ام ياسمينا

ام ياسمينا @am_yasmyna

كبيرة محررات

البنات العلوج

الترفيه والتسلية

بنات 2001 للشاعر عبدالرحمن الرفيع


هذا زمان المســـخره هذا زمان المســـــــــخره

جوال ومشيه بفشخره في وسط السوق متبختره

والكحله في وسط العيون والشفايف زود محمره

والصدر تتعمد تكفه تخليه مفتوح ما تزرره

هذا زمان المسخره هذا زمان المســـــــــخره

لو يسألها ذاك الفقير وين انتي رايحه يامره

جاه الجواب يبهدله وتقول كلام بيقهره

باروح السوق ابشتري فستان للحفله المزهره

وتروح الصاله كنها عروس مزينه ومعدله ومعطره

وما ترجع الا في الصباح وتشيل الزينه الساحره

هذا زمان المسخره هذا زمان المســـــــــخره

اخر الشهر تقبض الراتب وتروح المجمع وتبعثره

وتعير ذاك الفقير لو اني مثل غيري ما عشت واياك محسره

شوف فلانه وشوف علانه عايشين عيشه ميسره

فله جميله وسياره كشخه ماهو مثلك تركبني سياره مكسره

هذا زمان المسخره هذا زمان المســـــــــخره

لين استلمت ذاك التلفون تبمبع مثل البقره

واتحش في الناس هذا طويل وهذا قصير وحكيها كله مسخره

وفلانه اليوم مطلقه وفلان ماتت له مره

وكلامها أصلا ماله أساس بس هذره فاضيه وبربره

والوقت يسرع والهاتف يحسب أمواله تروح مهدره

هذا زمان المسخره هذا زمان المســـــــــخره

الله يرحم ذاك الزمان الحرمه فيه مستره

كانت تجلس ويا الاذان وتصلي لله وتشــــــــــكره

وتدعي للناس الطيبين بنفس طيبه وطاهره

هذا زمان المسخره هذا زمان المســـــــــخره

مو مثل بنات هذا الزمن تركب ويه الاجنبي بيدها روج ومنظره

وقصت الشعر أخر موديل كأنها ديك منفوش جناحه وعرعره

والعبايه تحطها على الكتف حتى الشعر ماتستره

ولو تقول لها هذا حرام قالت كلامك كله دندره

!!كلامك كله ما يعني لي شيء أني فتاه متطوره

لا يخدعوش بأسم حضارة هالزمن آخرتها تالي المقبره

وآخر كلامي بالصلاة على النبي واياه العترة الطاهره

وصلني عبر الايميل
15
1K

يلزم عليك تسجيل الدخول أولًا لكتابة تعليق.

تسجيل دخول

ام العيال المشغولة
قصيده جميله جداً


((لا يخدعوش بأسم حضارة هالزمن آخرتها تالي المقبره ))


يسلمووووووو ام علاوي


ســـــــــــــ:26: ــــــــــــــلام
أميرة الإحساس
يعطيك العافيه على هالمشاركه
الحلوووووووه





ام العيال..

شكلها رايقه لش >>> ((لا يخدعوش بأسم حضارة هالزمن آخرتها تالي المقبره ))

يسعد شششش ربي يالغاليه:23:

تحياتي..
رسل
رسل
مشكوووووووووووووره كتير عليها الله يسلمك يارب ويخليك حق اهلك.....
رائعه 100%
رائعه 100%
حلوة القصيده ام علاوي

عشوقه خخخخخخخخخخخخخخخ اليوم حرف الشين العالمي
أضواء نجد
أضواء نجد
قصيده جميله ام علاوي
تسلمين عزيزتي000