السلام عليكم....
سؤالين بس اذا صارحتيها شنو راح تستفيدين؟
وبصراحه يااختي انتي تصلين ولا لا؟
الصلاه تنهي عن الفحشاء والمنكر...
ويااخوات اتعضوا ذاك اليوم وحده مسجونه جايبينها بالجامعه وهي اصلا كانت تدرس بنفس الجامعه (وحده تدرس بالجامعه والله يجزاها خير اكتبت قصتها بمنتدى)
المهم تقول تعرفت على واحد وهي وحيدة امها وابوها وتكلمه وماخلا كلمه حلوه الا قالها
وبعدين طلعت معاه وصار زنى والعياذ بالله واحملت تقول امها وابوها ماتوا من حسرتهم عليها يوم دروا وكلمته وقالتله انه حامل وتخلى عنها واسجنوها طبعا والحين ولدها
عمره سنه ونص الله يغفرلها ويسامحها ويتوب عليها...وهو مامسكوه وتلقينه الحين متزوج ومتهني ولادرا عنها ولاعن ولده وهي تتعذب كل يوم الف مره لكن جزاؤه عند ربه...
اختي شنو راح تستفيدين من هالمكالمات اسألي نفسج!!!!!!
سبحان الله دائما فكري اذا جاك ملك الموت وانتي تكلمين شنو راح يكون مصيرك؟؟؟
والله ثم والله اعرف وحده كانت تكلم واحد وتزوجوا والله ماتم على عرسها كم شهر الامتهاوشه مع زوجها لقته يكلم وحده وقالها كيفي اكلم تخيلي وهي سكتت لانها عارفه شلون تزوجته
وشتسوي المسكينه وهي حامل...
الله يرزقج زوج تقي نقي خفي يحافظ عليج...
وصدقيني اغلب الشباب الي يكلمون وراهم هدف نجس والعياذ بالله واخرتها يرميها ويتزوج
وحده من قرايبه...
صح ولا لا؟؟؟؟؟؟؟؟؟
اتمنى انج تسمعي نصيحتي وتبطلين الشي هذا ولا تصارحين صديقتك لاني والله خايفه عليك
تجرك معاها..خافي على نفسج اخيتي وعلى دينك وعلى عرضك
وتخيلي لما تزوجين وانتي عندج ماضي ولاحول ولاقوة الابالله
اقبلي على الله بقلب صادق وراح يتوب عليج ان شاءالله ويرزقج الزوج الصالح الذي يغنيك عن الحرام..
اعذريني اذا كان كلامي مو مرتب لكن والله كتبته من باب الاخوه....
أخيتك فجر

هلا اختي فجر والله كلامج على قلبي مثل العسل لانه احسه طالع من قلبج والصج
مايزعل منه الا الخبال اما عن اسالتج (اذا صارحتيها شنو راح تستفيدين؟
وبصراحه يااختي انتي تصلين ولا لا؟)
انا الحمدلله اصلي وانا من زمان مريت بهذي التجربه وبعد ما طلعت منها الحمدلله
حلفت اني ما ارجع لطريق هذا المهم وفيت بحلفي لين السنه اللي فاتت شفت المحيطه
اللي جنبي كلها جذيه والكل الشي هذا عنده عادي بس والله العلم اني كنت مقتنعه من داخلي ان
هذا الشي ما تربينا عليه والحمدلله طلعت منها بفضل من الله وانا اخاف ارجع لطريق هذا بنات
مابي اخسر الثقه اللي عطونياها اهلي ومابي وضعي يصير مشكوك فيه ...
بالنسبه لسوالج عن الثاني عن رفيجتي شنو مستفيده اذا صارحتها انا اموت فيها وخايفه عليها وانا عارفه مستحيل اني اصارحها بسبت فرق العمر واجي انا اللي اضغر منها بحول10 سنين مستحيل تتقبل مني الشي هذا من قلب خايفه عليها وهذا قصدي اختي فــــــــجر شرايج

هلا اختي زين رديتي علي بسرعه كنت ناطرتج
يعني انتي تبين تصارحينها علشان تنصحينها؟؟؟
هذا اللي فهمته بس انا خايفه عليج انها تأثر عليج بكلامها...
اول شي لازم تصادقين بنات ملتزمات لمن تتمكنين من نفسج وانج قادره انج تنصحينها
وبعدين كلميها
وخلال الفتره هذي اهديها مثلا عطر مع كتيب حلو يتكلم عن ترك الذنوب
وراح تتقبله منج لانها واثقه انج ماتدرين
وخلي اخلاقج معاها زينه علشان تكسبينها ودايما اقري كتب وقوليلها
اناقريت الكتاب الفلاني وكان يتكلم عن كذا وكذا ومفيد حيل
وقوليلها مثلا تصدقين قريت قصه (مثل القصص اللي كتبتها لج فوق)
وقولي شرايج فيها
يعني تعاليلها باسلوب غير مباشر لمن ربي ييسرها وان شاءالله تتوب
ودزيلها مسجات دينيه
وانصحيها بترك الغناء هذا اول طريق للشر..
وربي معاج

مشكوره اختي جداويه نبهتيني (منه بفضل الله ورفيجتي )
والتصحيح بفضل الله ثم رفيجتي واللهم لاتاخذنا بما نسينا او اخطانا

اختي فجر انا بحاول اجرب كل اللي قلتيه وان شاء الله برد عليج
ومشكوره انج قاعده تنطريني ...