وليش ياحلوة تتعبين

والله حسب مااشوف ان اغلب الناس علاقتهم عادية
واغلب العلاقات ماتكتمل ...
بس فيه ناس عندها حب للتعارف وتستمر تتعرف دائما
وناس اذا مانجحت معها العلاقات من اول مرة تتوقف ...



اما عن القبول ففعلا فيه شي اسمه قبول

والمقبولينهم قلائل في اي مجموعة
وهذي رزقهم من الله ، ومو شرط يكون شخص زين احيان شخص مليان عيوب لكن رزقه من الله في الحياة القبول وإقبال الناس عليه

وغلط الإنسان يحط نفسه بمقارنة مع الاخرين لأنه بيحصل على نتيجة غير عادلة وغير واقعية
ويمكن تسبب له اعتقادات عن نفسه ماهي حول الصحة أبد ويعتقد انه غيرمرغوب او فاشل بالعلاقات وهذا اعتقاد غير حقيقي


انا ملاحظة كثير مشاكل في وقتنا الحالي كلها تدور على ليش انا شخص وحيد او علاقاتي غير ناجحة
ودايم الاحظها بمواقع الاستشارات بكثرررة وماكنا نشوفها زمان اومايعطونها الاهتمام الاكبر زي الحين

واعتقد والله اعلم ان العصر الحالي صار التركيز عالي على بناء العلاقات ،والبهرجة الإجتماعية ساعدت على تكوين علاقات للتباهي ، والعصر المادي يركز على ضرورة العلاقات وتفرعها

لين صار اللي علاقته محدودةوبتعبير أدق " طبيعية " يعتقد عنده مشكلة ..

والحقيقة لو الإنسان علاقته حلوة بأهله وعايلته وله كذا معرفة بأشخاص معدودين
فأنا اشوفه ناجح اجتماعيا
مو لازم يشار له بالبنان او الناس تتلهف على كلامه وطلته مثلا

يكفي ان الناس تعرفه بصورة حلوة بينهم وان ماجاهم منه الا كل خير
لأن بهذا العصر عن نفسي اشوف كثرة العلاقات نقمة اكثر من كونها نعمة

واذا له الرغبة بالتعارف يبتعد عن الحساسية ويجرب نفسه مرتين وثلاث وعشر
الا ماتصيب معه علاقة

ودايم يستمر بالدعاء ان الله يجعله خفيف النفس تألفه القلوب ويألفها

والله هي حظووظ وتوافيق ماتدرين وش الشي الي يجذب الناس لهم انا مثلك ماحد يطيقني ولا اطيق احد ولا اعرف افتح سكة سواليف وعلى وجهي ماني راعية قيل وقال ووحده عكسي وحظها مع الناس يفلق الصخر ولاتقولو طيبتها ولا ماتحب تتكلم عن احد كانت تاكل لحووم الي تجلس معهم اقرب ناس لها وتفتن يعني عادي جدا تجلس معاك بكرا تسولف عليك وتزيد بهارات وماهمها اية مخلوق والناس تموت عليها اتوقع الشغله إكتساب مع التجارب صارت اجتماعيه ومرغووبه او ممكن يجاملوها وعلى جوها منافقات متلونات وتعرف تقول كلمتين على بعض العالم صارت تحب الي كذا

الأنسان كائن أجتماعي بطبعه

والحياه بدون صديقات مالها طعم

أنتي خلي لك أهتمامات معهد أو جامعه أونادي أو دوام  وأطلعي شوفي الناس وتعرفي على البنات وكوني صداقات

ماشوف عندك مشكله دام قدرتي انك تتزوجين ماشاء الله وزواجك يستمر يمكن تحتاجين تتعلمين كيف تتواصلين مع الاخرين وتسالين عنهم وتطمنين عليهم وتهدينهم زي الجارات انتي بادري ارسلي لهم هدايا بسيطة مع رقمك واذا هم حابين يتواصلون معك بيتصلون عليك ترا الموضوع يبي له مجهوووود مو بسيط سهل تكونين صداقات ومعارف بس صعب انك تحتفظين فيهم

الطيبه
الطيب يغلب الطبيب

انا الحمد الله محبوبه جدا

وكشفت ان الكلمه الطيبة والعطور الغاليه يعني عطوري ٢٢٥٠ ريال واكثر

طبعا سعر الواحد ٤٧٠ 
٥٤٠ 

٤١٠ ارخص شي بربري 

شانيل مس ديور 

اتواضع لهم اخلص اشغالهم اعزمهم مطاعم والخ 

تجذب كلمن 

وسورة البقرة والابتسامه والصدقه