قهوة الروقان :

وعليكم السلام ورحمة الله بالعكس المفروض تدخلينهم معاك يساعدونك من صف رابع او خامس لان هالجيل فاهمات ماشاء الله كل شي مثلاً تعطينها اشياء تغسلها زي الفاكهه والخضار اطلبها تجهز لك الصحون عالطاوله او تسوي شاي وتطلع البيالات وتجهز السفره تودي وتجيب لك الاغراض تسخن الخبز تقطع لك السندوتشات تقطع معاك الخضار طماطم وخيار وخس مثلاً تسوي عصيرات طازجه موز وتفاح وبرتقال تقطعهم بالخلاط وتخلط علميها شوي شوي اشياء بسيطه كلللها مو متعبه او تجعل البنت تتنرفز قولي لها تعالي نسوي كب كيك مع بعض وهي تصب في الاكواب الورقيه مثلاً تعجني معمول وهي تسويه وانتي معاها بتتتعلم البنات يحبون الحلى اذا عندك زياره لاحد قولي تعالي سوي معاي قهوه بتشوفك ملعقتين بالابريق ومويه كلها حاجات بسيطه بس الكلام ان البنت ماتحس هالشي مكللللفه به ولاااااازم تسويه لا عادي خليك فهميها تتعلم شوي شوي لين تكبر والحين مع التكنولوجيا كل شي عندهم ويفهمون ويقرون ويعرفون اما التنظيف تمسيح المرايا والطاولات تكنس البيت او تمسيح دواليب المطبخ اللي تحت وانتي تمسحي اللي فوق ترتب دروج غرفتها علميها تغسل ملابسها فقط اشياء كلها بسيطه والله انتي قولي لبناتك بهدوء مو تعصبي بيتنرفزو ويبطلوا لكن اطلبيهم مساعدتك ومعاونتك هم بيتعلموا شوي شوي ... لاتتركينهم والله اعرف بنات الان بالجامعه مااااااايمسكون شي لاطبخ ولاتنظيف حتى غرفهم وملابسهم مايعرفون ينظفونها [emoji174] والامهات يكرفن بالمطبخ حرام والله العظيم اني اشوف امهاتهم في رمضان والبنات عالجوالات جالسات والمسلسلات كلكم راع وكلكم مسؤول عن رعيته ...

وعليكم السلام ورحمة الله بالعكس المفروض تدخلينهم معاك يساعدونك من صف رابع او خامس لان هالجيل...

تدلل ياقمر :

بارك الله فيك كفيتي ووفيتي بالفعل الان اصبح عندنا جيل للاسف هش الامن رحم الله منهم ويادوب ينفع نفسه بسبب دلع الاهل فيهم وخدمتهم وعدم تعويدهم من الصغر ولو بالبسيط من الاعمال نصيحه نصيحه نصيحه خلي بناتك يساعدونك ودخليهم معك واصبري على حوستهم بتتعبين لكن اخر العمر تسيرين ملكه وهم باذن الله يخدمونك مو زي الان الام هي خادمه والبنات ملكات بسبب التفريط في الدلع وعدم تحميلهن المسوليه ولمن يكبرون شويها انصحك تشترين لهم غساله خاصه يتعلمون غسل ملابسهم صدقيني صدقيني هالشي شفته بعيونه كيف الامهات اللي مسكوا بناتهم بتوفيق من الله كيف الان هم الامهات كيف مرتاحات وكيف حال الامهات اللي اهملوا بناتهم بسبب او باخر نصيحه نصيحه الطفل كل ماهو صغير فيه نشاط وقوه استغليها صح فيما يعود بالنفع لك وله باذن الله وفقك الله 💐

بارك الله فيك كفيتي ووفيتي بالفعل الان اصبح عندنا جيل للاسف هش الامن رحم الله منهم ويادوب ينفع...

ملك،،،، :

صادقه وحتى الاندومي مستحيل اخليهم يمكن في شغل البيت غرفتهم يهتموا فيها أما مطبخ ليه ترى باقي سن طفوله ولاحقين ع الكرف والتعب حرام ابتدائي وتطبخ

صادقه وحتى الاندومي مستحيل اخليهم يمكن في شغل البيت غرفتهم يهتموا فيها أما مطبخ ليه ترى باقي سن...

