة " .... ميثا : آلووووووو بعدج علخط ....؟؟؟ هند : هاااااااا .......... هيه ويااااااااااج ؟؟؟ ميثا : قولي شو اسوووووى ؟؟؟؟؟ هند : ميثاااااااااني انتي للحين تفكرين بمايد .؟؟؟ ميثا : هنووده انتي تعرفين اني خلااااااص نسيت مايد بس ليش عقب ثلاث اشهور ظهر مرة ثانية ...... هند : ما اعرف ........ ميثا : هنوده هذوه طرش مسج مرة ثانية اسمعي شو كاتب " احبك لو بغيت انساك ما اقدر ... احبك من زمان يوم الطفولة ..." ...... ميثا ارحميني مستعد اركع تحت اريولج بس سامحينمي يا نظر عيني " ........ هند : ميثوووووه شو فيج سكتي ....؟؟؟ ميثا : مستغربة من كلامه احس ........... هند : بشووووه تحسييييييييين ...... ميثا : ما اعرف ... ما علينا شفتج متصلة اكثر عن مرة رب ما شر ........؟؟؟ هند : ما من شر ولهت علييييييييج ...... ميثا : توله عليييييييييج العافية علووووم المعرس ...؟؟؟ هند : علووم الخير اليوم بيتغدى عدنا .... ميثا : حليله زين والله .... ايتمن يسولفن وهند كانت حاسة بالضيج لانه ميثا بينت لها إنها للحين تحب مايد بس ميثا تتهرب من الواقع كانت وايد تفكر بمصير صقر اخوها مسكين طول عمره بيتم متعذب ويحب انسانه تحب غيره ... مكسين يا صقر .... حزة العصر في بيت بوصقر : هند والمر وفلاح وشهاب وصقر يالسين في الميلس ويسولفون ....... شهاب : وعلوووومك بعد يا المر ؟؟؟ المر : والله العلووم من صوبك يا بوحمد .... هند وهي تطالع المر وهو يسولف ويا اخوانها " يالله محلاااااات ضحكته " ......... المر : فلاح اعتقد من الظهر وانتوا صاكين علينا يعني ما بقدر ايلس ويا حرمتي اروحنا ....!! فلاح : هههههههههههه وليش يعني هب لازم ؟؟؟ المر : باجر بتملج وبييلسووون اخوانها عندكم وبتضيييييج ؟؟؟ صقر : أفاااااااااااااا يا بو عذابة ضايج منا فلاح قوووم خلنا نظهر اربيعك مضيييع الحيه ما فينا بعد ايروغنا اكثر من هالروغه ........ المر : هههههههههههههههههههههههههههه شهاب : لا لا شو نظهر توه ما دخل عليها خلاف لي سوى عرسس بييلسوون ارواحهم .... المر : خلك محضر خير يا شهاااااااب شو فيك ؟؟؟؟ فلاح : هنوووووووده تبين تيلسين ويا ريلج اروحكم ؟؟؟ هند وهي مستحية : فلاااااااااااح ؟؟؟؟؟ المر : فديت اللي تستحي والله ..... شهاب : اييييييه انته وين تبا شو تتفداها قدامنا ؟؟؟ المر : حرمتي وانا حر عادي يعني لو تفديتها شو ممنوع ؟؟؟ شهاب : يوم بدش بيتك اتفداها على كيفك اما الحين لا هي بعدها في بيت ابوها ما ظوت بيتك ..... صقر : شهاب بلاك مكبر السالفة المر ريلها هب غريب ......... شهاب : ليدشت بيته هو حر وياها بس اهنه لااااااااااا ؟؟؟ هند : خلاص خلاص لا تضاربووون المر وهو مستغرب من كلام شهاب : خلاص شهاااااب السموحة منك .... فلاح : المر لا تضايق شهااااااب ما يقصد ؟؟ شهاب : امبلا اقصد ....... صقر : شهااااااااااااااااب ؟؟؟؟؟؟ شهاب وهو يطالع صقر : نعم فيه شي استاذ صقر ؟؟؟؟ صقر : اتكلم عدل انا اخوك العووووووود عيب حشم ...... شهاب : ما احيدني نزلت من قدرك يا بو زايد بس كل شي له حدوووود ولازم المر يعرف هالشي ....... المر وهو ينش من مكانه : اسمحولي يا جماعة الظاهر اني ثقلت عليكم ومشكور يا شهاب وما قصرت على النصيحة ورايه درب لليوا لازم ارووح شكلي اتأخرت ..... هند : المر امسحها فيه شهاب ما يقصد ..... المر : لا الغالية شهاب يقصد انا شكلي ثقلت عليكم وزودتها وكلامه صح باجر يوم بدشين بيتي لي الحق اسوي اللي ابغيه واقول اللي اقوله بس الحين انتي بعدج ببيت ابوج وعليه احترم هالبيت من غير جذه انا مواعد طحنون اخويه نروح غياثي وشكلي اتاخرت عليه ............ صقر : لا يكون زعلت يا المر من رمسة شهااااااااااب ........؟؟؟ المر : لا والله يا بو زايد ما زعلت وشهاب ما قال شي غلط كل اللي قاله صح وانتوا اخواني ومحد يزعل من اخوانه .......يله فداعة الله ...... شهاب : كلامي ما يزعل واللي قلت له بعد ما يزعل ....... المر : افا عليك يا بوحمد انا ما ازعل منك وانت معزتك مثل معزة طحنون اخويه فلاح حس انه المر فيه شي بس ما تكلم وهو يعرف المر انه حساس ويحط في خاطره واللي سواه شهاب زعل المر وهالشي اللي شافه فلاح بعيون المر ... فأشر فلاح على هند علشاااان تروح ورى المر علشااان تراضيه .... وعند الباب ..... هند : حبيبي لا يكون زعلت ؟؟؟ المر : لا غنااااااااتي ما زعلت من شوه بزعل انا الغلطاااان كان المفروض اني ما اقول هالكلام قدام اخوانج واحرجج بس لو ما حبي لج ما قدرت ايود عمري من تفديج ......... هند وهي تبتسم وتنزل راسها : ....................... المر : حبيبي لا تحطين شي في بالج انا هب زعلاااااااان ....... هند : صدق ....... المر : وغلاااااااااااتج عندي يا نظر عيني يالله غناتيه فداعة الله ....... هند : ربي يحفظك يا رب ولا تسرع في الدرب اول ما توصل ليوا اتصل بي ...... المر وهو يهمس في إذنها : احبج موووت والله لا يحرمني منج يا الغالية ......... هند وهي مستحية : وانا بعد .... المر : قوليها يا غناااااااتي انتي شوووه ............. هند وبصوت واطي ومستحية : احبك ...... المر : وانا امووووت فيج ..... يحبها على راسها ويظهر وهند من حبها المر على راسها تمت مستحية أول مرة تحس بقرب المر منها اول مرة تحس إنها تحبه من كل قلبها اول مرة تحس انه المر صار ملكها هي اروحها ...... في بيت بوكايد : التلفون في الصالة يرن ومحد شله ومحد كان في الصالة غير بدر ولد كايد وكان يلعب على سيلكه ... البيت فاضي ومحد فيه والتلفون يرن ويرن الكل كانوا يالسين في الصالة الثانية كايد ومحمد وسيف ومريم وسلامة وبوكايد وام كايد والغريبة فوق هذا كله إنه مايد كان عندهم .... حالته كانت وايد تعور القلب ما كان محلق لحيته وشكله متبهدل .... بوكايد : قول لييييييش سويت كل اللي سويته يا مايد ؟؟؟ مايد : لحظة يأس .. لحظة فراغ ونزوة الشيطاااان لعب بمخي حسيت اني اقدر املك كل شي بإيدي وطلعت غلطااااان انا ندمان يا ابويه واعرف اللي سويته هب شووويه حياتي ضاعت وحبي ضااع حتى الوظيفة اللي كنت آكل منها عيش ضاعت ... انا غلطت في حقكم وااااااايد .... ساااااااامحوني ........ كايد : انته ما غلطت في حقنا بس يا مايد انته غلطت في حق نفسك .....ما اعتقد يا ولد ابوي انه الحين اللي انكسر يتصلح الجرح اللي سببته لنا هب اشويه ....؟؟؟؟ مايد : مستعد اسووووي أي شي بس علشااااان ارضيكم انا ندمان قد شعر راسي انا آآآآآآآسف وصدقوني انا تغيرت ودرت الخمر حسيت انه ما منه فايده صحتي ادهورت وحالتي النفسية اتعبت حسيت انه هالكون كله ضدي الخمر دمر حياتي كلها قضى على مستقبلي وخلاني ما اسوى شي في عيونكم ابويه انا مستعد اكووون مايد اللي ربيته وارجع احسن عن قبل مستعد اتغير مستعد اسوووووي كل اللي تامرني به مستعد اروح اعتذر لميثا ولعمي خلفان وبطي وشاهين وعمومة ميثااااااا كلهم ابويه انته تعرف ميثا اشكثر غالية عندي واني احبها وحياتي من دونها ما تسوى شي ارجوك عطني يا ابويه فرصة ثانية اثبت فيها صدق كلاااااااااامي ......... بوكايد : اخاااااف تخذلني يا مايد مرة ثانية ؟؟؟ مايد : ما عاش اللي يخذلك يا بوكايد انا راجع وحاط الامل بالله قوي راجع علشاااااان بس اقوووول للكل انه مايد اتغير ... الخمر وودرته خلاااااص ابووووويه انا بدونكم ما اسوى شي صدقوووني ...... ام كايد وعيونها تدمع : ابراهيم الولد قطع قلبي ارحمه ....... بوكايد : لو اني قاسي يا عوشه ما كنت رضيت اسمع كلامه عقب ثلاث اشهووور ورضيت انه ايطب لي البيت مايد يا ولدي انا مستعد اوقف وياك واخوانك بعد مستعدين يساعدونك لو انت ساعدتنا وابتعدت عن الدرب اللي كنت ماشي فيه .... مايد وهو يصيح : اوعدك يا ابويه وصدقني بكون انسان ثاني انا ياي وحاط أمل كبير لانكم بترضون عني ابويه ابوس اريولك وايدك تساعدني وتبعدني عن كل شي انا ابغي اكون مثل محمد وسيف وكايد ابغي اكوون انسان من اول يديد قطعت كل ربعي خلااااااااااااص حتى الشقة اللي كنت عايش فيها اليوم كنسلت العقد ويا راعيها محد لي في هالدنيا غيركم انتوااااااااا .... ويخر عند اريول ابوه ويتم يصييييح يتقرب كايد منه : مايد قوووم اغسل ويهك واذكر الله كلنا بنوقف وياك وبنساعدك قوم يا اخوي عمر الظفر ما يطلع من اللحم ، يلوي مايد على كايد ويحب مايد .. كايد على راسه عقب كلهم يتقربون من مايد ويلون عليه ...... على الرغم من انه مايد كان ضايق لانه ميثا ما تبغيه إلا سعادته اليوم ما تنوصف لانه اخوانه وامه وابوه رضوا عنه .... في بيت بوشاهين : وفي غرفة ميثا : ميثا يالسه وتقرى مسجات مايد : غريبة كيف مايد ذكرني عقب هالمدة ثلاث اشهوووور طافن على السالفة يا ترى شو ناوي عليه ميثووووه انتي للحين تفكرين فيه لا لا مستحيييييييل ارجع له مرة ثانية مستحييييييييل اسامحه اللي سواه هب شوووويه مايد خذلني ومستحيل أرضى بهالشي مستحيل اكون ضعيفة قدامه ...... تنش من مكانها وتفتح كبتها تشوف سفرة صقر .... يا ترى ليش كل ما اشووووف هالسفرة احس بقلبي يدق بسرررعة امممممم غريب امرها يا ربي شو فيني ... حاسة اني ابغي اصييييح الدنيا صغيرة وانا بديت اتخبل يا ربي سااااااااااااعدني .................. أما في سويحان في بيت أهل نورة حرمة سلطان : نورة : ............................ ام نورة : ها ... يا نورة شو قلتي ؟؟؟ نورة : ......................... أم نورة : لين متى بتمين ساكته يا بنتي سكتي خمس اسنين وصبرتي على سلطاااااااااااان والحين يوم إنا نبغي مصلحتج تسكتين .......؟؟؟ نورة ودمعتها على خدها : هذي عشرة عمر يا اماااااااااايه والعشرة ما تهون إلا على ولد الحرام ...... أم نورة : ويوم إنها هانت عليه العشرة يا امايه سلطاااااان باعج ... سلطاااااان خلاص عرس من يومين وظوى العراقية والحين هو في شهر العسل وما بيفكر فيج ؟؟؟ نورة : بس انا اعرف انه سلطااااان يحبني امااااايه سلطاااااان زوجي وانا ما ابغي أطلق انا اعرف انه سلطااااااان بيرجع لي مهما طال الزمن والا قصر ......... أم نورة : وابوج ومصبح اللي محتشرين ويبون يرفعون عليه قضية طلاق .....؟؟؟؟ نورة وهي تمسح ادموعها : امايه هب انا اللي تشتكي على زوجها وادخله محاكم مهما كان سلطان ولد عرب وزوجي وانا ما يهون عليه سلطاااااان يراكض في المحاكم مهما كان هذا زوجي وله الحشيمة وانا غلطت يوم ظهرت من بيتي كان المفروض اني ما اخلي عمي وعمتي و واخلي بيتي انا لازم ارجع الوقن مرة ثانية ... ومصبح وابويه انا اللي بقنعهم علشان ما يرفعون القضية على سلطااااااااااااااان ......... أم نورة وهي مستغربة من كلام بنتها : والله اني مستغربة منج يا نوار على هوااااااااااج يا الغالية واللي تشوفينه سويه .... تمر الايام ونورة تقنع ابوها واخوها انها ما تبغي تطلق من عقب مناقشات حادة ويا اهلها وبالفعل سلطان اتزوج من