اكتب قبل العزيمه بكم يوم شو راح اطبخ

الحلى غالبا من برى او اعمله قبل بيوم

السلطات اخسلها و اقطعها و احطهم علي جنب و اعمل الصوصات حقاتهم و اخليهم بالثلاجه و اقلي الخبز للفتوش


الفطاير
اعملها قبل بيوم و قبل الهشا اسخنها بالفرن شوي

بالنسبه للاطباق الرئيسيه
دايما اعمل كشري لانه سهل ويواجه
العدس و المكرونه مطبوخين من زمان بس اسلق الرز قبل العشا بساعتين

احب اعمل صياني لانها تواجه
جهزي مكوناتها قبل بيوم
مثلا مكرون بشاميل
اعمل كشنه اللحمه و احطها بالثلاجه
و يوم العزيمه اسلق المكرونه و اعمل البشاميل
او فوتوشيني جدا سريع و ما ياخذ وقت

و اعمل دجاج بالفرن
اتبله بالدرسنج السلطه الايطالي طول اليوم و ادخله الفرن ساعتين قبل العشا
الحمص و المتبل انا استعمل السعوديه سريع و حلو
و كمان عندي كبه اقليها قبل العشا بربع او نص ساعه

اهم شي انك تكتبينها بورقه

اول شي لما يكون عندي عزيمه اضع قائمه بالاطباق الي بسويها ...غالبا اختار اطباق يمكن تجهيزها قبل بيوم او اطباق ماتحتاج تجهيز في اخر لحظه عشان اتفادى الحوسه والربكه
قبل بيوم انزل السوبرماركت اشتري الاغراض وابدا بتقطيع السلطات وتجهيز صلصاتهاوتجهيز الحلويات سواء حلى قهوه او عشا لو بسوي ورق عنب الفه قبل بيمين واخليه في الفريزر كذلك لو بسوي سمبوسه او سبرنج رول المهم ما انام الا 80 % من اطباقي تم تجهيزها
يوم العزيمه الصبح اصحى بدري واجهز الاطباق الرئيسيه من مكرونه وصواني وغيره المهم ما يؤذن المغرب الا السفره مجهزه باطباقها والسبرنج رول والسمبوسه مقليه ومرتبه في صحن التقديم واخليها في الفرن مكشوفه عشان ماتذبل كذلك ورق العنب يكون في صحن التقديم ومغلف بنايلون
القهوه والحلى كذلك مرتب في الصواني واحطه بالمجلس عشان اخفف من حوسه المطبخ ويلا اطلع البس واتجهز قبل لا يؤذن العشا
اذا جو ضيوفي اقدم لهم القهوه والحلى وما اتعداهم واسولف عليهم بعد القهوه ادخل المطبخ اولع الفرن على المكرونه والصواني والاشياء الي محتاجه تحمير واجهز الشاي واقدمه لهم اصب لهم فنجان وارجع اتبل السلطات واحطها بصحون التقديم وارتبها على البوفيه وارجع لضيوفي اصب لهم الشاي مره ثانيه واسولف عليهم شوي وبعدين ارجع احط الصواني والاطباق الرئيسيه واقول لهم تفضلوا <<< بتعيشكم جو العزيمه
نقطه ثانيه حلى العشا ما ارتبه على السفره الا لما يدخلون الحريم للعشى اولا عشان ما اربك نفسي بكثرة الشغل وثانيا عشان الحلى يضل بارد وما يدفى فاول مايدخلون هم مشغولين بالاكل اروح ارتب الحلى وارجع عاد اشوف اخبار ضيوفي الزم عليهم واباشر واتحفى
لما اشوفهم قاموا للحلى على طول اسحب نفسي للمطبخ اجهز شاي اخضر لزوم عشان يهضمون << وشوله هم متعشين اجل :blink:
بعدين خلاص اجلس معهم الين يطلعون بعدين الله يعينني على الكرف وضف السفره وتوزيع الاكل وثم اخلد الى النوم منهكه وانا ماذقت لقمه من هالسفره الي مزينتها:angry: << من التعب والتفكير ما احب اكل :icon33:

8
8

8
8
8
8
8

تصدقين من اشتركت بعالم حواء هذا اطول رد كتبته

انا اعتمد الصواني لانها قبل بيوم ممكن تعمليها وفي الثلاجه ويوم العزيمه بس تسخين
المعجنات قبل بيومين.. ويتفرزن مثل رمضان بالتمام ويوم العزيمه يطلع ويتسخن بس ان حبيتي
ورق العنب يعتبر من المقبلات جهزيه في صحن التقديم من بدري مايضره
السلطات اقطعها من بدري الظهر مثلا او حتى قبل بيوم بس غلفيها كويس وجهزي الصوص قبل كمان بيوم ووقت التقديم اخلطيهم
اللحوم او الدجاج تبليهم قبل تنامين في الليل مايبقى غير تطبخينهم بس
الحلويااات كلها قبل بيوم جاهزه وخالصه وكل ماتجلس في الثلاجه اطول كل ماتكون متماسكه اكثر واطعم
السيرفيس كله جهزيه من الصباح

احنا الشغل الجامد عندنا اخليه كله قبل العزيمه بيوم حتى اخذ راحتي تمام يوم العزيمه
بجد حالة استنفار اليوم الي يسبق يوم العزيمه

اسهل لك كثري من صواني الي تنحط بالفرن مثلا المسخن او الخضار الصينية اوطاجن اللحم والبطاطس المسقعة خضار باشميل زي كذا احسن من الحمس والتسبيك والسلطات كذا نوع اذا عندك مولينكس بتوفرعليك بالتقطيع اوتقطعين كل شكل وتحطينة بعلبة بلحالة علب البلاستيك حقت تملر الرطب رخيصة وتفك ازمة واذا خلصتي منها لميها في علبة كبيرة اوكرتونة وغلفيها بكيس كبير وحطيها بالمخزن عشان ماتاخذ حيز بالمطبخ المعجنات ورق العنب والكبة سويها اول ماتدرين عن العزيمة وكل يوم شكل والجريش او المرقوق شبي علية بعد العصر وحطي تحتة حديدة وقصري النار مررررة وحاولي تختارين الاسهل لك