صافيان... :

و الله أعلم أشوف خامس أو سادس ابتدائي تطبخ "وجبات رئيسة"، قبل هالعمر بس خفايف و فطور و مشروبات شائعة شاي قهوة عصير. المهم، بس فيه نقطة مهمة مرة!؟ " علميها الطبخ فقط" بس عادي لو تطبخ بالشهر مرة أو مرتين لا أكثر( وجبات رئيسة) و بالأسبوع مرة مرتين ( فطور، خفايف)، +" مع تعزيز إيجابي " ضروري جدا بعد ما تخلص الطبخة مكافأة و تشجيع، و لا تنتقدين"شخصها: ما تعرفين، أنت مرجوجة" مهما بلغت الطبخة من سوء، انتقدي" الخطأ بالطبخة نفسه + بأسلوب لطيف: ملح زايد، دهن زايد، غير ناضج " ضروري جدا. علميها و لكن .. لا ؟ " تشغلينها طباخة" ! أبدا انتبهي .. هذا تعزير نفسي أنا عانيت منه شخصيا على الطبخ و شغل البيت - أبوي طيب مرة بس كبير بالسن من طبع القدامى الأولين، البنت 12 سنة متزوجة و أم عيال-، و يوم كبرت بغير عمري صرت أعيش أشياء طفولية ما عشتها، وجدا أثر على شخصيتي و نفسيتي بالمستقبل أحس مجروحة . مهما كانت هي طفلة متأخرة ما تحتاج للنمو السليم أكثر من " اللعب" و الحب و الرحمة و الحنان. هالشيء ينطبق أيضا على الطفل الذكر، بنفس القياس من ناحية مهام الرجال ما أعرفهن، مثل اللي يكرف ولده يهتم بأسرته مقاضي أو يعمل بالماشية أو الفلاحة أو محل تجاري إلخ، بل حتى استقبال الضيوف التوجيب مثل المجالس و الديوانيات عندنا البدو، حتى و هو كبير يصير الرجال يفز من الخوف يخاف واحد فضى فنجاله و ما ملاه أو شايب قال كلمة ما سمعها أو تصرف تصرف ما أعجبه و نقد عليه. ما أعمم إنما .. أعني بالذات نوعية الشيبان و اللي أسلوبهكم بالكلام حاد" النقادين: يا طباقة يا رخمة خبل منت رجال إلخ ". نفس العجز العجيز " النقادات: يا رفلا ، منتي مرة". ^ كل هالمواقف اللي يستبسطها و يستسهلها الكثير هي أساسيات " القلق و الخوف ، اهتزاز الثقة بالنفس" و السلبيات اللي تأثر على شخصية الإنسان، و يعاني منها و هو كبير.

و الله أعلم أشوف خامس أو سادس ابتدائي تطبخ "وجبات رئيسة"، قبل هالعمر بس خفايف و فطور و مشروبات...

أم عبووووود :

مثلا لما تسوي الفطائر خليهم يساعدوكي في التشكيل السلطه . يتبلوا الدجاجه . يساعدوكي في الكيك اتذكر صديقتي كنت أشوف بناتها وهم بصف سادس .. خامس يعجنوا ويسووا بيتزا وينظفوا البيت ... انا ابني عمره ست اخليه يساعدني يشكل معايا الفطاير .. يتبل الدجاجه .. يساعدني بالكيك مشاركه الطفل للأم أحس انه يحس بالمسؤوليه خواتي عودوا بناتهم ع الطبخ وشغل البيت وارتاحوا انتي بالبدايه تكون مشاركه ونظر شوي شوي اتدرجي بالمسؤولية خليهم مثلا يسووا شكشوكه يسلقوا مكرونه .. رز ... يسووا حلا بسيط بطاطس بالفرن

مثلا لما تسوي الفطائر خليهم يساعدوكي في التشكيل السلطه . يتبلوا الدجاجه . يساعدوكي في...