العراقية حتى انه ما قام ينشد عن اهله ونادرا ما كانوا ايشوفونه ونورة قررت انها ترجع الوقن لبيت عمها وتيلس عندهم لانها ما تصبر عن بيتها ولا عن عمتها وعمها .... مايد من رجع لبيت ابوه اتغير بالفعل قام ملازم كايد وودر الخمر بالفعل وميثا عرفت بها التطور اللي فيه مايد وكانت تحن لشووفته بس مرات تذكر اللي صار وتقول مستحيل ارجع له مهما كان ، اما هند والمر علاقتهم صارت وايد حلووووة وبالاخص انه المر وايد مهتم بهند لدرجة انه ما كان يرقد الا ويسمع صوتها وما ينش الا على صوتها حتى هي كانت ما تصبر عنه شهاب كان يكره زيارات المر لبيتهم وكان ما يفارق المر وهند لحظة ولا يخليهم رواحهم لدرجة انه المر قرب موعد العرس والسبب شهاب وغلاسته وصقر كان وايد يتعذب لانه عرف من هند انه مايد بدى يتغير ويبغي يرجع يخطب ميثا مرة ثانية اما فلاح وسلامة املجوا بس ملجتهم كانت بدون حفلة لانه سلامة ما كانت تبغي حفلة ........ في يوم من الايام وفي بيت بوكايد : وفي الميلس : فلاح : وينها سلامة عيل يا سيف ؟؟؟؟ سيف : الحين بتي شو فيك مستعيل ...؟؟؟ فلاح : لا ماشي ....... شوي وادش سلامة عليهم كانت لابسه يشمك اخضر ومحطيه ميك اب اخضر كانت وايد رهيبة ومن دشت تم قلب فلاح ايدق بقو اتقربت من فلاح وسلمت عليه بالخشووم ..... فلاح :حييييج يا بنت ابراهيم ..... سلامة : الله يحييييك على فضله تفضل .... فلاح : دام فضلج يا الغالية ..... سيف : سمحوووولي انا بظهر ..... فلاح : وين توه الناس ؟؟؟ سيف : بروح اشوووف المباراة في الصالة احسن .... يظهر سيف عنهم ..... فلاح : زين والله خلانا اروحنا ؟؟؟ سلامة : لا والله .... فلاح : هيه والله ،، سلااااااااااااامي انتي اليوم وايد حلووووووة !!!!! سلامة : انا دومي حلوووووة ........ فلاح : هيه والله دوومج فديت هالويه ...... سلامة : فلااااااااح استحي ........ فلاح : لا غناااااااااااتي ما امبينا مستحى ........ ايتمون يسولفوووون وخلااااف فلاح خبر سلامة انه صقر اخوووه يحب ميثا وانه يتعذب علشاااااانها ....... سلامة : يعلها بذمتك ......؟؟؟ فلاح : بكذب علييييج يعني والله صدق صقر يوم بالتراب اللي تمشي عليه ميثاااااااا .......؟؟ سلامة : محشووم يا بوخالد من الكذب ......... فلاح : شو رايج الحين ..؟؟؟ سلامة : ميثا ما بتحصل احسن من صقر بس يا فلاح اللي سمعته من يومين انه مايد بيروح لبيت عمتي وبيخطب ميثا مرة ثانية ..... فلاح : شووووووووه وصقر حرام عليييييج يا سلااااااامة ؟؟؟ سلامة : فلاح انا اللي اعرفه انه ميثووه للحين رافضه مايد بس اخااااف انها تقتنع بتغير مايد وتوافق عليه ........ فلاح : دخيييييييلج يا سلاااااااامة ، صقر حالته لا تسر لا عدو ولا صديق ولو شفتيه بتصيحين حاله انتي رمسي ميثا وردي عليه خبر ............. سلامة : بيني وبينك احس انه ميوود ما يستاهل ميثا ومستحيل ميثووه ترضى به انا اعرف ميثوووه اكثر من أي حد ............ فلاح : حاولي تقنعينها ......... سلامة : انشالله بحاووول .............. • يا ترى سلامة بتقدر تقنع ميثا بصقر ؟؟؟ وصقر شو بيسوي ؟؟؟ • يا ترى ميثا بترجع لمايد والا لا ؟؟؟ • شهاب والمر لين متى بيتمون جني وعطبه ويتناقرون ؟؟؟ • نورة حرمة سلطان من عقب ما رجعت الوقن شو بيصير لها ؟؟؟ • ومنى اربيعة شهاب وين راحت وشو بيكون دورها ؟؟؟ • وعذبة وين راحت ويا ترى شو دورها ؟؟ • امممممممم فعلا مايد اتغير والا انه هذا بس تمثيل علشاااان يرجع لميثا ؟؟؟

الجــــــــــــــزء السادس والعشرين .................. في الوقن وعقب صلاة الفير على الساعة...