حبيبتي ترى بنيتي او شريتي جاهز احسها نفس الشي لان احنا شرينا جاهز واختي بنت فلة والله نفس الشي لان لو العمل بيغشون يقدرون يغشون على العموم لو مبتشترون اهم شي يكون في حي راقي لانه لو حي راقي راح يكون البنا غير لان اللي بيبني راح يهتم لانه مو اي احد راح يشتري في الاحياء الراقية لغلاء اسعارها ثانيا يبان على الفلة لو دخلتي وشفتيها اذا كانت كويسة او مبينية اي كلام كيف تعرفين من نوعية ارخام والسيراميك وايضا الابواب نوعية الخشب تكون كويسة الادوات الصحية اكثر البنا تكون صيني يعني انا شريت الفلة وممتازة ماشاء الله تبارك الله لكن الادوات الصحية شكلها فخم لكن في الحقيقة صيني واحنا غيرنها يوم خربت يعني ترى فية عيوب بس ماتنذكر ماهي في تعب البناء وكمان جيبوا مهندس يشيك السباكة قبل تشترونها ويشيك العوازل ويشيكون على العمارة بشكل عام وهذة الاشياء اللي تحظرني حاليا واذا تذكرت شي بقولك وانشاااااااااء الله اكون افدتك لو شي بسيط ودعواتك واي استفسار تفضلي وترى انا اللي اخترت الفلة وانا اللي كنت اشيك على نوعيتها اعوذ بالله من كلمة انا يعني لي خبرة شوي وشكرا

سؤالك جا في محله لأنه نفكر في هالشي من زمان
وكمان سؤال اللي اشتروا عن طريق البنك كيف الاقساط
مناسبة ولا لا والمدة كم وكيف معاملة البنك بعد القرض واي معلومات حابين تضيفوها

jewel ياعمري هونتيها علي شوي وانا اللي قربت ايأس اني اسكن بيت ملك طول عمري كلامك اعطاني امل وقبل الأ سأله بدعيلك ان ربي يوسعها عليك ويزيدك من رزقه كمان وكمان ويبارك لك فيه
الحين نجي للأسأله
طيب بالنسبه للحي الراقي انا ادور في اشبليا ايش رايك حي راقي والا لا وهو مليان فلل معروضه للبيع
طيب بالنسبه لسراميك والأبواب والادوات الصحيه
تعتقدين انه هذا شي اساسي طيب يمكن البنا والسباكه ممتازه وهي مو مهتمين فيها مره احيانا يكون السراميك والابواب والادوات الصحيه مره فخمه لكن البنا والسباكه سيئه وهذا اللي يخوف من جد
سؤال ثاني حبيبتي كيف نجيب مهندس وكم ياخذ فلوس
معليش ياعمري اسألتي كثيره استحمليني

انتبهي اهم شيء للسباكه مرررررررررررره مهمه
الصبات ماتكون موزعه بكل مكان بالجدار علشان اذا حبيتي تغيرين شوي باديكور البيت ماتعترض(متعقده الشباك كبر الاصبع وبينه وبين الثاني صبه يعني مااقدر اوسعها)


هذا اللي اتذكره الحين واتمنى اني افدتك

شوفى اختى احنا اشترينا بيت مستعمل .بس لما جينا نشوفه كان فيه مستاجرىن وسالت المره اللى كانت ساكنة فيه اذاكان فيه اى عيب عشان نصلحه قبل مانسكن وقالت لى الله يجزاها كل خير عن توصيلات الكهرباء والحمامات الله يعزكم....... ولما سكنا طلعت لنا سوالف غيرها بس قدرنا نعدلها...وبالنسبه للمطر تقدرون تحطون مادة عازلة على الصطح بس تراها بتشوه منظر الصطح.....واللى يشوف شكل بيتنا الحين يحلف انه مو هو نفس البيت اللى شريناه.لاننا غيرنا فيه كثير.